ᒍᑦ 1:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒥᒄ ᐛ ᐊᓏᑕᓱᐅᒡ ᐊᓐᑕ ᐊ ᒥᑯᓴᐛᒄ ᐊ ᓄᑯᑕᔭᒄ ᐊ ᓴᒋᐊᒄ ᒋᓴᒪᓂᑐᐤ᙮ ᓇᒪ ᓇᔅᒡ ᓴᒂᔨᒧᐅᒡ ᐊ ᒥᔅᑎ ᒋᔅᐳᐃᓱᒡ ᐊ ᐎᒋᒥᒋᓱᒥᑕᑯᒡ, ᒥᒄ ᐎᔨᐛᐤ ᐊ ᓂᓇᑭᑐᐛᔨᒥᓱᐅᒡ᙮ ᒧᔭᒻ ᑭᔅᑯᐅᓂᔅᑯᒡ ᐊ ᐱᒪᓯᒡ ᐊᑲ ᒪᒃ ᐛᐛᒡ ᓂᐱᔪᐅᒡ, ᐊᐅᑯᓐ ᐊ ᐃᑕᔨᑕᑯᓯᒡ᙮ ᒧᔭᒻ ᒥᔅᑎᑯᒡ ᐊᑲ ᓇᔅᒡ ᒥᓂᓱᐅᒡ ᐊᑎ ᐊ ᑎᒂᒋᓂᔨᒋ, ᒥᔅᑎᑯᒡ ᒋᒡ ᐅᑎᐱᔾ ᐊᒋ ᐱᐧᑯᒋᐱᑕᑭᓄᐎᒡ, ᓇᔅᒡ ᐊ ᓂᐱᒡ, ᐊᐅᑯᓐ ᐊ ᐃᓯᓇᑯᓯᒡ᙮

ᒍᑦ 1:12 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 1:3

ᒧᔭᒻ ᒪᒃ ᒥᔅᑎᒄ ᑲ ᓂᑕᐅᒋᑦ ᒋᒡ ᓯᐱᒡ ᒋᑭ ᐃᓯᓇᑯᓱᐤ: ᑲ ᒥᓂᓱᐅᑦ ᐛᑎᒋᐱᔨᒋ ᒐ ᒥᓂᓱᐅᑦ: ᐅᓂᐱᓯᒻ ᓇᒪᐎᔾ ᒋᑭ ᓂᓱᐅᓇᑎᓂᔪᐤ; ᑭᔭ ᒥᒄ ᒐᒂᔪᐤ ᒐ ᐃᑐᑕᐧᒃ ᒋᑭ ᒥᔪᐱᔪᐤ᙮

ᑎᐱᑦ ᐅᓂᑭᒧᐅᓇ 37:2

ᐛᔅ ᐎᐱᒡ ᒋᑭ ᒥᓂᔄᑭᓄᐅᒡ ᒧᔭᒻ ᒥᔅᑯᓱᐛ, ᑭᔭ ᒋᑭ ᓂᐳᓇᑯᓯᐅᒡ ᒧᔭᒻ ᑲ ᐎᔄᐛᔨᒡ ᓂᑕᐅᒋᑕᑭᓂᓯᔪᐤ᙮

ᒪᑎᔪᐤ 13:6

ᐃᔅᐱ ᒪᒃ ᓯᔭᑲᔅᑐᐛᒋ ᐱᓯᒻ ᒋ ᐃᔎᑕᔪᐛ ᐊᓂᔭᔪᐛ ᓂᑕᐅᒋᑕᑭᓇ᙮ ᒐᒃ ᒋ ᐊᑎ ᓂᐱᒥᑭᓇ ᐛᔅ ᑕᐸ ᐅᒋ ᐅᑎᐱᒥᑭᓇ᙮

ᒪᑎᔪᐤ 15:13

ᐊᑯ ᒋᓴᔅ ᐊᑕᑦ, “ᑕᑐᐤ ᐊ ᐃᑕᑎᓂᔨᒋ ᓂᑕᐅᒋᑕᑭᓇ ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑲ ᐎᔾ ᐅᒋ ᓂᑕᐅᒋᑕᑦ ᒋᑭ ᐱᐧᑯᒋᐱᑕᑭᓄᐅᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:6

ᐃᔅᐱ ᒪᒃ ᓯᔭᑲᔅᑐᐛᑦ ᐱᓯᒻ ᒋ ᐃᔎᑕᐛ ᐊᓂᔭᔪᐛ ᓂᑕᐅᒋᑕᑭᓇ᙮ ᒐᒃ ᒋ ᐊᑎ ᓂᐱᒥᑭᓇ ᐛᔅ ᑕᐸ ᐅᒋ ᐅᑎᐱᒥᑭᓇ᙮

ᓗᒃ 12:45

ᒥᒄ ᒪᒃ ᐃᓯ ᒪᒥᑐᓇᔨᑕᒐ ᐊᓐ ᐊᐱᒋᐊᑭᓐ, ᐊᔅᒄ ᓇᐅᔅ ᒐ ᐃᔅᐱᔅ ᑎᑯᓯᐧᒃ ᒥᓐ ᓄᒋᒪᒻ, ᐃᑕᔨᑕᒐ᙮ ᐊᑯ ᒪᒃ ᓇᔅᒡ ᓂᓇᐧᑲᒋᐊᒐ ᐊᓂᔭ ᐎᒋ ᐊᐱᒋᐊᑭᓇ ᑲ ᐅᒋᒪᐧᑲᑐᐛᑦ ᐊ ᐅᑎᑕᒪᐛᑦ ᑭᔭ ᒥᒄ ᒥᒋᓱᒐ ᒪᒃ ᒋᔎᐸᒐ,

ᓗᒃ 16:19

ᒋᓴᔅ ᒋ ᐎᑎᒻ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᔅᒋᔄᑦ, “ᐸᐃᒂᐤ ᒋ ᑕᐤ ᐊ ᐛᔪᑎᓯᑦ ᓇᐸᐤ ᓇᔅᒡ ᐊ ᓱᓇᔭᐎᔨᒋ ᐅᑦ ᐊᐱᒋᑕᐅᓇ, ᓇᔅᒡ ᐊᒋ ᐛᔪᑎᓯᔪᐱᒪᑎᓯᑦ᙮

ᓗᒃ 21:34

“ᐃᔭᒂᒥᒄ ᑕᓐ ᐊ ᐃᓯ ᐱᒪᑎᓯᔭᒄ᙮ ᐊᑲᐎᔾ ᐱᔅᑎᓂᑎᓱᒄ ᐱᓯᒄ ᒐᒋ ᒥᓂᔭᒄ ᒪᒃ ᐱᓯᒄ ᒐᒋ ᒥᒋᓱᔭᒄ ᒪᒃ ᐱᓯᒄ ᒐᒋ ᐊᔨᒪᔨᑎᒪᒄ ᑕᓐ ᐊ ᐃᓯ ᐱᒪᑎᓯᓇᓄᐅᒡ, ᐛᔅ ᐊᔪᐅᒄ ᐊ ᐃᑎᒡ ᑯᑎᑭᒡ ᐊᐛᓐᒋ᙮ ᐊᓐ ᑎᔭᒂ ᒋᑭ ᒋ ᐃᓯᓇᑯᓐ ᓯᔅᒋᑯᒡ ᒐᒋ ᑎᑯᓯᓂᔭᓐ ᒪᒂᒡ ᐊᓐᑕ ᐊᑲ ᐃᑕᔨᑎᒪᒄ᙮ ᐊᓐ ᒪᒃ ᓯᔅᒋᑯᒡ ᑎᑯᓯᓂᔭᓇ, ᒧᔭᒻ ᑕᐱᒂᓐ ᐊᑲ ᐸᓱᐛᔨᑕᐧᒃ ᐊᐛᓯᔅ ᒐ ᑕᐱᒂᓱᑦ ᐊᐅᑯᓐ ᒐ ᐃᑕᔨᑕᒂᒡ᙮

ᓗᒃ 8:6

“ᐊᑯ ᐱᔅᒐ ᑲ ᐸᐸᒋᑎᓂᒡ ᐊᓐᑕ ᐊ ᐊᓯᓂᐅᔨᒋ᙮ ᐃᔅᐱ ᒪᒃ ᓇᓇᒐ ᑲ ᓂᑕᐅᒋᒋ ᒐᒃ ᒋ ᐊᑎ ᐸᔅᑕᐛ ᐛᔅ ᓇᒪ ᓱᒃ ᐅᒋ ᓂᐱᐅᔅᑭᒥᑲᐤ ᐊᓐᑕ ᑲ ᐸᒋᑎᒋ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

ᐱᓕᐱᔭᓇ 3:19

ᐊᔅᒄ ᒋᑭ ᓂᒋᔅᑭᒧᒡ ᐅᓇᒋᐃᐛᐅᓂᔪᐤ᙮ ᑕᓐ ᐊ ᐃᓯ ᓂᑐᐛᔨᑎᒧᒥᑭᓂᔨᒋ ᐎᔪᐛᐛ ᐊᐅᒄ ᒋᒋᐛ ᓂᔭᑭᑐᐛᔨᑎᒥᐃᑯᒡ᙮ ᒥᔽᔨᑎᒥᐃᑯᐅᒡ ᑕᓐ ᐊ ᐃᑎᒡ᙮ ᒋᒧᔅᑕᓇᔭᔨᑎᒧᒡ ᒪᒃ ᐊᓂᔭ ᐃᑐᐅᓇ᙮ ᒥᒄ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ ᐊᔪᐅᒄ ᒥᒄ ᒥᔭᒥᑐᓇᔨᑎᒥᐃᑯᒡ᙮

1 ᑎᒧᑎ 5:6

ᐊᑯ ᐊᓐ ᐃᔎᐤ ᑲ ᐸᐃᑯᓯᑦ ᐱᓯᒄ ᒪᒃ ᒥᒄ ᐎᔾ ᑲ ᐎ ᓂᓇᐊᔨᑎᒥᐃᓱᑦ ᒧᔭᒻ ᐊ ᓂᐱᑦ ᐃᓯᓇᑯᓱᐤ ᐊᑎ ᐊᓂᔭ ᐊᔅᒄ ᐊ ᐱᒪᑎᓯᑦ᙮

ᐃᑉᕈᐛ 13:9

ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮

ᒋᒥᔅ ᐅᒥᓯᓇᐊᒪᒐᐅᓐ 5:5

ᒋᔨᐛᐤ ᑲ ᐛᔪᑎᓯᔭᒄ, ᒥᓯᐛ ᒐᒂᓐ ᒐᒋ ᐊᔭᔭᒄ ᐊᐅᑯᓐ ᐱᓯᒄ ᐊ ᐃᓯ ᐱᒪᑎᓯᔭᒄ ᐅᑕ ᐊᔅᒋᒡ ᑭᔭ ᒥᒄ ᒋᔨᐛᐤ ᒋ ᐎ ᓂᓇᐊᔨᑎᒥᐃᓱᓇᐛᐤ᙮ ᐊᑯ ᒪᒃ ᒧᔭᒻ ᐊᐛᓯᓯᒡ ᐊ ᑕᒋᐳᒡ ᓴᔅ ᐊ ᐃᓯᓇᑯᓯᒡ ᒐᒋ ᓂᐸᐊᑭᓄᐎᒡ, ᐊᐅᑯᓐ ᐊ ᐃᓯᓇᑯᓯᔭᒄ᙮