ᓗᒃ 19:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᐊᐅᒄ ᒪᒃ ᐅᔭ ᑲ ᐃᔅᒋᔄᒡ ᐊ ᒪᒥᒋᒪᒡ ᒋᓴᒪᓂᑐᐛ, “ᓱᐛᔨᑕᑯᓱᐤ ᐅ ᒋᓴᐅᒋᒪᐤ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ, ᒐᒋ ᐃᑐᑕᐧᒃ ᐊᓂᔭ ᑲ ᐃᑎᓱᒪᑭᓄᐅᑦ᙮ ᑎᑯᓐ ᒋᔭᒪᔨᑎᒧᐅᓐ ᒋᒋᒋᓯᑯᒡ᙮ ᑭᔭ ᒋᑭ ᒪᒥᒋᒪᑭᓄᐤ ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᑦ᙮”

ᓗᒃ 19:38 ပူးပေါင်းရင်းမြစ်များ

ᒪᑎᔪᐤ 2:2

ᐊᑯ ᑲ ᓇᓂᑐᐤ ᑯᒂᒋᒐᒧᒡ ᐊ ᐃᔅᒋᔄᒡ, “ᑕᓐᑕ ᐊ ᑕᑦ ᐊᓐ ᐊᐛᔅ ᑲ ᐃᔪᐅᑦ ᐊᓂᔭᔪᐛ ᒍᐤ ᐃᔪᒡ ᒐ ᐅᒋᓴᐅᒋᒪᒥᒡ ? ᐛᔅ ᐊᓐ ᓂᒋ ᐛᐱᒪᓇᓐ ᐅᑦ ᐅᒐᑭᑕᐧᑯᒪ ᐊᓐᑕ ᐛᐱᓄᑕᒡ᙮ ᐊᐅᒄ ᒪᒃ ᐊᓂᔭ ᒋᐸ ᓄᑯᓯᔪᐛ ᐃᔅᐱ ᐃᔪᒐ᙮ ᐊᑯ ᑲ ᐸᒋ ᑎᑯᓯᓂᔭᒡ ᒐᒋ ᐸᒋ ᐊᔭᒥᐊᔅᑐᐅᒋᒡ᙮”

ᒪᑎᔪᐤ 21:9

ᐊᓐᒡ ᒪᒃ ᐃᔪᒡ ᐊᓐᑕ ᓂᑲᓄᒡ ᑲ ᐱᒧᑕᒡ ᐊᓂᔭ ᒋᓴᓴ ᐊ ᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐱᒧᑕᐛᒡ ᒋ ᒋᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᒋᔄᐛᒡ ᐊ ᐃᔅᒋᔄᒡ, “ᒋᔅᑕᔨᑕᑯᐊᒄ ᐊᓐ ᑲ ᐅᑯᓯᑐᑕᑯᑦ ᑎᐱᑕ, ᓱᐛᔨᑕᑯᓱᐤ ᐅ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ᙮ ᒪᒥᒋᒪᑕᐤ ᒋᓴᒪᓂᑐᐤ ᐎᔾ ᓇᔅᒡ ᐊ ᒋᔅᑕᔨᑕᑯᓯᑦ᙮”

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᓗᒃ 13:35

ᒋᑭ ᓂᑭᑎᒪᑯᓇᐛᐤ ᒋᒋᐛᐛ ᓇᔅᒡ ᐊ ᓂᓱᐅᓇᑎᔨᒋ᙮ ᒋ ᐎᑎᒪᑎᓇᐛᐤ ᓇᒪ ᒋᑭ ᐅᒋ ᐛᐱᒥᓇᐛᐤ ᐸᑐᔅ ᐅᑎᒋᐱᔨᒐ ᒐᒋ ᐃᔅᒋᔄᔭᒄ, ᓱᐛᔨᑕᑯᓱᐤ ᐊᓐ ᑲ ᐸᒋ ᐃᑐᑕᑦ ᐅᑎᐸᔨᒋᒐᐛ ᐅᑦ ᐃᓯᓂᐧᑲᓱᓂᔨᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:1

ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᐃᐱᓯᔭᓇ 1:12

ᒋᔭᓄᐤ ᒪᒃ ᓂᔅᑎᒻ ᑲ ᐊᔅᐸᔨᒧᑐᑐᐛᐧᒄ ᙭, ᒪᒥᒋᒪᑕᐤ ᒋᓴᒪᓂᑐᐤ ᐊ ᒋᔅᑕᔨᑕᑯᓯᑦ᙮

ᐃᐱᓯᔭᓇ 1:6

ᐃᑕᔨᑕᑯᓂᔪᐤ ᒪᒃ ᒐᒋ ᒪᒥᒋᒪᑭᓄᐅᑦ ᐊ ᒋᔅᑕᔨᑕᑯᓂᔨᒡ ᑕᓐ ᐊᔅᐱᔅ ᓱᐛᔨᒥᑕᐧᒄ᙮ ᒪᒥᒋᒪᑕᐤ ᓴᒐᔾ ᐊᒋ ᒥᔨᑕᐧᒄ ᐅᑯᓴ ᓇᔅᒡ ᑲ ᓴᒋᐊᑦ᙮

ᐃᐱᓯᔭᓇ 3:10

ᐊᓄᒡ ᒪᒃ ᐊᑯ ᒐᔅᒐᔨᑕᑯᑕᑦ ᒋᓴᒪᓂᑐᐤ ᑕᓐ ᑲ ᐎ ᐃᑐᑕᐧᒃ, ᐊᔪᐅᒄ ᐅᔭ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᒐᒋ ᐅᒋ ᒋᔅᒐᔨᑎᒥᐊᑦ ᐊᓂᔭ ᑲ ᑎᐸᔨᒋᒐᔨᒋ ᑭᔭ ᑲ ᓱᒐᔨᑕᑯᓯᔨᒋ ᐃᔅᐱᒥᒡ ᐊ ᑕᔨᒋ ᑕᓐ ᐊ ᐃᓯ ᓂᓇᐧᑯᐤ ᐃᑕᔨᑕᑯᓂᔨᒡ ᐅᑭᒐᑕᐛᔨᑎᒧᐅᓐ᙮

ᐃᐱᓯᔭᓇ 3:21

ᐎᔾ ᒋᓴᒪᓂᑐᐤ ᑲᒋᒡ ᒋᑭ ᒋᔅᑕᔨᑕᑯᐊᑭᓄᐤ ᒪᒂᒡ ᐅᒪᒧᐊᔭᒥᐊᐛ ᐊ ᑕᔨᒋ ᒋᓴᔅ ᙭ᑕ ᐅᒡ᙮ ᐊᒥᓐ᙮

ᑯᓚᓯᔭᓇ 1:20

ᑭᔭ ᒋ ᐃᑕᔨᑎᒻ ᐊᓂᔭ ᐅᑯᓴ ᐅᒋ ᒐᒋ ᐃᑐᑕᐧᒃ ᑲᐤ ᐎᔾ ᐊ ᑕᑦ ᒐᒋ ᑎᑯᓂᔨᒋ ᒥᓯᐛ ᒐᒂᔪᐛ ᑭᔭ ᑲᐤ ᐎᔾ ᐊ ᑕᑦ ᒐᒋ ᑕᔨᒋ ᒥᓯᐛ ᐊᐛᔪᐛ, ᐛᔅ ᒥᓯᐛ ᒐᒂᓐ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ ᒋ ᑎᐸᓂᐃᓱᒥᑭᓐ ᒋᓴᒪᓂᑐᐤ ᐅᒋ ᐊ ᑕᑦ᙮ ᐊᓂᔭ ᒪᒃ ᐊᒋ ᐱᔅᑎᓂᓱᔨᒋ ᐅᑯᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᐊᑯᑕ ᑲ ᐅᒋ ᐃᑐᑕᐧᒃ ᒋᓴᒪᓂᑐᐤ ᑲᐤ ᒐᒋ ᒥᔪ ᐎᒐᐅᑐᓇᓄᐎᒡ ᐎᔾ ᐃᔅ ᐊ ᑕᑦ, ᑲᐤ ᐎᔾ ᐊ ᑕᑦ ᒐᒋ ᑎᑯᓂᔨᒡ ᒥᓯᐛ ᒐᒂᔪᐤ ᑭᔭ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ᙮

1 ᑎᒧᑎ 1:17

ᐊᑯ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ ᑭᔭ ᐎᔾ ᓇᔅᒡ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓐ ᑲᒋᒡ ᑲ ᒋᓴᐅᒋᒪᐅᑦ, ᐊᓐ ᒐ ᐊᑲ ᓂᑕ ᓂᐱᑦ, ᐊᑲ ᓄᑯᓯᑦ ᑭᔭ ᐊᓐ ᒥᒄ ᐱᔭᐃᑯᓯᑦ ᒋᓴᒪᓂᑐᐤ᙮ ᐊᒥᓐ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮