ᒠᓐ 19:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐸᑎᒪ ᒪᒃ ᒋᓴᔅ ᒋ ᒋᔅᒐᔨᑎᒻ ᓴᔅ ᒥᓯᐛ ᒐᒂᔪᐤ ᐊᒋ ᒋᔅᑕᐱᔨᒡ ᐊᑯ ᒂ ᐃᔅᒋᔄᑦ, “ᓂᐎ ᒥᓐ᙮” ᐊᐅᑯᐤ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᑕᓐ ᑲ ᐃᓯ ᓂᑲᓐ ᐎᑕᑭᓄᐎᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᒐ ᐃᔅᒋᔄᑯᐱᓇ᙮

ᒠᓐ 19:28 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 22:15

ᓂ ᒥᔅᑯᐅᓯᐅᓐ ᐸᔅᑕᐤ ᒧᔭᒻ ᐊᒋ ᐅᒋ ᐱᓂᐱᔨᒡ ᒥᓂᒂᑭᓐ, ᑭᔭ ᓂᑕᔨᔾ ᓂᑕᐱᔅᒋᑭᓂᒡ ᒋᑭᒧᐤ; ᑭᔭ ᔅᒋ ᐸᓱᐅᓐ ᓂᐳᐅᓐ ᐊᓯᔅᒋᒡ᙮

ᑎᐱᑦ ᐅᓂᑭᒧᐅᓇ 69:21

ᓂᒋ ᒥᔨᑯᒡ ᐎᓴᐳᔪᐤ ᒐᒋ ᒥᒍᐅᒡ; ᑭᔭ ᐊ ᓄᐅᑕᔭᐸᒂᐅᒡ ᓂᒋ ᒥᓇᐃᑯᒡ ᓯᐅᑲᐳᔪᐤ᙮

ᓗᒃ 12:50

ᐛᔅ ᓇᔅᒡ ᑕᑈ ᒋᑭ ᐊᔨᒥᓐ ᒐᒂᓐ ᒐ ᐃᓯ ᓂᒋᔅᑭᒪᓐ ᐊᔪᐛᒡ ᒪᒃ ᓂ ᒥᑯᔅᑲᑕᔨᑕᓐ ᑭᒪ ᓴᔅ ᐅᑎᒋᐱᔨᒡ ᐊ ᐃᑕᔨᑎᒪᓐ᙮

ᓗᒃ 18:31

ᐊᑯ ᒋᓴᔅ ᒂ ᔅᑐᑕᐊᑦ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᐊᓐᑕ ᑎᐸᓐ ᒐᒋ ᐃᑕᒡ, ᐊᑯ ᒂ ᐃᑕᑦ, “ᒋᕈᓯᓕᒥᒡ ᒋᑭ ᐃᑐᑕᓇᓄᐤ᙮ ᐊᑯᑕ ᐊᓐᑕ ᒥᓯᐛ ᒐ ᑎᐱᐱᔨᒡ ᐊᓂᔭ ᑲ ᐃᑕᔨᒪᑭᓄᐅᑦ ᒐ ᐃᔅᐱᔨᑦ ᐃᔪᐤ ᐅᑯᓯᓴᓐ ᐊᓂᔭ ᑕᓐ ᑲ ᐃᓯ ᒥᓯᓇᐊᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮

ᓗᒃ 22:37

ᐛᔅ ᐅ ᐛᒋ ᐃᑎᑎᑯᒡ ᒋᑭ ᑎᐱᐱᔪᐤ ᑕᓐ ᑲ ᐃᓯ ᓂᑲᓐ ᐊᔨᒧᒥᑯᔭᓐ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, ᒋ ᐊᔅᑎᒋᒪᑭᓄᐤ ᐊᓐᑕ ᐊ ᓂᑕᐅᒋᒧᑎᓇᓄᐎᒡ᙮ ᐅ ᒪᒃ ᑲ ᐃᓯ ᑎᐸᒋᒥᑯᔭᓐ ᑕᑈ ᒋᑭ ᐃᔅᐱᔪᐤ᙮”

ᓗᒃ 9:31

ᐊᑯ ᒂ ᐊᔨᒧᑎᒧᐛᒡ ᒋᓴᓴ ᓴᔅ ᐊ ᐸᓱᓇᑯᓂᔨᒡ ᒐ ᓂᐱᔨᒋ ᐊᓐᑕ ᒋᕈᓯᓕᒥᒡ, ᐊᓂᔭ ᒋᓴᒪᓂᑐᐛ ᑲ ᐃᓯ ᐎᔅᑕᔨᒋ ᒐ ᐃᔅᐱᔨᒡ᙮ ᓇᔅᒡ ᒪᒃ ᐊ ᒥᔽᔅᑕᔨᒡ ᒋᒋᒋᓯᒄ ᐛᔅᑕᐅᓂᔪᐤ ᒋ ᐛᔅᑕᔪᐤ ᐊᓐᑕ ᐛᔅᑲ ᐊ ᑕᒡ᙮

ᒠᓐ 13:1

ᐊᔅᒄ ᐊᑲ ᐅᒋ ᐅᑎᒋᐱᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᓴᔅ ᒋ ᒋᔅᒐᔨᑎᒻ ᒋᓴᔅ ᐊ ᐅᑎᒋᐱᔨᒡ ᒐ ᓂᑭᑕᐧᒃ ᐅᔭ ᐊᔅᒋᔪᐤ ᑭᔭ ᒐ ᓂᑐᐛᐱᒪᑦ ᐅᑕᐎᒪᐛ᙮ ᒧᔅ ᒋ ᓴᒋᐊᐤ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ ᐅᑕ ᐊᔅᒋᒡ ᑲ ᑕᔨᒋ ᑭᔭ ᒐ ᐅᑎᒋᐱᔨᒡ ᒐᒋ ᐛᐸᑎᔭᑦ ᑕᓐ ᐊᔅᐱᔅ ᓴᒋᐊᑦ᙮

ᒠᓐ 17:4

ᓂᒋ ᐛᐸᑎᔨᐛᓐ ᐅᑕ ᐊᔅᒋᒡ ᑕᓐ ᐊᔅᐱᔅ ᒋᔅᑕᔨᑕᑯᓯᔨᓐ, ᐊᒋ ᒋᔅᑕᔭᓐ ᐊᓐ ᐊᑐᔅᒐᐅᓐ ᑲ ᐸᒋ ᒥᔨᓐ ᒐ ᐃᑐᑎᒪᓐ᙮

ᒠᓐ 18:4

ᒋ ᒋᔅᒐᔨᑎᒻ ᒪᒃ ᒋᓴᔅ ᒥᓯᐛ ᑕᓐ ᒐ ᐃᔅᐱᔨᑦ ᐊᑯ ᒂ ᐸᒋ ᓂᒥᑕᐛᑲᐳᑦ ᒂ ᐃᑕᑦ, “ᐊᐛᓐ ᑲ ᓇᓂᑐᐛᐱᒪᒄ ?”

ᒠᓐ 19:24

ᒋ ᐃᑎᑐᒡ ᒪᒃ ᐊᓐᒡ ᐊᓯᒪᑭᓂᓯᒡ, “ᐊᑯᔅ ᐊᑲ ᐅᒋ ᐱᑯᓯᒧᐛᑕᐤ ᐅᔭ ᐅᑦ ᐊᑯᑉ᙮ ᑯᒂᒋᐃᑐᑕᐤ ᐛᐱᓂᒐᑕᐤ ᐊᐛᓐ ᒐ ᑲᓂᔪᒂ ᐊᓂᔭ ᐊᑯᐱᔪᐤ᙮” ᐅᔭ ᒪᒃ ᑲ ᐃᑎᒡ ᐊᑯᑕ ᑲ ᑎᐱᔨᒡ ᑕᓐ ᑲ ᐃᑎᓯᓇᐃᑭᓄᐃᑯᐱᓇ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋ ᒪᒪᑎᓂᒪᑐᐅᒡ ᓂᑦ ᐊᐱᒋᑕᐅᓇ ᑭᔭ ᒋ ᑕᐛᒐᓄᐤ ᓂᑦ ᐊᑯᑉ᙮

ᒠᓐ 19:30

ᐃᔅᐱ ᒋᓴᔅ ᑲ ᒥᓐᑦ ᐊᑯ ᒂ ᐃᔅᒋᔄᑦ, “ᓴᔅ ᒋᔅᑕᐱᔪᐤ᙮” ᐊᑯ ᒂ ᐊᑎ ᓂᔭᒥᔎᔨᑦ ᒂ ᐊᑎ ᐳᓂᐱᒪᑎᓯᑦ᙮

ᒠᓐ 19:36

ᒋ ᐃᔅᐱᔪᐤ ᐅ ᒐᒋ ᑎᐱᐱᔨᒡ ᑕᓐ ᑲ ᐃᓯ ᓂᑲᓐ ᐎᑕᑭᓄᑯᐱᓇ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ᐃᔅᐱᔨᒡ, ᐃᑎᔅᑕᐤ, ᓇᒪ ᐛᐛᒡ ᐸᐃᒄ ᐅᒋ ᓇᑥᐃᑭᓄᐎᔪᐤ ᐎᔾ ᐅᔅᑭᓇ᙮

ᒠᓐ 4:34

ᒋᓴᔅ ᒂ ᐃᑕᑦ, “ᒐᒋ ᐃᑐᑎᒧᒡ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ᐃᑎᓴᐅᑦ ᑭᔭ ᒐᒋ ᒋᔅᑕᐅᒡ ᐊᓂᔭ ᑲ ᐃᓯ ᓂᑐᐛᔨᒥᑦ ᒐᒋ ᐃᑐᑎᒧᒡ ᐊᐅᑯᓐ ᐊᓐ ᒧᔭᒻ ᓂᒥᒋᒻ ᐊ ᐃᑕᔨᑎᒪᓐ᙮

ᐊᑈᔅᑕᓇᒡ 13:29

ᐛᔅᑭᒡ ᒋ ᒥᓯᓇᐃᑭᓄᐤ ᐊᓐᑕ ᒥᓯᓇᐃᑭᓂᒡ ᑕᓐ ᒐ ᐃᑐᑕᑯᑦ ᐃᔪᐛ ᙭, ᒥᓯᐛ ᒪᒃ ᒋ ᑎᐱᐱᔪᐤ ᐅᔭ, ᒋᓴᔅ ᒋ ᓂᐸᐊᑭᓄᐤ ᐊᑯ ᒂ ᓂᑎᓇᑭᓄᐅᑦ ᒋᐱᔭᑎᑯᒡ ᐅᒡ, ᐊᑯ ᑲᒋ ᓇᐃᐧᑯᐛᑭᓄᐅᑦ᙮