ᒠᓐ 13:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐊᓐ ᒪᒃ ᐸᐃᒄ ᒋᔅᒋᓄᐊᒧᐛᑭᓐ, ᐊᓂᔭ ᒋᓴᔅ ᓇᔅᒡ ᑲ ᓴᒋᐊᑦ, ᐅᐱᒪ ᐊᓐᑕ ᐊ ᑕᑦ ᒋ ᐊᐱᔪᐛ᙮

ᒠᓐ 13:23 ပူးပေါင်းရင်းမြစ်များ

ᓗᒃ 16:22

“ᐊᓐ ᑲ ᒋᔅᑎᒪᑎᓯᑦ ᓇᐸᐤ ᒐᒃ ᒋ ᓂᐳᐤ, ᒋ ᐸᒋ ᐅᑎᓂᑯᐤ ᐊᓐᒋᓇ, ᐊᓐᑕ ᒪᒃ ᐅᐱᒪ ᐊᑉᕋᐊᒪ ᐊ ᑕᔨᒋ ᐊᑯᑕ ᑲ ᐱᔅᑎᓂᑯᑦ᙮ ᒐᒃ ᑭᔭ ᐊᓐ ᑲ ᐛᔪᑎᓯᑦ ᓇᐸᐤ ᒂ ᓂᐱᑦ, ᒋ ᓇᐃᐧᑯᐛᑭᓄᐤ ᒪᒃ᙮

ᒠᓐ 1:18

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒥᒄ ᐊᓂᔭ ᑲ ᐸᐃᑯᓯᔨᒋ ᐅᑯᓴ ᑲ ᓴᒋᐊᑦ ᒋ ᐃᑐᑕᑯᐤ ᒐᒋ ᒋᔅᒐᔨᒪᑭᓄᐅᑦ᙮

ᒠᓐ 11:3

ᓚᓴᕋᔅ ᒪᒃ ᐎᐧᑲᓂᓴ ᒋ ᓂᑐᐛᔨᑎᒥᔪᐛ ᒐᒋ ᐎᑎᒧᐛᑭᓄᔨᒋ ᒋᓴᓴ ᐊ ᐊᐧᑯᓯᔨᒋ ᐊᓂᔭᔪᐛ ᐅᐎᒐᐛᑭᓇ ᑲ ᓴᒋᐊᑦ᙮

ᒠᓐ 11:36

ᐊᑯ ᐊᓐᒡ ᒍᐤ ᐃᔪᒡ ᒂ ᐃᔅᒋᔄᒡ, “ᑕᑈ ᒋ ᓴᒋᐊᑯᐱᓐ ᐊᓂᔭᔪᐛ ᓚᓴᕋᓴ᙮”

ᒠᓐ 11:5

ᒋᓴᔅ ᒋ ᓴᒋᐊᐤ ᐊᓂᔭ ᒪᕐᑕᔨᒋ ᑭᔭ ᐊᓂᔭᔪᐛ ᐎᐧᑲᓂᓯᔪᐛ ᑭᔭ ᐊᓂᔭᔪᐛ ᓚᓴᕋᓴ᙮

ᒠᓐ 13:24

ᓴᐃᒥᓐ ᐱᑕᕐ ᒂ ᓇᒥᔅᑯᐛᔨᔅᑐᐛᑦ ᐊᓂᔭ ᒋᔅᒋᓄᐊᒧᐛᑭᓇ ᒂ ᐃᑕᑦ ᒐᒋ ᑯᒂᒋᒪᔨᒋ ᐊᐛᔪᐛ ᐊᓂᔭ ᑲ ᐊᔨᒧᒪᔨᒋ᙮

ᒠᓐ 13:25

ᐊᑯ ᐊᓐ ᒋᔅᒋᓄᐊᒧᐛᑭᓐ ᒋᓴᓴ ᐊ ᑕᔨᒋ ᒂ ᐃᔅᐱᔪᐅᑦ ᐊᑯ ᒂ ᐃᑕᑦ, “ᐅᑎᐸᔨᒋᒐᐤ, ᐊᐛᓐ ᐊᓐ ᑲ ᐊᔨᒧᒥᑦ ?”

ᒠᓐ 19:26

ᒋᓴᔅ ᒋ ᐛᐱᒪᐤ ᐊᓂᔭ ᐅᑲᐎᔭ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᑲ ᓴᒋᐊᑦ ᐊ ᓂᐳᔨᒋ ᐊᓐᑕ, ᐊᑯ ᒂ ᐃᑕᑦ ᐊᓂᔭ ᐅᑲᐎᔭ, “ᐊᐅᑯᐤ ᒋᑯᔅ᙮”

ᒠᓐ 20:2

ᒂ ᒋᒋᐸᑕᑦ ᒂ ᓂᑐᐛᐱᒪᑦ ᓴᐃᒥᓐ ᐱᑕᕋ ᑭᔭ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ ᒋᓴᓴ ᑲ ᓴᒋᐊᔨᒋ ᐊᑯ ᒂ ᐃᑕᑦ ᐅᔭ, “ᒋ ᐅᑎᓂᒧᐛᐅᒡ ᐅᑎᐸᔨᒋᒐᐛ ᐎᔭᔪᐤ ᓇᒪ ᒪᒃ ᓂ ᒋᔅᒐᔨᑎᒺᓐ ᑕᓐᑕ ᑲ ᓇᐅᔅᑕᐛᒡ᙮”

ᒠᓐ 21:20

ᐱᑕᕐ ᒋ ᒂᔅᒋᑲᐳᐤ ᒂ ᐛᐱᒪᑦ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ, ᐊᓂᔭ ᒋᓴᓴ ᑲ ᓴᒋᐊᔨᒋ᙮ ᐊᐅᑯᓐ ᐊᓂᔭ ᑲ ᐊᔅᐱᒋᓯᒧᔨᒋ ᒋᓴᓴ ᐊ ᑕᔨᒋ ᒪᒂᒡ ᑲ ᒥᒋᓱᒡ ᑭᔭ ᑲ ᐃᓯ ᑯᒂᒋᒪᑦ, “ᐅᑎᐸᔨᒋᒐᐤ, ᐊᐛᓐ ᒐ ᐎᔭᓯᐱᔅᑎᓂᔅᒃ ?”

ᒠᓐ 21:24

ᐊᐅᑯᓐ ᐅ ᒋᔅᒋᓄᐊᒧᐛᑭᓐ ᑲ ᑎᐸᑕᐧᒃ ᐅᔭ ᒐᒂᔪᐛ, ᑭᔭ ᑲ ᒥᓯᓇᐊᐧᒃ ᐅᔭ ᒐᒂᔪᐛ᙮ ᒋ ᒋᔅᒐᔨᒪᓄᐤ ᒪᒃ ᐊ ᑕᑈᒥᑭᓂᔨᒡ ᒥᓯᐛ ᑕᓐ ᑲ ᐃᓯ ᐎᑕᐧᒃ᙮

ᒠᓐ 21:7

ᐊᓂᔭᔪᐛ ᒪᒃ ᒋᔅᒋᓄᐊᒧᐛᑭᓐ ᒋᓴᔅ ᑲ ᓴᒋᐊᑦ, ᒋ ᐃᑕᐤ ᐊᓂᔭ ᐱᑕᕋ, “ᐅᑎᐸᔨᒋᒐᐤ ᐊᓐ᙮” ᐃᔅᐱ ᒪᒃ ᓴᐃᒥᓐ ᐱᑕᕐ ᐱᔭᑕᐧᒃ ᐅᑎᐸᔨᒋᒐᐛ ᐊ ᐊᐎᔨᒋ ᐊᓂᔭᔪᐛ ᒋ ᐳᔅᑎᔅᑭᒻ ᐅᑦ ᐊᑯᑉ ᐊᓂᔭ ᑲ ᒥᓇᐧᒃ ᒐ ᐊᑐᔅᒐᑦ, ᐊᑯ ᑲ ᐱᑭᔅᑐᐛᒂᔅᑯᑎᑦ᙮