ᒠᓐ 8:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ ᐊᑯ ᒂ ᐃᑕᒡ, “ᐊᓂᔭ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓇᓐ, ᓇᒪ ᓂᑕ ᓂ ᐅᒋ ᐊᐱᒋᐊᑭᓂᑐᑕᑯᓇᓐ ᐊᐛᓐ᙮ ᒐᒂᓐ ᒪᒃ ᐛᒋ ᐃᔅᒋᔄᔨᓐ ᒋᑭ ᐊᐱᐧᑯᓂᑯᓇᐛᐤ ?”

ᒠᓐ 8:33 ပူးပေါင်းရင်းမြစ်များ

ᒐᓂᓯᔅ 15:13

ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ᓂᔅᑐᑎᒥᓐ ᒐᒂᓐ ᒐ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ᐱᐛᔨᒪᑭᓄᐎᒡ᙮

ᒪᑎᔪᐤ 3:9

ᑭᔭ ᐊᑲᐎᔾ ᐃᑕᔨᑎᒧᒄ ᒐ ᐊᑲ ᐅᒋ ᐛᐛᓯᐃᑕᒄ ᒋᓴᒪᓂᑐᐤ ᐊ ᐅᓂᑐᑎᒪᒄ ᒥᒄ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᐛᔪᐛ ᐊᑉᕋᐊᒪ ᒐ ᐅᑦ ᐊᐛᓯᒥᔨᒋ᙮

ᓗᒃ 3:8

ᒋᐸ ᒂᔅᑲᑎᓯᓇᐛᐤ ᑭᔭ ᒐ ᓄᒂᒡ ᑕᑈ ᓇᔅᒡ ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮ ᑭᔭ ᐊᑲᐎᔾ ᐃᑕᔨᑎᒧᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ᒥᒄ ᐊᓂᔭ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᑉᕋᐊᒪ ᐅᑦ ᐊᐛᓯᒥᔪᐛ᙮

ᒠᓐ 19:25

ᒋᓴᔅ ᒪᒃ ᐅᑲᐎᐊ ᒥᒋᒪ ᒋ ᓂᐳᐅᔪᐛ ᐊᓐᑕ ᒋᓴᓴ ᐅᒋᐱᔭᑎᑯᒥᔨᒡ ᑭᔭ ᐅᑲᐎᐊ ᐎᐧᑲᓂᓯᔪᐛ ᐊᑯᑕ ᑲ ᓂᐳᔨᒋ ᑭᔭ ᒪᕆ, ᑲᓗᐸᔅ ᐎᐛ ᑭᔭ ᒪᕆ ᒪᒃᑕᓕᓐ᙮

ᒠᓐ 8:37

ᒋ ᒋᔅᒐᔨᒥᑎᓇᐛᐤ ᐊᑉᕋᐊᒻ ᐊ ᑕᑦ ᐊᒋ ᐅᒋ ᐊᓂᔅᒐ ᐱᒪᑎᓯᔭᒄ, ᒥᒄ ᒪᒃ ᐃᔭᐱᒡ ᒋ ᐎ ᓂᐸᐃᓇᐛᐤ ᐊᑲ ᐎ ᓂᑐᑎᒪᒄ ᑕᓐ ᐊ ᐃᓯ ᒋᔅᑯᑎᒪᒐᔭᓐ᙮

ᒠᓐ 8:39

ᐊᑯ ᐊᓐᒡ ᒍᐤ ᐃᔪᒡ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᐊᑉᕋᐊᒻ ᓄᑕᐎᓇᓐ᙮” ᐊᑯ ᒋᓴᔅ ᒂ ᐃᑕᑦ, “ᑕᑈ ᐊᑉᕋᐊᒻ ᐊ ᑕᑦ ᑲ ᐅᒋ ᐊᓂᔅᒐ ᐱᒪᑎᓯᐛᒂ ᐊᓂᔭ ᑕᓐ ᑲ ᐃᑎᑦ ᐊᑉᕋᐊᒻ ᐊᐅᑯᓐ ᒋᐸ ᐃᑎᓇᐛᐤ᙮

ᒠᓐ 8:43

ᒐᒂᓐ ᐛᒋ ᐊᑲ ᒋ ᓂᔅᑐᑎᒪᒄ ᑕᓐ ᐊ ᐃᔅᒋᔄᔭᓐ ? ᓇᒪ ᒋ ᐎ ᓂᓇᐃᑕᓇᐛᐤ ᑕᓐ ᐊ ᐃᓯ ᒋᔅᑯᑎᒪᒐᔭᓐ ᐊᐅᑯᓐ ᐛᒋ ᐊᑲ ᓂᔅᑐᑎᒪᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:7

ᑭᔭ ᒪᒃ ᒥᒄ ᐱᔅᒐ ᐊᓐᒡ ᐊᑉᕋᐊᒻ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮ ᐛᔅᑭᒡ ᐊᓐᑕ, ᒋᓴᒪᓂᑐᐤ ᒋ ᐃᑕᐤ ᐊᑉᕋᐊᒪ, “ᐊᐃᓯᒃ ᐊ ᑕᑦ ᒋᑭ ᐅᒋ ᐊᓂᔅᒐ ᐱᒪᑎᓯᐅᒡ ᐊᓐᒡ ᐊᐛᓐᒋ ᑲ ᐃᑎᑕᓐ ᒐᔅᑎᓇᔅ ᒐ ᒥᔨᑕᓐ᙮”