ᒠᓐ 2:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒋᓴᔅ ᒪᒃ ᒋ ᐃᑕᐤ, “ᐃᔎᐤ, ᒐᒂᓐ ᐛᒋ ᐎᑎᒧᔨᓐ ᐊᓐ ? ᑕᐸ ᐊᔅᒄ ᐅᑎᒋᐱᔪᐤ ᐊᓐ ᓂᑎᐸᐃᑭᓐ ᐊᓐᑕ ᒐ ᒋᔅᒐᔨᒥᑯᐅᔭᓐ ᐊᐛᓐ ᐊ ᐊᐎᔭᓐ᙮”

ᒠᓐ 2:4 ပူးပေါင်းရင်းမြစ်များ

ᒪᑎᔪᐤ 15:28

ᐊᑯ ᒋᓴᔅ ᐊᑕᑦ, “ᐃᔎᐤ, ᑕᑈ ᓱᒋᓯᒥᑭᓐ ᒋᑕᑈᑎᒧᐅᓐ᙮ ᒋᑭ ᐃᓯ ᐃᑐᑎᒪᑯᐅᓐ ᒪᒃ ᑕᓐ ᐊ ᐃᓯ ᐱᑯᓴᔨᑎᒥᓐ᙮” ᑎᐛᒡ ᒪᒃ ᒋ ᒥᓏᑎᓯᔪᐛ ᐊᓂᔭ ᐅᑕᓂᓴ ᐊᓐ ᐃᔎᐤ᙮

ᒪᑎᔪᐤ 8:29

ᐃᔅᐱ ᒪᒃ ᐎᔭᐱᒥᑯᑦ ᒋᓴᔅ ᐊᓂᔭᔪᐛ ᓇᐸᐛ ᑎᐛᒡ ᒋ ᐅᒋ ᐊᓯᒂᔪᐛ ᐊ ᐃᔅᒋᔄᔨᒋ, “ᒋᓴᔅ, ᑕᓐ ᐛᑐᑐᐅᔭᒡ, ᒋᔾ ᒋᓴᒪᓂᑐᐤ ᐅᑯᓴ, ᓴᔅ ᐊ ᒋ ᐎ ᐸᒋ ᐛᐎᓯᒐᔨᑎᒥᐃᓇᓐ ᐊᔅᒄ ᐊᑲ ᒪᒃ ᐅᑎᒋᐱᔨᒡ ᒐ ᐛᐎᓯᒐᔨᑎᒧᐛᐅᒋᐱᓇ ?”

ᓗᒃ 2:49

ᐊᑯ ᒋᓴᔅ ᒂ ᐃᑕᑦ, “ᒐᒂᓐ ᐛᒋ ᓇᓂᑐᐛᐱᒥᔭᒄ ? ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊ ᐃᑕᔨᑕᑯᓯᔭᓐ ᒐᒋ ᐃᑐᑎᒧᒡ ᓄᑕᐎᔾ ᐅᑦ ᐊᑐᔅᒐᐅᓐ ?”

ᒠᓐ 12:23

ᐊᑯ ᒋᓴᔅ ᒂ ᐃᑕᑦ, “ᓴᔅ ᐅᑎᒋᐱᔪᐤ ᒋᓴᒪᓂᑐᐤ ᒐᒋ ᐛᐸᑎᔨᐛᑦ ᐊ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ᙮

ᒠᓐ 13:1

ᐊᔅᒄ ᐊᑲ ᐅᒋ ᐅᑎᒋᐱᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᓴᔅ ᒋ ᒋᔅᒐᔨᑎᒻ ᒋᓴᔅ ᐊ ᐅᑎᒋᐱᔨᒡ ᒐ ᓂᑭᑕᐧᒃ ᐅᔭ ᐊᔅᒋᔪᐤ ᑭᔭ ᒐ ᓂᑐᐛᐱᒪᑦ ᐅᑕᐎᒪᐛ᙮ ᒧᔅ ᒋ ᓴᒋᐊᐤ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ ᐅᑕ ᐊᔅᒋᒡ ᑲ ᑕᔨᒋ ᑭᔭ ᒐ ᐅᑎᒋᐱᔨᒡ ᒐᒋ ᐛᐸᑎᔭᑦ ᑕᓐ ᐊᔅᐱᔅ ᓴᒋᐊᑦ᙮

ᒠᓐ 2:3

ᐃᔅᐱ ᒪᒃ ᒥᓯᐛ ᑲ ᒋᔅᑕᑭᓄᐅᒡ ᐊᓐ ᓱᒥᓇᐳᔾ, ᒋᓴᔅ ᒋ ᐃᑎᑯᐤ ᐅᑲᐎᔭ, “ᓴᔅ ᓄᑕᐱᔪᒡ ᓱᒥᓇᐳᔪᐤ᙮”

ᒠᓐ 20:13

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐃᔎᐤ, ᒐᒂᓐ ᐛᒋ ᒪᔨᓐ ?” ᐊᑯ ᒪᕆ ᒂ ᐃᑕᑦ, “ᒋ ᐅᑎᓇᐅᒡ ᓂᑎᐸᔨᒋᒐᓯᒪ ᓇᒪ ᒪᒃ ᓂ ᒋᔅᒐᔨᒪᐅᒡ ᑕᓐᑕ ᑲ ᐃᑐᑕᐊᒡ᙮”

ᒠᓐ 20:15

ᒋ ᐃᑎᑯᐤ ᒪᒃ, “ᐃᔎᐤ, ᒐᒂᓐ ᐛᒋ ᒪᔨᓐ ? ᐊᐛᓐ ᓇᓂᑐᐛᐱᒥᑦ ?” ᒂ ᑭᓄᐛᐱᒪᑦ ᒪᕆ ᐊᓂᔭ ᓂᑕᐅᒋᑕᑭᓇ ᑲ ᓇᑭᑐᐛᐸᑎᒥᔨᒋ ᐊ ᐃᑕᔨᒪᑦ, ᐊᑯ ᒂ ᐃᑕᑦ, “ᐸᒋ ᐎᑎᒧᐎ ᒪ ᑕᓐᑕ ᑲ ᐊᔨᑦ ᑭᔭ ᒐ ᓂᑐᐛᐱᒥᒃ᙮”

ᒠᓐ 7:30

ᐊᑯᑕ ᑲ ᐎ ᒪᑯᓇᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐱᐃᔨᒪᐅᒡ, ᐛᔅ ᐊᔅᒄ ᓇᒪ ᐅᒋ ᐅᑎᒋᐱᔪᐤ ᐊᓐᑕ ᒋᐸ ᒪᑯᓇᑭᓄᐤ᙮

ᒠᓐ 7:6

ᐊᑯ ᒋᓴᔅ ᒂ ᐃᑕᑦ, “ᑕᐸ ᐊᔅᒄ ᐅᑎᒋᐱᔪᐤ ᒐᒋ ᔅᑐᑕᔭᓐ, ᒋᔨᐛᐤ ᒪᒃ ᒥᒄ ᐛ ᐃᔅᐱᔅ ᐃᑐᑕᔭᒄ ᒋᑭ ᒋ ᐃᑐᑕᓇᐛᐤ᙮

ᒠᓐ 7:8

ᒪᒋᒄ ᒋᔨᐛᐤ ᐃᑐᑕᒄ ᓇᑕ ᐊ ᒥᑯᓴᓄᒡ, ᑕᐸ ᐊᔅᒄ ᐅᑎᒋᐱᔪᐤ ᓂᔾ ᐊᓐᑕ ᒐᒋ ᐃᑐᑕᔭᓐ᙮”

ᒠᓐ 8:20

ᐊᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᒋᔅᑯᑎᒪᒐᑦ ᐊᓐᑕ ᑲᒋ ᑭᓄᐛᔨᑕᑭᓄᔨᒋ ᐱᔅᑎᓂᒐᐅᓇ᙮ ᓇᒪ ᒪᒃ ᐊᐛᔪᐛ ᐅᒋ ᒪᑯᓂᑯᐤ ᐛᔅ ᓇᒪ ᐊᔅᒄ ᐅᒋ ᐅᑎᒋᐱᔪᐤ ᐊᓐᑕ ᒋᐸ ᒪᑯᓇᑭᓄᐤ᙮

2 ᑯᕆᓐᑎᔭᓇ 5:16

ᓇᒪ ᒪᒃ ᐊᑯ ᐅᔅᒡ ᐊ ᐃᓯᓄᐛᑭᓄᐅᑦ ᐊᐛᓐ ᓂᑦ ᐃᓯ ᑭᓄᐛᐱᒪᓇᓐ᙮ ᐊᐅᑯᓐ ᑲ ᐃᓯ ᑭᓄᐛᐱᒥᒋᒡ ᙭ ᐸᐃᒂᐤ᙮ ᓇᒪᐎᔾ ᐊᑯ ᐊᓐᑕ ᓂᑦ ᐃᓯ ᑭᓄᐛᐱᒪᓇᓐ᙮