ᓗᒃ 19:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐃᔅᐱ ᒪᒃ ᒋᓴᔅ ᑲᒋ ᑎᐸᒋᒧᑦ, ᐊᑯ ᒋᕈᓯᓕᒥᒡ ᒂ ᐃᑐᑕᒡ, ᐊ ᐊᑎ ᓂᑲᓄᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᑕᔨᒋ᙮

ᓗᒃ 19:28 ပူးပေါင်းရင်းမြစ်များ

ᓗᒃ 10:30

ᒋᓴᔅ ᒪᒃ ᒋ ᓂᑐᐛᔨᒪᐤ ᒐᒋ ᓂᔅᑐᑎᒥᔨᒋ ᐊᑯ ᒂ ᐎᑎᒧᐛᑦ ᑎᐸᒋᒧᐅᓂᔪᐤ᙮ “ᐸᐃᒂᐤ ᓇᐸᐤ ᒋᕈᓯᓕᒥᒡ ᐊ ᐅᒋᑦ ᐊᓐᑕ ᒐᕆᑯᐎᒡ ᒋ ᐎ ᐃᑐᑕᐤ᙮ ᒪᒂᒡ ᒪᒃ ᐊᓂᔭ ᐊ ᐱᒧᑕᑦ ᒋ ᓇᒋᒂᔅᑯᑕᑯᐤ ᑲᓂᑕᐅᒋᒧᑎᔨᒋ ᐊᑯ ᒂ ᒪᓯᐧᑲᑯᑦ, ᒂ ᐅᑎᓂᒥᔨᒋ ᒥᓯᐛ ᐅᑦ ᐊᐱᒋᑕᐅᓇ᙮ ᒋ ᓂᑭᑎᑯᐤ ᒪᒃ ᐊᓐᑕ ᒪᔅᑭᓇᒡ ᐊ ᒥᔄᑭᓄᐅᑦ᙮

ᓗᒃ 12:50

ᐛᔅ ᓇᔅᒡ ᑕᑈ ᒋᑭ ᐊᔨᒥᓐ ᒐᒂᓐ ᒐ ᐃᓯ ᓂᒋᔅᑭᒪᓐ ᐊᔪᐛᒡ ᒪᒃ ᓂ ᒥᑯᔅᑲᑕᔨᑕᓐ ᑭᒪ ᓴᔅ ᐅᑎᒋᐱᔨᒡ ᐊ ᐃᑕᔨᑎᒪᓐ᙮

ᓗᒃ 18:31

ᐊᑯ ᒋᓴᔅ ᒂ ᔅᑐᑕᐊᑦ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᐊᓐᑕ ᑎᐸᓐ ᒐᒋ ᐃᑕᒡ, ᐊᑯ ᒂ ᐃᑕᑦ, “ᒋᕈᓯᓕᒥᒡ ᒋᑭ ᐃᑐᑕᓇᓄᐤ᙮ ᐊᑯᑕ ᐊᓐᑕ ᒥᓯᐛ ᒐ ᑎᐱᐱᔨᒡ ᐊᓂᔭ ᑲ ᐃᑕᔨᒪᑭᓄᐅᑦ ᒐ ᐃᔅᐱᔨᑦ ᐃᔪᐤ ᐅᑯᓯᓴᓐ ᐊᓂᔭ ᑕᓐ ᑲ ᐃᓯ ᒥᓯᓇᐊᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮

ᓗᒃ 9:51

ᐊᔭᔅᒃ ᒪᒃ ᒋ ᐊᑎ ᐸᓱᓇᑯᓂᔪᐤ ᒋᓴᔅ ᒋᒋᒋᓯᑯᒡ ᒐ ᐃᓯ ᐅᑎᓇᑭᓄᐅᑦ ᐊᑯ ᓇᔅᒡ ᑲ ᐃᑕᔨᑎᒥᐃᑯᑦ ᔭᐃᑕᔾ ᒐᒋ ᐃᑐᑕᑦ ᒋᕈᓯᓕᒥᒡ᙮ ᐊᑯ ᒪᒃ ᒂ ᔅᑐᑕᑦ᙮

ᒠᓐ 18:11

ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐱᑕᕋ, “ᓇᐅᔅᑕ ᐊᓐ ᒋᓂᑐᐱᔪᐅ-ᒧᐧᑯᒪᓐ ! ᒋᑦ ᐃᑕᔨᑕᓐ ᐊ ᒐ ᐊᑲ ᐅᒋ ᓴᐳᔅᑭᒪᓐ ᐅ ᐎᓯᒐᔨᑕᒧᐅᓐ ᓄᑕᐎᔾ ᑲ ᐸᒋ ᒥᔨᑦ ?”

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

1 ᐱᑕᕐ 4:1

᙭ ᒪᒃ ᐊᒋ ᐛᐎᓯᒐᔨᑕᐧᒃ ᐎᔭᓱᐅᓂᒡ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᑦ ᑭᔭ ᒋᔨᐛᐤ ᐊᑯᓐ ᒋᐸ ᐃᓯ ᒪᒥᑐᓇᔨᑎᒥᐃᑯᓇᐛᐤ ᒐᒋ ᐃᓯ ᐊᔭᔅᑯᐎᔅᑎᒪᒄ, ᐛᔅ ᐊᓐ ᐊᐛᓐ ᑲ ᐛᐎᓯᒐᔨᑎᒥᐊᑭᓄᐅᑦ ᐎᔭᓱᐅᓂᒡ ᐳᓂᑕᐤ ᒥᒐᑎᓯᐅᓂᔪᐤ᙮