ᓗᒃ 2:48 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁸ ᐊᓂᔭᔪᐛ ᒪᒃ ᐅᓂᒋᐃᒂ ᑲ ᐛᐱᒥᑯᑦ ᒋ ᑯᔅᑯᐱᔪᐛ ᐊᓐᑕ ᐊ ᒥᔅᑲᑯᑦ᙮ ᐊᓂᔭ ᒪᒃ ᐅᑲᐎᔭ ᒋ ᐃᑎᑯᐤ, “ᓂᑯᓴ, ᒐᒂᓐ ᐛᒋ ᓇᔅᒡ ᐊᔨᒪᔨᑎᒥᐃᔭᒡ, ᔅᒋ ᒥᔅᑎ ᓇᓂᑐᐛᐱᒥᑎᓇᓐ ᒍᑕᐎᔾ ᐊ ᓂᓯᔭᒡ ?”

ᓗᒃ 2:48 ပူးပေါင်းရင်းမြစ်များ

ᒪᑎᔪᐤ 12:46

ᐊᔅᒄ ᒪᒂᒡ ᒋᓴᔅ ᒋ ᐃᔨᒪᐊᐤ ᐊᓂᔭ ᐃᔪᐛ, ᒂ ᐅᒋ ᑎᑯᓯᓂᔨᒋ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ᓂᐳᐅᔪᐛ ᐊ ᐎ ᐃᔨᒥᐃᑯᑦ᙮

ᓗᒃ 2:49

ᐊᑯ ᒋᓴᔅ ᒂ ᐃᑕᑦ, “ᒐᒂᓐ ᐛᒋ ᓇᓂᑐᐛᐱᒥᔭᒄ ? ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊ ᐃᑕᔨᑕᑯᓯᔭᓐ ᒐᒋ ᐃᑐᑎᒧᒡ ᓄᑕᐎᔾ ᐅᑦ ᐊᑐᔅᒐᐅᓐ ?”

ᓗᒃ 3:23

ᒋᓴᔅ ᒪᒃ ᓴᓯᑲᓐ ᒋ ᓂᔅᑐᔪᐛᐳᓇᓱᐤ ᐃᔅᐱ ᑲ ᒋᒋᐱᔨᑦ ᑕᓐ ᑲ ᐎ ᐃᑕᐱᒋᐃᑯᑦ ᒋᓴᒪᓂᑐᐛ᙮ ᒋ ᐃᑕᔨᒥᑯᐤ ᒪᒃ ᐊᐛᔪᐛ ᐊᐅᑯᓐ ᐊᓂᔭ ᑎᐱᔨᐛ ᐅᑕᐎᔭ ᐊᓂᔭ ᒍᓯᐸ᙮ ᐅ ᒪᒃ ᒍᓯᑉ, ᐃᓚᐃ ᒋ ᐃᓯᓂᐧᑲᓱᔪᐛ ᐅᑕᐎᔭ᙮

ᓗᒃ 4:22

ᒥᓯᐛ ᐊᐛᓐᒋ ᒋ ᒥᔪᑎᒧᒡ ᑕᓐ ᑲ ᐃᓯ ᐃᔨᒥᔨᒋ ᒋᓴᓴ᙮ ᐊᑯ ᒋ ᒥᔅᑲᑕᔨᑎᒧᒡ ᐊ ᐃᔅᐱᔅ ᑭᔅᒋᐅᑕᑯᓯᔨᒋ, ᐊᑯ ᒂ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”

ᒠᓐ 1:45

ᐱᓕᑉ ᒪᒃ ᒋ ᓇᓂᑐᐛᐱᒪᐤ ᓇᑕᓂᔭᓚ ᐊᑯ ᒂ ᐃᑕᑦ ᐃᔅᐱ ᑲ ᒥᔅᑯᐛᑦ, “ᓂᒋ ᒥᔅᑯᐛᓇᓐ ᐊᓂᔭ ᒧᓱᔅ ᑲ ᐊᔨᒧᒪᑦ ᐊᓐᑕ ᐎᓱᐛᐅᓂᒡ, ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑲ ᐊᔨᒧᒪᒡ᙮ ᐊᐅᒄ ᒋᓴᔅ, ᒍᓯᑉ ᐅᑯᓴ, ᐊᓐᑕ ᓇᓴᕆᑎᒡ ᑲ ᐅᒋᑦ᙮”