ᒠᓐ 4:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒋᔨᐛᐤ ᓴᒪᕆᔭ ᑲ ᐅᒋᔭᒄ, ᒋ ᓄᒋᔅᑐᐛᐛᐤ ᒋᓴᒪᓂᑐᐤ ᐊᑎ ᒪᒃ ᐊᑲ ᒋᔅᒐᔨᒪᒄ᙮ ᓂᔭᓐ ᒍᐤ ᐃᔪᒡ, ᓂ ᒋᔅᒐᔨᒪᓇᓐ ᒋᓴᒪᓂᑐᐤ ᐊᓐ ᑲ ᐊᔭᒥᐊᔅᑐᐎᒋᑦ᙮ ᐛᔅ ᐊᓐᑕ ᒍᐤ ᐃᔪᒡ ᐊᑯᑕ ᒐ ᐅᒋᐱᔨᒡ ᒥᓯᐛ ᐊᐛᓐ ᒐᒋ ᐱᒪᒋᐊᑭᓄᐅᑦ᙮

ᒠᓐ 4:22 ပူးပေါင်းရင်းမြစ်များ

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᑎᐱᑦ ᐅᓂᑭᒧᐅᓇ 147:19

ᐛᐸᑎᔭᐤ ᐅᑦ ᐃᔨᒧᐅᓐ ᒐᑭᐸ, ᐅᑦ ᐃᑎᓱᐛᐅᓇ ᑭᔭ ᐅ ᑎᐸᔅᑯᓂᒐᐅᓇ ᐃᔅᕋᐃᓚ᙮

ᑎᐱᑦ ᐅᓂᑭᒧᐅᓇ 68:20

ᑲ ᐅᒋᓴᒪᓂᑐᒥᔭᒡ, ᐊᐅᒄ ᒋᓴᒪᓂᑐᐤ ᐛᒋᐱᔨᒡ ᐱᒪᒋᐃᐛᐅᓐ; ᑭᔭ ᒋᓴᒪᓂᑐᐤ ᑎᐸᔨᒋᒐᓱᐤ ᐅᑦ ᐊᔭᓂᐤ ᓂᐳᐅᓂᒡ ᑲ ᐅᒋᐱᔨᒋ᙮

ᓗᒃ 24:47

ᐊᑯ ᒪᒃ ᒋᐸ ᐛᐎᑎᒧᐛᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ᒥᓯᑕᐱᔪᐤ ᐅ ᒐ ᐃᓯ ᐛᐎᑕᑭᓄᐅᒡ᙮

ᐊᑈᔅᑕᓇᒡ 17:23

ᐊ ᐱᒧᑕᔭᓐ ᐊᓐᑕ ᒋᐅᑕᓇᒧᐛᒡ, ᓂᒋ ᐛᐸᑕᓐ ᐊᓐᑕ ᐊᔭᒥᐊᔭᒄ᙮ ᓂᒋ ᐛᐸᑕᓐ ᓂᓇᐧᑯᐤ ᐊ ᐃᓯᓇᒂᒋ ᐊᓐᑕ ᑲᒋ ᐊᔭᒥᐊᔭᒄ᙮ ᐊᑯ ᒂ ᐛᐸᑎᒪᓐ ᐸᐃᒄ ᐊᓐᑕ ᑲ ᐊᔭᒥᐊᔭᒄ ᐊ ᒥᓯᓇᑕᒡ ᐊᑎᔅᑕᒡ, ‘ᐊᑯᑕ ᐅᑕ ᒐ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ ᐊᓐ ᐊᔅᒄ ᐊᑲ ᒋᔅᒐᔨᑕᑯᓯᑦ᙮’ ᐊᑯ ᒪᒃ ᐛ ᐊᔨᒧᑎᒪᑎᑯᒡ ᒋᓴᒪᓂᑐᐤ ᐊᓐ ᐛ ᐊᔭᒥᐊᔅᑐᐛᒄ ᐊᑎ ᒪᒃ ᐊᑲ ᒋᔅᒐᔨᒪᒄ᙮”

ᐊᑈᔅᑕᓇᒡ 17:30

ᐛᔅᑭᒡ ᐃᔪᒡ ᐊᑲ ᐅᒋ ᒋᔅᒐᔨᑕᒡ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᐅᓯᐊᐅᒡ ᒥᓂᑐᐧᑲᓇ, ᓇᒪ ᒪᒃ ᓂᔅᑎᒻ ᐅᒋ ᐛᐛᓯᐃᑯᐅᒡ ᒋᓴᒪᓂᑐᐛ᙮ ᐊᓄᒡ ᒪᒃ ᒋᓴᒪᓂᑐᐤ ᐃᑎᓱᒪᐤ ᐃᔪᐛ ᒥᓯᐛ ᐅᑕ ᐊᔅᒋᒡ ᒐᒋ ᒂᔅᑲᑎᓯᔨᒋ᙮

ᐊᑈᔅᑕᓇᒡ 3:26

ᒋ ᐅᑎᓇᐤ ᒪᒃ ᒋᓴᒪᓂᑐᐤ ᐅᔭ ᐅᑦ ᐊᐱᒋᐊᑭᓇ ᒋᔨᐛᐤ ᒪᐅᒡ ᓂᔅᑎᒻ ᒐᒋ ᐃᑎᓴᐊᒪᑕᒄ᙮ ᒋᑭ ᓱᐛᔨᒥᑯᐛᐤ ᐊ ᐃᑐᑕᑯᐅᔭᒄ ᒥᓯᐛ ᐊ ᑎᓯᔭᒄ ᒐᒋ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:18

ᐊᑲᐎᔾ ᒪᒃ ᒋᑭ ᐅᒋ ᒪᔭᔨᒪᐛᐅᒡ ᐊᓐᒡ ᒧᔭᒻ ᐅᑎᐧᑯᓇ ᐊᒋ ᓇᑥᑲᐃᑭᓄᐅᒋ ᑲ ᐃᓯᓇᑯᓯᒡ᙮ ᒐᒂᓐ ᒐ ᐅᒋ ᐎ ᓂᓇᐸᐅᒧᔭᒄ᙮ ᒧᔭᒻ ᑕᑈ ᐊᓐᑕ ᒥᔅᑎᑯᒡ ᐊ ᐅᒋᔭᒄ ᒋᑦ ᐃᓯᓇᑯᓯᓇᐛᐤ᙮ ᐊᑯᑕ ᐛᒋ ᒥᔪ ᓂᑕᐅᒋᔭᒄ᙮ ᓇᒪᔭᐤ ᒋᔨᐛᐤ ᓇᑕᐅᒋᐊᒄ ᐅ ᒥᔅᑎᒄ᙮

ᐃᑉᕈᐛ 7:14

ᒥᓯᐛ ᐊᐛᓐ ᒋᔅᒐᔨᑎᒻ ᐅᔭ᙮ ᒋᓴᔅ ᒍᑕᐃᒡ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮ ᑭᔭ ᒋ ᒋᔅᒐᔨᑕᓇᓄᐤ ᒧᓱᔅ ᐊᑲ ᐅᒋ ᐎᔭᑦ ᒍᑕᐃᒡ ᐊ ᑕᔨᒋ ᐊ ᐅᒋᔨᒋ ᐊᐛᔪᐛ ᒐᒋ ᐊᔭᒥᐊᐅᒋᒪᐎᔨᒋ᙮