ᒍᑦ 1:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ᑎᑯᓂᔨᒋ ᑲ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ᐃᑐᑎᒧᒡ᙮ ᓇᔅᒡ ᒋ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ᐃᔅᑯᑕᒡ ᑲᒋᒡ ᐊ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ᐃᔭᒂᒥᑯᔭᐧᒄ ᐅᔭ ᒐ ᐃᓯ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮

ᒍᑦ 1:7 ပူးပေါင်းရင်းမြစ်များ

ᒐᓂᓯᔅ 13:13

ᐃᔪᒡ ᑲ ᐎᒋᒡ ᐊᓐᑕ ᓱᑕᒻ ᒋᒋᐛ ᒋ ᒥᒋ ᐃᔪᐎᒡ ᑭᔭ ᐊ ᒥᒋᑐᑕᒡ ᐊᑲ ᑕᑈᑐᐛᒡ ᑎᐸᔨᒋᒐᓱᐛ᙮

ᒐᓂᓯᔅ 18:20

ᐊᑯ ᑎᐸᔨᒋᒐᓱᐤ ᐊᑕᑦ ᐊᑉᕋᐊᒪ, “ᓂᒋ ᐸᑎᒺᓐ ᐊ ᑕᑈᓯᒡ ᐊᓐᒡ ᐊ ᐊᑲ ᒥᔪᑐᑕᑯᒡ ᓱᑕᒻ ᑭᔭ ᑯᒧᕋ ᐃᔪᐛ᙮ ᒪᔭᑎᓂᔪᐤ ᐊ ᑐᑕᒡ ᐊᓐᒡ ᐃᔪᒡ᙮

ᒐᓂᓯᔅ 19:5

ᓗᑕ ᒋ ᑕᑈᑕᐅᒡ ᐊ ᐃᑕᒡ᙮ “ᓂ ᒋᔅᒐᔨᒪᓇᓐᒡ ᓂᓱ ᒪᓐᑕᐅᒡ ᐊ ᑕᒡ ᐊᓐᑕ ᒋᒋᒡ᙮ ᐸᒋ ᐎᐎᑎᓯᓂᒧᐅᓇᓐ, ᓂ ᐎ ᐎᐸᒪᓇᓐᒡ ᐊᓐᒡ ᐊ ᓂᓯᒡ, ᓂ ᐎ ᐃᑐᑐᐛᓇᓐᒡ ᒧᔭᒻ ᓇᐸᐤ ᐊ ᐃᑐᑐᐛᑦ ᐃᔎᐛ᙮”

ᒪᑎᔪᐤ 10:15

ᑕᑈ ᒋᑦ ᐃᑎᓇᐛᐤ, ᐃᔅᐱ ᑎᐸᔅᑯᓂᒐᐅ ᒋᓯᑲᒐ ᒋᓴᒪᓂᑐᐤ ᐅᔅᑕ ᒋᑭ ᒋᔅᑎᒪᒐᔨᒪᐤ ᐊᓂᔭ ᑲ ᒥᒐᑎᓯᔨᒋ ᐊᓐᑕ ᑲ ᑕᔨᒋ ᓱᑕᒻ ᑭᔭ ᑯᒧᕋ ᐃᔅᐱᔅ ᐊᓂᔭᔪᐛ ᐊᐛᔪᐛ ᐊᑲ ᓇᐊᔨᒥᑎᑕᑯ᙮”

ᒪᑎᔪᐤ 11:24

ᒋ ᐎᑎᒪᑎᓇᐛᐤ ᒪᒃ ᐃᔅᐱ ᐅᑎᒋᐱᔨᒐ ᒐ ᑎᐸᔅᑯᓂᒐᐅ ᒋᓯᑲᒡ, ᒋᔨᐛᐤ ᐅᔅᑕ ᐊᒂᒡ ᒋᑭ ᐃᓯ ᑎᐸᔅᑯᓂᑯᓇᐛᐤ ᐃᔅᐱᔅ ᐊᓐᒡ ᐃᔪᒡ ᓱᑕᒻ ᑲ ᑕᒡ ᐊᑎ ᐊᓂᔭ ᐊᒋ ᐃᔅᐱᔅ ᒥᒐᑎᓯᒡ᙮”

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᓗᒃ 17:29

ᐊᓂᔭᔪᐤ ᐊ ᒋᓯᑲᔨᒡ ᒐ ᓂᑭᑕᐧᒃ ᓗᑦ ᐊᓂᔭᔪᐤ ᐅᑕᓇᔪᐤ ᓱᑕᒻ ᑲ ᐃᓯᓂᐧᑲᑕᔨᒡ, ᒋ ᒋᒧᓂᐸᒋᑎᓐ ᐃᔅᑯᑕᐤ ᑭᔭ ᐊ ᐃᔅᑯᑕᐅᒡ ᐊᓯᓂᔨᒡ ᒋ ᐸᐸᒋᓯᓄᒡ᙮ ᐊᑯ ᒪᒃ ᒥᓯᐛ ᐊᐛᓐᒋ ᐊᓐᑕ ᐊᓂᔭ ᐅᑕᓇᔪᐤ ᑲ ᑕᒡ ᒋ ᓂᓱᐅᓇᒋᐃᑯᐅᒡ ᐅᔭᔪᐤ ᑲ ᐃᔅᐱᔨᒡ᙮”

1 ᑯᕆᓐᑎᔭᓇ 6:9

ᐊᑲᐎᔾ ᐎᔭᓯᐃᓱᒄ᙮ ᒋ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ᒥᒐᑎᓯᒡ ᓇᒪ ᒋᑭ ᐅᒋ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ᐎᐸᒥᑐᒡ, ᑭᔭ ᐃᔎᐅᒡ ᑲ ᐎᐸᒥᑐᒡ᙮

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

2 ᐱᑕᕐ 2:2

ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮

2 ᐱᑕᕐ 2:6

ᒋᓴᒪᓂᑐᐤ ᑭᔭ ᒋ ᓂᓱᐅᓇᒋᑕᐤ ᐊᓂᔭ ᐅᑕᓇᐛ ᓱᑕᒻ ᑭᔭ ᑯᒧᕋ ᑲ ᐃᓯᓂᐧᑲᑕᔨᒋ ᐃᔅᑯᑕᔪᐤ ᐊᒋ ᐊᐱᒋᑕᑦ᙮ ᐊᑯᑕ ᑲ ᐅᒋ ᐛᐸᑎᔨᐛᑦ ᑕᓐ ᒐ ᐃᑐᑐᐛᑦ ᐊᓂᔭ ᐊᑲ ᓇᔅᒡ ᐊᐱᑕᔨᒥᑯᑦ᙮

2 ᐱᑕᕐ 3:7

ᐅᔭ ᒪᒃ ᒋᓯᒂ ᑭᔭ ᐊᓐ ᓇᑕ ᐊᑐᐎᔅ ᐃᓯ ᐃᔅᐱᒥᒡ, ᑭᔭ ᐅ ᐊᔅᒋᔾ ᐊᓄᒡ ᑲ ᐛᐸᑎᒪᒄ, ᐃᔭᐱᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐅᒋ ᑭᓄᐛᔨᑕᑭᓄᐤ ᒐ ᐃᔅᐱᔅ ᐅᑎᒋᐱᔨᒡ ᐊᓐᑕ ᒐ ᓂᓱᐅᓇᒋᑕᑭᓄᐅᒋ᙮ ᑭᓄᐛᔨᑕᑭᓄᐤ ᐊᓐ ᐊ ᒋᓯᑲᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᒐ ᑎᐸᔅᑯᓇᑭᓄᐎᒡ ᑭᔭ ᒐ ᓂᓱᐅᓇᒋᐊᑭᓄᐎᒡ ᐃᔅᑯᑕᒡ᙮