ᓗᒃ 1:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐅᑎᐸᔨᒋᒐᐛ ᒋ ᐅᑎᓂᑯᐤ ᐊᓐ ᐊᐛᔅ ᐛᔅ ᒋᔅᑕᔨᑕᑯᓂᔪᐤ ᑕᓐ ᐛ ᐃᑕᐱᒋᐃᑯᑦ᙮ ᓇᒪ ᓂᑕ ᒋᑭ ᐅᒋ ᒥᓄᐤ ᓱᒥᓇᐳᔪᐤ ᑭᔭ ᐃᔅᑯᑕᐛᐳᔪᐤ᙮ ᐛᔅ ᑲ ᐸᔭᒋᓯᔨᒋ ᐊᒐᒂ ᓇᔅᒡ ᒋᑭ ᐱᒥᐱᔨᐃᑯᐤ ᐊᑎ ᐊᔅᒄ ᒪᒂᒡ ᐅᑲᐎᔭ ᑭᓄᐛᔨᒥᑯᒐ ᐅᔅᐱᔭᔨᒡ᙮

ᓗᒃ 1:15 ပူးပေါင်းရင်းမြစ်များ

ᒐᓂᓯᔅ 12:2

ᒋᑭ ᐅᑕᐎᒪᐅᓐ ᐊ ᓱᐧᑲᑎᓯᒡ ᐊ ᐃᑎᔅᑲᓇᓯᒡ, ᒋᑭ ᒥᔪᑐᑕᑎᓐ ᒥᓯᐛ ᒐᒂᓐ ᐅᒡ, ᓂᑭ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒋᑭ ᓱᐛᔨᑕᑯᐎᐛᓐ ᒪᒃ᙮

ᒐᓂᓯᔅ 48:19

ᒥᒄ ᓇᒪ ᐅᒋ ᐎᔭᒋᐱᑕᔪᐛ ᐅᑕᐎᔭ ᐅᑎᒋᔪᐤ ᐊ ᐃᑎᑯᑦ, “ᓂ ᒋᔅᒐᔨᒪᐤ ᑕᓐ ᐅᔅᑭᒡ ᑲ ᐃᔪᑦ ᒋᑯᔅ, ᓂᑯᓴ᙮ ᒪᓇᓴ, ᐊᓐ ᐅᔅᑭᒡ ᑲ ᐃᔪᑦ, ᒋᑭ ᓱᐧᑲᑎᓯᐤ ᑭᔭ ᐅᑦ ᐊᓂᔅᑯᑕᐸᓇ ᒋᑭ ᒥᒐᑦ ᐃᑎᔅᑲᓇᓯᔨᐛ᙮ ᒥᒄ ᐃᑉᕋᐃᒻ ᐊᑎᑐᐤ ᒋᑭ ᓱᐧᑲᑎᓯᐤ ᐃᔅᐱᔅ ᒪᓇᓴᔨᒋ, ᑭᔭ ᐅᑦ ᐊᓂᔅᑯᑕᐸᓇ ᒋᒋᐛ ᒋᑭ ᒥᒐᑎᔨᐛ ᐊᑯ ᒐ ᒥᒐᑦ ᐃᑎᔅᑲᓇᓯᔨᒋ᙮”

ᑎᐱᑦ ᐅᓂᑭᒧᐅᓇ 22:9

ᒪᒃ ᒋᔾ ᑲ ᐅᑎᓂᔨᓐ ᒥᔅᐸᔭᒡ ᐅᒡ: ᔅᒋ ᐱᑯᓴᔨᒧᔨᓐ ᒪᒂᒡ ᓂᑲᐎᔾ ᐅᒋᒋᓯᒥᒡ ᑲ ᐃᓯ ᐱᒥᓯᓂᔭᓐ᙮

ᓗᒃ 1:14

ᓇᔅᒡ ᒪᒃ ᒋᑭ ᒥᔽᔨᑕᓇᐛᐤ ᑭᔭ ᓇᔅᒡ ᒋᑭ ᓯᒋᔭᔨᑕᓇᐛᐤ᙮ ᒥᒐᑦ ᑭᔭ ᐊᐛᓐᒋ ᒋᑭ ᒥᔽᔨᑎᒧᒡ ᐃᔅᐱ ᐱᒪᑎᓯᔨᒐᓂ᙮

ᓗᒃ 7:28

ᒋᓴᔅ ᒪᒃ ᒋ ᐃᑕᐤ, “ᒋ ᐎᑎᒪᑎᓇᐛᐤ, ᑕᑐᐤ ᐅᒋᔅᒋᐛᐃᒐᓱᒡ ᑲ ᐱᒪᑎᓯᒡ ᓇᒪ ᐃᐛᒃ ᐃᑕᔨᑕᑯᓱᐅᒡ ᑕᓐ ᐊ ᐃᑕᔨᑕᑯᓯᔨᒋ ᒠᓐ ᐅᓯᑲᐃᑕᒐᐛ᙮ ᐃᔭᐱᒡ ᒪᒃ ᐊᓐ ᐊᐛᓐ ᒪᐅᒡ ᔭᓯᒄ ᑲ ᐃᑕᔨᑕᑯᓯᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᐛᒃ ᐎᔾ ᒋᔅᑕᔨᑕᑯᓱᐤ ᐃᔅᐱᔅ ᒠᓇ᙮”

ᓗᒃ 7:33

ᐃᔅᐱ ᒪᒃ ᒠᓐ ᐅᓯᑲᐃᑕᒐᐤ ᑲ ᑎᑯᓯᐧᒃ ᓇᒪ ᐊᓯᑯᒻ ᐅᒋ ᒥᒋᓱᐤ, ᓇᒪ ᑭᔭ ᐅᒋ ᒥᓄᐤ ᓱᒥᓇᐳᔪᐤ, ᔅᒋ ᐃᑕᐛᐤ ᒪᒃ ᒥᒋ ᐊᒐᒂ ᐊ ᐱᒋᔅᑲᑯᑦ᙮

ᒠᓐ 5:35

ᒧᔭᒻ ᐛᔅᑕᓂᐱᒪᑭᓐ ᐊ ᒋᐧᑲᔭᔅᑐᐛᑦ ᐊᐅᒄ ᑲ ᐃᓯᓇᑯᓯᑦ ᒠᓐ ᑕᐸᒋᒥᑦ᙮ ᔅᒋ ᓇᐊᔨᑕᓇᐛᐤ ᒥᒄ ᐛᐃᐱᔅᒋᔅ ᒐᒋ ᒧᒋᒐᔨᑎᒪᒄ ᐊᓐᑕ ᐅᐛᔅᑐᐛᐅᓂᒡ᙮”

ᐊᑈᔅᑕᓇᒡ 2:4

ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

ᑲᓚᓯᔭᓇ 1:15

ᐃᔭᐱᒡ ᒪᒃ ᓂᒋ ᐅᑎᓄᑯᑕᑯᐱᓐ ᒋᓴᒪᓂᑐᐤ ᐊᔅᒄ ᐊᑲ ᐅᒋ ᐱᒪᑎᓯᐅᒡ᙮ ᓇᔅᒡ ᑕᑈ ᓂᒋ ᒋᓴᐛᑐᑕᒄ ᑲ ᐅᑎᓂᑦ ᒐᒋ ᐊᑐᔅᑯᐅᒄ᙮ ᐃᔅᐱ ᒪᒃ ᐛᑎᒋᐱᔨᒡ ᐊᓐᑕ ᑲ ᐃᑕᔨᑕᐧᒃ ᒐ ᒋᔅᒐᔨᒥᒋ ᐅᑯᓴ

ᐃᐱᓯᔭᓇ 5:18

ᐊᑲᐎᔾ ᒋᔎᐸᒄ ᐊ ᒥᓂᔭᒄ ᓱᒥᓇᐳᔾ, ᐛᔅ ᐊᐅᒄ ᒐ ᓂᓱᐅᓇᒋᐃᑯᔭᒄ᙮ ᐃᔭᐱᒡ ᐱᔅᑎᓇᐧᒄ ᐸᔭᒋ ᐊᒐᐧᒄ ᒐᒋ ᓴᑭᔅᒋᓇᔅᑲᑕᒄ᙮