ᓗᒃ 19:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᐃᔅᐱ ᒪᒃ ᐱᔭᓱᐛᐸᑕᐧᒃ ᒋᕈᓯᓕᒥᔪᐤ ᒋᓴᔅ, ᐊ ᐊᑎ ᓂᑎᒋᐛᒡ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ᐃᓯᓂᐧᑲᑕᔨᒡ ᒪᔅᑭᓇᒡ ᐊ ᐱᒧᑕᒡ, ᒥᓯᐛ ᐊᓂᔭ ᐊᐛᔪᐛ ᑲ ᓇᓴᐅᑯᑦ ᒋ ᐅᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᒋᔄᐛᒡ ᑭᔭ ᐊ ᒧᒋᒐᔨᑎᒥᐃᑯᒡ ᒥᓯᐛ ᐊᓂᔭ ᑕᓐ ᑲ ᐃᓯ ᐛᐸᑕᒡ ᒋᓴᓴ ᐊ ᒪᒥᔅᑲᒡ ᐃᑎᔨᒋ᙮

ᓗᒃ 19:37 ပူးပေါင်းရင်းမြစ်များ

ᒪᑎᔪᐤ 21:1

ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐᑕ ᒋᕈᓯᓕᒥᒡ ᒋ ᐎ ᐃᑐᑕᐅᒡ᙮ ᐃᔅᐱ ᐊ ᐊᑎ ᐸᓱᐛᐸᑕᒡ ᒋ ᐅᑎᑎᒧᒡ ᐊᓂᔭ ᐅᑕᓇᔪᐤ ᐸᑦᐸᐃᒡ ᑲ ᐃᓯᓂᐧᑲᑕᔨᒡ᙮ ᐊᓐᑕ ᐱᔅᑯᑎᓇᐤ ᐊᓕᐱᔅ ᑲ ᐃᓯᓂᐧᑲᑕᒡ ᐊᑯᑕ ᐊ ᑎᒂᒡ ᐅ ᐅᑕᓇᐤ᙮ ᐊᑯᑕ ᒪᒃ ᐅᑕ ᒋᓴᔅ ᑲ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:3

ᒪᒂᒡ ᒪᒃ ᐊ ᐊᐱᑦ ᐊᓐᑕ ᐊᓕᐱᔅ ᐱᔅᑯᑎᓇᒡ ᑎᐱᔅᑯᒡ ᐊᓐᑕ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᑲ ᑎᑯᓂᔨᒡ, ᒋ ᓇᑎᑯᐤ ᐱᑕᕋ, ᒋᒥᓴ, ᒠᓇ ᑭᔭ ᐊᓐᑎᕈᐊ ᒐᒋ ᑯᒂᒋᒥᑯᑦ ᒪᒂᒡ ᒥᒄ ᐎᔨᐛᐤ ᐊ ᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:26

ᐃᔅᐱ ᒪᒃ ᑲᒋ ᓂᑭᒧᒡ ᐊᔭᒥᐊᐅ-ᓂᑭᒧᐅᓂᔪᐤ, ᐊᑯ ᐊᓐᑕ ᐊᓕᐱᔅ ᐱᔅᑯᑎᓇᔪᐤ ᑲ ᐃᓯᓂᐧᑲᑕᔨᒡ ᐊ ᑐᑕᒡ᙮

ᓗᒃ 18:43

ᑎᐛᒡ ᒪᒃ ᓇᔅᒡ ᒋ ᐛᐸᑎᒻ, ᒂ ᐊᑎ ᓇᓴᐛᑦ ᒋᓴᔅ ᐊ ᒪᒥᒋᒪᑦ ᒋᓴᒪᓂᑐᐛ᙮ ᐃᔅᐱ ᒪᒃ ᒥᓯᐛ ᐊᐛᓐ ᐎᔭᐸᑕᐧᒃ ᐅᔭ ᐊ ᐃᔅᐱᔨᒡ, ᑭᔭ ᐎᔨᐛᐤ ᒋ ᒪᒥᒋᒪᐅᒡ ᒋᓴᒪᓂᑐᐛ᙮

ᓗᒃ 19:20

“ᐊᑯ ᒥᓐ ᑯᑎᒃ ᐊᐱᒋᐊᑭᓐ ᒂ ᑎᑯᓯᐧᒃ ᐊᑯ ᒂ ᐃᔅᒋᔄᑦ, ‘ᒪᐅ ᒋᓱᓇᔭᐱᔅᑯᒻ, ᓂᒋ ᒪᑯᐱᑕᐤ ᐱᒍᐎᔭᓂᒡ᙮

ᓗᒃ 19:29

ᐃᔅᐱ ᒪᒃ ᐱᔭᓱᐛᐸᑕᒡ ᐊᓂᔭᔪᐛ ᐅᑕᓇᐛ ᐸᑦᐸᐃᒡ ᑭᔭ ᐸᑕᓂ ᑲ ᐃᓯᓂᐧᑲᑕᔨᒋ ᐊᓐᑕ ᐱᔅᑯᑎᓇᔪᐤ ᐊᓕᐱᔅ ᑲ ᐃᓯᓂᐧᑲᑕᔨᒡ ᑲ ᑎᑯᓂᔨᒡ ᐊᑯ ᑲ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ,

ᓗᒃ 19:36

ᐃᔅᐱ ᒪᒃ ᐸᒧᑕᐃᑯᑦ ᒋᓴᔅ ᑭᔭ ᐊᓂᔭ ᐅᐧᑲᓂᓴ ᒋ ᓴᑥᑭᔅᑕᐅᒡ ᐊᓐᒡ ᐃᔪᒡ ᐅᑦ ᐊᑯᐳᐛᐛ ᐊᓐᑕ ᒐ ᐱᒧᑕᐃᑯᔨᒋ ᒋᓴᓴ ᐊᓂᔭ ᐅᐧᑲᓂᓴ᙮

ᓗᒃ 7:16

ᒥᓯᐛ ᒪᒃ ᐊᓐᑕ ᑲ ᑎᓯᒡ ᐊᐛᓐᒋ ᒋ ᓴᒋᓱᐅᒡ ᐊᑯ ᒂ ᒋᔅᑕᒋᒪᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᔅᒋ ᐅᑎᑎᑯᓄᐤ ᐊ ᒋᔅᑕᔨᑕᑯᓯᑦ ᐅᒋᔅᒋᐛᐃᒐᓱᐤ᙮ ᑭᔭ ᒋ ᐃᔅᒋᔄᐅᒡ, ᒋᓴᒪᓂᑐᐤ ᐸᒋ ᐎᒋᐊᐤ ᐅᑦ ᐃᔨᒪ᙮”

ᒠᓐ 12:18

ᐊᐅᒄ ᒪᒃ ᐊᓂᔭ ᐛᒋ ᓂᒋᐊᒡ ᒋᓴᓴ ᒥᒐᑦ ᐊᐛᓐᒋ ᐃᔅᐱ ᑕᑯᓯᓂᔨᒋ ᐊᓐᑕ ᒋᕈᓯᓕᒥᒡ, ᐊᓂᔭ ᐊᒋ ᐸᑕᒡ ᑕᓐ ᑲ ᐃᓯ ᒪᒥᔅᑲᒡ ᑎᔨᒋ᙮