ᒠᓐ 5:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᓐᑕ ᒪᒃ ᒋᕈᓯᓕᒥᒡ ᒋ ᑎᑯᓐ ᐊᓐᑕ ᐊ ᐅᒋ ᐱᒐᓄᐅᒡ ᒪᔭᑕᓂᔅ ᒋᐱᔎᐤ ᐊ ᐃᓯᓂᐧᑲᑕᒡ᙮ ᒥᒋᒪ ᒪᒃ ᐊᓐᑕ ᒋ ᑎᑯᓐ ᐊ ᐱᑲᓯᒧᓇᓄᐅᒡ, ᐸᑎᔅᑕ ᒋ ᐃᓯᓂᐧᑲᑕᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮ ᐱᑕᑕᒡ ᒋ ᑕᑎᓇ ᐱᑐᔎᐛ ᐊ ᑎᒂᒋ ᐊᓐᑕ᙮

ᒠᓐ 5:2 ပူးပေါင်းရင်းမြစ်များ

ᒠᓐ 19:13

ᐃᔅᐱ ᒪᒃ ᑈᓚᑦ ᐱᔭᑕᐧᒃ ᐊᓂᔭ ᑲ ᐃᔅᒋᔄᔨᒋ ᐊᓂᔭ ᒍᐤ ᐃᔪᐛ ᐎᐎᑎᒥᒡ ᒋ ᐃᑐᑕᐊᐤ ᐊᓂᔭ ᒋᓴᓴ ᐊᑯ ᑲ ᐛᐛᔨᐱᑦ ᐊᓐᑕ ᑎᐸᔅᑯᓂᒐᓱᐤ ᑕᑎᐳᐛᑭᓂᒡ, ᐊᓐᑕ ᐊ ᐊᓯᓂᐧᑲᓄᐎᔨᒡ ᐊᒋ ᐊᔅᑕᔨᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ ᑲᐸᑕ ᐃᓯᓂᐧᑲᑕᑭᓄᐤ ᐊᓐᑕ ᐊᓂᔭ ᑲ ᐊᓯᓂᐧᑲᓄᐎᔨᒡ᙮

ᒠᓐ 19:17

ᒂ ᔅᑐᑕᐊᒡ ᐊᓂᔭ ᒋᓴᓴ ᐊ ᐱᒧᑕᐊᔨᒋ ᐅᒋᐱᔭᑎᑯᒥᔪᐛ ᐊᓐᑕ ᒂ ᐃᑐᑕᐊᒡ “ᒋᐱᔅᑎᒂᓐ ᑲ ᑎᒂᒡ” ᑲ ᐃᓯᓂᐧᑲᑕᔨᒡ᙮ ᐅ ᒪᒃ “ᒋᐱᔅᑎᒂᓐ ᑲ ᑎᒂᒡ” ᑲ ᐃᓯᓂᐧᑲᑕᒡ, ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ “ᑯᓪᑯᑕ” ᐃᓇᓄᐤ᙮

ᒠᓐ 19:20

ᒥᒐᑦ ᒍᐤ ᐃᔪᒡ ᒋ ᐸᒋ ᐃᔨᒥᑕᐅᒡ ᐊᓂᔭ ᒥᓯᓇᐃᑭᓂᔪᐤ ᐛᔅ ᓇᒪ ᐅᒋ ᔭᐅᓇᑯᓂᔪᐤ ᐊᓂᔭ ᐅᑕᓇᔪᐤ ᐊᓐᑕ ᑲ ᑕᒡ᙮ ᓂᔅᑐᔨᒡ ᒪᒃ ᐃᔨᒧᐅᓇ ᒋ ᐃᓯ ᒥᓯᓇᐃᒐᓄᐃᔪᐤ ᐊᓂᔭ ᒥᓯᓇᐃᑭᓂᔪᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ, ᓚᑎᓐ ᑭᔭ ᑯᕆᒃ᙮

ᒠᓐ 20:16

“ᒪᕆ,” ᒋ ᐃᑕᐤ ᒋᓴᔅ᙮ ᒋ ᒂᔅᒋᑲᐳᐤ ᒪᕆ ᐊᑯ ᑲ ᐃᑕᑦ ᐊᓂᔭ ᒋᓴᓴ ᐃᑉᕈᐤ ᐊ ᐃᓯ ᐃᔨᒥᑦ, “ᕋᐳᓇᐃ,” ᒋ ᐃᑕᐤ᙮ ᐅ ᒪᒃ ᕋᐳᓇᐃ ᑲ ᐃᓇᓄᐅᒡ ᐊ ᐱᔭᑭᔅᒋᑕᑯᓯᓇᓄᐅᒡ ᐅᑎᐸᔨᒋᒐᐤ ᐃᓇᓄᐤ᙮

ᒠᓐ 5:3

ᒥᒐᑦ ᐊᐛᓐᒋ ᑲ ᐊᐧᑯᓯᒡ ᐊᑯᑕ ᐊᓐᑕ ᐱᑐᔎᒡ ᑲ ᐱᒥᓯᓂᒡ, ᐊᓐᒡ ᐊᑲ ᐛᐸᑕᒡ, ᑭᔭ ᐊᓐᒡ ᐊᑲ ᒋ ᐱᒧᑕᒡ ᑭᔭ ᐊᓐᒡ ᐊᑲ ᓂᔅᑐᓯᒡ ᐎᔭᐛᒡ, ᐊ ᐊᓱᐛᐸᑕᒡ ᐊᓂᔭ ᓂᐱᔪᐤ ᒐ ᐃᔅᐱᔅ ᐊᑕᑭᒥᐱᔨᒡ᙮

ᒠᓐ 7:21

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᐸᐃᒄ ᒪᒥᔅᑲᒡ ᐃᑐᐅᓐ ᓂᒋ ᐃᑐᑕᓐ, ᔅᒋ ᒥᔅᑲᑕᔨᑎᒥᐃᑯᓇᐛᐤ ᒪᒃ ᐊ ᐊᔭᒥᐊᐅᒋᓯᑲᒡ ᐊᓐ ᐊᒋ ᐃᑐᑎᒪᓐ᙮

ᐊᑈᔅᑕᓇᒡ 21:40

ᐊᑯ ᒂ ᐱᔅᑎᓂᑯᑦ ᐊᓂᔭ ᓂᑐᐱᔪᐅ-ᐅᒋᒪᐛ ᒐᒋ ᐃᔨᒥᑦ᙮ ᐊᑯ ᑈᓪ ᒂ ᑕᐧᑯᓯᑲᐳᐅᑦ ᐊᓐᑕ ᑕᑕᐧᑯᔅᑲᓇᓂᒡ᙮ ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭᔪᐛ ᐃᔪᐛ ᒐ ᐊᑲ ᒋ ᒋᔅᑐᔨᒋ᙮ ᐃᔅᐱ ᒪᒃ ᐊᑲ ᒐᔅᑐᔨᒋ, ᐊᑯ ᒂ ᐃᔨᒪᐊᑦ ᐃᑉᕈᐤ ᐊ ᐃᓯ ᐃᔨᒥᑦ᙮

ᒋᔅᒐᔨᑕᑯᑕᒐᐅᓐ 16:16

ᐊᓐᒡ ᒪᒃ ᒥᒋ ᐊᒐᐧᑯᒡ ᒋ ᒪᒧᓇᐅᒡ ᐊᓂᔭ ᒋᓴᐅᒋᒪᐛ ᐊᓐᑕ ᐊᓂᔭ ᐱᔅᑯᑎᓇᔪᐤ ᐊᕐᒪᑲᑎᓐ ᑲ ᐃᓯᓂᐧᑲᑕᔨᒡ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮

ᒋᔅᒐᔨᑕᑯᑕᒐᐅᓐ 9:11

ᐊᓂᔭᔪᐛ ᐊᓐᒋᓇ ᑲ ᐅᒋᒪᐅᑐᑎᒥᔨᒋ ᐊᓂᔭ ᑲ ᒥᔅᑎ ᐱᑯᓇᔭᔨᒡ, ᐊᐅᑯᓂ ᐊᓂᔭᔪᐛ ᑲ ᐅᒋᒪᒥᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐎᒡ, ᐊᐸᑐᓐ ᒋ ᐃᓯᓂᐧᑲᓱᔪᐛ᙮ ᑯᕆᒃ ᒪᒃ ᐊ ᐃᓯ ᐃᔨᒥᓇᓄᐎᒡ, ᐊᐳᓕᔪᓐ ᒋ ᐃᓯᓂᐧᑲᓱᔪᐛ᙮ ᑲ ᓂᓱᐅᓇᒋᐃᐛᑦ ᐃᓯ ᐱᔭᑭᔅᒋᑕᑭᓄᐅᔪᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮