ᒠᓐ 4:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᒥᒐᑦ ᓴᒪᕆᔭ ᐃᔪᒡ ᐊᓐᑕ ᐊᓂᔭ ᐅᑕᓇᔪᐤ ᑲ ᐅᒋᒡ ᒋ ᑕᑈᔭᔨᒪᐅᒡ ᒋᓴᓴ᙮ ᐛᔅ ᒋ ᐃᑕᐤ ᐊᓐ ᐃᔎᐤ, “ᒥᓯᐛ ᓂᒋ ᐎᑎᒪᒄ ᑕᓐ ᑲ ᐸᒋ ᐃᑐᐅᒡ᙮”

ᒠᓐ 4:39 ပူးပေါင်းရင်းမြစ်များ

ᒪᑎᔪᐤ 10:5

ᐊᐅᑯᓐᒡ ᐅᒡ ᓂᓱᓴᑉ ᑲ ᒋᑎᓴᐅᑯᒡ ᒋᓴᓴ ᐊ ᐃᑎᑯᒡ, “ᐊᑲᐎᔾ ᐃᑐᑕᒄ ᐊᓐᑕ ᐃᔪᒡ ᐊᑲ ᒍᐤ ᐃᔪᒡ ᐃᑎᔅᑲᓇᓯᒡ ᐊ ᑕᒡ ᑭᔭ ᐊᑲᐎᔾ ᐃᑐᑕᒄ ᐊᓐᑕ ᐅᑕᓇᐛ ᓴᒪᕆᔭ ᐊᔅᒋᒡ ᑲ ᑎᒂᒋ᙮

ᒠᓐ 1:37

ᐊᓂᔭᔪᐛ ᒪᒃ ᓂᓱ ᐅᒋᔅᒋᓄᐊᒧᐛᑭᓇ ᐱᔭᑕᑯᑦ ᐅᔭ ᐊ ᐃᔅᒋᔄᑦ, ᒋ ᐊᑎ ᐎᒐᐛᐅᒡ ᒋᓴᓴ᙮

ᒠᓐ 11:45

ᒥᒐᑦ ᒪᒃ ᒍᐤ ᐃᔪᒡ ᑲ ᐸᒋ ᒧᐱᔅᑐᐛᒡ ᒪᕆᔨᒋ ᒋ ᐛᐸᑎᒧᒡ ᑕᓐ ᑲ ᐃᑎᔨᒋ ᒋᓴᓴ ᑭᔭ ᒋ ᑕᑈᔭᔨᒪᐅᒡ᙮

ᒠᓐ 4:29

“ᐊᔅᑎᒧᒄ᙮ ᒐ ᐛᐱᒪᒄ ᐊᓐ ᓇᐸᐤ ᑲ ᐸᒋ ᐎᑎᒧᐅᑦ ᒥᓯᐛ ᑕᓐ ᑲ ᐃᑐᐅᒡ᙮ ᓇᒪᔭᐤ ᑲᑭᔭ ᐊᐅᒄ ᙭ ᐊᓂᔭ ᒋᐸ ᐸᒋ ᐃᑎᓴᐛᐤ ᒋᓴᒪᓂᑐᐤ ?”

ᒠᓐ 4:30

ᐊᑯ ᐊᓐᒡ ᐃᔪᒡ ᒂ ᐎᐎᒡ ᐊᓐᑕ ᐅᑕᓇᒡ ᒂ ᓂᑐᐛᐱᒪᒡ ᒋᓴᓴ᙮

ᒠᓐ 4:38

ᓴᔅ ᑯᑎᑭᒡ ᒋ ᓂᑕᐅᒋᑕᐅᒡ ᑭᔭ ᒋ ᒥᔅᑎ ᐊᑐᔅᒐᐅᒡ ᐊᓐᑕ ᑲ ᓂᑕᐅᒋᑕᑲᓄᐎᒡ᙮ ᐊᑯ ᒪᒃ ᐊ ᐃᑎᓴᐅᑎᑯᒡ ᒐᒋ ᒪᒧᓴᒋᓂᒪᒄ ᐊᓂᔭ ᓂᑕᐅᒋᑕᑭᓇ᙮ ᓇᒪᔭᐤ ᒋᔾ ᑲ ᓂᑕᐅᒋᑕᔨᓐ ᒥᒄ ᒪᒃ ᐃᔭᐱᒡ ᒋ ᐎᒋᐃᑯᐛᓐ ᐊᓂᔭ ᑲ ᐃᑕᐱᑎᓯᒡ᙮” ᐊᐅᑯᓐ ᑲ ᐃᑕᑦ ᒋᓴᔅ ᐅᒋᔅᒋᓄᐊᒧᐛᑭᓇ᙮

ᒠᓐ 4:40

ᐃᔅᐱ ᐊᓐᒡ ᐃᔪᒡ ᐊᓐᑕ ᓴᒪᕆᔭ ᐊᔅᒋᒡ ᑲ ᐅᒋᒡ ᑲ ᐸᒋ ᓂᑐᐛᐱᒪᒡ ᒋᓴᓴ ᐊᓐᑕ ᐅᑕᐃᐸᓂᒡ, ᒋ ᐊᔨᐧᑭᒥᐊᐅᒡ ᒐᒋ ᑕᔨᒋ ᐊᓐᑕ ᐊ ᑕᒡ᙮ ᓂᓱ ᒋᓯᑲᐛ ᒪᒃ ᐊᓐᑕ ᒋ ᑕᐤ ᒋᓴᔅ᙮

ᒠᓐ 4:42

ᒂ ᐃᑕᒡ ᐊᓂᔭ ᐃᔎᐛ, “ᐊᑯ ᑎᔭᑈᑎᒪᒡ, ᓂᔭᓐ ᐛᒋᒡ ᐊᒋ ᐸᑐᐅᒋᑦ, ᓇᒪ ᒥᒄ ᒋᔾ ᐊᒋ ᐃᔅᒋᔄᔨᓐ᙮ ᐊᑯ ᒪᒃ ᒋᔭᔅᑎᓇᑕᔨᑎᒪᒡ ᐎᔾ ᐊᐅᒄ ᒐᒋ ᐱᒪᒋᐊᑦ ᒥᓯᐛ ᐊᐛᔪᐛ᙮”

ᒠᓐ 4:5

ᐃᔅᐱ ᒪᒃ ᐊᓐᑕ ᓴᒪᕆᔭ ᐊᔅᒋᒡ ᐊ ᑕᑦ, ᒋ ᐅᑎᑎᒻ ᐅᑕᓇᔪᐤ ᓴᐃᑲᕐ ᐊ ᐃᓯᓂᐧᑲᑕᔨᒡ᙮ ᒥᒋᒪ ᒪᒃ ᐅᑕ ᐅᔭ ᐅᑕᓇᔪᐤ ᐊᑯᑕ ᑲ ᑎᑯᓂᔨᒡ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᐊᓂᔭ ᒐᑭᑉ ᑲ ᒥᔭᑦ ᐅᑯᓴ ᒍᓯᐸ᙮

ᒠᓐ 4:8

ᓇᒪ ᒪᒂᒡ ᐅᒋ ᑕᔪᐛ ᒋᓴᔅ ᐅᒋᔅᒋᓄᐊᒧᐛᑭᓇ ᐊᓂᔭ ᐛᔅ ᐊᓐᑕ ᐅᑕᓇᒡ ᒋ ᐃᑐᑕᔪᐛ ᒥᒋᒥᔪᐤ ᒐᒋ ᐅᑎᓂᒥᔨᒋ᙮