ᒠᓐ 13:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑯ ᐱᑕᕐ ᒂ ᐃᓯ ᐎᑎᒧᐛᑦ ᐊ ᐃᑕᑦ, “ᓇᒪ ᓂᑕ ᒋᑭ ᐅᒋ ᒋᔅᑕᐸᐅᑕᓐ ᓂᓯᑕ᙮” ᒋ ᐃᑎᑯᐤ ᒪᒃ ᒋᓴᓴ, “ᐊᑲ ᒋᔅᑕᐸᐅᑕᔭᓇ ᒋᓯᑕ ᓇᒪ ᒋᑭ ᐅᒋ ᐅᒋᔅᒋᓄᐊᒧᐛᑭᓂᑐᑕᑎᓐ᙮”

ᒠᓐ 13:8 ပူးပေါင်းရင်းမြစ်များ

ᒐᓂᓯᔅ 42:38

ᒥᒄ ᒐᑭᑉ ᐃᑕᐤ, “ᓇᒪ ᒋᑭ ᐎᒐᑯᐛᐤ ᓂᑯᔅ᙮ ᐛᔅ ᒋ ᓂᐱᔨᐛ ᐅᔅᑕᓴ ᑭᔭ ᐎᔾ ᒥᒄ ᐸᐃᑯᓱᐤ ᐅᑲᐎᔭ ᐅᒡ᙮ ᐎᔭᔅᑎᒐ ᐊᓐᑕ ᒐ ᐊᑎ ᐃᑐᑕᔭᒄ᙮ ᒋᑭ ᓇᔍᔨᑎᒥᐃᓇᐛᐤ᙮”

ᑎᐱᑦ ᐅᓂᑭᒧᐅᓇ 51:2

ᒋᔅᑕᐸᐎ ᒥᑐᓐ ᓂᒥᒐᑎᓯᐅᓂᒡ ᐅᒡ, ᐸᔭᒋᐃ ᒪᒃ ᓂᒥᒋᑐᑎᒧᐅᓂᒡ ᐅᒡ᙮

ᑎᐱᑦ ᐅᓂᑭᒧᐅᓇ 51:7

ᐸᔭᒋᐃ ᐃᓴᑉ ᐅᒡ, ᐊᑯ ᒐ ᐸᔭᒋᓯᔭᓐ: ᒋᔅᑕᐸᐛᔨ ᐊᑯ ᐊᑐᐎᔅ ᒐ ᐛᐱᓯᔭᓐ ᐃᔅᐱᔅ ᑯᓐ᙮

ᒪᑎᔪᐤ 16:22

ᐊᑯ ᐱᑕᕐ ᑎᐸᓐ ᐊᑐᑕᐊᑦ ᐊᓂᔭ ᒋᓴᓴ, ᒂ ᒋᑕᐊᒧᐛᑦ ᐊᓂᔭ ᑲ ᐃᔅᒋᔄᔨᒋ ᐊ ᐃᑕᑦ, “ᐅᑎᐸᔨᒋᒐᐤ, ᓇᒪ ᒋᑭ ᐅᒋ ᐱᔅᑎᓂᒻ ᒋᓴᒪᓂᑐᐤ ᐅᔭ ᒐᒋ ᐃᔅᐱᔨᒡ᙮ ᓇᒪ ᓂᑕ ᐅ ᒋᑭ ᒋ ᐃᑐᑕᑯᐅᓐ᙮”

ᒪᑎᔪᐤ 21:29

“ᐊᑯ ᒂ ᐃᑎᑯᑦ ᐊᓂᔭ ᐅᑯᓴ, ‘ᓇᒪ ᓂᑭ ᐃᑐᑕᓐ᙮’ ᐸᑎᒪ ᒪᒃ ᒋ ᒂᔅᒐᔨᑎᒻ ᑭᔭ ᒋ ᐃᑐᑕᐤ ᒐᒋ ᐊᑐᔅᒐᑦ᙮”

ᒪᑎᔪᐤ 26:33

ᐱᑕᕐ ᒪᒃ ᒋ ᐃᑕᐤ, “ᐊᑎ ᒥᓯᐛ ᐊᐛᓐ ᓂᑭᑎᔅᒐ ᐊᓐ ᒐ ᐃᑐᑕᑯᔨᓐ ᓇᒪ ᐎ ᓂᔾ ᓂᑕ ᒋᑭ ᐅᒋ ᓂᑭᑎᑎᓐ᙮”

ᒪᑎᔪᐤ 26:35

ᐱᑕᕐ ᒪᒃ ᒋ ᐃᑕᐤ, “ᐊᑎ ᑭᔭ ᓂᔾ ᐎ ᓂᐸᐃᑯᔭᓇ ᐃᔅᐱ ᓂᐸᐃᑯᔨᓇ ᓇᒪ ᐃᔭᐱᒡ ᓂᑭ ᐅᒋ ᐃᔅᒋᔄᓐ ᐊᑲ ᒋᔅᒐᔨᒥᑕᓐ᙮” ᐊᑯ ᐊᓐᒡ ᑯᑎᑭᒡ ᒋᔅᒋᓄᐊᒧᐛᑭᓐᒡ ᐊᑯᓐ ᑭᔭ ᐎᔨᐛᐤ ᑲ ᐃᔅᒋᔄᒡ ᐊᓂᔭ ᑲ ᐃᔅᒋᔄᔨᒋ ᐱᑕᕋ᙮

ᒠᓐ 13:6

ᒋ ᓇᑕᐤ ᓴᐃᒥᓐ ᐱᑕᕋ ᐊᑯ ᒂ ᐃᑎᑯᑦ, “ᐅᑎᐸᔨᒋᒐᐤ, ᒋᑭ ᒋᔅᑕᐸᐅᒋᓯᑕᓐ ᐊ ?”

ᒠᓐ 13:9

ᓴᐃᒥᓐ ᐱᑕᕐ ᒂ ᐃᑕᑦ, “ᐅᑎᐸᔨᒋᒐᐤ, ᐊᑲᐎᔾ ᒪ ᒥᒄ ᓂᓯᑕ ᒋᔅᑕᐸᐅᑕ, ᒋᔅᑕᐸᐅᑕ ᑭᔭ ᓂᔅᑎᒂᓐ ᑭᔭ ᓂᑎᒋᔭ᙮”

ᒠᓐ 3:5

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐸᑐᔅ ᓂᐱᒡ ᑭᔭ ᐊᒐᐧᑯᐅᓂᒡ ᐅᒋ ᐱᒪᑎᓯᒐ᙮

ᐊᑈᔅᑕᓇᒡ 22:16

ᒪᒋ ᒪᒃ, ᐊᑲᐎᔾ ᓂᓇᐧᑲᐎᔾ᙮ ᐱᓯᑯ, ᒐ ᓯᑲᐃᑕᑯᔨᓐ, ᑭᔭ ᒐ ᐛᐸᔨᑎᒪᑯᔨᓐ ᒋᒥᒋᑥᐅᓇ ᐊ ᑕᑈᑎᑦ ᐅᑎᐸᔨᒋᒐᐤ ᒐᒋ ᐛᐸᔨᑎᒪᔅᒃ᙮’ ”

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

ᐃᐱᓯᔭᓇ 5:26

ᐊᔪᐅᒄ ᐅᔭ ᑲ ᐃᑎᑦ ᙭ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᔅᑎᓇᑦ ᐅᒪᒧᐊᔭᒥᐊᐛ ᐃᔅᐱ ᑲ ᐸᔭᒋᐊᑦ, ᓂᐱᒡ ᐊᒋ ᒋᔅᑕᐸᐅᐎᔭᑦ ᐊᓂᔭ ᑕᓐ ᑲ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮

ᑯᓚᓯᔭᓇ 2:18

ᐊᑲᐎᔾ ᒋᑭ ᐅᒋ ᓇᐊᔨᒪᐛᐅᒡ ᐊᓐᒡ ᐊᐛᓐᒋ ᐃᔭᒡ ᑲ ᐃᑎᒡ ᐊ ᑎᐱᑕᔨᒥᓱᒡ ᑭᔭ ᐊᓐᒋᓇ ᑲ ᐊᔭᒥᐊᔅᑐᐛᒡ ᒐᒋ ᐎᔭᓯᒥᑕᑯᒡ ᐊ ᐎ ᐊᔭᔭᒄ ᒋᑲᓂᔪᐅᓄᐛᐤ᙮ ᐊᐅᑯᓐᒡ ᐅᒡ ᓇᔅᒡ ᑕᑈ ᐱᒋᔎᐅᐃᑯᒡ ᑕᓐ ᐊ ᐃᓯ ᐛᐸᑕᒡ ᐛᐸᑎᔨᐛᐅᓇ᙮ ᓇᒪ ᒪᒃ ᐊᐱᑕᔨᑕᑯᓂᔪᐤ ᐊᓂᔭ ᑕᓐ ᐊ ᐃᓯ ᐊᔨᒧᑕᒡ, ᐛᔅ ᒥᒄ ᐊ ᐃᓯ ᒪᒥᑐᓇᔨᑕᑭᓄᔨᒋ ᐅᑕ ᐊᔅᒋᒡ ᐊᐅᑯᓐ ᐱᓯᒄ ᐊ ᐃᓯ ᒪᒥᑐᓇᔨᑕᒡ᙮

ᑯᓚᓯᔭᓇ 2:23

ᒧᔭᒻ ᒋᐸ ᑭᒐᑕᐛᔨᑕᑯᓇ ᐊᐅᑯᓐ ᐊ ᐃᑕᔨᑕᒂᒋ ᐅᔭ ᒋᔅᑯᑎᒪᒐᐅᓇ᙮ ᐊᑯᑕ ᐊᓐᑕ ᐛᑎᒪᑯᔭᒄ ᑕᓐ ᒋᐸ ᐃᑎᓇᐛᐤ ᐊ ᐊᔭᒥᐊᔅᑐᒄ ᐊᐛᓐ᙮ ᑭᔭ ᒋ ᐎᑎᒪᑯᓇᐛᐤ ᑕᓐ ᒐ ᐃᑎᔭᒄ ᒐᒋ ᐃᑕᔨᒥᑕᑯᒡ ᐊᐛᓐᒋ ᐊ ᑎᐱᑕᔨᒥᓱᔭᒄ᙮ ᑭᔭ ᒋ ᐎᑎᒪᑯᓇᐛᐤ ᒐ ᐊᑲ ᒋ ᒥᓇᒋᑕᔭᒄ ᒋᔪᐛᐛ᙮ ᒥᒄ ᒪᒃ ᓇᒪ ᓇᔅᒡ ᒋ ᐎᒋᐃᑯᓇᐛᐤ ᐅᔭ ᒋᔅᑯᑎᒪᒐᐅᓇ ᒐᒋ ᓇᑲᐅᑯᔭᒄ ᐊ ᐎ ᒥᒋᑐᑎᒪᒄ᙮

ᑕᐃᑕᔅ 3:5

ᔅᒋ ᐱᒪᒋᐃᑯᓄᐤ᙮ ᓇᒪ ᐎ ᑕᓐ ᑲ ᐃᓯ ᒋᒥᔪᑐᑎᒪᐧᒄ ᒋ ᐅᒋ ᐱᒪᒋᐃᑯᓄᐤ ᒥᒄ ᐊᓂᔭ ᒋᓴᒪᓂᑐᐤ ᐊᒋ ᒋᔅᑎᒪᒐᔨᒥᑕᐧᒄ ᐊᑯᑕ ᑲ ᐅᒋ ᐱᒪᒋᐃᑕᐧᒄ᙮ ᑲ ᐸᔭᒋᓯᑦ ᐊᒐᐧᒄ ᔅᒋ ᐸᔭᒋᐃᑯᓄᐤ ᑭᔭ ᒥᓐ ᔅᒋ ᐅᔅᒋᐃᑯᓄᐤ᙮

ᐃᑉᕈᐛ 10:22

ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 7:14

ᐊᑯ ᒂ ᐃᑎᒃ, “ᓇᒪ ᓂᔾ ᓂ ᒋᔅᒐᔨᒪᐅᒡ᙮ ᒋᔾ ᐊᐅᒄ ᒐᔅᒐᔨᒥᑥᐤ᙮” ᓂᒋ ᐃᑎᒄ ᒪᒃ, “ᐊᐅᑯᓐᒡ ᐅᒡ ᑲ ᓴᐳᔅᑲᒡ ᑕᓐ ᑲ ᐃᓯ ᓂᓇᐧᑲᒋᐊᑭᓄᐎᒡ᙮ ᒋ ᒋᔅᑕᐸᐅᑕᐅᒡ ᐅᑦ ᐊᑯᐳᐛᐛ ᐊᓂᔭ ᒪᔭᑕᓂᓴ ᐅᒥᐧᑯᐃᒡ ᑭᔭ ᒂ ᐛᐸᐃᔨᒋ ᐊᓂᔭᔪᐛ ᐅᑦ ᐊᑯᐳᐛᐛ᙮