ᒠᓐ 19:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᐊᐅᑯᓐᒡ ᐅᒡ ᓂᓱ ᓇᐸᐅᒡ ᓂᑯᑎᒪᔅ ᑭᔭ ᒍᓯᑉ ᒂ ᐅᑎᓂᒺᒡ ᒋᓴᓴ ᐎᔭᔪᐤ ᒂ ᑎᑎᐸᔭᒋᓂᒺᒡ ᐱᒍᐎᔭᓂᒡ ᑭᔭ ᒋ ᐎᒋᒪᑯᑕᐛᐅᒡ ᐛᔅ ᐊᐅᑯᓐ ᑲᒋ ᐃᑎᒡ ᒍᐤ ᐃᔪᒡ᙮

ᒠᓐ 19:40 ပူးပေါင်းရင်းမြစ်များ

ᒐᓂᓯᔅ 50:2

ᐊᑯ ᒍᓯᑉ ᐊᑕᑦ ᐊᓂᔭ ᑲ ᐃᑐᑕᑯᔨᒋ ᓂᑐᐧᑯᐃᔨᓴ ᒐ ᐊᔭᔅᑯᐎᑐᑎᒥᔨᒋ ᐅᑕᐎᔭ ᐎᔭᔪᐤ ᒐᒋ ᓇᐃᐧᑲᑭᓄᐎᒡ᙮

ᒪᑎᔪᐤ 26:12

ᐅᔭ ᑲ ᐃᓯ ᐸᒋ ᐃᑐᑐᐅᑦ ᑲ ᐸᒋ ᑯᑎᐱᓇᐧᒃ ᐊ ᐎᒋᒪᑯᓯᔨᒡ ᑐᒥᓂᑭᓂᔪᐤ ᐅᑕ ᐊ ᑕᐅᒡ, ᒧᔭᒻ ᐊ ᐊᔭᔅᑯᐎᐧᑲᐧᒃ ᐊᓂᔭᔪᐤ ᒐ ᓇᐅᔅᑕᑭᓄᐎᒡ ᐊᑯᓐ ᐊ ᐃᓯᓇᑯᓂᔨᒡ ᐅᔭ ᑲ ᐃᑎᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:8

ᐅ ᐃᔎᐤ ᒋ ᐃᑐᑎᒻ ᐎᔾ ᐃᔅᐱᔅ ᐊ ᑭᔅᒋᑕᑦ᙮ ᓂᑲᓐ ᒋ ᑐᒥᓂᒻ ᐊᓂᔭᔪᐤ ᐊ ᐊᔭᔅᑯᐎᐧᑲᐧᒃ ᒐᒋ ᓇᐃᐧᑲᑭᓄᐎᒡ᙮

ᓗᒃ 24:12

ᐱᑕᕐ ᒪᒃ ᒋ ᐃᔅᐸᑕᐤ ᐊᓐᑕ ᑲ ᐛᑎᒂᐱᔅᑲᐃᑭᓄᐎᒡ ᐊᑯ ᒂ ᓄᐛᑲᐳᑦ ᒐᒋ ᐊᑯᓯᒂᔭᐸᑕᐧᒃ᙮ ᒥᒄ ᒪᒃ ᐊᓂᔭᔪᐛ ᐊᐱᒋᑕᐅᓇ ᑲ ᐎᔎᔭᒋᓇᑭᓄᔨᒋ ᒋ ᐛᐸᑎᒻ᙮ ᐊ ᐊᑎ ᒋᐛᑦ ᒪᒃ ᒋ ᒪᒥᑐᓇᔨᑎᒥᐃᑯᐤ ᑕᓐ ᑲ ᐃᔅᐱᔨᒡ᙮

ᒠᓐ 11:44

ᒋ ᐸᒋ ᐎᐎᔪᐤ ᐊᓐ ᓇᐸᐤ ᑲ ᓂᐱᑦ, ᐅᑎᒋᔭ ᑭᔭ ᐅᓯᑕ ᐊ ᐎᔎᔭᐸᐧᑲᑕᔨᒋ ᐱᒍᐎᔭᓂᓯᔪᐤ ᑭᔭ ᐊ ᒪᑯᐱᑕᔨᒡ ᐅᑕᔅᑎᒥᐧᒄ᙮ ᐊᑯ ᒋᓴᔅ ᒂ ᐃᑕᑦ, “ᐊᐱᐧᑯᓇᐧᒄ, ᒐ ᐱᔅᑎᓇᒄ᙮”

ᒠᓐ 12:7

ᒥᒄ ᒪᒃ ᒍᑎᔅ ᒋ ᐃᑎᑯᐤ ᒋᓴᓴ, “ᐊᑲᐎᔾ ᐱᒪᐃᒻ, ᐛᔅ ᐊᓂᔭ ᑲ ᐃᑐᑕᐧᒃ ᒧᔭᒻ ᐊ ᐊᔭᔅᑯᐎᐧᑯᐅᑦ ᒐᒋ ᓇᐃᐧᑲᑯᐅᒡ ᐊᐅᑯᓐ ᐊ ᐃᓯᓇᑯᓂᔨᒡ᙮

ᐊᑈᔅᑕᓇᒡ 5:6

ᐅᔅᒋᓂᒋᓱᐅᒡ ᒪᒃ ᒋ ᐸᒋ ᐱᒐᐅᒡ, ᒂ ᐎᔎᔭᒋᓂᒧᐛᒡ ᐊᓂᔭᔪᐤ ᐎᔭᔪᐤ, ᒂ ᐎᐎᑕᐊᒡ, ᑭᔭ ᒂ ᓇᐃᐧᑯᐛᒡ᙮