ᒠᓐ 5:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᑯᐃᔅᒄ ᒋ ᐎᑎᒪᑎᓇᐛᐤ ᓴᔅ ᐊ ᐅᑎᒋᐱᔨᒡ ᐊᓐ ᑎᐸᐃᑭᓐ ᐅ ᒐ ᐃᔅᐱᔨᒡ, ᓴᔅ ᒪᒃ ᐃᔅᐱᔪᐤ, ᐊᓐᒡ ᑲ ᓂᐱᒡ ᒋᑭ ᐸᑎᒺᐅᒡ ᒋᓴᒪᓂᑐᐛ ᐅᑯᓯᔪᐛ ᐅᐸᑕᑯᓱᐅᓂᔪᐤ᙮ ᐊᓐᒡ ᒪᒃ ᑲ ᐸᑎᒺᒡ ᒋᑭ ᐱᒪᑎᓯᐅᒡ᙮

ᒠᓐ 5:25 ပူးပေါင်းရင်းမြစ်များ

ᓗᒃ 15:24

ᐛᔅ ᐅ ᓂᑯᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᐊᑯ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᒄ ᐊ ᐃᓯᓇᑯᓯᑦ, ᒧᔭᒻ ᐊᒋ ᐅᓂᓯᓂᑦ ᑭᔭ ᒥᓐ ᐊ ᒥᔅᑯᐛᑭᓄᐅᑦ᙮’ ᑭᔭ ᒂ ᒧᒋᒐᔨᑕᒡ᙮

ᓗᒃ 15:32

ᐃᓯᓇᑯᓐ ᑕᑈ ᒐᒋ ᒧᒋᒐᔨᑎᒪᐧᒄ ᐛᔅ ᒋᐧᑲᓂᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᑭᔭ ᐊᓄᒡ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒧᔭᒻ ᐊᒋ ᐅᓂᓯᓂᑦ ᒋ ᐃᓯᓇᑯᓱᐤ ᑭᔭ ᒥᓐ ᐊ ᒥᔅᑯᐛᑭᓄᐅᑦ ᐊᐅᑯᓐ ᐊ ᐃᓯᓇᑯᓯᑦ᙮’ ”

ᓗᒃ 9:60

ᐊᑯ ᒋᓴᓴ ᒂ ᐃᑎᑯᑦ, “ᐊᓐᒡ ᒧᔭᒻ ᑲ ᓂᐱᒡ ᑲ ᐃᑕᔨᑕᑯᓯᒡ ᐃᔪᒡ ᐊᑯᔅ ᒋᑭ ᓇᐃᐧᑯᐛᐅᒡ ᐊᓂᔭ ᐅᑦ ᐃᔨᒧᐛᐛ ᑲ ᓂᐱᔨᒋ᙮ ᒋᔾ ᒪᒃ, ᒪᒋ ᒐ ᐛᐎᑎᒧᑦ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮”

ᒠᓐ 13:1

ᐊᔅᒄ ᐊᑲ ᐅᒋ ᐅᑎᒋᐱᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᓴᔅ ᒋ ᒋᔅᒐᔨᑎᒻ ᒋᓴᔅ ᐊ ᐅᑎᒋᐱᔨᒡ ᒐ ᓂᑭᑕᐧᒃ ᐅᔭ ᐊᔅᒋᔪᐤ ᑭᔭ ᒐ ᓂᑐᐛᐱᒪᑦ ᐅᑕᐎᒪᐛ᙮ ᒧᔅ ᒋ ᓴᒋᐊᐤ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ ᐅᑕ ᐊᔅᒋᒡ ᑲ ᑕᔨᒋ ᑭᔭ ᒐ ᐅᑎᒋᐱᔨᒡ ᒐᒋ ᐛᐸᑎᔭᑦ ᑕᓐ ᐊᔅᐱᔅ ᓴᒋᐊᑦ᙮

ᒠᓐ 17:1

ᐃᔅᐱ ᒪᒃ ᒋᓴᔅ ᑲᒋ ᐃᓯ ᐃᔭᒥᑦ, ᒋ ᑎᔅᑎᓴᐳᐤ ᒋᒋᒋᓯᑯᒡ ᐃᔅ ᐊᑯ ᒂ ᐃᔅᒋᔄᑦ, “ᓄᑕ, ᐊᑯ ᐛᑎᒋᐱᔨᒡ ᑎᐸᐃᑭᓐ᙮ ᐛᐸᑎᔨᐛ ᑕᓐ ᐊᔅᐱᔅ ᒋᔅᑕᔨᑕᑯᓯᑦ ᒋᑯᔅ ᐊᑯ ᒪᒃ ᒐ ᐛᐸᑎᔨᐛᑦ ᒋᔾ ᑕᓐ ᐊᔅᐱᔅ ᒋᔅᑕᔨᑕᑯᓱᐅᑦ᙮

ᒠᓐ 4:21

ᒋᓴᔅ ᒂ ᐃᑕᑦ, “ᑕᑈᑐᐎ, ᒋᑭ ᐃᔅᐱᔪᐤ ᐊᔅᒄ ᒍᑕᐎᓄᐤ ᒐ ᐊᑲ ᐅᒋ ᐊᔭᒥᐊᔅᑐᐛᑭᓄᐅᑦ ᐅᑕ ᐱᔅᑯᑎᓇᒡ ᑭᔭ ᒪᒃ ᐊᓐᑕ ᒋᕈᓯᓕᒥᒡ᙮

ᒠᓐ 4:23

ᐛᔅ ᓴᔅ ᐸᓱᓇᑯᓐ, ᑭᔭ ᐊᐅᑯᓐ ᓴᔅ ᐊ ᐃᔅᐱᔨᒡ, ᐊᓐᒡ ᒋᒋᐛ ᑲ ᐊᔭᒥᐊᔅᑐᐛᒡ ᐅᑕᐎᒪᐛ, ᐊᒐᐧᑯᒡ ᑭᔭ ᑕᑈᐅᓂᒡ ᐃᓯ ᐊᔭᒥᐊᔅᑐᐛᐅᒡ᙮ ᐊᐅᒄ ᐅᔭ ᐊ ᐃᓯ ᓂᑐᐛᔨᒪᑦ ᐊᐛᔪᐛ ᒐᒋ ᐃᓯ ᐊᔭᒥᐊᔅᑕᑯᑦ ᒍᑕᐎᓄᐤ᙮

ᒠᓐ 5:21

ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮

ᒠᓐ 5:28

“ᐊᑲᐎᔾ ᑯᔅᑯᐱᔨᒄ, ᐛᔅ ᓴᔅ ᐸᓱᓇᑯᓐ ᒥᓯᐛ ᐊᓐᒡ ᑲ ᓂᒂᔅᑲᑕᑭᓄᐅᒡ ᒐᒋ ᐸᑎᒺᒡ ᐅᑯᓯᓯᒪᐛ ᐅᐸᑕᑯᓱᐅᓂᔪᐤ,

ᒠᓐ 6:60

ᐃᔅᐱ ᒪᒃ ᑲ ᐸᑕᑯᑦ ᒥᒐᑦ ᐊᓂᔭ ᑲ ᓇᓴᐅᑯᑦ ᐊᓂᔭ ᐊ ᐃᔅᒋᔄᑦ, ᒋ ᐃᔅᒋᔄᔪᐛ, “ᑕᑈ ᐊᔨᒥᓂᔪᐤ ᐊᓂᔭ ᑲ ᐃᔅᒋᔄᑦ, ᐊᐛᓐ ᒐᒋ ᓂᔅᑐᑕᐧᒃ ?”

ᒠᓐ 8:43

ᒐᒂᓐ ᐛᒋ ᐊᑲ ᒋ ᓂᔅᑐᑎᒪᒄ ᑕᓐ ᐊ ᐃᔅᒋᔄᔭᓐ ? ᓇᒪ ᒋ ᐎ ᓂᓇᐃᑕᓇᐛᐤ ᑕᓐ ᐊ ᐃᓯ ᒋᔅᑯᑎᒪᒐᔭᓐ ᐊᐅᑯᓐ ᐛᒋ ᐊᑲ ᓂᔅᑐᑎᒪᒄ᙮

ᒠᓐ 8:47

ᐊᓐ ᐊᐛᓐ ᒋᓴᒪᓂᑐᐛ ᐊ ᑕᔨᒋ ᑲ ᐅᒋᑦ ᓂᑐᑎᒻ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒋᔨᐛᐤ ᒪᒃ ᓇᒪ ᒋᓴᒪᓂᑐᐤ ᐊ ᑕᑦ ᒋ ᐅᒋᓇᐛᐤ ᐊᐅᑯᓐ ᐛᒋ ᐊᑲ ᓂᑐᑎᒪᒄ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᔅ᙮

ᒠᓐ 9:27

ᐊᑯ ᒂ ᐃᑕᑦ, “ᓴᔅ ᔅᒋ ᐎᑎᒪᑎᓇᐛᐤ ᒥᒄ ᒪᒃ ᓇᒪ ᒋ ᐎ ᓂᑐᑕᓇᐛᐤ᙮ ᒐᒂᓐ ᐛᒋ ᓂᑐᐛᔨᒥᔭᒄ ᒥᓐ ᒐᒋ ᐃᔅᒋᔄᔭᓐ ? ᓇᒪᐎᔾ ᐊ ᒥᒄ ᑭᔭ ᒋᔨᐛᐤ ᐊ ᐎ ᓇᓴᐛᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:4

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑲ ᓯᑲᐃᑐᐛᑯᐅᔭᐧᒄ ᒧᔭᒻ ᑭᔭ ᒋᔭᓄᐤ ᐊᒋ ᓇᐃᐧᑲᑯᐅᔭᐧᒄ ᑲ ᓇᐃᐧᑯᐛᑭᓄᐅᑦ ᑭᔭ ᑲ ᓂᐸᐊᑭᓄᐅᑦ ᒋᔭᓄᐤ ᑭᔭ ᔅᒋ ᓂᐸᐃᑯᐅᓇᓄᐤ᙮ ᐅ ᒪᒃ ᐛᒋ ᐃᓯᓇᒂᒡ ᐊᐅᒄ ᓇᔅᒡ ᒐᒋ ᐅᔅᒐᔨᑕᒂᒡ ᑕᓐ ᐊ ᐃᓯ ᐱᒪᑎᓯᔭᐧᒄ ᒧᔭᒻ ᑲ ᐃᔅᐱᔅ ᓇᔅᒡ ᐅᔅᒐᔨᑕᑯᓂᔨᒡ ᙭ ᐅᐱᒪᑎᓯᐅᓐ ᑲ ᐅᓂᔅᑲᓂᑯᑦ ᐅᑕᐎᒪᐛ ᐅᒋᔅᑕᔨᑕᑯᓱᐤ ᓱᐧᑲᑎᓯᐅᓂᔨᒡ ᐅᒡ᙮

ᐃᐱᓯᔭᓇ 2:1

ᒋᔨᐛᐤ ᒪᒃ ᐊ ᓂᐱᔭᒄ ᔅᒋ ᐃᓯᓇᑯᓯᓇᐛᐤ ᐊᔅᒄ ᐊᑲ ᐅᒋ ᐱᒪᒋᐃᑕᒄ ᒋᓴᒪᓂᑐᐤ᙮ ᔅᒋ ᒥᒐᑎᓯᓇᐛᐤ ᑭᔭ ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ᙮

ᐃᐱᓯᔭᓇ 2:5

ᐊᑎ ᐊᔅᒄ ᒪᒂᒡ ᐊ ᓂᐱᔭᐧᒄ ᐊᒋ ᐃᓯᓇᑯᓯᔭᐧᒄ ᐊᑲ ᐅᒋ ᓂᓇᐃᑐᐛᐧᒄ, ᔅᒋ ᑐᑕᑯᓄᐤ ᒐᒋ ᐎᒋ ᐱᒪᑎᓯᒪᐧᑯ ᙭ᑕ᙮ ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ ᐊᒋ ᐎ ᓱᐛᔨᒥᑕᒄ ᐊᑎ ᐊᑲ ᐅᒋ ᒋᔅᑕᔨᑕᑯᓯᔭᒄ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᑯᓚᓯᔭᓇ 2:13

ᒋᒥᒋᑥᐅᓄᐛᐛ ᔅᒋ ᐃᑐᑕᑯᓇᐛᐤ ᒧᔭᒻ ᐊ ᓂᐱᔭᒄ ᒐᒋ ᐃᓯᓇᑯᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ, ᑭᔭ ᐊᔅᒄ ᓇᒪ ᒋ ᐅᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑐᑕᑕᒄ ᑕᓐ ᑲ ᐃᑐᑎᒪᑕᒄ ᙭ ᐅᒡ᙮ ᐊᓄᒡ ᒪᒃ ᔅᒋ ᒥᔨᑯᐛᐤ ᒋᓴᒪᓂᑐᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᒧᔭᒻ ᑲ ᐃᓯ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᓴᒪᓂᑐᐤ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 3:1

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓴᕐᑎᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑎᐸᔨᒪᑦ ᐊᓂᔭᔪᐛ ᓂᔄᐅᑕᒡ ᐊᒐᒂ ᑲ ᐊᑐᔅᑯᐛᔨᒋ ᒋᓴᒪᓂᑐᐛ, ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ᙮ ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᐊ ᐃᑎᔭᒄ, ᐃᑕᐤ᙮ ᒋ ᒋᔅᒐᔨᒥᑎᓇᐛᐤ ᐊ ᐃᑕᔨᒥᑯᔭᒄ ᑕᑈ ᐊᒐᐧᑯᐅᓂᒡ ᐊ ᐃᓯ ᐱᒪᑎᓯᔭᒄ, ᒥᒄ ᒪᒃ ᒋ ᓂᐱᓇᐛᐤ᙮