ᓗᒃ 13:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ “ᓇᔅᒡ ᑕᑈ ᓱᒃ ᒋᑭ ᒪᓇᐛᐤ ᑭᔭ ᒋᑭ ᒪᒥᑥᔭᐱᑕᓯᓇᐛᐤ ᐃᔅᐱ ᐛᐱᒪᒂᐛ ᐊᑉᕋᐊᒻ, ᐊᐃᓯᒃ, ᒐᑭᑉ, ᑭᔭ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊ ᑕᒡ ᐎᔨᐛᐤ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᒋᔨᐛᐤ ᒪᒃ ᐎᐎᐛᐱᓂᑯᐅᔭᒂ᙮

ᓗᒃ 13:28 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 112:10

ᐅᒥᒋᑥᐤ ᒋᑭ ᐛᐸᑎᒻ, ᑭᔭ ᒋᑭ ᒥᑕᒋᔨᐛᓱᐤ; ᒋᑭ ᒪᑥᔭᐱᑕᓯᓐ, ᑭᔭ ᒋᑭ ᑎᒋᐱᔪᐤ; ᐅᐱᑯᓴᔨᒧᐅᓐ ᐅᒥᒋᑥᐤ ᒋᑭ ᓂᓱᐅᓇᑎᓂᔪᐤ᙮

ᒪᑎᔪᐤ 13:42

ᐊᑯ ᒪᒃ ᒐ ᐃᓯ ᐛᐱᓇᒡ ᐊᓐᑕ ᒥᒋ ᐃᔅᑯᑕᒡ ᐊᓐᑕ ᐱᓯᒄ ᒐ ᒪᒡ ᑭᔭ ᒐ ᒪᒥᑥᐛᐱᑕᓯᓂᒡ᙮

ᒪᑎᔪᐤ 13:50

ᐊᑯ ᐊᓐᑕ ᒥᒋ ᐃᔅᑯᑕᒡ ᒐ ᐃᓯ ᐛᐱᓇᑭᓄᐎᒡ ᐊᓐᒡ ᑲ ᒥᒐᑎᓯᒡ, ᐊᑯᑕ ᒐ ᒪᒡ ᑭᔭ ᒐ ᒥᑥᐛᐱᑕᓯᓂᒡ ᒐ ᐃᔅᐱᔅ ᐎᓯᒐᔨᑕᒡ᙮”

ᒪᑎᔪᐤ 22:13

“ᐊᑯ ᐊᓐ ᒋᓴᐅᒋᒪᐤ ᒂ ᐃᑕᑦ ᐊᓂᔭ ᐅᑯᐸᓇᒪ, ‘ᒪᑯᐱᑎᒺᐧᒄ ᐅᓯᑕ ᑭᔭ ᐅᑎᒋᔭ, ᒐ ᐃᓯ ᐛᐱᓇᒄ ᒪᒃ ᐎᐎᑎᒥᒡ ᐊ ᐃᓯ ᑭᔅᑎᐱᔅᑲᔨᒡ, ᐊᑯᑕ ᒐ ᑎᒂᒡ ᒪᐅᓐ ᑭᔭ ᒐ ᒪᒥᑥᔭᐱᑕᓯᓇᓄᐅᒡ᙮’ ”

ᒪᑎᔪᐤ 24:51

ᐊᑯ ᒐ ᐛᐛᓯᐊᑭᓄᐅᑦ ᓇᔅᒡ ᒐᒋ ᐛᐎᓯᒐᔨᑕᐧᒃ᙮ ᐊᑯ ᒪᒃ ᒐ ᐃᓯ ᐱᔅᑎᓇᑭᓄᐅᑦ ᐊᓐᑕ ᑲ ᐊᔭᒥᐊᐧᑲᓱᔨᒋ ᐊ ᑕᔨᒋ ᒐᒋ ᓂᓇᐧᑲᑕᔨᒧᑦ᙮ ᐊᑯᑕ ᐊᓐᑕ ᒐ ᒪᒡ ᑭᔭ ᒐ ᒪᒥᑕᔭᐱᑕᓯᒡ ᒐ ᐃᔅᐱᔅ ᓂᓇᐧᑲᑕᔨᒧᒡ᙮”

ᒪᑎᔪᐤ 25:30

ᐅ ᒪᒃ ᐊᐱᒋᐊᑭᓐ ᐊᑲ ᐎᔭᔅ ᐃᑕᐱᑎᓯᑦ ᐊᓐᑕ ᐅᓂᑎᐱᔅᒋᓯᐅᓂᒡ ᐃᓯ ᐛᐱᓇᐧᒄ᙮ ᐊᑯᑕ ᐊᓐᑕ ᒐ ᒪᓄᐅᒡ ᑭᔭ ᒐ ᒪᒥᑥᔭᐱᑕᓯᓇᓄᐅᒡ ᒐ ᐃᔅᐱᔅ ᐎᓯᒐᔨᑕᑭᓄᐅᒡ᙮’ ”

ᓗᒃ 10:15

ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᐊ ᑕᔭᒄ ᓇᔅᒡ ᑕᑈ ᒋ ᐎ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ᐅᑎᓂᑯᔭᒄ᙮ ᓇᒪ ᒪᒃ, ᒥᒋ ᐃᔅᑯᑕᒡ ᐊᑯᑕ ᒐ ᐃᓯ ᐛᐱᓂᑯᔭᒄ᙮”

ᓗᒃ 14:15

ᒋ ᑕᔪᐛ ᓇᐸᐛ ᐊ ᐎᑎᐱᒥᑯᑦ ᐅᑎᐸᔨᒋᒐᐤ ᐊᓐᑕ ᒥᒋᓱᐛᑭᓇᑎᑯᒡ᙮ ᐸᐃᒄ ᒪᒃ ᐊᓂᔭ ᓇᐸᐛ, ᐃᔅᐱ ᐱᔭᑎᒥᔨᒋ ᐊᓂᔭ ᑲ ᐃᔅᒋᔄᑦ, ᒋ ᐃᑎᑯᐤ, “ᐊᔪᐛᒡ ᓱᐛᔨᑕᑯᓱᐅᒡ ᐊᓐᒡ ᒐ ᒥᒋᓱᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᒥᑯᓴᓄᔨᒐ᙮”

ᓗᒃ 16:23

ᒥᒋ ᐃᔅᑯᑕᒡ ᒪᒃ ᐊ ᑕᑦ ᓇᔅᒡ ᐊ ᐎᓯᑲᐧᑭᓱᑦ, ᒋ ᑎᔅᑎᓴᐳᐤ, ᒂ ᐛᐱᒪᑦ ᐊᑉᕋᐊᒪ ᐊ ᐊᔭᐅᓇᑯᓯᔨᒋ ᓚᓴᕋᓴ ᐊ ᐎᒋᑲᐳᔅᑐᐛᔨᒋ᙮

2 ᑕᓴᓗᓂᔭᓇ 1:5

ᐊᑯᑕ ᒪᒃ ᐅᑕ ᒐ ᐅᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᑯᐃᔅᒄ ᐃᑎᑦ ᒋᓴᒪᓂᑐᐤ ᐊ ᑎᐸᔅᑯᓂᒐᑦ᙮ ᐊᓐ ᒪᒃ ᑕᓐ ᐊ ᐃᔅᐱᔭᒄ ᒋᑭ ᒋᔅᑕᔨᑕᑯᓯᓇᐛᐤ ᒐᒋ ᐎᒋᐃᐛᔭᒄ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”

ᒋᔅᒐᔨᑕᑯᑕᒐᐅᓐ 22:15

ᐊᓐᒡ ᒪᒃ ᑲ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐅᒡ, ᐊᓐᒡ ᐎᓂᓱᐅᓂᒡ ᑲ ᐃᓯ ᐱᒥᐧᑯᐛᒡ ᐊᐛᔪᐛ, ᐊᓐᒡ ᑲ ᓂᐸᐃᐛᒡ ᑭᔭ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᓇᒪ ᒋᑭ ᒋ ᐱᒐᐅᒡ ᐊᓂᔭᔪᐤ ᐅᑕᓇᔪᐤ᙮