ᓗᒃ 12:58 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵⁸ ᓇᐸᐤ ᒪᒃ ᒪᒥᓯᒥᔅᒃ ᒐᒂᓐ ᐊᒋ ᐃᓯ ᐅᓂᑐᑎᒥᓐ, ᐃᑐᑕᔅᒐ ᒪᒃ ᒐᒋ ᐃᑐᑕᐃᔅᒃ ᑎᐸᔅᑯᓂᒐᐅᒋᐛᐱᒡ, ᒋᐸ ᑯᒋᐊᐤ ᐸᑎᒪ ᓂᔅᑎᒻ ᒐᒋ ᒥᔪ ᐃᔨᒥᐃᑦ ᒐ ᐊᑲ ᒋ ᐃᑐᑕᐃᔅᒃ ᐊᓐᑕ᙮ ᐊᑯᑕ ᒪᒃ ᒐᒋ ᐅᒋ ᓇᑲᐎᔨᑦ ᐊᓐᑕ ᐊ ᐎ ᐃᑐᑕᐃᔅᒃ᙮ ᐊᑲ ᒪᒃ ᐃᑐᑎᒥᓇ ᐅ ᐊᑯ ᐊᓐ ᑲ ᑎᐸᔅᑯᓂᒐᑦ ᒐ ᐱᔅᑎᓂᔅᒃ ᐊᓐᑕ ᐃᓯ ᑲᒪᑯᓄᐛᓯᔨᒋ ᐊ ᑕᔨᒋ᙮ ᒐ ᒋᐸᐅᔅᒡ ᐊᓐᒡ ᑲᒪᑯᓄᐛᓯᒡ᙮

ᓗᒃ 12:58 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 32:6

ᐅ ᒪᒃ ᐅᒋ ᒥᓯᐛ ᑕᑐᐤ ᐊᐛᓐ ᑲ ᐊᔭᒥᐊᐛᑎᓯᑦ ᒋᑭ ᐊᔭᒥᐊᔅᑕᒄ ᒪᒂᒡ ᐊᔅᒄ ᒐᒋ ᒥᔅᑲᑯᐎᔨᓐ: ᒐᔅᑎᓇᔅ ᐊ ᒥᔅᑎ ᐃᔅᒋᐳᑕᔨᒡ, ᓇᒪᐎᔾ ᒥᒋᒪ ᒋᑭ ᓇᑎᑯᐤ᙮

ᑎᐱᑦ ᐅᓂᑭᒧᐅᓇ 50:22

“ᐅᔭ ᒪᒥᑐᓇᔨᑎᒧᒄ ᐊᑯ, ᒋᔨᐛᐤ ᑲ ᐅᓂᒋᔅᒋᑐᐛᒄ ᒋᓴᒪᓂᑐᐤ, ᒐ ᐊᑲ ᒋ ᐱᓯᐱᑎᑎᑯᒡ, ᑭᔭ ᐊᑲ ᐊᐛᓐ ᐊ ᑕᑦ ᒐᒋ ᐎᐧᑯᒋᐃᐛᑦ᙮

ᒪᑎᔪᐤ 18:30

ᒥᒄ ᒪᒃ ᓇᒪ ᐅᒋ ᓂᑐᑐᐛᐤ ᐊᓂᔭ ᐎᒋ ᐊᐱᒋᐊᑭᓇ, ᐊᑯ ᒂ ᐃᑎᓱᐛᑕᑦ ᒐᒋ ᒪᑯᓇᑭᓄᔨᒋ ᐸᑐᔅ ᒋ ᐱᑯᓯᓇᐊᒪᑯᒐ ᑕᓐ ᐊᓂᔭ ᑲ ᐃᔅᐱᔅ ᒥᓯᓇᐊᒪᑯᑦ᙮

2 ᑯᕆᓐᑎᔭᓇ 6:2

ᐛᔅ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐃᑎᔅᑕᐤ ᐊᒋ ᐃᔅᒋᔄᑦ, ᐊᓐᑕ ᑲ ᐃᑕᔨᑎᒥᐃᑯᔭᓐ ᒐᒋ ᓂᑐᑕᑕᓐ ᔅᒋ ᓂᑐᑕᑎᓐ ᐊ ᐊᔭᒥᐊᔨᓐ᙮ ᐊᓐᑕ ᑲ ᓂᑐᐛᔨᑎᒥᓐ ᐎᒋᐃᑯᓯᐅᓐ ᐊᑯᑕ ᑲ ᐱᒪᒋᐃᑕᓐ᙮ ᐊᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ ᑭᔭ ᓂᔾ ᐛᑎᒪᑕᓐ, ᐊᓄᒡ ᓇᐃᐱᔪᐤ ᒐᒋ ᐱᒪᒋᐅᔨᓐ᙮ ᐊᓄᒡ ᐱᒪᒋᐃᐛᐤ ᒋᓴᒪᓂᑐᐤ᙮

1 ᐱᑕᕐ 3:19

ᐊᒐᐧᑯᒡ ᒪᒃ ᒋ ᐃᓯ ᑭᒐᔅᒋᒪᐤ ᐊᓂᔭᔪᐛ ᐊᒐᒂ ᑲ ᒋᐸᐛᑭᓄᔨᒋ᙮

2 ᐱᑕᕐ 1:15

ᐊᐅᑯᓐ ᒪᒃ ᒐ ᐅᒋ ᒥᒄ ᐃᑎᔭᓐ ᒐᒋ ᓂᔅᑐᑎᒥᐃᑎᑯᒡ ᐅᔭ ᒐᒂᔪᐛ ᒧᔅ ᒐᒋ ᒋᔅᒋᓯᔭᒄ ᐃᔅᐱ ᐊᑲ ᐱᒪᑎᓯᔭᓇ᙮

ᒍᑦ 1:3

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᓇᔅᒡ ᐊᒋ ᐃᑕᔨᑎᒪᓐ ᒐᒋ ᒥᓯᓇᐊᒪᑎᑯᒡ ᒐᒋ ᐊᔨᒧᑎᒪᑎᑯᒡ ᐊᓐ ᐱᒪᒋᐃᑯᓯᐅᓐ ᒥᓯᐛ ᑲ ᒋᔅᒐᔨᑎᒪᐧᒄ᙮ ᒐᒃ ᓂᒋ ᐃᑕᔨᑕᓐ ᑕᑈ ᐊ ᓂᑐᐛᔨᑕᒂᒡ ᒐᒋ ᒥᓯᓇᐊᒪᑎᑯᒡ ᒐᒋ ᓯᒋᒥᑎᑯᒡ᙮ ᒋ ᐎ ᓯᒋᒥᑎᓇᐛᐤ ᒪᒃ ᓱᒃ ᒐᒋ ᐊᒋᔅᑎᒪᒄ ᒐᒋ ᑭᓄᐛᔨᑎᒪᒄ ᐊᓐ ᐸᐃᒂᐤ ᑭᔭ ᒋᒋᐛ ᑲ ᐃᓯ ᒥᔭᑭᓄᐎᒡ ᒐ ᐃᓯ ᑕᑈᑕᒡ ᑲ ᑕᑈᑕᒡ᙮

ᒋᔅᒐᔨᑕᑯᑕᒐᐅᓐ 20:7

ᐃᔅᐱ ᒪᒃ ᒋ ᐅᑎᒋᐱᔨᒂᐛ ᐊᓂᔭᔪᐛ ᐸᐃᒂᐤ ᒐᓯᐱᔪᐛ ᐱᐳᓇ, ᐊᑯ ᒐ ᓴᓇᑭᓄᐅᑦ ᒥᒋᒥᓂᑐᐤ ᐊᓐᑕ ᐊᓂᔭ ᑲ ᒋᐸᐛᑭᓄᐅᑦ᙮