ᓗᒃ 11:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑯ ᐱᔅᒐ ᒋ ᐃᑕᐅᒡ, “ᐊᓂᔭ ᒥᒋ ᐊᒐᐧᒄ ᐅᒋᒪᐛ ᐸᐃᓪᓯᐳᓪ ᐊᐅᑯᓐ ᐊᓂᔭ ᑲ ᒥᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ᐊᒐᒂ᙮”

ᓗᒃ 11:15 ပူးပေါင်းရင်းမြစ်များ

ᒪᑎᔪᐤ 10:25

ᒋᐸ ᒥᔽᔨᑎᒻ ᒪᒃ ᐊᓐ ᑲ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ᒪᔭᔨᒥᒡ ᐊᒋ ᐃᔅᒋᔄᒡ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ᒪᔭᔨᒥᑯᐛᐅᒡ᙮”

ᒪᑎᔪᐤ 12:22

ᐱᔅᒐ ᐊᐛᓐᒋ ᒋ ᐸᓱᐛᐅᒡ ᓇᐸᐛ ᐊᓐᑕ ᒋᓴᓴ ᐊ ᑕᔨᒋ ᐊᑲ ᐛᐸᑎᒥᔨᒋ ᑭᔭ ᐊᑲ ᐅᒋ ᐃᔨᒥᔨᒋ, ᐊᒋ ᐱᒋᔅᑲᑯᔨᒋ ᒥᒋ ᐊᒐᒂ᙮ ᐊᑯ ᒋᓴᔅ ᑲ ᒥᓏᒋᐊᑦ ᐊᓂᔭ ᓇᐸᐛ, ᐊ ᐊᑲ ᐅᒋ ᓂᑕᐛᔨᒋ ᑭᔭ ᐊ ᐊᑲ ᐅᒋ ᐛᐸᑎᒥᔨᒋ᙮

ᒪᑎᔪᐤ 4:24

ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᒪᑎᔪᐤ 9:34

ᒥᒄ ᒪᒃ ᐊᓐᒡ ᐸᕆᓯᔨᒡ ᒋ ᐃᔅᒋᔄᐅᒡ, “ᐛᔅ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᒥᒋ ᐊᒐᒂ ᐊᔪᑯᓐ ᐊᓂᔭ ᒪᔨᑯᑦ ᓱᐧᑲᑎᓯᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ᐊᒐᒂ᙮”

ᒠᓐ 10:20

ᒥᒐᑦ ᒪᒃ ᐊᓐᒡ ᒍᐤ ᐃᔪᒡ ᒋ ᐃᑕᐅᒡ, “ᒥᒋ ᐊᒐᒂ ᐱᒋᔅᑲᑯᐤ᙮ ᒋᔎᐤ᙮ ᒐᒂᓐ ᐛᒋ ᓂᑐᑐᐛᒄ ?”

ᒠᓐ 7:20

ᐊᑯ ᐊᓐᒡ ᐃᔪᒡ ᑲ ᐃᓯ ᐎᑎᒧᐛᒡ ᒋᓴᓴ ᐊ ᐃᑕᒡ, “ᒥᒋ ᐊᒐᐧᒄ ᒋ ᐱᒋᔅᑲᒄ᙮ ᐊᐛᓐ ᒪᒃ ᐅ ᐛ ᓂᐸᐃᔅᒃ ?”

ᒠᓐ 8:48

ᐊᓐᒡ ᒪᒃ ᒍᐤ ᐃᔪᒡ ᒋ ᐃᑕᐅᒡ ᐊᓂᔭ ᒋᓴᓴ, “ᓂᒋ ᑕᑈᓇᓐ ᑲ ᐃᔅᒋᔄᔭᒡ ᓴᒪᕆᔭ ᐊ ᐅᒋᔨᓐ ᑭᔭ ᐊ ᐱᒋᔅᑲᔅᒃ ᒥᒋ ᐊᒐᐧᒄ ?”

ᒠᓐ 8:52

ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ᐃᑎᑯᑦ, “ᑭᔭ ᒋᔭᔅᑎᓇᐅᔭᒡ, ᑕᑈ ᐊ ᐱᒋᔅᑲᔅᒃ ᒥᒋ ᐊᒐᐧᒄ᙮ ᐊᑉᕋᐊᒻ ᒋ ᓂᐳᐤ ᒪᒃ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ᙮ ᒋᔾ ᒪᒃ ᐊ ᐃᔅᒋᔄᔨᓐ ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮