ᒠᓐ 18:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᐊᑯ ᑈᓚᑦ ᒂ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᔅᒋᔄᓐ ᐊ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ᐱᒪᑎᓯᔭᓐ ᑭᔭ ᐊᐅᒄ ᐛᒋ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ᑕᑦ ᐊᐅᒄ ᐊᓐ ᐱᔭᒋ ᓂᑐᑐᐅᑦ᙮”

ᒠᓐ 18:37 ပူးပေါင်းရင်းမြစ်များ

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒪᑎᔪᐤ 27:11

ᒋᓴᔅ ᒪᒃ ᒋ ᐅᑎᔅᑯᑲᐳᔅᑐᐛᐤ ᑈᓚᑕ ᐊᓂᔭᔪᐛ ᕈᒻ ᒋᓴᐅᒋᒪᐤ ᐊᐱᒋᐊᑭᓇ᙮ ᐊᑯ ᒂ ᑯᒂᒋᒥᑯᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:62

ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:2

ᐊᑯ ᑈᓚᑦ ᒂ ᑯᒂᒋᒪᑦ ᒋᓴᓴ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒋ ᐃᑕᐤ, “ᐊᐅᑯᓐ ᐊᔅᒋᔄᔨᓐ᙮”

ᓗᒃ 22:70

ᐊᑯ ᒪᒃ ᒥᓯᐛ ᒂ ᑯᒂᒋᒥᑯᑦ, “ᐊᐅᒄ ᐊ ᒪᒃ ᒋᔾ ᒋᓴᒪᓂᑐᐤ ᐅᑯᓴ ?” ᒋ ᐃᓯ ᐎᑎᒧᐛᐤ ᒪᒃ ᐊ ᐃᑕᑦ, “ᒋᑦ ᐃᔅᒋᔄᓇᐛᐤ ᐊ ᐊᐎᔭᓐ ᒋᓴᒪᓂᑐᐤ ᐅᑯᓴ᙮”

ᓗᒃ 23:3

ᑈᓚᑦ ᒪᒃ ᒋ ᑯᒂᒋᒪᐤ ᐊ ᐃᑕᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᐅᑯᓐ ᐊ ᐃᔅᒋᔄᔨᓐ᙮”

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 3:32

ᐎᑎᒻ ᑕᓐ ᑲ ᐃᓯ ᐛᐸᑕᐧᒃ ᑭᔭ ᑕᓐ ᑲ ᐃᓯ ᐸᑕᐧᒃ ᐊᓐᑕ ᒋᒋᒋᓯᑯᒡ ᒥᒄ ᒪᒃ ᓇᒪ ᐊᐛᔪᐛ ᑕᑈᑕᑯᐤ᙮

ᒠᓐ 7:17

ᐊᓐ ᒪᒃ ᐊᐛᓐ ᓱᒃ ᐎ ᐃᑐᑎᒧᐛᒐ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐊᓂᔭ ᑕᓐ ᐊ ᐃᓯ ᒋᔅᑯᑎᒪᒐᐅᒡ ᐊᑯᑕ ᒐ ᐅᒋ ᒋᔅᒐᔨᑕᐧᒃ ᒋᓴᒪᓂᑐᐛ ᑲ ᐸᒋ ᐃᑎᓱᒥᒂᓂ ᐊᓂᔭ ᒐᒋ ᐃᓯ ᒋᔅᑯᑎᒪᒐᐅᒡ ᑭᔭ ᒪᒃ ᒥᒄ ᓂᔾ ᓂᑦ ᐃᑕᔨᑎᒧᐅᓂᒡ ᐛᒋᐱᔨᒂ᙮

ᒠᓐ 8:14

ᒋᓴᔅ ᒂ ᐃᑕᑦ, “ᐊᑎ ᒥᒄ ᓂᔾ ᐊ ᑎᐸᒋᒥᓱᔭᓐ ᑕᑈᒥᑭᓐ ᑕᓐ ᐊ ᐃᔅᒋᔄᔭᓐ᙮ ᐛᔅ ᓂ ᒋᔅᒐᔨᑕᓐ ᑕᓐᑕ ᐛᒋᔭᓐ ᑭᔭ ᑕᓐᑕ ᒐ ᐃᑐᑕᔭᓐ᙮ ᒋᔨᐛᐤ ᒪᒃ ᓇᒪ ᒋ ᒋᔅᒐᔨᒥᓇᐛᐤ ᑕᓐᑕ ᐛᒋᔭᓐ ᑭᔭ ᑕᓐᑕ ᒐ ᐃᑐᑕᔭᓐ᙮

ᒠᓐ 8:45

ᓂᔾ ᒪᒃ ᒧᔅ ᑯᐃᔅᒄ ᓂᑦ ᐃᔅᒋᔄᓐ ᐊᐅᒄ ᒪᒃ ᐊᓐ ᐛᒋ ᐊᑲ ᑕᑈᑐᐅᔭᒄ᙮

ᒠᓐ 8:46

ᓇᒪ ᐛᐛᒡ ᐸᐃᒄ ᐊᓐᑕ ᐊ ᑎᓯᔭᒄ ᒋᑭ ᒋ ᐎᑕᓇᐛᐤ ᑲ ᒥᒋᑐᑎᒧᐛᓇ᙮ ᑯᐃᔅᒄ ᒪᒃ ᒧᔅ ᐊ ᐃᔅᒋᔄᔭᓐ ᒐᒂᓐ᙮ ᒐᒂᓐ ᒪᒃ ᐛᒋ ᐊᑲ ᒋ ᑕᑈᑐᐅᔭᒄ ?

ᒠᓐ 8:47

ᐊᓐ ᐊᐛᓐ ᒋᓴᒪᓂᑐᐛ ᐊ ᑕᔨᒋ ᑲ ᐅᒋᑦ ᓂᑐᑎᒻ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒋᔨᐛᐤ ᒪᒃ ᓇᒪ ᒋᓴᒪᓂᑐᐤ ᐊ ᑕᑦ ᒋ ᐅᒋᓇᐛᐤ ᐊᐅᑯᓐ ᐛᒋ ᐊᑲ ᓂᑐᑎᒪᒄ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᔅ᙮

1 ᑎᒧᑎ 6:13

ᒋᓴᒪᓂᑐᐤ ᒋ ᐱᔅᑎᓂᒻ ᒥᓯᐛ ᒐᒂᔪᐤ ᑲ ᐱᒪᑎᓯᒥᑭᓂᔨᒡ᙮ ᙭ ᒋᓴᓴ ᓇᔅᒡ ᒋ ᒋᔅᒐᔨᑕᑯᐅᐤ ᐊᐛᓐ ᐎᔾ ᐊᓐᑕ ᑲ ᐅᑎᔅᑯᑲᐳᔅᑐᐛᑦ ᑈᓐᑎᔭᔅ ᑈᓚᑕ᙮ ᑕᐱᔅᑯᓐ ᒋᓴᒪᓂᑐᐤ ᑭᔭ ᙭ ᒋᓴᔅ ᐊ ᐸᑐᐅᒡ, ᐅ ᒋ ᐎ ᐃᓯ ᓯᒋᒥᑎᓐ,

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

1 ᒠᓐ 2:21

ᓇᒪ ᐎ ᐊ ᐃᑕᔨᒥᑎᑯᒡ ᐊᑲ ᒋᔅᒐᔨᑎᒪᒄ ᑕᑈᐅᓐ ᐛᒋ ᒥᓯᓇᐊᒪᑎᑯᒡ᙮ ᐊ ᒋᔅᒐᔨᑎᒪᒄ ᑕᑈᐅᓐ ᑭᔭ ᐊ ᒋᔅᒐᔨᑎᒪᒄ ᐊᑲ ᑎᒂᒡ ᑭᑭᒋᔭᐅᓐ ᐊᓐᑕ ᑕᑈᐅᓂᒡ ᐊᐅᑯᓐ, ᐛᒋ ᒥᓯᓇᐊᒪᑎᑯᒡ᙮

1 ᒠᓐ 3:14

ᐊ ᓴᒋᐊᐧᑯᒡ ᒋᐧᑲᓂᓯᓄᐅᒡ, ᐊᑯᑕ ᐛᒋ ᒋᔅᒐᔨᑎᒪᐧᒄ ᓂᐳᐅᓂᒡ ᐊᒋ ᐅᒋ ᐊᓱᑕᐃᑯᐅᔭᐧᒄ ᐱᒪᑎᓯᐅᓂᒡ ᒐᒋ ᐃᓯ ᑕᔭᐧᒄ᙮ ᐊᐛᓐ ᐊᑲ ᓴᒋᐊᑦ ᐎᐧᑲᓂᓴ ᐊᔅᒄ ᑎᐸᔨᒥᑯᐤ ᓂᐳᐅᓂᔪᐤ᙮

1 ᒠᓐ 3:19

ᐛᔅ ᑕᑈ ᓴᒋᐃᐛᔭᒂ, ᐊᑯᑕ ᒐ ᐅᒋ ᒋᔅᒐᔨᑎᒪᐧᒄ ᒋᓴᒪᓂᑐᐤ ᐊ ᑎᐸᔨᒥᑕᐧᒄ ᐎᔾ ᐊ ᑕᑦ ᐛᒋᐱᔨᒡ ᑕᑈᐅᓂᔪᐤ᙮ ᐊᑯᑕ ᑭᔭ ᐛᒋ ᒋᔭᒪᔨᑎᒪᐧᒄ ᒋᑕᐃᓇᒡ ᐊ ᐃᔨᒥᔭᐧᒄ ᒋᓴᒪᓂᑐᐤ ᐊᑎ ᐊ ᒋᔅᒐᔨᑎᒪᐧᒄ ᐊ ᐅᓂᑐᑎᒪᐧᒄ ᒪᓐ᙮

1 ᒠᓐ 4:6

ᒋᔭᓄᐤ ᐎ ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ᙮ ᐊᓐ ᐊᐛᓐ ᑲ ᒋᔅᒐᔨᒪᑦ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᓂᑐᑕᑯᓄᐤ ᑕᓐ ᐊ ᐃᔅᒋᔄᐛᐧᒄ᙮ ᐊᑯ ᐊᓐ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ, ᓇᒪ ᒋ ᓂᑐᑕᑯᓄᐤ᙮ ᐊᑯᑕ ᐛᒋ ᒋᔅᒐᔨᒪᐧᒄ ᑕᑈᐅ-ᐊᒐᐧᒄ ᑭᔭ ᑲ ᐎᔭᓯᒧᐛᑦ ᐊᒐᐧᒄ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:4

ᓂᔾ ᒠᓐ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᒥᓯᓇᐊᒪᑎᓇᐛᐤ ᐊᓐᑕ ᑲ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ᐃᓯᓂᐧᑲᑕᒡ ᐊᔅᒋᔾ᙮ ᒋᓴᒪᓂᑐᐤ, ᐊᓐ ᐊᓄᒡ ᐊ ᑕᑦ ᑭᔭ ᒧᔅ ᑲ ᐸᒋ ᑕᑦ, ᑭᔭ ᐊᓐ ᒐ ᑎᑯᓯᐧᒃ, ᒋᑭ ᓱᐛᔨᒥᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ᑕᒡ, ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 3:14

“ᒥᓐ ᒪᒃ ᓂᒋ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᐊᓐᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ᐃᔅᒋᔄᑦ ᒋᓴᒪᓂᑐᐤ ᒐ ᐃᑐᑎᒪᒐᑦ ᑭᔭ ᒐ ᐃᑎᑦ, ᐊᓐ ᑯᐃᔅᒄ ᑲ ᐃᑎᑦ ᐊ ᐎᑕᐧᒃ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐅᓯᑕᑦ᙮