ᒠᓐ 18:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᑈᓚᑦ ᑲ ᑯᒂᒋᒪᑦ ᐊ ᐃᑕᑦ, “ᒐᒂᓐ ᐊᓐ ᑕᑈᐅᓐ ?” ᐊᑯ ᒥᓐ ᑲᐤ ᒂ ᐎᐎᑦ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᓇᒪ ᓂ ᒋᔅᒐᔨᑎᒺᓐ ᒐᒂᔪᐤ ᑲ ᐅᓂᑐᑎᒧᒂ ᐊᓐᑕ ᒐᒋ ᐅᒋ ᑎᐸᔅᑯᓇᑭᓄᐅᑦ᙮

ᒠᓐ 18:38 ပူးပေါင်းရင်းမြစ်များ

ᒪᑎᔪᐤ 27:24

ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᒐ ᐊᑲ ᒋ ᓴᐧᑯᒋᒪᑦ ᐊᓂᔭᔪᐛ ᐃᔪᐛ ᑭᔭ ᑎᐛᒡ ᐊ ᐊᑎ ᒋᒋ ᒥᒋᐱᔨᓇᓄᐎᒡ ᒋ ᑲᓯᑎᒐᐤ ᐅᑎᔅᑯᐤ ᐊᓂᔭᔪᐛ ᐃᔪᐛ ᐊ ᑕᔨᒋ᙮ ᐊᑯ ᒂ ᐃᑕᑦ, “ᓇᒪ ᐎ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᒐ ᓂᐸᐊᑭᓄᐅᑦ ᐅ ᓇᐸᐤ᙮ ᒋᔨᐛᐤ ᐅ ᑲ ᐃᑎᔭᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:14

ᐊᑯ ᑈᓚᑦ ᐊᑕᑦ, “ᒐᒂᔪᐤ ᒪᒃ, ᑕᓐ ᑲ ᐃᓯ ᒥᒋᑐᑕᐧᒃ ?” ᐊᑎᑐᐤ ᒪᒃ ᒋ ᒋᐧᑲᐛᐅᒡ ᐊ ᑕᑈᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”

ᓗᒃ 23:4

ᐊᑯ ᑈᓚᑦ ᒂ ᐃᑕᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᒪᒧᐱᔨᒋ, “ᓇᒪ ᓇᔅᒡ ᓂ ᒥᔅᑭᒺᓐ ᒥᒋᑥᐅᓂᔪᐤ ᒐᒋ ᐊᔭᑦ ᐅ ᓇᐸᐤ᙮”

ᒠᓐ 18:33

ᒥᓐ ᑲᐤ ᒂ ᐱᒐᑦ ᑈᓚᑦ ᐊᓂᔭ ᒋᓴᐅᒋᒪᐅᒋᐛᐱᔪᐤ ᐊ ᐎᓴᒪᑦ ᒋᓴᓴ, ᐊᑯ ᒂ ᑯᒂᒋᒪᑦ, “ᐊᐛ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?”

ᒠᓐ 19:4

ᒥᓐ ᑲ ᐎᐎᑦ ᑈᓚᑦ ᒂ ᐃᑕᑦ ᐊᓂᔭ ᒍᐤ ᐃᔪᐛ, “ᒥᓐ ᒋᑭ ᐸᒋ ᐎᐎᑕᐊᑭᓄᐤ ᐅ ᓇᐸᐤ ᒐᒋ ᐛᐸᑎᒪᒄ ᐊᑲ ᒥᔅᑭᒧᒡ ᑕᓐ ᒐᒋ ᐃᓯ ᓂᓱᐅᓇᒋᒥᒃ᙮”

ᒠᓐ 19:6

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᐃᔅᐱ ᐎᔭᐱᒪᒡ ᒋᓴᓴ, ᒋ ᑕᑈᐅᒡ ᐊ ᐃᔅᒋᔄᒡ, “ᒋᔅᑕᔎᑕᐧᒄ, ᒋᔅᑕᔎᑕᐧᒄ᙮” ᑈᓚᑦ ᒋ ᐃᑕᐤ, “ᒋᔨᐛᐤ ᒋᔅᑕᔎᑕᐧᒄ᙮ ᓇᒪ ᓂ ᒥᔅᑭᒺᓐ ᑕᓐ ᑲ ᐃᓯ ᒥᒋᑐᑎᒧᒂ᙮”

ᐊᑈᔅᑕᓇᒡ 17:32

ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”

1 ᐱᑕᕐ 1:19

᙭ ᐅᒥᐧᒄ ᒪᐅᒡ ᑲ ᒋᔅᑕᔨᑕᒂᒡ ᒐᒂᓐ ᐊᐅᒄ ᑲ ᐎᐧᑯᒋᐃᑯᔭᒄ᙮ ᐛᔅ ᐊᓂᔭ ᑲ ᐎᐧᑯᒋᐃᑕᒄ ᙭, ᓇᔅᒡ ᒋ ᐱᔅᑎᓂᒻ ᐅᐱᒪᑎᓯᐅᓐ ᒧᔭᒻ ᒪᔭᑕᓂᔅ ᐊᑲ ᓇᔅᒡ ᒐᒂᓐ ᐃᓯᓇᑯᓯᑦ, ᓇᔅᒡ ᐊ ᒥᔪᓯᑦ, ᐊᐅᑯᓐ ᑲ ᐃᓯᓇᑯᓯᑦ ᙭ ᐅᔭ ᑲ ᐃᑐᑎᒪᑕᒄ᙮