ᓗᒃ 17:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᓇᒪ ᐊᐛᓐ ᒋᑭ ᒋ ᐃᔅᒋᔄᐤ, ᐸᒋ ᑭᓄᐛᐸᑕ ᒪ᙮ ᒪᐅᑕ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊ ᑎᑯᓂᔨᒡ᙮ ᐛᔅ ᒋᓴᒪᓂᑐᐤ ᐅᒋᓴᐅᒋᒪᐅᓐ ᓴᔅ ᑎᑯᓂᔪᐤ ᐅᑕ ᒪᒂᒡ ᐊ ᑕᔭᒄ᙮”

ᓗᒃ 17:21 ပူးပေါင်းရင်းမြစ်များ

ᒪᑎᔪᐤ 12:28

ᓇᒪᔭᐤ ᐸᐃᓪᓯᐳᓪ ᐅᑦ ᐊᒐᒂ ᑲ ᐸᒋ ᒥᔨᑦ ᑭᔅᒋᐅᓂᔪᐤ ᒐᒋ ᐎᐎᑎᓴᐅᒥᒋ ᒥᒋ ᐊᒐᒂ, ᒋᓴᒪᓂᑐᐤ ᐅᑦ ᐊᒐᒂ ᐊᐅᒄ ᑲ ᐸᒋ ᒥᔨᑦ ᑭᔅᒋᐅᓂᔪᐤ ᐅᔭ ᒐᒋ ᐃᑐᑎᒧᒡ᙮ ᐊᑯᑕ ᒪᒃ ᐛᒋ ᐛᐸᑎᔨᑯᐅᔭᒄ ᑕᑈ ᒋᓴᒪᓂᑐᐤ ᐅᒋᓴᐅᒋᒪᐅᓐ ᓴᔅ ᓇᔅᒡ ᐊ ᐅᑎᑕᐅᑯᐛᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:21

“ᑭᔭ ᐃᑎᑕᒂ ᐊᐛᓐ, ‘ᐃᑕᐱᒄ ᒪ, ᐊᐅᒄ ᐛᔅ ᐅ ᙭,’ ᒪᒃ ᐃᑎᑯᐅᔭᒂ, ‘ᒪᓇ ᙭,’ ᐊᑲᐎᔾ ᒋᑭ ᐅᒋ ᑕᑈᑕᓇᐛᐤ᙮

ᓗᒃ 17:23

ᒋᑭ ᑕᐅᒡ ᒪᒃ ᐊᐛᓐᒋ ᒐ ᐃᑎᑕᑯᒡ, ‘ᒪᐅᑦ ᐊ ᑕᑦ ᐃᔪᐤ ᐅᑯᓯᓴᓐ,’ ᒪᒃ, ‘ᒪ ᓇᑕ ᐊ ᑕᑦ ᐃᔪᐤ ᐅᑯᓯᓴᓐ᙮’ ᒥᒄ ᒪᒃ ᐊᑲᐎᔾ ᒋᑭ ᐅᒋ ᓇᓂᑐᐛᐱᒥᓇᐛᐤ ᐊᓐᑕ᙮

ᓗᒃ 21:8

ᒋᓴᔅ ᒪᒃ ᒋ ᐃᑕᐤ, “ᐃᔭᒂᒥᒄ ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮ ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ᐊᐅᒄ ᓂᔾ ᙭᙮ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮ ᑭᔭ ᒋᑭ ᐃᔅᒋᔄᐅᒡ, ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᐊᑲᐎᔾ ᒪᒃ ᒋᑭ ᐅᒋ ᓇᓴᐛᐛᐅᒡ ᐅᒡ᙮

ᒠᓐ 1:26

ᐊᑯ ᒠᓐ ᒂ ᐃᑕᑦ, “ᒋ ᓯᑲᐃᑕᑎᓇᐛᐤ ᓂᐱᒡ, ᒋ ᐎᒋᑲᐳᔅᑕᑯᐛᐤ ᒪᒃ ᐊᓐᑕ ᐊᐛᓐ ᐊᑲ ᒋᔅᒐᔨᒪᒄ᙮

ᒠᓐ 18:36

ᐊᑯ ᒋᓴᔅ ᒂ ᐃᔅᒋᔄᑦ, “ᓇᒪ ᐅᑕ ᐊᔅᒋᒡ ᐅᒋᐱᔪᐤ ᓄᒋᒪᐅᐎᓐ᙮ ᐅᑕ ᒋ ᐅᒋᒥᑭᓂᑯᐱᓇ ᓄᒋᒪᐅᓐ ᐊᓐᒡ ᓂᑦ ᐊᐱᒋᐊᑭᓐᒡ ᓱᒃ ᒋᐸ ᒪᓯᒐᐅᒡ ᒐ ᐊᑲ ᒋ ᐱᔅᑎᓂᑯᐅᔭᓐ ᐊᓐᑕ ᒍᐤ ᐃᔪᒡ ᐊ ᑕᒡ᙮ ᓇᒪ ᐅᑕ ᐊᔅᒋᒡ ᐅᒋᐱᔪᐤ ᓄᒋᒪᐅᐎᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮