ᓗᒃ 1:35 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁵ ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᑲ ᐸᔭᒋᓯᑦ ᐊᒐᐧᒄ ᒋᑭ ᐅᑎᑎᒄ, ᒋᓴᒪᓂᑐᐤ ᒪᐅᒡ ᐊ ᐃᔅᐸᔨᑕᑯᓯᑦ, ᐅᓱᐧᑲᑎᓯᐅᓂᒡ ᐊᑯᑕ ᒐ ᐅᒋ ᑭᓄᐛᔨᒪᐅᓱᔨᓐ᙮ ᐊᐅᒄ ᒪᒃ ᒐ ᐅᒋ ᐃᓯᓂᐧᑲᑕᑭᓄᐅᑦ ᐊᓐ ᐊᐛᔅ ᒐ ᐱᒪᑎᓯᑦ ᑲ ᐸᔭᒋᓯᑦ, ᒋᓴᒪᓂᑐᐤ ᐅᑯᓴ ᒋᑭ ᐃᓯᓂᐧᑲᑕᑭᓄᐤ᙮”

ᓗᒃ 1:35 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 2:7

ᓂᑭ ᐎᑕᓐ ᐃᑎᓱᐛᐅᓐ: “ᑎᐸᔨᒋᒐᓱᐤ ᓂᒋ ᐃᑎᒄ, ᒋᔾ ᓂᑯᔅ; ᐊᓄᒡ ᑲᓯᑲᒡ ᔅᒋ ᓂᑕᐅᒋᐃᑎᓐ᙮

ᑎᐱᑦ ᐅᓂᑭᒧᐅᓇ 51:5

ᐛᔅ, ᓂᒋ ᐅᓯᐃᑯᐅᓐ ᒥᒐᑎᓯᐅᓂᒡ; ᒥᒋᑥᐅᓂᒡ ᑭᔭ ᓂᒋ ᐊᔭᐅᒄ ᓂᑲᐎᔾ᙮

ᒪᑎᔪᐤ 1:18

ᒪᐅ ᒪᒃ ᑲ ᐃᔅᐱᔨᒡ ᐃᔅᐱ ᒐ ᐱᒪᑎᓯᑦ ᒋᓴᔅ ᙭᙮ ᒪᕆ, ᐊᓂᔭᔪᐛ ᒋᓴᔅ ᒐ ᐅᑲᐎᑦ ᒋᐸ ᓂᐳᐅᒡ ᐊᓂᔭᔪᐛ ᒍᓯᐸ, ᒥᒄ ᒪᒃ ᐊᔅᒄ ᐊᑲ ᐅᒋ ᓂᐳᐅᒡ ᒋᔅᒐᔨᑎᒻ ᒪᕆ ᐊ ᑭᓄᐛᔨᒪᐅᓱᑦ᙮ ᐊᓂᔭ ᒪᒃ ᐊᐛᓴ ᑲ ᐊᔭᐛᑦ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᒐᒋ ᐊᔭᐛᑦ᙮

ᒪᑎᔪᐤ 1:20

ᒪᒂᒡ ᐅᔭ ᐊ ᒪᒥᑐᓇᔨᑕᐧᒃ, ᐃᔅᐱ ᒪᒃ ᓇᐸᑦ, ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ᓄᑯᓯᔅᑕᑯᐤ ᐅᐳᐛᒧᐅᓂᒡ ᐊ ᐃᑎᑯᑦ, “ᒍᓯᑉ, ᒋᔾ ᐊᓂᔭ ᑎᐱᑦ ᐊᓂᔅᒐ ᐅᑯᓯᓴ, ᐊᑲᐎᔾ ᑯᔅᑕᒋ ᒐᒋ ᐎᒋᒥᑦ ᒪᕆ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᒐᒋ ᐊᔭᐛᑦ ᐊᓂᔭᔪᐛ ᐊᐛᓴ᙮

ᒪᑎᔪᐤ 14:33

ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᓐᑕ ᐅᐤᑎᒡ ᑲ ᑕᒡ ᒋ ᐊᔭᒥᐊᔅᑐᐛᐅᒡ ᒋᓴᓴ ᐊ ᐃᑕᒡ, “ᑕᑈ ᒋᔾ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 27:54

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᑲ ᓂᓇᑭᑐᐛᔨᒪᔨᒋ ᒋᓴᓴ ᐃᔅᐱ ᐎᔭᐸᑕᒡ ᐊ ᑯᐃᐧᑯᓂᔨᒡ ᑭᔭ ᒥᓯᐛ ᐊᓂᔭ ᑕᓐ ᑲ ᐃᔅᐱᔨᒡ ᒋ ᓴᒋᓱᐅᒡ᙮ ᐊᑯ ᒂ ᐃᔅᒋᔄᒡ, “ᑕᑈ ᐊᔪᐅᒄ ᐅᔭ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 4:3

ᐊᑯ ᒥᒋᒥᓂᑐᐛ ᒂ ᐸᒋ ᓂᑐᐛᐱᒥᑯᑦ, ᐊᑯ ᐊᑎᑯᑦ, “ᑕᑈ ᒋᓴᒪᓂᑐᐤ ᐛᑯᓯᓯᒥᑐᑕᔎ, ᐃᓯᒡ ᐅᒡ ᐊᓯᓂᔨᒡ ᒐᒋ ᐸᒂᓯᑭᓄᐎᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:1

ᐊᑯᑕ ᐅᑕ ᒐᒋᐱᔨᒡ ᒥᔽᒋᒧᐅᓐ ᐊ ᐊᔨᒧᒪᑭᓄᐅᑦ ᒋᓴᔅ ᙭ ᒋᓴᒪᓂᑐᐤ ᐅᑯᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:24

ᒋ ᐃᔅᒋᔄᐤ, “ᐊᑲᐎᔾ ᐎᔭᔅᑐᑐᐅᓇᓐ, ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ᙮ ᒋ ᐸᒋ ᑎᑯᓯᓐ ᐊ ᒐᒋ ᓂᓱᐅᓇᒋᐃᔭᒡ ? ᒋ ᒋᔅᒐᔨᒥᑎᓐ ᐊᐛᓐ ᒋᔾ, ᐊᐅᒄ ᒋᔾ ᑲ ᐸᔭᒋᓯᑦ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᓗᒃ 1:27

ᐊᓐ ᐊᓐᒋᓐ ᒋ ᐃᑎᓴᐛᑭᓄᐤ ᒐᒋ ᓂᑐᐛᐱᒪᑦ ᐅᔅᒋᓂᒋᔎᐛ ᒪᕆ ᐊ ᐃᓯᓂᐧᑲᓱᔨᒋ᙮ ᒪᕆ ᒪᒃ ᒋᐸ ᓂᐳᐅᐤ ᐊᓂᔭ ᒍᓯᑉ ᑲ ᐃᓯᓂᐧᑲᓱᔨᒋ ᓇᐸᐛ ᒐᒋ ᐎᒋᒪᑦ᙮ ᐅ ᒪᒃ ᒍᓯᑉ, ᒋ ᐊᓂᔅᒐ ᐅᒧᓱᒧᐤ ᐊᓂᔭ ᒋᓴᐅᒋᒪᐛ ᑎᐱᑦ ᑲ ᐃᓯᓂᐧᑲᓱᔨᒋ᙮

ᓗᒃ 1:34

ᐊᑯ ᒪᕆ ᒂ ᐃᑕᑦ ᐊᓂᔭ ᐊᓐᒋᓇ, “ᑕᓐᑕ ᒐᒋ ᐅᒋ ᐃᔅᐱᔨᒡ ᐅ, ᐊᑲ ᒪᒃ ᓂᑕ ᐅᒋ ᐸᓱᐛᐱᒥᒃ ᓇᐸᐤ ?”

ᓗᒃ 1:36

ᑭᔭ ᒋ ᐃᑎᑯᐤ ᒪᕆ ᐊᓂᔭ ᐊᓐᒋᓇ, “ᐛᐛᒡ ᒋᐧᑲᓂᔅ ᐃᓕᓴᐸᑦ, ᓇᒪ ᒋᑭ ᒋ ᐊᔭᐛᐤ ᐊᐛᓴ ᑲ ᐃᑕᑭᓄᐅᑦ, ᓴᔅ ᐊᓱᑕᒡ ᑕᑐᐤ ᐱᓯᒺ ᑭᓄᐛᔨᒪᐅᓱᐤ, ᐊᑎ ᒪᒃ ᓴᔅ ᐊ ᒋᓴᐃᔎᐅᑦ᙮

ᒠᓐ 1:34

ᓂᒋ ᐛᐸᑕᓐ ᐅ ᑲ ᐃᔅᐱᔨᒡ ᑭᔭ ᒋ ᐎᑎᒪᑎᓇᐛᐤ ᐊᔪᑯᓂ ᐊᓂᔭ ᒋᓴᒪᓂᑐᐤ ᐅᑯᓴ,” ᒋ ᐃᑕᐤ ᒠᓐ᙮

ᒠᓐ 1:49

ᓇᑕᓂᔭᓪ ᒂ ᐃᑕᑦ, “ᒋᔅᑯᑎᒪᒐᓱᐤ, ᐊᐅᒄ ᒋᔾ ᑕᑈ ᒋᓴᒪᓂᑐᐤ ᐅᑯᓴ, ᐊᐅᒄ ᒋᔾ ᒋᓴᐅᒋᒪᐤ ᐅᑕ ᐃᔅᕋᐃᓕᒡ᙮”

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᐊᑈᔅᑕᓇᒡ 8:36

ᒪᒂᒡ ᒪᒃ ᐊ ᐊᑎ ᐱᒥᐱᔨᒡ ᑎᑎᐱᑕᐸᓇᔅᑯᒡ, ᒋ ᐅᑎᑎᒧᒡ ᐊᓐᑕ ᐊ ᑎᑯᓂᔨᒡ ᓂᐱᔪᐤ, ᐊᓐ ᓇᐸᐤ ᒪᒃ ᒋ ᐃᑕᐤ, “ᐛᐸᑕ, ᒪᐅ ᓂᐱᔾ, ᒐᒂᓐ ᒐ ᓂᑲᓂᑯᔭᓐ ᐊ ᓂᑐᐛᔨᑎᒪᓐ ᒐᒋ ᓯᑲᐃᑐᐛᑯᐅᔭᓐ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:4

ᐊᓂᔭᔪᐛ ᒪᒃ ᒋᓴᒪᓂᑐᐛ ᒋ ᐅᑯᓯᑐᑕᑯᐤ᙮ ᒋᓴᒪᓂᑐᐛ ᒪᒃ ᐊᒋ ᐅᓂᔅᑲᓂᑯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᓂᐳᐅᓂᒡ ᐅᒡ ᐊᑯᑕ ᑲ ᐅᒋ ᐛᐸᑎᔨᐛᑦ ᑲ ᐸᔭᒋᓯᑦ ᐊᒐᐧᒄ ᑕᑈ ᒋᓴᒪᓂᑐᐤ ᐅᑯᓯᓴ ᐊ ᐊᐎᔨᒋ ᒋᓴᓴ ᐊᓂᔭᔪᐤ ᐅᒋ ᐊᒋ ᓱᒐᔨᑕᑯᓯᔨᒋ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐃᐱᓯᔭᓇ 2:3

ᐊᐅᒄ ᒪᒃ ᐸᐃᒂᐤ ᒥᓯᐛ ᑲ ᐃᓯᓇᑯᓯᔭᐧᒄ ᑭᔭ ᒋᔭᓄᐤ, ᒥᒄ ᑕᓐ ᐛ ᐃᑎᔭᐧᒄ ᔅᒋ ᐃᑎᓇᓄᐤ᙮ ᔅᒋ ᑐᑕᓇᓄᐤ ᒥᒄ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ ᑭᔭ ᒋᒥᑐᓇᔨᒋᑭᓄᐛ᙮ ᐊᓐ ᒪᒃ ᑲ ᐃᔅᐱᔅ ᒋ ᒥᒐᑎᓯᔭᐧᒄ ᒋ ᐃᑕᔨᑕᑯᓂᑯᐱᓇ ᑕᑈ ᑭᔭ ᒋᔭᓄᐤ ᒐᒋ ᐛᐛᓯᐃᑕᐧᒄ ᒋᓴᒪᓂᑐᐤ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮