ᒠᓐ 6:64 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶⁴ ᐱᔅᒐ ᒪᒃ ᐅᑕ ᐊ ᑎᓯᔭᒄ ᓇᒪ ᒋ ᑕᑈᔨᑕᓇᐛᐤ᙮” ᓴᔅ ᒋ ᒋᔅᒐᔨᑎᒻ ᒋᓴᔅ ᐊᐛᔪᐛ ᒐ ᐊᑲ ᐅᒋ ᑕᑈᑎᒥᔨᒋ ᑭᔭ ᒋ ᒋᔅᒐᔨᒪᐤ ᐊᓂᔭ ᐊᐛᔪᐛ ᒐ ᐎᔭᓯᐱᔅᑎᓂᑯᑦ᙮

ᒠᓐ 6:64 ပူးပေါင်းရင်းမြစ်များ

ᒪᑎᔪᐤ 10:4

ᑭᔭ ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ ᐃᔅᑲᕆᔭᑦ, ᐊᐅᑯᐤ ᑲ ᐎᔭᓯᐱᔅᑎᓇᑦ ᒋᓴᓴ᙮

ᒠᓐ 10:26

ᒋᔨᐛᐤ ᒪᒃ ᐎ ᓇᒪ ᒋᑭ ᐅᒋ ᑕᑈᑐᐅᓇᐛᐤ ᐛᔅ ᑕᐸ ᐊᓐᑕ ᓂᒪᔭᑕᓂᓯᒥᒡ ᐊ ᑕᒡ ᒋ ᐊᑎ ᐃᓯ ᐎᒋᐃᐛᓇᐛᐤ᙮

ᒠᓐ 18:4

ᒋ ᒋᔅᒐᔨᑎᒻ ᒪᒃ ᒋᓴᔅ ᒥᓯᐛ ᑕᓐ ᒐ ᐃᔅᐱᔨᑦ ᐊᑯ ᒂ ᐸᒋ ᓂᒥᑕᐛᑲᐳᑦ ᒂ ᐃᑕᑦ, “ᐊᐛᓐ ᑲ ᓇᓂᑐᐛᐱᒪᒄ ?”

ᒠᓐ 5:42

ᐛᔅ ᒋ ᒋᔅᒐᔨᒥᑎᓇᐛᐤ ᑕᓐ ᐊ ᐃᑕᔨᑕᑯᓯᔭᒄ᙮ ᓇᒪ ᒋᓴᒋᐊᐛᐤ ᒋᓴᒪᓂᑐᐤ ᐊᓐᑕ ᒋᑕᐃᐛᒡ᙮

ᒠᓐ 6:36

ᓴᔅ ᒪᒃ ᔅᒋ ᐎᑎᒪᑎᓇᐛᐤ, ᓴᔅ ᔅᒋ ᐛᐱᒥᓇᐛᐤ ᐃᔭᐱᒡ ᒪᒃ ᓇᒪ ᒋ ᐅᒋ ᐎ ᑕᑈᔭᔨᒥᓇᐛᐤ᙮

ᒠᓐ 6:60

ᐃᔅᐱ ᒪᒃ ᑲ ᐸᑕᑯᑦ ᒥᒐᑦ ᐊᓂᔭ ᑲ ᓇᓴᐅᑯᑦ ᐊᓂᔭ ᐊ ᐃᔅᒋᔄᑦ, ᒋ ᐃᔅᒋᔄᔪᐛ, “ᑕᑈ ᐊᔨᒥᓂᔪᐤ ᐊᓂᔭ ᑲ ᐃᔅᒋᔄᑦ, ᐊᐛᓐ ᒐᒋ ᓂᔅᑐᑕᐧᒃ ?”

ᒠᓐ 6:61

ᒋᓴᔅ ᒪᒃ ᒋ ᒋᔅᒐᔨᒪᐤ, ᐊᑎ ᐊᑲ ᐅᒋ ᐎᑎᒧᐛᑭᓄᐅᑦ, ᑕᓐ ᐊ ᐃᑎᑐᔨᒋ ᐊᑯ ᒂ ᐃᑕᑦ, “ᒋᐅᔅᑐᐛᔨᑎᒥᐃᑯᓇᐛᐤ ᐊ ᐅ ᑲ ᐃᔅᒋᔄᔭᓐ ?

ᒠᓐ 6:66

ᐃᔅᐱ ᒪᒃ ᑲ ᐃᔅᒋᔄᑦ ᐅᔭ ᒥᒐᑦ ᐊᓂᔭᔪᐛ ᑲ ᓇᓴᐅᑯᑦ ᒋ ᓂᑭᑎᑯᐤ ᑭᔭ ᓇᒪ ᐅᒋ ᐎ ᐎᒐᐅᑯᐤ᙮

ᒠᓐ 8:23

ᒋᓴᔅ ᒪᒃ ᒋ ᐃᑕᐤ, “ᓂᑕᒡ ᒋ ᐅᒋᓇᐛᐤ ᒋᔨᐛᐤ ᓂᔾ ᒪᒃ ᐊᓐᑕ ᐃᔅᐱᒥᒡ ᓂ ᐅᒋᓐ᙮ ᐅᑕ ᐊᔅᒋᒡ ᒋ ᐅᒋᓇᐛᐤ ᒋᔨᐛᐤ, ᓂᔾ ᒪᒃ ᐎ ᓇᒪ ᐅᑕ ᐊᔅᒋᒡ ᓂ ᐅᒋᓐ᙮

ᒠᓐ 8:55

ᓇᒪ ᓂᑕ ᒋ ᐅᒋ ᒋᔅᒐᔨᒪᐛᐤ ᒥᒄ ᒪᒃ ᓂᔾ ᓂ ᒋᔅᒐᔨᒪᐤ᙮ ᐃᔅᒋᔄᔭᓇ ᒪᒃ ᐊᑲ ᒋᔅᒐᔨᒥᒃ, ᓂᑭ ᑭᑭᒋᔭᓐ ᒧᔭᒻ ᒋᔨᐛᐤ ᐊ ᐃᓯ ᑭᑭᒋᔭᔭᒄ᙮ ᒥᒄ ᒪᒃ ᓂ ᒋᔅᒐᔨᒪᐤ ᑭᔭ ᓂᓇᐃᑎᒺᓐ ᐅᑦ ᐃᔨᒧᐅᓐ᙮

ᐊᑈᔅᑕᓇᒡ 15:18

ᐊᐅᒄ ᐅᔭ ᑲ ᐃᔅᒋᔄᑦ ᐅᑎᐸᔨᒋᒐᐤ ᐊᓐ ᐛᔅᑭᒡ ᑲ ᒋᔅᒐᔨᑕᑯᑕᑦ ᐅᔭ ᐊᒋ ᐃᓯ ᐎᔭᔨᑕᐧᒃ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:29

ᐛᔅ ᓂᑲᓐ ᒋ ᒋᔅᒐᔨᒪᐤ ᒋᓴᒪᓂᑐᐤ ᐊᐛᔪᐛ ᒐ ᐅᑦ ᐃᔨᒥᑦ, ᐊᐅᑯᓐ ᒪᒃ ᐅᔭ ᑲ ᐅᑎᓇᑦ ᒐ ᓂᔅᐱᑐᐛᔨᒋ ᐅᑯᓴ᙮ ᐊᐅᒄ ᐅᔭ ᑲ ᐃᑎᑦ ᒋᓴᒪᓂᑐᐤ ᓂᔅᑎᒧᓴᓐ ᒐᒋ ᑕᔨᒋ ᐅᑯᓴ ᐊᓐᑕ ᒪᒂᒡ ᐊ ᒥᒐᑎᔨᒋ ᐎᐧᑲᓂᓯᒪᐛ᙮

2 ᑎᒧᑎ 2:19

ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᓇᒪ ᒋᑭ ᒋ ᐊᑎᓂᑭᓄᐅᔪᐤ ᐊ ᐃᔅᐱᔅ ᔭᐃᑎᓂᔨᒡ, ᑭᔭ ᐊᓐ ᑲ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ᑕᔨᒋ ᑲ ᐃᓯ ᑎᐸᔨᑕᑯᓯᑦ ᒋᐸ ᓂᑭᑎᒻ ᒥᒐᑎᓯᐅᓂᔪᐤ᙮”

ᐃᑉᕈᐛ 4:13

ᒥᓯᐛ ᒐᒂᔪᐤ ᒧᓴ ᐛᐸᑎᒻ ᒋᓴᒪᓂᑐᐤ᙮ ᒥᓯᐛ ᐊᐛᔪᐛ ᓇᔅᒡ ᐛᐱᒪᐤ ᑭᔭ ᒥᓯᐛ ᒐᒂᔪᐤ ᓇᔅᒡ ᐛᐸᑎᒻ᙮ ᐎᔾ ᒪᒃ ᒋᑭ ᐎᑎᒧᐛᓄᐤ ᒐᒂᓐ ᐛᒋ ᐃᓯ ᐱᒪᑎᓯᔭᐧᒄ ᑕᓐ ᐊ ᐃᓯ ᐱᒪᑎᓯᔭᐧᒄ᙮