20 ᒋ ᐃᑎᑯᐅᒡ ᒪᒃ ᒋᓴᓴ, “ᐊᑲᐎᔾ ᑯᔅᑕᒋᒄ, ᐊᐅᒄ ᐛᔅ ᓂᔾ᙮”
ᒋᒂᐱᔅᒋᐱᑕ ᓯᒪᑭᓐ, ᒋᑕᐊᒧᐅᒡ ᒪᒃ ᐊᓐᒡ ᑲ ᓂᓇᐧᑲᒋᐃᒡ: ᐃᓯ ᓂᑦ ᐊᒐᐧᒄ, “ᓂᔾ ᒋᐱᒪᒋᐃᐛᒻ᙮”
ᒋ ᐃᑎᑯᐅᒡ ᒪᒃ, “ᐊᑲᐎᔾ ᓴᒋᓯᒄ᙮ ᒋ ᓇᓂᑐᐛᔨᒪᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ, ᐊᓐ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮ ᒋ ᐅᓂᔅᑲᐤ, ᓇᒪ ᑕᐤ ᐅᑕ᙮ ᑭᓄᐛᐸᑎᒺᐧᒄ ᒪ ᐊᓐᑕ ᑲ ᐱᒥᓯᒪᑭᓄᐅᑦ᙮
ᒥᓯᐛ ᒋ ᓴᒋᓱᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐃᔅᐱ ᐎᔭᐱᒪᒡ ᒋᓴᓴ᙮ ᒋᓴᔅ ᒪᒃ ᑎᐛᒡ ᒋ ᐃᔨᒪᐊᐤ ᐊ ᐃᑕᑦ, “ᒋᔭᒪᔨᑎᒧᒄ, ᐊᐅᒄ ᐛᔅ ᐊᓐ ᓂᔾ᙮ ᐊᑲᐎᔾ ᑯᔅᑕᒋᒄ᙮”
ᓂᔅᑐ ᒪᒃ ᓇᐤ ᐊᔅᐱᓴᔨᒡ ᒋ ᐃᔅᐱᔅ ᐱᒥᔅᑲᒐᓂᒋ, ᐊᑯ ᒂ ᐛᐱᒪᒡ ᒋᓴᓴ᙮ ᒋ ᐸᒋ ᓇᑎᑯᐅᒡ ᐊᓐᑕ ᐅᐤᑎᒡ ᐊ ᑕᒡ ᓂᐱᒡ ᐊ ᐱᒧᑕᔨᒋ᙮ ᓇᔅᒡ ᒪᒃ ᒋ ᑯᔅᑕᒍᐅᒡ᙮
ᐊᑯ ᒪᒃ ᒂ ᐱᔅᑎᓇᒡ ᒐᒋ ᐎᒋ ᐳᓯᒥᑯᒡ᙮ ᓇᒪ ᒪᒃ ᓇᐅᒡ ᓴᔅ ᒂ ᒥᓯᑲᒡ ᓇᑕ ᑲ ᐎ ᐃᔅᒋᒪᒡ᙮
