ᒠᓐ 12:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ “ᓂᔅᑐ ᒥᑕᓯᒥᑎᓄᐤ ᒋᐸ ᐃᑎᒋᑕᑭᓄᐤ ᒋ ᐊᑕᐛᓄᑯᐱᓇ ᐊᓐ ᑲᐎᒋᒪᒂᒡ᙮ ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒋᐸ ᒥᔭᑭᓄᐎᐱᓐᒡ᙮”

ᒠᓐ 12:5 ပူးပေါင်းရင်းမြစ်များ

ᐊᒃᓱᑕᔅ 5:17

ᒋᓴᐅᒋᒪᐛ ᒂ ᐃᑎᑯᒡ, “ᓇᒪ ᒋᑦ ᐃᔅᐱᔅ ᐊᑐᔅᒐᓇᐛᐤ ᒋᔨᐛᐤ ᑭᔭ ᒪᒃ ᓇᒪ ᒋᐸ ᐃᓯᓇᐤ, ‘ᐱᔅᑎᓇᓐ, ᓂ ᐎ ᔅᑐᑕᓇᓐ ᒐᒋ ᒥᔨᒋᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐤ᙮’

ᐊᒃᓱᑕᔅ 5:8

ᒥᒄ ᒧᔭᒻ ᐸᐃᑯᑕᐤ ᒋᑭ ᐎ ᐃᔅᐱᔅ ᐅᓯᐊᒡ ᐊᓯᔅᒍᐤ ᐊᓯᓂᔭ ᒐ ᐊᑲ ᒋ ᓄᑕᐱᔨᒡ᙮ ᒋᑎᒧᐅᒡ ᐊᓐᒡ, ᑭᔭ ᒪᒃ ᓇᒪ ᓂᐸ ᐅᒋ ᓂᑐᐛᔨᑎᒪᐧᑯᐱᓐᒡ ᒐᒋ ᔅᑐᑕᒡ ᒐᒋ ᒥᔭᒡ ᒥᑐᔅᑕᐊᒪᒐᐅᓇ ᐅᒋᓴᒪᓂᑐᒧᐛᐛ᙮

ᒪᑎᔪᐤ 18:28

ᐊᑯ ᐊᓐ ᐊᐱᒋᐊᑭᓐ ᒂ ᔅᑐᑕᑦ, ᒂ ᓂᒋᔅᑯᐛᑦ ᐎᒋ ᐊᐱᒋᐊᑭᓇ ᐊᒋ ᒥᓯᓇᐊᒪᑯᑦ ᐊᐱᓯᔅ ᓱᓇᔭᔪᐤ᙮ ᐊᑯ ᒂ ᒪᑯᓇᑦ ᐊ ᐎ ᒋᐳᑕᒥᓇᑦ ᒂ ᐃᑕᑦ, “ᒪᒋ ᐸᒋ ᒋᐛ ᒥᔾ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᒥᓯᓇᐊᒧᔨᓐ᙮”

ᒪᑎᔪᐤ 20:2

ᒋ ᐃᑕᐤ ᑭᑈ ᐊᓐ ᐅᒋᒪᐤ ᒐᒋ ᒋᓯᐧᑯᐛᑦ ᐊᓂᔭ ᑲ ᐅᑎᓇᑦ, ᐸᐃᒄ ᓱᓇᔭᐱᔎ ᒐ ᒋᓯᐧᑯᐛᑦ ᐸᐃᒄ ᒋᓯᑲᐛ ᒪᒃ ᐊᔅᐱᔅ ᐊᑐᔅᒐᔨᒋ᙮ ᒋ ᓂᔅᑯᒧᔪᐛ ᒪᒃ, ᐊᑯ ᒂ ᐃᑎᓴᐛᑦ ᒐᒋ ᐊᑐᔅᒐᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮”

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 18:22

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᓗᒃ 6:41

“ᒐᒂᓐ ᐛᒋ ᓇᔅᒡ ᓂᓇᑭᑐᐛᔨᑎᒧᑦ ᒋᐧᑲᓂᔅ ᐊ ᐊᐱᓴᓯᔨᒡ ᐅᐱᓯᓄᐅᓐ ᐊᑲ ᒪᒃ ᓂᓇᑭᑐᐛᔨᑎᒥᐃᑯᔨᓐ ᒋᔾ ᐊ ᐱᓯᓂᔨᓐ ᐊ ᒥᒐᔎᒡ ᒥᔅᑎᒄ ?

ᒠᓐ 12:4

ᒍᑎᔅ ᐃᔅᑲᕆᔭᑦ ᒪᒃ, ᐸᐃᒄ ᐊᓂᔭ ᒋᓴᔅ ᐅᒋᔅᒋᓄᐊᒧᐛᑭᓇ, ᐊᓂᔭ ᒐ ᐎᔭᓯᐱᔅᑎᓂᑯᑦ, ᒋ ᐃᔅᒋᔄᐤ,

ᒠᓐ 12:6

ᓇᒪᔭᔪᐤ ᐊ ᒋᔅᑎᒪᒐᔨᒪᑦ ᐊᓂᔭ ᑲ ᒋᔅᑎᒪᑎᓯᔨᒋ ᐊᓂᔭ ᐛᒋ ᐃᔅᒋᔄᑦ, ᐎᔾ ᒋ ᐎ ᐅᑎᓂᒪᓱᐤ ᐊᓂᔭ ᓱᓇᔭᔪᐤ ᐛᔅ ᐊᐅᑯᓐ ᑲᒋ ᐃᑎᑦ ᒪᓐ ᐊᑎ ᐎᔾ ᐊᒋ ᓂᓇᑭᑐᐛᔨᑕᐧᒃ ᐊᓂᔭ ᓱᓇᔭᔪᐤ ᑲᒋ ᒥᔭᑭᓄᔨᒋ ᒋᓴᓴ ᑭᔭ ᐅᒋᔅᒋᓄᐊᒧᐛᑭᓂᔪᐛ᙮

ᒠᓐ 13:29

ᒋ ᐃᑕᔨᑎᒧᒡ ᐊ ᐃᑕᑭᓄᔨᒋ ᒐᒋ ᐅᑎᓂᒥᔨᒋ ᒥᑯᓴᓂᔪᐤ ᒪᒃ ᒐᒋ ᐅᑎᓂᒺᔨᒋ ᒐᒂᔪᐤ ᐊᓂᔭ ᑲ ᒋᔅᑎᒪᑎᓯᔨᒋ, ᐛᔅ ᐎᔾ ᒍᑎᔅ ᒋ ᓂᓇᑭᑐᐛᔨᑎᒻ ᐊᓂᔭ ᓱᓇᔭᐅᑎᔪᐤ᙮

ᒠᓐ 6:7

ᐱᓕᑉ ᒂ ᐃᑕᑦ, “ᐊᑎ ᒥᒄ ᐊᐱᓯᔅ ᐊᓯᒪᐧᒄ ᐸᐸᐃᒄ ᐊᐛᓐ, ᐃᔭᐱᒡ ᐃᐛᒃ ᓂᓱ ᒥᑕᓯᒥᑎᓄᐤ ᒋᐸ ᐃᔅᐱᔪᐤ ᓱᓇᔭᐤ ᐸᒂᓯᑭᓐ ᐅᑎᓇᑭᓄᐅᑦ᙮”