ᒠᓐ 14:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ “ᒋ ᓂᑭᑎᒪᑎᓇᐛᐤ ᒋᔭᒪᔨᑎᒧᐅᓐ᙮ ᓂᔾ ᓂᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᓇᒪ ᐅᑕ ᐊᔅᒋᒡ ᐊ ᐃᑕᔨᑕᒂᒡ ᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᐊᑲᐎᔾ ᒪᒃ ᒥᑯᔅᑲᑕᔨᑎᒧᒄ ᑭᔭ ᐊᑲᐎᔾ ᑯᔅᑕᒋᒄ᙮”

ᒠᓐ 14:27 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 11:1

ᑎᐸᔨᒋᒐᓱᐤ ᓂ ᒪᒥᓯᑐᑐᐛᐤ; ᒐᒂᓐ ᒪᒃ ᐛᒋ ᐃᓯᔨᓐ, “ᐃᑎᓯᒧᐤ ᒋ ᐱᔅᑯᑎᓇᒥᒡ ᒧᔭᒻ ᐱᔭᓯᔅ ?”

ᑎᐱᑦ ᐅᓂᑭᒧᐅᓇ 112:7

ᓇᒪᐎᔾ ᑯᔅᑎᒻ ᒥᒋᑎᐸᒋᒧᐅᓇ: ᐊᔨᑎᔅᑕᔪᐤ ᐅᑕᐃ, ᐊ ᒪᒥᓯᑐᑐᐛᑦ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 27:1

ᑎᐸᔨᒋᒐᓱᐤ ᐊᐅᒄ ᓂᐛᔅᑕᐅᓐ ᑭᔭ ᓂᐱᒪᒋᐃᑯᓯᐅᓐ; ᐊᐛᓐ ᒐ ᑯᔅᐸᓇᔨᒥᒃ ? ᑎᐸᔨᒋᒐᓱᐤ ᑲ ᐅᒋ ᒥᔅᑯᐛᒡ ᓂᐱᒪᑎᓯᐅᓐ; ᐊᐛᓐ ᒪᒃ ᒐ ᑯᔅᑎᒃ ?

ᑎᐱᑦ ᐅᓂᑭᒧᐅᓇ 28:3

ᐊᑲᐎᔭ ᒋᒡ ᐅᒥᒋᑥᐅᒡ ᐃᑲᑎᓯᓂ, ᐊᓐᒡ ᑭᔭ ᑲ ᒥᒋᑐᑕᒡ, ᑲ ᒋᔭᒪᔨᑎᒧᐅ ᐃᔨᒪᐊᒡ ᐎᒡ ᐃᔪᐛᐛ, ᒪᒃ ᐅᑕᐃᐛᒡ ᑎᒂᓂᔪᐤ ᐃᔭᔨᑲᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 29:11

ᑎᐸᔨᒋᒐᓱᐤ ᒋᑭ ᒥᔭᐤ ᒥᔅᑯᐅᓯᐅᓂᔪᐤ ᐅᑦ ᐃᔨᒪ; ᑎᐸᔨᒋᒐᓱᐤ ᒋᑭ ᓱᐛᔨᒪᐤ ᐅᑦ ᐃᔨᒪ ᐊ ᒥᔭᑦ ᒋᔭᒪᔨᑎᒧᐅᓂᔪᐤ᙮

ᑎᐱᑦ ᐅᓂᑭᒧᐅᓇ 56:11

ᒋᓴᒪᓂᑐᐤ ᓂᒋ ᒪᒥᓯᑐᑐᐛᐤ: ᓇᒪ ᓂᑭ ᑯᔅᑕᓐ ᒐ ᐃᑐᑐᐅᒂ ᐃᔪᐤ᙮

ᑎᐱᑦ ᐅᓂᑭᒧᐅᓇ 56:3

ᐃᔅᐱ ᓴᒋᓯᔭᓇ, ᒋᑭ ᒪᒥᓯᑐᑕᑎᓐ᙮

ᑎᐱᑦ ᐅᓂᑭᒧᐅᓇ 72:2

ᑯᐃᔅᑯᑕᑎᓯᐅᓂᒡ ᒋᑭ ᑎᐸᔅᑯᓇᐤ ᒋᑦ ᐃᔨᒪ, ᑭᔭ ᒋ ᒋᔅᑎᒪᑎᓯᒪ ᑎᐸᔅᑯᓂᒐᐅᓂᒡ᙮

ᑎᐱᑦ ᐅᓂᑭᒧᐅᓇ 72:7

ᒪᒂᒡ ᐊ ᐅᒋᓯᑲᒥᑦ ᐅᑯᐃᔅᑯᑕᑎᓯᐤ ᒋᑭ ᒥᔽᐱᒪᐅᓯᐤ, ᑭᔭ ᒥᔅᑎ ᒋᔭᒪᔨᑎᒧᐅᓂᔪᐤ ᒐ ᐃᔅᐱᔅ ᑕᔨᒋ ᑎᐱᔅᑲᐤ ᐱᓯᒺ᙮

ᑎᐱᑦ ᐅᓂᑭᒧᐅᓇ 85:10

ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋ ᓂᒋᔅᑲᑐᒥᑭᓇ; ᑯᐃᔅᑯᑕᑎᓯᐅᓐ ᑭᔭ ᒋᔭᒪᔨᑎᒧᐅᓐ ᒋ ᐅᒐᒥᑐᒥᑭᓇ᙮

ᑎᐱᑦ ᐅᓂᑭᒧᐅᓇ 91:5

ᓇᒪᐎᔾ ᒋᑭ ᑯᔅᑕᓐ ᑲ ᑯᔅᑕᑎᒂᒡ ᒪᒂᒡ ᐊ ᑎᐱᔅᑲᒡ: ᓇᒪ ᑭᔭ ᐊᑭᔅᒄ ᑲ ᐱᒥᐱᔨᑦ ᒪᒂᒡ ᐊ ᒋᓯᑲᒡ;

ᒪᑎᔪᐤ 10:26

“ᒥᒄ ᒪᒃ ᐊᑲᐎᔾ ᑯᔅᑕᐧᑯᒡ ᐊᐛᓐᒋ᙮ ᐛᔅ ᐊᓐ ᒐᒂᓐ ᐊᑲ ᓄᒂᒡ ᒋᑭ ᓄᑯᑕᑭᓄᐤ ᐊᓐᑕ ᐊ ᐛᔅᑕᒡ᙮ ᒥᓯᐛ ᒐᒂᓐ ᒋᒧᑦ ᑲ ᐃᑐᑕᑭᓄᐅᒡ ᒋᑭ ᒋᔅᒐᔨᑕᑯᓐ᙮

ᓗᒃ 1:79

ᒐᒋ ᐛᔅᑕᔨᒡ ᐊᑕᒡ ᐊᓐᒡ ᐛᑲᔅᑕᐱᒡ, ᑭᔭ ᑕᑲᔅᑕᔅᑲᑯᒡ ᓂᐳᐅᓂᔪᐤ; ᑭᔭ ᒐᒋ ᒋᔅᒋᓄᑕᐃᑯᔭᐧᒄ ᒋᔭᒪᐛᔨᑎᒧᐅᓂᒡ ᐃᔅ᙮”

ᓗᒃ 10:5

“ᑕᓐᑕ ᐊᓐ ᒐ ᐱᑎᑲᐃᑯᐛᒂ ᒥᒋᐛᐱᒡ ᓂᔅᑎᒻ ᒋᑭ ᐃᑕᐛᐅᒡ ᐊᓐᒡ ᐊᓐᑕ ᐊ ᑕᒡ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ᙮

ᓗᒃ 12:4

“ᒋ ᐎᑎᒪᑎᓇᐛᐤ ᓂᐎᒐᐛᑭᓂᑎᒄ, ᐊᑲᐎᔾ ᑯᔅᑕᒄ ᐊᐛᓐ ᑲ ᓂᐸᐊᑦ ᐊᐛᔪᐛ ᐛᔅ ᑕᐸ ᒐᒂᔪᐤ ᒋᑭ ᒋ ᐃᑐᑐᐛᐤ ᐊᒐᒂ᙮

ᓗᒃ 2:14

“ᒋᔅᑕᔨᒪᐧᒄ ᒋᓴᒪᓂᑐᐤ ᒪᐅᒡ ᐃᔅᐱᒥᒡ ᐊ ᑕᑦ᙮ ᒋᑭ ᒥᔭᑭᓄᐎᒡ ᒋᔭᒪᔨᑎᒧᐅᓂᔪᐤ ᐊᓐᒡ ᑲ ᓂᓇᐊᔨᑎᒥᐊᒡ ᒋᓴᒪᓂᑐᐛ ᐅᑕ ᐊᔅᒋᒡ᙮”

ᒠᓐ 14:1

“ᐊᑲᐎᔾ ᒥᑯᔅᑲᑕᔨᑎᒧᒄ᙮ ᑕᑈᐅᒐᔨᒪᐧᒄ ᒋᓴᒪᓂᑐᐤ, ᓂᔾ ᑭᔭ ᑕᑈᐅᒐᔨᒥᒄ᙮

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᒠᓐ 20:19

ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐊᓂᔭ ᓂᔅᑎᒻ ᐊᑎ ᒋᓯᑲᔨᒡ ᒋ ᒪᒧᐎᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᒋ ᐊᑎᓴᑲᐎᓱᐅᒡ ᒪᒂᒡ ᐊᓂᔭ ᐊ ᒪᒧᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᒍᐤ ᐅᒋᒪᐛ᙮ ᓯᔅᒋᑯᒡ ᒪᒃ ᒋ ᐅᒋ ᐛᐱᒪᐅᒡ ᒋᓴᓴ ᐊ ᓂᐳᔨᒋ ᐊᓐᑕ ᐊ ᑕᒡ᙮ ᒋ ᐃᑎᑯᐅᒡ ᒪᒃ, “ᒋᔭᒪᔨᑎᒧᒄ᙮”

ᒠᓐ 20:21

ᒥᓐ ᒂ ᐃᔨᒪᐊᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᒋᔭᒪᔨᑎᒧᒄ᙮ ᒧᔭᒻ ᓄᑕᐎᔾ ᑲ ᐸᒋ ᐃᑎᓴᐅᑦ ᒋᔭᒪᔨᑎᒧᐅᓂᒡ ᐃᔅ, ᑭᔭ ᓂᔾ ᒋᑦ ᐃᑎᓴᐅᑎᓇᐛᐤ ᒋᔭᒪᔨᑎᒧᐅᓂᒡ ᐃᔅ᙮”

ᒠᓐ 20:26

ᔭᓇᐤ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒥᓐ ᑲ ᒪᒧᐎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᑥᒥᔅ ᒪᒃ ᑭᔭ ᐎᔾ ᐊᑯᑕ ᑲ ᑕᑦ᙮ ᒋ ᐊᑎᓴᑲᐛᑭᓄᐎᒡ ᔅᑐᐧᑭᓐᒡ ᐃᔭᐱᒡ ᒪᒃ ᒋᓴᔅ ᒋ ᐸᒋ ᐱᒐᐤ ᒂ ᐸᒋ ᐅᑎᔅᑯᑲᐳᔅᑐᐛᑦ᙮

ᐊᑈᔅᑕᓇᒡ 10:36

ᒋᔅᒐᔨᑕᓇᐛᐤ ᐊᓐ ᐃᔨᒧᐅᓐ ᒋᓴᒪᓂᑐᐤ ᑲ ᐃᑎᓴᒧᐛᑦ ᐃᔅᕋᐃᓪ ᐃᔪᐛ, ᐊ ᐛᐎᑎᒧᐛᑦ ᒥᔽᒋᒧᐅᓂᔪᐤ ᐊᓐᑕ ᒐᒋ ᐅᒋ ᐊᔭᔨᒋ ᒋᔭᒪᔨᑎᒧᐅᓂᔪᐤ ᒋᓴᔅ ᙭ᑕ ᐅᒡ᙮ ᐛᔅ ᐎᔾ ᒋᓴᔅ ᒥᓯᐛ ᐊᔭᐤ ᑎᐸᔨᒋᒐᐅᓂᔪᐤ᙮

ᐊᑈᔅᑕᓇᒡ 18:9

ᐸᐃᒂᐤ ᐊ ᑎᐱᔅᑲᔨᒡ ᑈᓪ ᒋ ᐛᐸᑎᔭᑭᓄᐤ ᒐᒂᔪᐤ, ᐅᑎᐸᔨᒋᒐᐛ ᐊ ᐃᔨᒥᐃᑯᑦ ᐊ ᐃᑎᑯᑦ, “ᐊᑲᐎᔾ ᑯᔅᑕᒋ, ᐃᔭᐱᒡ ᑭᒐᔅᒋᒧᐤ, ᐊᑲᐎᔾ ᓄᑎᐳᓂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:7

ᐊᐅᑯᓐ ᒪᒃ ᐛᒋ ᒥᓯᓇᐊᒪᑎᑯᒡ ᒥᓯᐛ ᒋᔨᐛᐤ ᕈᒻ ᐊ ᑕᔭᒄ, ᒋᔨᐛᐤ ᒋᓴᒪᓂᑐᐤ ᑲ ᓴᒋᐃᑕᒄ ᑭᔭ ᑲ ᐎᔭᐱᒥᑕᒄ ᒐᒋ ᑎᐱᔨᐛᐅᓯᑐᑕᑕᒄ᙮ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:1

ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:10

ᐊᔅᒄ ᒪᒃ ᒪᒂᒡ ᐊᑲ ᓇᔅᒡ ᐅᒋ ᐊᐱᑕᔨᒪᐧᒄ ᒋᓴᒪᓂᑐᐤ ᐃᔭᐱᒡ ᒋ ᐅᑎᓂᒻ ᑕᓐᑕ ᒐᒋ ᐅᒋ ᐃᓯᓇᑯᓂᔨᒡ ᒐᒋ ᐊᑎ ᒥᔪ ᐎᒐᐛᐧᒄ᙮ ᑲ ᓂᐱᔅᑎᒪᑎᔨᑕᐧᑯ ᙭ᑕ ᐊᑯᑕ ᑲ ᐅᒋ ᓇᐃᐱᔨᑕᑦ ᐅᔭ ᒐᒋ ᐃᓯᓇᑯᓂᔨᒡ᙮ ᐊᑯ ᒪᒃ ᐊᓄᒡ ᐊ ᒥᔪᐎᒐᐛᐧᒄ ᒋᓴᒪᓂᑐᐤ ᒐᔅᑎᓇᑕᔨᑕᑯᓐ ᒐ ᐱᒪᒋᐃᑕᐧᒄ ᒋᓴᔅ ᐅᐱᒪᑎᓯᐅᓂᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:6

ᒥᒄ ᓂᑎᒥᒄ ᐎᓯ ᓂᓇᐊᔨᑎᒥᐃᓱᒐ ᐊᐛᓐ, ᒋᑭ ᓂᐸᐃᑯᐤ ᐅᔭ ᐊ ᐃᑎᑦ᙮ ᐱᓯᒄ ᑲ ᐸᔭᒋᓯᔨᒋ ᐊᒐᒂ ᒐᒋ ᓂᓇᐊᔨᑎᒥᐊᑦ ᐊ ᐃᓯ ᒪᒥᑐᓇᔨᑕᐧᒃ ᐊᐛᓐ ᐱᒪᑎᓯᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ ᐊᔭᐤ᙮

1 ᑯᕆᓐᑎᔭᓇ 1:3

ᓂᑦ ᐊᔭᒥᐊᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒐᒋ ᒥᔨᑕᒄ ᓱᐛᔨᒋᒐᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ᙮

ᑲᓚᓯᔭᓇ 1:3

ᓂ ᐱᑯᓴᔨᒪᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᒐᒋ ᒋᓴᐛᑐᑕᑕᑯᒡ ᑭᔭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᑲᓚᓯᔭᓇ 6:16

ᐊᑯ ᒪᒃ ᒥᓯᐛ ᐊᓐᒡ ᑲ ᓇᓴᐊᒡ ᐅᔭ ᒋᔅᑯᑎᒪᒐᐅᓂᔪᐤ, ᒋᓴᒪᓂᑐᐛ ᒋᑭ ᒥᔨᑯᐅᒡ ᒋᔭᒪᔨᑎᒧᐅᓂᔪᐤ ᑭᔭ ᒋᑭ ᒋᔅᑎᒪᒐᔨᒥᑯᐅᒡ ᑭᔭ ᐊᐅᑯᓐ ᒐ ᐃᑐᑐᐛᑦ ᒥᓯᐛ ᐅᑦ ᐃᔨᒪ᙮

ᐱᓕᐱᔭᓇ 4:7

ᐊᑯ ᒪᒃ ᒋᓴᒪᓂᑐᐤ ᒐ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒐ ᐊᑲ ᒋ ᐊᔨᒪᔨᑎᒥᔅᑲᑯᐛᒄ ᒐᒂᔪᐤ ᒋᒥᑐᓇᔨᒋᑭᓄᐛᐛᒡ ᒪᒃ ᒋᑕᐃᐛᐛᒡ ᐊᓂᔭᔪᐤ ᐊ ᑕᑈᔭᔨᒪᒄ ᙭ ᒋᓴᔅ᙮ ᐊᐅᒄ ᐅ ᒋᔭᒪᔨᑎᒧᐅᓐ ᑲ ᐊᔨᒧᑕᒡ ᓇᒪ ᓇᔅᒡ ᒋ ᓂᔅᑐᑕᑭᓄᐤ ᑕᓐ ᐊᔅᐱᔅ ᒥᔽᔨᑕᒂᒡ᙮

ᑯᓚᓯᔭᓇ 1:20

ᑭᔭ ᒋ ᐃᑕᔨᑎᒻ ᐊᓂᔭ ᐅᑯᓴ ᐅᒋ ᒐᒋ ᐃᑐᑕᐧᒃ ᑲᐤ ᐎᔾ ᐊ ᑕᑦ ᒐᒋ ᑎᑯᓂᔨᒋ ᒥᓯᐛ ᒐᒂᔪᐛ ᑭᔭ ᑲᐤ ᐎᔾ ᐊ ᑕᑦ ᒐᒋ ᑕᔨᒋ ᒥᓯᐛ ᐊᐛᔪᐛ, ᐛᔅ ᒥᓯᐛ ᒐᒂᓐ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ ᒋ ᑎᐸᓂᐃᓱᒥᑭᓐ ᒋᓴᒪᓂᑐᐤ ᐅᒋ ᐊ ᑕᑦ᙮ ᐊᓂᔭ ᒪᒃ ᐊᒋ ᐱᔅᑎᓂᓱᔨᒋ ᐅᑯᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᐊᑯᑕ ᑲ ᐅᒋ ᐃᑐᑕᐧᒃ ᒋᓴᒪᓂᑐᐤ ᑲᐤ ᒐᒋ ᒥᔪ ᐎᒐᐅᑐᓇᓄᐎᒡ ᐎᔾ ᐃᔅ ᐊ ᑕᑦ, ᑲᐤ ᐎᔾ ᐊ ᑕᑦ ᒐᒋ ᑎᑯᓂᔨᒡ ᒥᓯᐛ ᒐᒂᔪᐤ ᑭᔭ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ᙮

ᑯᓚᓯᔭᓇ 3:15

ᐱᔅᑎᓂᒧᒄ ᐊᓐ ᒋᔭᒪᔨᑎᒧᐅᓐ ᙭ ᑲ ᒥᔨᑕᒄ ᒐᒋ ᐃᑐᑕᑯᔭᒄ ᒐᒋ ᐎᔭᔨᑎᒪᒄ ᑕᓐ ᒋᐸ ᐊᑎ ᐃᑎᓇᐛᐤ᙮ ᐛᔅ ᒋᓴᒪᓂᑐᐤ ᒪᒧᐤ ᔅᒋ ᐎᔭᔨᒥᑯᐛᐤ ᐸᐃᒄ ᒥᔪᐤ ᒐᒋ ᐃᓯᓇᑯᓯᔭᒄ ᒋᔭᒪᔨᑎᒧᐅᓂᒡ ᐊ ᐃᓯ ᐱᒪᑎᓯᔭᒄ᙮ ᓂᓇᔅᑯᒪᐧᒄ ᒪᒃ ᒋᓴᒪᓂᑐᐤ᙮

2 ᑕᓴᓗᓂᔭᓇ 1:2

ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒋᑭ ᒋᓴᐛᑐᑕᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮

2 ᑕᓴᓗᓂᔭᓇ 3:16

ᓂᑦ ᐊᔭᒥᐊᓇᓐ ᐅᑎᐸᔨᒋᒐᐤ ᐎᔾ ᐊ ᑕᑦ ᐛᒋᐱᔨᒡ ᒋᔭᒪᔨᑎᒧᐅᓂᔪᐤ, ᒧᔅ ᒋᔭᒪᔨᑎᒧᐅᓂᔪᐤ ᒐᒋ ᒥᔨᑕᒄ ᒥᒄ ᑕᓐ ᐊ ᐃᔅᐱᔨᐛᒄ᙮ ᐅᑎᐸᔨᒋᒐᐤ ᒧᔅ ᒋᑭ ᐎᒐᐅᑯᐛᐤ᙮

2 ᑎᒧᑎ 1:7

ᐛᔅ ᐊᓂᔭ ᐊᒐᒂ ᒋᓴᒪᓂᑐᐤ ᑲ ᒥᔨᑕᐧᒄ ᐊᐅᒄ ᐊᓐ ᒐ ᐎᒋᐃᑕᐧᒄ ᒐ ᐊᑲ ᒋ ᑯᔅᑕᒋᔭᐧᒄ᙮ ᓱᐧᑲᑎᓯᐅᓂᔪᐤ ᒋ ᒥᔨᑯᓄᐤ ᐅ ᐊᒐᐧᒄ, ᑭᔭ ᓴᒋᐃᐛᐅᓂᔪᐤ ᑭᔭ ᒋ ᐎᒋᐃᑯᓄᐤ ᒐᒋ ᓂᓇᑭᑐᐛᔨᑎᒪᐧᒄ ᑕᓐ ᐊ ᐃᑎᔭᐧᒄ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

ᐃᑉᕈᐛ 7:2

ᐊᑯ ᐊᑉᕋᐊᒻ ᒂ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ᐎᐧᑯᒋᑕᑦ ᒐᒂᔪᐛ ᐊᓐᑕ ᑲ ᓂᑐᐱᔨᑦ᙮ ᐊᐅᒄ ᐅᔭ ᑲ ᐃᓯ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐊ ᓄᑯᑕᑦ ᐊ ᒋᔅᑕᔨᒪᑦ᙮ ᒪᒥᑐᓇᔨᑎᒧᒄ ᐅ᙮ ᐊᓐ ᐃᓯᓂᐧᑲᓱᐅᓐ ᒪᓪᑭᓴᑕᒃ ᐊ ᐃᓯ ᐱᔭᑭᔅᒋᑕᑯᓯᓇᓄᐅᒡ ᒋᓴᐅᒋᒪᐤ ᑯᐃᔅᒄ ᑲ ᐃᓯ ᐅᒋᒪᐅᑦ ᐃᔅᒋᔄᒥᑭᓐ᙮ ᐊᑯ ᒪᒃ ᐊᓂᔭ ᐊᒋ ᒋᓴᐅᒋᒪᐅᑦ ᐊᓐᑕ ᐊᓂᔭ ᐅᑕᓇᔪᐤ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅ ᒪᓪᑭᓴᑕᒃ ᐊᑯ ᐊᔪᐤ ᒋᔭᒪᔨᑎᒧᐅᓂᔪᐤ ᑲ ᒥᔨᐛᑦ ᒋᓴᐅᒋᒪᐤ ᐊ ᐃᔅᒋᔄᒥᑭᓂᔨᒡ ᐊ ᐱᔭᑭᔅᒋᑕᑭᓄᐎᒡ ᐅᑦ ᐃᓯᓂᐧᑲᓱᐅᓐ᙮

ᒋᔅᒐᔨᑕᑯᑕᒐᐅᓐ 1:4

ᓂᔾ ᒠᓐ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᒥᓯᓇᐊᒪᑎᓇᐛᐤ ᐊᓐᑕ ᑲ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ᐃᓯᓂᐧᑲᑕᒡ ᐊᔅᒋᔾ᙮ ᒋᓴᒪᓂᑐᐤ, ᐊᓐ ᐊᓄᒡ ᐊ ᑕᑦ ᑭᔭ ᒧᔅ ᑲ ᐸᒋ ᑕᑦ, ᑭᔭ ᐊᓐ ᒐ ᑎᑯᓯᐧᒃ, ᒋᑭ ᓱᐛᔨᒥᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ᑕᒡ, ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 2:10

ᐊᑲᐎᔾ ᑯᔅᑕᒋᒄ ᑕᓐ ᒐ ᐃᓯ ᓂᓇᐧᑲᑕᔨᒧᔭᒄ᙮ ᒥᒋᒥᓂᑐᐤ ᒋᑭ ᑯᒂᒋᐃᑯᐛᐤ ᐊ ᐃᑐᑕᑕᒄ ᐱᔅᒐ ᒐᒋ ᒋᐸᐅᑯᐛᒄ ᑲᒪᑯᓄᐛᓯᐅᒋᐛᐱᒡ᙮ ᐸᐃᑯᔪᐛ ᒋᓯᑲᐛ ᒋᑭ ᐃᔅᐱᔅ ᓂᓇᐧᑲᑕᔨᒧᓇᐛᐤ᙮ ᐊᑲᐎᔾ ᒪᒃ ᐳᓂᒄ ᐊ ᑕᑈᔭᔨᒥᔭᒄ ᐊᑎ ᐎ ᓂᐸᐃᑯᔭᒂ᙮ ᐊᑯ ᒪᒃ ᒐ ᑲᓂᔪᐅᔭᒄ ᒋᓴᐅᒋᒪᐅᑯᓂᔎᐅᓐ ᐊᐅᒄ ᑲᒋᒡ ᐱᒪᑎᓯᐅᓐ᙮”

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”