ᒠᓐ 5:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᓇᒪ ᐃᑕᔨᑕᑯᓐ ᒐᒋ ᐸᒋ ᐎᑎᒧᐅᑦ ᐊᐛᓐ ᙭ ᐊ ᐊᐎᔭᓐ, ᐛᔅ ᓂ ᒋᔅᒐᔨᒥᓱᓐ ᐊᐛᓐ ᓂᔾ᙮ ᒥᒄ ᐊᐅᑯᓐ ᐅ ᐊ ᐃᔅᒋᔄᔭᓐ ᒐᒋ ᐱᒪᒋᐅᔭᒄ᙮

ᒠᓐ 5:34 ပူးပေါင်းရင်းမြစ်များ

ᓗᒃ 13:34

“ᒋᔨᐛᐤ ᒋᕈᓯᓕᒥᒡ ᑲ ᑕᔭᒄ, ᑲ ᓂᐸᐊᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᑲ ᐸᐱᐳᒧᓯᓇᑕᐛᑯᒡ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ᐃᑎᓴᐊᒪᑕᒄ, ᑕᓐ ᑕᑥᐤ ᑲ ᐎ ᒪᐅᓯᑯᐱᑎᑎᑯᒡ ᐊᓐᑕ ᐃᔅ ᐊ ᑕᔭᓐ, ᒧᔭᒻ ᐱᑲᒂᓐ ᐊ ᐃᑐᑐᐛᑦ ᐅᐱᑲᒂᓂᓯᒪ, ᓯᐸ ᐅᑎᑎᑭᓂᒡ ᐊ ᐃᓯ ᒪᐅᓯᑯᓇᑦ ᐊ ᐎ ᓂᓇᑭᑐᐛᔨᒪᑦ᙮ ᐊᐅᑯᓐ ᒪᒃ ᒧᔭᒻ ᑲ ᐎ ᐃᑐᑕᑎᑯᒡ᙮ ᒥᒄ ᓇᒪ ᒋ ᐅᒋ ᐱᔅᑎᓇᐛᐤ ᐅ ᒐᒋ ᐃᑐᑕᑎᑯᒡ᙮

ᓗᒃ 19:10

ᐃᔪᐤ ᐅᑯᓯᓴᓐ ᒋ ᐸᒋ ᑎᑯᓯᓐ ᒐᒋ ᓇᓂᑐᐛᐱᒪᑦ ᑭᔭ ᒐᒋ ᐱᒪᒋᐊᑦ ᐊᓂᔭᔪᐛ ᐃᔪᐛ ᑲ ᐅᓂᓯᓂᔨᒋ᙮”

ᓗᒃ 24:47

ᐊᑯ ᒪᒃ ᒋᐸ ᐛᐎᑎᒧᐛᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ᒥᓯᑕᐱᔪᐤ ᐅ ᒐ ᐃᓯ ᐛᐎᑕᑭᓄᐅᒡ᙮

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᒠᓐ 5:32

ᑯᑎᒃ ᐊᐛᓐ ᑕᐤ ᐊ ᐸᒋ ᑎᐸᒋᒥᑦ ᐊ ᐃᔅᒋᔄᑦ ᐊ ᐊᐎᐅᒡ ᙭ᑕ, ᓂ ᒋᔅᒐᔨᑕᓐ ᒪᒃ ᐊ ᑕᑈᒥᑭᓂᔨᒡ ᐊᓂᔭ ᑲ ᐃᑕᒋᒥᑦ᙮”

ᒠᓐ 5:41

“ᓇᒪ ᓂ ᐃᑐᑕᓐ ᒐᒂᓐ ᓇᐸᐤ ᒐᒋ ᐅᒋ ᐸᒋ ᒋᔅᑕᔨᒥᑦ᙮

ᒠᓐ 8:54

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᓂᔾ ᒐᔅᑕᔨᑕᑯᐃᑎᓱᔭᓇ ᓇᒪ ᓇᔅᒡ ᒐᒂᓐ ᒋᑭ ᐅᒋ ᐃᓯᓇᑯᓐ ᐊᓐ ᐊ ᒋᔅᑕᔨᑕᑯᐃᑎᓱᔭᓐ᙮ ᓄᑕᐎᔾ ᐊᐅᒄ ᒐᔅᑕᔨᑕᑯᐃᑦ, ᐊᓐ ᑲ ᐃᔅᒋᔄᔭᒄ ᐊ ᐅᒋᓴᒪᓂᑐᒥᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:1

ᓂᐧᑲᓂᓯᑐᒄ, ᒋᒋᐛ ᐊ ᐃᓯ ᐱᑯᓴᔨᒧᔭᓐ ᓂᑕᐃᒡ ᑭᔭ ᒋᒋᐛ ᐊ ᐃᓯ ᓂᑐᑎᒧᐅᒃ ᒐᒂᔪᐤ ᒋᓴᒪᓂᑐᐤ ᐊᐅᒄ ᒐᒋ ᐱᒪᒋᐅᒡ ᓂᒡ ᐃᔅᕋᐃᓪ ᐃᔪᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:21

ᒪᐅᔭ ᐊ ᐃᓯ ᐊᔨᒧᒪᑦ ᒋᓴᒪᓂᑐᐤ ᐃᔅᕋᐃᓪ ᐃᔪᐛ, ᐃᔅᑭᓐ ᒋᓯᑲᐛ ᓂᒋ ᓱᐅᓂᔅᒐᔨᔅᑐᐛᐅᒡ ᐊᓐᒡ ᐊᑲ ᓂᓇᐃᑐᐅᒡ ᑭᔭ ᑲ ᐊᓏᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:21

ᐊᑲᐎᔾ ᒋᑭ ᓴᐧᑯᒋᐃᑯᓐ ᒐᒂᓐ ᐊ ᒪᔭᑎᒡ᙮ ᐎ ᓴᐧᑯᒋᑕ ᐃᔭᐱᒡ ᐊᓐ ᑲ ᒪᔭᑎᒡ ᐊ ᒥᔪᑐᑎᒪᒐᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:3

ᐱᔅᒐ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᓇᒪ ᐅᒋ ᑕᑈᐅᒐᔨᑕᑯᓯᔪᐛ, ᐊᑯ ᐊ ᒪᒃ ᓇᒪ ᑕᑈᐅᒐᔨᑕᑯᓱᐤ ᑭᔭ ᐎᔾ ᒋᓴᒪᓂᑐᐤ ?

1 ᑯᕆᓐᑎᔭᓇ 9:22

ᑭᔭ ᐊ ᐃᑕᔭᓂ ᐊᓐᑕ ᐊ ᑕᒡ ᐊᓐᒡ ᐊᑲ ᓇᔅᒡ ᑲ ᓱᒋᑲᐳᐅᒡ ᐅᑕᑈᑎᒧᐅᓄᐛᒡ ᐊᐅᑯᓐ ᑭᔭ ᓂᔾ ᐊ ᐃᑕᔨᑕᑯᐃᓱᔭᓐ᙮ ᐅᔭ ᓂᑦ ᐃᑐᐛᓐ ᒐᒋ ᐎᒋᐃᒂᐤ ᐊᑐᐎᔅ ᒐᒋ ᓱᒋᑲᐳᐅᒡ ᐊ ᑕᑈᑕᒡ᙮ ᒥᒄ ᑕᓐ ᐊ ᐃᑕᔨᑕᑯᓯᒡ ᐊᐛᓐᒋ ᐊ ᑭᒐᔅᒋᒥᒂᐤ ᐊᐅᑯᓐ ᐊ ᐃᑕᔨᑕᑯᐃᓱᔭᓐ᙮ ᒥᒄ ᑕᓐ ᒐ ᐃᓯ ᓇᐃᐱᔨᒂ ᒐᒋ ᐃᓯ ᐎᒋᐃᒂᐤ ᐊᐅᑯᓐ ᒐ ᐃᓯ ᐎᒋᐃᒂᐤ ᐱᔅᒐ ᒐᒋ ᐱᒪᒋᐅᒡ᙮

1 ᑎᒧᑎ 4:16

ᓂᓇᑭᑐᐛᔨᑎᒥᐃᑯᐤ ᑭᔭ ᒋ ᐱᒪᑎᓯᐅᓐ ᑭᔭ ᐊᓐ ᐊ ᐃᓯ ᒋᔅᑯᑎᒪᒐᔨᓐ᙮ ᐅ ᐃᓯ ᓂᓇᑭᑐᐛᔨᑎᒥᓇ ᐊᐅᒄ ᒐ ᑭᓄᐛᔨᒥᑯᔭᒄ ᑭᔭ ᒐ ᐱᒪᒋᐃᑯᔭᒄ, ᒋᔾ ᑭᑈ ᑭᔭ ᐊᓐᒡ ᑲ ᓂᑐᑕᔅᒡ᙮

1 ᒠᓐ 5:9

ᒋ ᑕᑈᑕᓇᓄᐤ ᒪᓐ ᑕᓐ ᐊ ᐃᑕᒋᒧᔅᑕᑕᐧᒄ ᐊᐛᓐ ᐅᑕ ᐊᔅᒋᒡ᙮ ᐃᐛᒃ ᒪᒃ ᐃᑕᔨᑕᑯᓂᔪᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᑕᒋᒧᑦ ᒋᓴᒪᓂᑐᐤ ᐛᔅ ᐎᔾ ᐅᔭ ᐅᑎᐸᒋᒧᐅᓐ᙮ ᐊᐅᒄ ᒪᒃ ᐅᔭᔪᐤ ᑲ ᐃᑕᒋᒪᑦ ᐅᑯᓴ᙮