ᓗᒃ 2:36 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁶ ᒋ ᑕᐤ ᐊᓐᑕ ᐊᔭᒥᐊᐅᒋᐛᐱᒡ ᒋᓴᐃᔎᐤ ᐊᓇ ᐊ ᐃᓯᓂᐧᑲᓱᑦ ᐊᒋ ᐅᒋᔅᒋᐛᐃᒐᓱᐅᑦ᙮ ᐸᓄᐃᓪ ᒋ ᐃᓯᓂᐧᑲᓱᔪᐛ ᐅᑕᐎᔭ, ᐊᓱᕐ ᑲ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋᔨᒋ᙮ ᓴᔅ ᒪᒃ ᓇᔅᒡ ᒋ ᒋᓴᐃᔎᐅᐤ ᐊᓇ᙮ ᔭᓇᐤ ᑕᑐᔪᐤ ᐊᓱ ᓇᐤ ᒋ ᐃᑕᑐᐳᓇᓱᐤ᙮ ᒥᒄ ᓂᔄᐅᑕᒡ ᑕᑐᐤ ᐱᐳᓇ ᒋ ᐎᒋᒥᑐᐎᒐᓂᒋ ᐅᓇᐸᒪ, ᐊᑯ ᑲ ᐳᓂᐱᒪᑎᓯᔨᒋ᙮ ᓇᒪ ᒪᒃ ᒥᓐ ᐅᒋ ᐅᓇᐸᒧᐤ᙮

ᓗᒃ 2:36 ပူးပေါင်းရင်းမြစ်များ

ᒐᓂᓯᔅ 30:13

ᐊᓱᕐ ᒂ ᐃᓯᓂᐧᑲᑕᑦ ᐊᐛᓴ ᓕᐊ᙮ “ᒥᔽᔨᑎᒻ” ᐊ ᐃᑥᒥᑲᒡ᙮ ᒂ ᐃᔅᒋᔄᑦ, “ᒋᒋᐛ ᓂ ᒥᔽᔨᑕᓐ᙮ ᑯᑎᑭᒡ ᐃᔎᐅᒡ ᒋᑭ ᑎᐸᒋᒧᐅᒡ ᐊᔅᐱᔅ ᒥᔽᔨᑎᒧᒡ᙮”

ᑎᐱᑦ ᐅᓂᑭᒧᐅᓇ 92:14

ᐃᔭᐱᒡ ᒋᑭ ᒥᓂᓱᐅᒡ ᐊ ᒋᓴᐃᔪᐅᒡ; ᒋᑭ ᐎᔨᔪᐅᒡ ᑭᔭ ᒋᑭ ᒥᔪ ᓂᑕᐅᒋᐅᒡ;

ᐊᒃᓱᑕᔅ 15:20

ᐊᑯ ᒥᕆᔭᒻ, ᐊᕋᓐ ᐅᒥᓴ ᐊᓐ ᑲ ᐅᒋᔅᒋᐛᐃᒐᓯᐅᔎᐅᑦ ᒂ ᐅᑎᓇᑦ ᑕᐛᐃᑭᓂᓴ, ᒂ ᓇᓴᐅᑯᑦ ᑯᑎᑲ ᐃᔎᐛ ᐊ ᑕᐧᑯᓇᔨᒋ ᑕᐛᐃᑭᓂᓴ᙮

ᓗᒃ 2:35

ᐊᑯᑕ ᒪᒃ ᒐ ᓄᑯᓂᔨᒡ ᑕᓐ ᐊᓐ ᐊ ᐃᓯᓇᑯᓂᔨᒋ ᐅᑕᑈᑎᒧᐅᓄᐛᐛ ᐊᐛᓐᒋ᙮ ᐊᑯ ᒪᒃ ᒋᔾ ᒪᕆ, ᒥᔅᑎ ᒋᑭ ᒥᓯᒪᔨᑎᒥᐃᑯᓐ ᒐ ᐃᑐᑐᐛᑭᓄᐅᑦ, ᒧᔭᒻ ᒧᐧᑯᒪᓐ ᐊ ᑕᐧᑲᒥᑯᔨᓐ ᒋᑦ ᐊᒐᐧᑯᒡ ᒋᑭ ᐃᑎᒪᒋᐅᓐ᙮”

ᓗᒃ 2:38

ᒪᒂᒡ ᒪᒃ ᐊᓐᑕ ᐊ ᑕᔨᒋ ᒋᓴᓴ ᐅᓂᒋᐃᑯᔪᐛ ᒋ ᐅᒋ ᐱᒐᐤ ᐅ ᒋᓴᐃᔎᔅ᙮ ᒋ ᓂᓇᔅᑯᒪᐤ ᒋᓴᒪᓂᑐᐛ ᐃᔅᐱ ᐎᔭᐱᒪᑦ ᐊᓂᔭ ᐊᐛᓴ᙮ ᐊᑯ ᒂ ᐊᔨᒧᑎᒧᐛᑦ ᐊᓂᔭ ᐊᐛᓴ ᐊᓂᔭᔪᐛ ᐃᔪᐛ ᐊᓐᑕ ᒋᕈᓯᓕᒥᒡ ᑲ ᑕᔨᒋ, ᐊᓂᔭ ᑲ ᐊᓱᐛᐱᒪᔨᒋ ᐅᐱᒪᒋᐃᐛᐤ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮

ᐊᑈᔅᑕᓇᒡ 2:18

ᑭᔭ ᑕᐱᔅᑯᓐ ᓂᑯᐸᓇᒥᒡ ᑭᔭ ᓂᑯᐸᓇᔎᒥᒡ ᓂᑭ ᒥᔭᐅᒡ ᓂᑦ ᐊᒐᒂ ᐊᓂᔭᔪᐤ ᐊ ᒋᓯᑲᔨᒡ, ᐊᑯ ᒐ ᒋᔅᒋᐛᐃᒐᒡ᙮

ᐊᑈᔅᑕᓇᒡ 21:9

ᒋ ᓇᐎᔪᐛ ᐅᑕᓂᓴ ᐊᔅᒄ ᐊᑲ ᓂᐳᔨᒋ ᑭᔭ ᒋ ᐅᒋᔅᒋᐛᐃᒐᔪᐛ᙮

1 ᑯᕆᓐᑎᔭᓇ 11:5

ᐊᑯ ᒪᒃ ᐃᔎᐤ ᓴᒂᔨᒺᐊᒐ ᐅᓇᐸᒪ ᒧᓴᔅᑎᒂᓇᒐ ᒪᒂᒡ ᐊ ᐊᔭᒥᐊᑦ ᒪᒃ ᒪᒂᒡ ᒥᔨᑯᒐ ᑲ ᐸᔭᒋᓯᔨᒋ ᐊᒐᒂ ᒐᒋ ᐎᑎᒧᐛᑦ ᐃᔪᐛ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒋᓴᒪᓂᑐᐛ ᒐᒋ ᒋᔅᒐᔨᑎᒥᔨᒋ᙮ ᐛᔅ ᒧᔭᒻ ᐊᒋ ᒧᓱᐛᔅᑎᒂᓇᐊᒪᑦ ᐅᔅᑎᒂᓐ ᐃᓯᓇᑯᓱᐤ ᐊᓂᔭ ᐊ ᒧᓴᔅᑎᒂᓇᑦ᙮

1 ᑯᕆᓐᑎᔭᓇ 12:1

ᓂᐧᑲᓂᓯᑐᒄ, ᐅ ᒐ ᐃᓯ ᐊᔨᒧᑎᒪᓐ, ᓇᔅᒡ ᑕᑈ ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ᙮ ᐊᔪᑯᓂ ᐅᔭ ᒥᔨᐛᐅᓇ ᐸᔭᒋ ᐊᒐᐧᒄ ᑲ ᒥᔨᐛᑦ᙮

1 ᑎᒧᑎ 3:2

ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮

1 ᑎᒧᑎ 5:9

ᓇᒪ ᒋᐸ ᐅᒋ ᒥᓯᓇᐛᑭᓄᐤ ᐃᔎᐤ ᑲ ᐸᐃᑯᓯᑦ ᐊᓐᑕ ᐊᔭᒥᐊᐅᒋᐛᐱᒡ ᒐᒋ ᐅᒋ ᐎᒋᐊᑭᓄᐅᑦ ᐸᑐᔅ ᐊᓱᑕᒡ ᑕᑐᔪᐛᐳᓇᓯᒐ᙮ ᑭᔭ ᓇᒪ ᒋᐸ ᐅᒋ ᐎᒋᐊᑭᓄᐤ ᐅᔅᑕ ᐸᐃᒂᐤ ᑲ ᓂᐳᐅᒂ᙮

ᒋᔅᒐᔨᑕᑯᑕᒐᐅᓐ 7:6

ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᐊᓱᕋ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓇᑉᑕᓕᔨᒋ ᐊ ᑕᔨᒋ ᑲ ᐅᑎᑎᐸᒋᓯᒡ᙮ ᓂᓱᓴᑈᐤ ᒐᓯᐱᔪᐤ ᒋ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᒪᓇᓴᔨᒋ ᐊ ᑕᔨᒋ ᑲ ᐅᑎᑎᐸᒋᓯᒡ᙮