ᒠᓐ 5:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐛᔅ ᒋᓴᒪᓂᑐᐤ ᒋ ᐸᒋ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᐃᑕᑭᒥᐊᒥᔨᒋ ᐊᓂᔭ ᓂᐱᔪᐤ ᒐᒋ ᐊᑕᑭᒥᐱᔨᒡ᙮ ᐅᔭ ᒪᒃ ᐊ ᐃᔅᐱᔨᒋ ᐊᓂᔭ ᓂᐱᔪᐤ, ᐊᓐ ᐊᐛᓐ ᑕᓐ ᒥᒄ ᐊ ᐃᑕᔅᐱᓇᒂ ᓂᔅᑎᒻ ᐊ ᐱᑭᔅᑐᐛᑕᑦ ᒋ ᒥᓏᒋᐊᑭᓄᐤ᙮

ᒠᓐ 5:4 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 119:60

ᓂᒋ ᒋᐱᓐ, ᓇᒪ ᑭᔭ ᓄᒋ ᒋᐱᒋᓐ, ᒐᒋ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓇ᙮

ᒪᑎᔪᐤ 11:12

ᑲ ᐃᔅᐱᔅ ᒋᒋᐱᔨᑕᑦ ᒪᒃ ᒠᓐ ᐅᓯᑲᐃᑕᒐᐤ ᐊ ᑭᒐᔅᒋᒧᑦ, ᐅᑕ ᒪᒃ ᐃᔅ ᐊᓄᒡ, ᒧᔅ ᐎ ᓯᓱᒐᔨᒧᑕᑭᓄᐤ ᒋᒋᒋᓯᒄ ᒋᓴᐅᒋᒪᐅᓐ, ᑭᔭ ᑲ ᐊᒂᑕᔨᑕᑯᓯᒡ ᐊᐛᓐᒋ ᓇᔅᒡ ᓱᒃ ᐊ ᒪᓯᒐᒡ ᐎᔨᐛᐤ ᐊ ᐎ ᒪᑯᓂᒪᓱᒡ᙮

ᒪᑎᔪᐤ 6:33

ᐅᔅᑕ ᐃᑕᔨᑕᑯᓐ ᓂᔅᑎᒻ ᓱᒃ ᒐᒋ ᓇᓂᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐃᑐᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒐ ᐃᑐᐛᒄ, ᐊᑯ ᒐ ᒥᔨᑕᒄ ᒥᓯᐛ ᑕᓐ ᐊ ᐃᓯ ᓄᑕᐱᔨᐛᒄ᙮

ᓗᒃ 13:24

“ᒥᒐᑦ ᐊᐛᓐᒋ ᒋᑭ ᑯᒋᑕᐅᒡ ᒐᒋ ᐱᒐᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᓇᒪ ᒪᒃ ᒋᑭ ᒋ ᐃᑐᐅᒡ᙮ ᒋᔨᐛᐤ ᒪᒃ ᓱᒃ ᑯᒋᑕᒄ ᒐᒋ ᐱᒐᔭᒄ ᐊᓐᑕ ᐅᒋ ᐊᓐ ᑲ ᓴᑯᐛᒡ ᒋᐱᔎᐤ᙮

ᓗᒃ 16:16

“ᐊᔅᒄ ᐊᑲ ᐅᒋ ᑎᑯᓯᐧᒃ ᒠᓐ ᐅᓯᑲᐃᑕᒐᐤ ᒥᒄ ᐊᓂᔭ ᒧᓱᔅ ᑲ ᒥᓯᓇᐊᐧᒃ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓂᔭ ᑕᓐ ᑲ ᐃᓯ ᐎᑎᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᐅᑯᓐ ᐊᓂᔭᔪᐛ ᒥᒄ ᑲ ᐊᐱᑕᒡ ᐊ ᒋᔅᑯᑎᒪᒐᒡ᙮ ᐊᑯ ᒪᒃ ᑲ ᐃᔅᐱᔅ ᑕᑦ ᒠᓐ ᐊᑯ ᒥᔽᒋᒧᐅᓐ ᑲ ᐛᐎᑕᑭᓄᐅᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊ ᐊᔨᒧᑕᑭᓄᐎᒡ᙮ ᓱᒃ ᒪᒃ ᒥᒐᑦ ᐊᐛᓐ ᐊᔨᐧᑭᒻ ᐎᔾ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᒠᓐ 5:3

ᒥᒐᑦ ᐊᐛᓐᒋ ᑲ ᐊᐧᑯᓯᒡ ᐊᑯᑕ ᐊᓐᑕ ᐱᑐᔎᒡ ᑲ ᐱᒥᓯᓂᒡ, ᐊᓐᒡ ᐊᑲ ᐛᐸᑕᒡ, ᑭᔭ ᐊᓐᒡ ᐊᑲ ᒋ ᐱᒧᑕᒡ ᑭᔭ ᐊᓐᒡ ᐊᑲ ᓂᔅᑐᓯᒡ ᐎᔭᐛᒡ, ᐊ ᐊᓱᐛᐸᑕᒡ ᐊᓂᔭ ᓂᐱᔪᐤ ᒐ ᐃᔅᐱᔅ ᐊᑕᑭᒥᐱᔨᒡ᙮

ᒠᓐ 5:5

ᒋ ᑕᐤ ᒪᒃ ᓇᐸᐤ ᓂᔅᑐᔪᐤ ᐊᓱ ᔭᓇᐤ ᑕᑐᐳᓇ ᐊᒋ ᐃᔅᐱᔅ ᐊᐧᑯᓯᑦ᙮

ᒠᓐ 5:7

ᐊᑯ ᐊᓐ ᓇᐸᐤ ᑲ ᐊᐧᑯᓯᑦ ᒂ ᐃᔅᒋᔄᑦ, “ᓇᒪ ᑕᐤ ᐊᐛᓐ ᒐᒋ ᐸᒋ ᐃᑐᑕᐃᑦ ᐊᓐᑕ ᒪᒂᒡ ᐊ ᐊᑕᑭᒥᐱᔨᒡ ᐊᓂᔭ ᓂᐱᔪᐤ᙮ ᒪᒂᒡ ᐊ ᐃᔅᐱᓯᐧᑲᓱᔭᓐ ᐊᓐᑕ ᐊ ᐎ ᐃᑐᑕᔭᓐ ᓴᔅ ᑕᐤ ᒪᓐ ᐊᐛᓐ ᐊ ᐸᒋ ᐊᑯᔅᑯᐅᑦ᙮”

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

1 ᒠᓐ 1:7

ᒧᔭᒻ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒧᔭᒻ ᐎᔾ ᐛᔅᑕᐅᓂᒡ ᐊ ᐃᓯ ᑕᑦ, ᑕᑈ ᒋᑭ ᒥᔪ ᐎᒐᐅᑐᓇᓄᐤ, ᑭᔭ ᒋᓴᔅ, ᒋᓴᒪᓂᑐᐤ ᐅᑯᓴ, ᐅᒥᐧᒄ ᒋ ᐸᔭᒋᐃᑯᐛᓇᓄᐤ ᒥᓯᐛ ᒥᒋᑥᐅᓂᒡ ᐅᒡ᙮