ᒠᓐ 20:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ “ᒪᕆ,” ᒋ ᐃᑕᐤ ᒋᓴᔅ᙮ ᒋ ᒂᔅᒋᑲᐳᐤ ᒪᕆ ᐊᑯ ᑲ ᐃᑕᑦ ᐊᓂᔭ ᒋᓴᓴ ᐃᑉᕈᐤ ᐊ ᐃᓯ ᐃᔨᒥᑦ, “ᕋᐳᓇᐃ,” ᒋ ᐃᑕᐤ᙮ ᐅ ᒪᒃ ᕋᐳᓇᐃ ᑲ ᐃᓇᓄᐅᒡ ᐊ ᐱᔭᑭᔅᒋᑕᑯᓯᓇᓄᐅᒡ ᐅᑎᐸᔨᒋᒐᐤ ᐃᓇᓄᐤ᙮

ᒠᓐ 20:16 ပူးပေါင်းရင်းမြစ်များ

ᒐᓂᓯᔅ 22:1

ᓇᓇᒐ ᒋᓴᒪᓂᑐᐤ ᒋ ᑯᒂᒐᐊᐤ ᐊᑉᕋᐊᒪ ᑭᔭ ᒂ ᐃᑕᑦ, “ᐊᑉᕋᐊᒻ !” ᐊᑉᕋᐊᒻ ᐊᑕᑦ, “ᒐᒂᓐ ᑎᐸᔨᒋᒐᓱᐤ ? ᒋ ᓂᑐᑕᑎᓐ᙮”

ᒐᓂᓯᔅ 22:11

ᓯᔅᒋᑯᒡ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᒋᒋᒋᓯᑯᒡ ᒋ ᐅᒋ ᑕᑈᑎᑯ ᐊ ᐃᑎᑯᑦ, “ᐊᑉᕋᐊᒻ ! ᐊᑉᕋᐊᒻ !” ᐊᑉᕋᐊᒻ ᐃᑕᐤ, “ᓂᑦ ᐃᑕᓐ ᐅᑕ᙮”

ᒐᓂᓯᔅ 45:12

ᑭᓄᐛᐱᒥᒄ, ᑕᐱᔅᑯᓐ ᒋᔨᐛᐤ ᑭᔭ ᓂᓯᒻ ᐱᓐᒋᒥᓐ ᒋ ᐛᐸᑕᓇᐛᐤ ᐊᐅᒄ ᐅ ᓂᔾ, ᒍᓯᑉ, ᐊ ᐃᒥᔨᑎᑯᒡ᙮

ᐊᒃᓱᑕᔅ 3:4

ᐃᔅᐱ ᑎᐸᔨᒋᒐᓱᐤ ᐎᔭᐱᒪᑦ ᒧᓱᓴ ᒥᒋᒪ ᓂᔭᑎᒥᔨᒋ ᓯᑲᐛ ᐛ ᓇᒋ ᐛᐸᑎᒥᔨᒋ᙮ ᒋᓴᒪᓂᑐᐤ ᒂ ᑕᑈᑕᑦ ᒧᓱᓴ ᐊᓐᑕ ᑕᑕᐅᒡ ᓯᑲᐛ ᐅᒡ, ᐊ ᐃᑕᑦ, “ᒧᓱᔅ, ᒧᓱᔅ !” ᐊᑯ ᐊᑕᑦ ᒧᓱᔅ, “ᒪᐤ ᐅᑕ ᐊ ᑕᔭᓐ᙮”

ᐊᒃᓱᑕᔅ 33:17

ᑎᐸᔨᒋᒐᓱᐤ ᒪᒃ ᒋ ᐃᑕᐤ ᒧᓱᓴ, “ᐅᒪ ᑭᔭ ᓂᑭ ᑐᑕᓐ ᑲᒋ ᐃᔅᒋᔄᔨᓐ: ᐛᔅ ᔅᒋ ᒥᔅᑲᓐ ᓱᐛᔨᑕᑯᓱᐅᓐ ᐊ ᐸᑕᔅᑎᒥᐱᔭᓐ, ᒋ ᒥᔪ ᒋᔅᒐᔨᒥᑎᓐ᙮”

ᒪᑎᔪᐤ 14:27

ᒥᒄ ᒪᒃ ᑎᐛᒡ ᒋᓴᔅ ᒋ ᐃᔨᒪᐊᐤ ᐊ ᐃᑕᑦ, “ᒋᔭᒪᔨᑎᒧᒄ, ᐊᐅᒄ ᐛᔅ ᐊᓐ ᓂᔾ, ᐊᑲᐎᔾ ᑯᔅᑕᒋᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:51

ᐊᑯ ᒋᓴᔅ ᒂ ᐃᑕᑦ ᐅᔭ ᓇᐸᐛ, “ᑕᓐ ᐊ ᐃᓯ ᓂᑐᐛᔨᑎᒥᓐ ᒐᒋ ᐃᑐᑎᒪᑕᓐ ?” ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᐅᑎᐸᔨᒋᒐᐤ, ᒥᔨ ᒐᒋ ᐛᐸᑎᒪᓐ᙮”

ᓗᒃ 10:41

ᐅᑎᐸᔨᒋᒐᐛ ᒋ ᐃᑎᑯᐤ, “ᒪᕐᑕ, ᒪᕐᑕ, ᓇᔅᒡ ᐊ ᒥᑯᔅᑲᑕᔨᑎᒥᐃᑯᔨᓐ ᒥᒐᑦ ᒐᒂᔪᐛ᙮

ᒠᓐ 1:38

ᒋᓴᔅ ᒪᒃ ᒋ ᒋᐱᒋᑲᐳᐤ, ᒂ ᐊᐱᓴᐱᑦ ᒂ ᐛᐱᒪᑦ ᐊᓂᔭ ᐊ ᓇᓴᐅᑯᑦ, ᐊᑯ ᒂ ᐃᑕᑦ, “ᒐᒂᓐ ᓂᔭᓂᑐᐛᐸᑎᒪᒄ ?” ᐊᑯ ᒂ ᐃᑕᒡ, “ᒋᔅᑯᑎᒪᒐᓱᐤ ᑕᓐᑕ ᐛᒋᔨᓐ ?”

ᒠᓐ 1:49

ᓇᑕᓂᔭᓪ ᒂ ᐃᑕᑦ, “ᒋᔅᑯᑎᒪᒐᓱᐤ, ᐊᐅᒄ ᒋᔾ ᑕᑈ ᒋᓴᒪᓂᑐᐤ ᐅᑯᓴ, ᐊᐅᒄ ᒋᔾ ᒋᓴᐅᒋᒪᐤ ᐅᑕ ᐃᔅᕋᐃᓕᒡ᙮”

ᒠᓐ 10:3

ᓴᓂᒪᑯᐤ ᒪᒃ ᐊᓂᔭᔪᐤ ᑲ ᑭᓄᔎᑐᐛᔨᒋ ᐊᓐᑕ ᒪᔭᑕᓂᓯᐅᒋᐛᐱᒡ᙮ ᐊᓂᔭ ᒪᒃ ᒪᔭᑕᓂᓴ ᓂᔅᑐᑎᒥᔪᐛ ᐅᐸᑕᑯᓱᐅᓐ ᐃᔅᐱ ᑎᔭᑈᑕᒋ ᐛᔅ ᐎᔾ ᐊᓂᔭᔪᐛ ᐅᒪᔭᑕᓂᓯᒪ᙮ ᐊᑯ ᒪᒃ ᐱᔭᒋ ᐎᐎᔨᒋ ᐊᑯ ᐊ ᐊᑎ ᓇᓴᐅᑯᑦ᙮

ᒠᓐ 11:28

ᐃᔅᐱ ᒪᕐᑕ ᑲ ᐃᔅᒋᔄᑦ ᐅᔭ ᒋ ᓂᑐᐛᐱᒪᐤ ᐎᐧᑲᓂᓴ ᒪᕆᔨᒋ ᐊᑯ ᒂ ᐃᑕᑦ ᐸᐧᑲᒡ ᐊ ᐃᔨᒥᑦ, “ᒋᔅᑯᑎᒪᒐᓱᐤ ᑕᐤ ᐅᑕ᙮ ᒋ ᐎᓴᒧᒄ᙮”

ᒠᓐ 13:13

ᒋᔅᑯᑎᒪᒐᓱᐤ ᑭᔭ ᐅᑎᐸᔨᒋᒐᐤ ᒋᑦ ᐃᓯᓂᐧᑲᓯᓇᐛᐤ, ᐊᐅᑯᓐ ᒪᒃ ᑕᑈ ᓂᐸ ᐃᓯᓂᐧᑲᑎᑯᐅᓐ ᐛᔅ ᑕᑈ ᐊᐅᒄ ᓂᔾ ᐊ ᐊᐎᔭᓐ᙮

ᒠᓐ 20:28

ᐊᑯ ᑥᒥᔅ ᒂ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”

ᒠᓐ 3:2

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒋ ᓂᑐᐛᐱᒪᐤ ᒋᓴᓴ ᐊᑯ ᒂ ᐃᑕᑦ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”

ᒠᓐ 5:2

ᐊᓐᑕ ᒪᒃ ᒋᕈᓯᓕᒥᒡ ᒋ ᑎᑯᓐ ᐊᓐᑕ ᐊ ᐅᒋ ᐱᒐᓄᐅᒡ ᒪᔭᑕᓂᔅ ᒋᐱᔎᐤ ᐊ ᐃᓯᓂᐧᑲᑕᒡ᙮ ᒥᒋᒪ ᒪᒃ ᐊᓐᑕ ᒋ ᑎᑯᓐ ᐊ ᐱᑲᓯᒧᓇᓄᐅᒡ, ᐸᑎᔅᑕ ᒋ ᐃᓯᓂᐧᑲᑕᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮ ᐱᑕᑕᒡ ᒋ ᑕᑎᓇ ᐱᑐᔎᐛ ᐊ ᑎᒂᒋ ᐊᓐᑕ᙮

ᒠᓐ 6:25

ᐃᔅᐱ ᒪᔅᑯᐛᒡ ᒋᓴᓴ ᐊᓐᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ ᒋ ᐃᑕᐅᒡ, “ᒋᔅᑯᑎᒪᒐᓱᐤ ᑕᐃᔅᐱ ᑲ ᑎᑯᓯᓂᔨᓐ ᐅᑕ ?”

ᐊᑈᔅᑕᓇᒡ 10:3

ᐸᐃᒂᐤ ᑲᒋ ᐊᐱᑕᒋᓯᑲᔨᒡ ᒂᔄᓐ ᓂᔅᑐ ᐊ ᐃᔅᐱᔨᒡ ᐱᓯᒧᐧᑲᓇ, ᒋ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ, ᓇᔅᒡ ᐊᒋ ᐛᐱᒪᑦ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᐊ ᐸᒋ ᐱᒐᔨᒋ, ᐊ ᐃᑎᑯᑦ ᒪᒃ, “ᑯᕐᓂᓕᔭᔅ᙮”

ᐊᑈᔅᑕᓇᒡ 9:4

ᒋ ᐸᒋᓯᓄᐤ ᐊᔅᒋᒡ, ᐊᑯ ᒂ ᐸᑐᐛᑦ ᐊᐛᔪᐛ ᐊ ᐃᑎᑯᑦ, “ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ?”