ᒠᓐ 18:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮

ᒠᓐ 18:28 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 35:16

ᐊᓯᒡ ᐊᔭᒥᐊᐧᑲᓱᐤ ᒪᔭᔨᒐᐅᒡ ᐊ ᒥᑯᓴᒡ, ᓂᒋ ᒪᑥᔭᐱᑕᓯᓄᔅᑕᑯᒡ᙮

ᒪᑎᔪᐤ 27:27

ᐊᑯ ᑈᓚᑦ ᐅᑦ ᐊᓯᒪᑭᓂᓯᒪ ᒂ ᐃᑐᑕᐊᔨᒋ ᒋᓴᓴ ᐊᓐᑕ ᐊᓂᔭᔪᐛ ᒋᓴᐅᒋᒪᐤ ᐊᐱᒋᐊᑭᓇ ᐎᒋᔨᒡ᙮ ᒥᓯᐛ ᒪᒃ ᐊᓐᒡ ᐊᓯᒪᑭᓂᓯᒡ ᐊᓐᑕ ᑲ ᑕᒡ ᒋ ᐛᔅᑲᑲᐳᔅᑐᐛᐅᒡ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:16

ᐊᓯᒪᑭᓂᓯᒡ ᒪᒃ ᒋ ᐃᑐᑕᐅᒡ ᒋᓴᓴ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᐊᑯ ᐛᓴᒪᒡ ᒥᓯᐛ ᑯᑎᑲ ᐊᓯᒪᑭᓂᓴ᙮

ᓗᒃ 22:66

ᐃᔅᐱ ᒪᒃ ᐱᔭᑕᐱᓂᔨᒡ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᒪᒧᐎᐅᒡ᙮ ᐊᑯᑕ ᒪᒃ ᐊᓐᑕ ᑲ ᐃᑐᑕᐊᑭᓄᐅᑦ ᒋᓴᔅ ᒐ ᓂᑐ ᒋᔅᒐᔨᒪᑭᓄᐅᑦ ᑕᓐ ᒐᒋ ᐃᓯ ᑎᐸᔅᑯᓇᑭᓄᐅᑦ᙮

ᒠᓐ 11:55

ᒋ ᐸᓱᓇᑯᓐ ᒪᒃ ᐊᓐ ᒍᐤ ᐎᒪᔅᑲᒐᐅ-ᒥᑯᓴᐅᓐ᙮ ᒥᒐᑦ ᐊᐛᓐᒋ ᒋ ᐸᒋ ᐃᑐᑕᐅᒡ ᒋᕈᓯᓕᒥᒡ ᓂᓇᐧᑯᐤ ᐅᑕᓇᒡ ᐊ ᐅᑐᑕᒡ ᐊ ᐸᒋ ᑎᑯᓯᒡ ᒐᒋ ᐃᑐᑕᒡ ᑕᓐ ᑲ ᐃᓯ ᐎᔅᑕᔨᒡ ᐊᔭᒥᐊᐅ ᐎᓱᐛᐅᓂᒡ ᒋᐸ ᐃᑐᐅᒡ ᒐᒋ ᐸᔭᒋᓯᒡ᙮

ᒠᓐ 18:13

ᐊᓐᑕ ᓂᔅᑎᒻ ᐊᓇᓴ ᐊ ᑕᔨᒋ ᒋ ᐃᑐᑕᐊᐅᒡ, ᑲᔭᐸᔅ ᒪᒃ ᐅᔭ ᐅᓴ᙮ ᐅ ᑲᔭᐸᔅ ᐎᔾ ᒋ ᒋᓴᐊᔭᒥᐊᐅᒋᒪᐅᐤ ᐊᓂᔭ ᑲ ᐱᐳᓂᔨᒡ᙮

ᒠᓐ 18:15

ᓴᐃᒥᓐ ᐱᑕᕐ ᑭᔭ ᒥᓐ ᑯᑎᒃ ᒋᔅᒋᓄᐊᒧᐛᑭᓐ ᒋ ᓇᓴᐛᐅᒡ ᒋᓴᓴ᙮ ᐊᓐ ᒪᒃ ᑯᑎᒃ ᒋᔅᒋᓄᐊᒧᐛᑭᓐ ᓇᔅᒡ ᒋ ᒥᔪ ᒋᔅᒐᔨᒥᑯᐤ ᒋᓴᐊᔭᒥᐊᐅᒋᒪᐛ᙮ ᐊᑯ ᒂ ᐎᒐᐛᑦ ᒋᓴᓴ ᐊᓐᑕ ᐊᓂᔭ ᒋᓴᐊᔭᒥᐊᐅᒋᒪᐛ ᐎᒋᔨᒡ ᐊ ᐱᒐᔨᒋ᙮

ᒠᓐ 18:33

ᒥᓐ ᑲᐤ ᒂ ᐱᒐᑦ ᑈᓚᑦ ᐊᓂᔭ ᒋᓴᐅᒋᒪᐅᒋᐛᐱᔪᐤ ᐊ ᐎᓴᒪᑦ ᒋᓴᓴ, ᐊᑯ ᒂ ᑯᒂᒋᒪᑦ, “ᐊᐛ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?”

ᒠᓐ 18:39

ᑎᑯᓐ ᒪᒃ ᒍᐤ ᐃᑐᐅᓐ ᐸᐃᒄ ᐊᐛᓐ ᒐᒋ ᐱᔅᑎᓂᒪᑯᔭᒄ ᒪᒂᒡ ᐊ ᐎᒪᔅᑲᒐᐅ-ᒥᑯᓴᓄᐅᒡ᙮ ᒋ ᓂᑐᐛᔨᒪᐛᐤ ᐊ ᒐᒋ ᐱᔅᑎᓂᒪᑯᔭᒄ ᐅ ᒍᐤ ᐃᔪᒡ ᐅᒋᓴᐅᒋᒪᒧᐛᐤ ?”

ᒠᓐ 19:11

ᐊᑯ ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᒥᒄ ᒐᓱᐛᑦ ᒋᓴᒪᓂᑐᐤ ᐊᒋ ᒥᔨᔅᒃ ᐊᓂᔭ ᒐᒋ ᐃᑐᐅᑦ ᐊᐅᑯᓐ ᐛᒋ ᑎᒂᒡ ᐊᓐ ᒐᒋ ᐃᑎᔨᓐ᙮ ᐊᓐ ᒪᒃ ᐊᐛᓐ ᒋᔾ ᐊ ᑕᔨᓐ ᑲ ᐃᓯ ᐱᔅᑎᓱᐛᓯᑦ ᐊᐅᒄ ᐊᑐᐎᔅ ᒥᒋᑐᑕᐧᒃ᙮”

ᒠᓐ 19:14

ᒪᒂᒡ ᒪᒃ ᐊᓐ ᐊ ᒋᓯᑲᒡ ᐎᒪᔅᑲᒐᐅ-ᒥᑯᓴᐅᓐ ᐊ ᐊᔭᔅᑯᔅᑕᑭᓄᐅᒡ ᒋ ᐃᓯ ᒋᓯᑲᐤ᙮ ᒐᑲᑦ ᒪᒃ ᒋ ᐊᐱᑕᒋᓯᑲᔪᐤ ᑈᓚᑦ ᑲ ᐃᑕᑦ ᐊᓂᔭ ᒍᐤ ᐃᔪᐛ, “ᑭᓄᐛᐱᒪᐧᒄ ᒪᒃ ᐅ ᒋᒋᓴᐅᒋᒪᒧᐛᐤ᙮”

ᒠᓐ 19:9

ᐊᑯ ᒥᓐ ᑲᐤ ᒂ ᐱᒐᑦ ᐊᓐᑕ ᒋᓴᐅᒋᒪᐅᒋᐛᐱᒡ ᐊᑯ ᑲ ᑯᒂᒋᒪᑦ ᒋᓴᓴ, “ᑕᓐᑕ ᐛᒋᔨᓐ ?” ᓇᒪ ᐅᒋ ᒋᔅᑐᐤ ᒋᓴᔅ᙮

ᐊᑈᔅᑕᓇᒡ 10:28

ᐊᑯ ᒂ ᐃᑕᑦ ᐊᓂᔭᔪᐛ ᐃᔪᐛ, “ᒋᑭ ᐊᔨᒧᑎᒪᑎᓇᐛᐤ ᒐᒂᓐ᙮ ᒋ ᒥᔪ ᒋᔅᒐᔨᑕᓇᐛᐤ ᐊᓐᑕ ᒍᐤ ᐊᔭᒥᐊᐅ-ᐎᓱᐛᐅᒥᓯᓇᐃᑭᓂᒡ ᐊᑎᔅᑕᒡ ᐊᐛᓐ ᐊ ᒍᐎᐃᔪᑦ ᒐ ᐊᑲ ᒋ ᒧᐱᔅᑐᐛᑦ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑭᔭ ᒐ ᐊᑲ ᒋ ᐎᒐᐛᑭᓂᑐᐛᑦ᙮ ᒋᓴᒪᓂᑐᐤ ᒪᒃ ᓂᒋ ᐛᐸᑎᔨᒄ ᒐ ᐊᑲ ᒋ ᐊᑐᐛᔨᒥᒃ ᐊᐛᓐ, ᒐᒋ ᐃᑕᔨᒥᒃ ᐊᑲ ᐸᔭᒋᓯᑦ ᒪᒃ ᐊ ᒥᒋᓯᑦ ᒐᒋ ᐃᑕᔨᒪᒃ᙮

ᐊᑈᔅᑕᓇᒡ 10:32

ᐊᑯ ᒥᓐ ᒂ ᐃᓯᑦ ᐊᓐ ᐊᓐᒋᓐ, ‘ᐃᑎᓴᐅᒡ ᐊᐛᓐᒋ ᐊᓐᑕ ᒍᐸ ᒐᒋ ᐎᓴᒪᒡ ᐊᓂᔭ ᓇᐸᐛ ᓴᐃᒥᓐ ᐱᑕᕐ ᑲ ᐃᓯᓂᐧᑲᓱᔨᒋ᙮ ᐊᓐᑕ ᑕᐤ ᓴᐃᒥᓇ ᐊ ᑕᔨᒋ ᐊᓐ ᑲ ᒋᓯᓂᒐᑦ ᑲ ᐃᓯᓂᐧᑲᑕᑭᓄᐅᑦ, ᐊᓐᑕ ᔭᔭᐤ ᓯᓱᒡ ᐎᓂᐸᑯᒡ ᑲ ᐎᒋᑦ᙮’

ᐊᑈᔅᑕᓇᒡ 11:3

ᒂ ᐃᑕᒡ ᐊᓂᔭ ᐱᑕᕋ, “ᔅᒋ ᐃᑐᑕᓐ ᐊᓐᑕ ᐊᓐᒡ ᐃᔪᒡ ᐊ ᑕᒡ ᐊᑲ ᒍᐤ ᐃᑎᔅᑲᓇᓯᒡ, ᐛᐛᒡ ᑭᔭ ᔅᒋ ᐎᒋᒥᒋᓱᒪᐅᒡ !”

ᐊᑈᔅᑕᓇᒡ 3:13

ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᒡ ᐊᓂᔭᐧᑲ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᑭᔭ ᐅᑕᒡ ᒍᑕᐎᓄᒡ ᒋᔅᑕᔨᑕᑯᐊᐤ ᐊᓂᔭᔪᐛ ᐅᑦ ᐊᐱᒋᐊᑭᓇ, ᐊᐅᒄ ᐅᔭ ᒋᓴᓴ᙮ ᒋᔨᐛᐤ ᒪᒃ ᔅᒋ ᐃᑐᑐᐛᐛᐤ ᒐᒋ ᐱᔅᑎᓇᑭᓄᐅᑦ ᐊᓐᑕ ᕈᒻ ᒋᓴᐅᒋᒪᐤ ᐊ ᑕᔨᒋ᙮ ᐊᒋ ᐊᑐᐛᔨᒪᒄ ᐅᑎᔅᑯᐤ ᑈᓚᑕ ᐊ ᑕᔨᒋ, ᐊᑎ ᐃᔅᐱᔅ ᑈᓚᑦ ᑲ ᐎ ᐱᔅᑎᓇᑦ᙮

ᐊᑈᔅᑕᓇᒡ 4:27

ᐊᐅᑯᓐ ᒪᒃ ᑕᑈ ᐊ ᐃᔅᐱᔨᒡ ᐊᓄᒡ ᐛᔅ ᒋᓴᐅᒋᒪᐤ ᐊᕈᑦ, ᑭᔭ ᐊᓐ ᐅᒋᒪᐤ ᑈᓐᑎᔭᔅ ᑈᓚᑦ, ᑭᔭ ᐊᓐᒡ ᒍᐤ ᐃᔪᒡ, ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒪᒧᐎᐅᒡ ᐊ ᓂᔅᑯᔅᑐᐛᒡ ᒋᓴᓴ, ᐊᓂᔭᔪᐛ ᑲ ᐛᔭᐱᒥᑎ ᑲ ᐸᔭᒋᓯᔨᒋ ᒋᑦ ᐊᐱᒋᐊᑭᓇ᙮