ᒠᓐ 12:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐃᔭᐱᒡ ᓂᑭ ᐃᑕᐤ, “ᓄᑕ, ᒥᒄ ᐊᓐᑕ ᒐᒋ ᐅᒋ ᒋᔅᑕᔨᑕᑯᓯᔨᓐ, ᐊᐅᑯᓐ ᐛ ᐃᓯ ᐃᑐᑎᒪᓐ !” ᐊᑯ ᒂ ᐅᒋ ᐸᑕᑯᓂᔨᒡ ᒋᓴᒪᓂᑐᐤ ᐅᐸᑕᑯᓱᐅᓐ ᐊᓐᑕ ᒋᒋᒋᓯᑯᒡ ᐅᒡ ᐊ ᐃᔅᒋᔄᑦ, “ᓴᔅ ᓂᒋ ᒋᔅᑕᔨᑕᑯᑕᓐ ᓂᑦ ᐃᓯᓂᐧᑲᓱᐅᓐ ᒥᓐ ᒪᒃ ᐃᔭᐱᒡ ᐊᐅᑯᓐ ᒐ ᐃᑐᑎᒪᓐ᙮”

ᒠᓐ 12:28 ပူးပေါင်းရင်းမြစ်များ

ᒪᑎᔪᐤ 11:25

ᐊᑯᑕ ᒪᒃ ᒋᓴᔅ ᑲ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒋ ᓂᓇᔅᑯᒥᑎᓐ ᐊᒋ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ᑲᑐᐅᑥᐤ ᑲ ᑭᒐᑕᐛᔨᑕᒡ᙮

ᒪᑎᔪᐤ 11:26

ᓂᐦᐃ, ᓄᑕ ᒋ ᓂᓇᔅᑯᒥᑎᓐ ᐛᔅ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᓐ᙮”

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒪᑎᔪᐤ 26:42

ᐊᑯ ᒥᓐ ᒂ ᐊᔭᒥᐊᑦ ᒋᓴᔅ ᒂ ᐃᔅᒋᔄᑦ, “ᓄᑕ ᒐ ᐊᑲ ᒋ ᐃᒐᓂᑭᓄᐅᒂ ᐅ ᒐ ᐃᓯ ᐎᓯᒐᔨᑎᒪᓐ ᐊᐅᑯᓐ ᑭᑈ ᒐ ᐃᓯ ᐃᑐᑎᒪᓐ, ᒋᔾ ᒋᑦ ᐃᑕᔨᑎᒧᐅᓐ ᒐᒋ ᐃᑐᑕᑭᓄᐅᒡ᙮”

ᒪᑎᔪᐤ 3:17

ᐊᑯ ᒂ ᐸᑐᐛᒡ ᐊᐛᔪᐛ ᐊᓐᑕ ᒋᒋᒋᓯᑯᒡ ᐅᒡ ᐊ ᐃᔅᒋᔄᔨᒋ, “ᐊᐅᑯᐤ ᓂᑯᔅ ᑲ ᓴᒋᐃᒃ ᑭᔭ ᓇᔅᒡ ᑕᑈ ᑲ ᓂᓇᐊᔨᑎᒥᐃᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:11

ᒋᒋᒋᓯᑯᒡ ᒪᒃ ᒋ ᐅᒋ ᐸᑕᑯᓱᐤ ᐊᐛᓐ ᐊ ᐃᔅᒋᔄᑦ, “ᐊᐅᒄ ᒋᔾ ᓂᑯᔅ ᓇᔅᒡ ᑲ ᓴᒋᐃᑕᓐ᙮ ᓇᔅᒡ ᑕᑈ ᒋ ᓇᐊᔨᑎᒥᐃᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:36

ᒋ ᐃᔅᒋᔄᐤ ᒪᒃ, “ᓄᑕ, ᓄᑕᐎᔾ, ᒥᓯᐛ ᒐᒂᓐ ᒋ ᑭᔅᒋᑕᓐ, ᐃᒐᓂᒧᐎ ᐅᒪ ᒥᓂᒂᑭᓐ, ᐊᔪᐛᒃ ᒪᒃ, ᓇᒪᐎᔾ ᓂᔾ ᐊ ᐃᑕᔨᑎᒪᓐ, ᒥᒄ ᒋᔾ ᐊ ᐃᑕᔨᑎᒥᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:7

ᐊᑯ ᒐᒃ ᑭᔅᑯᐅᓇ ᒂ ᐅᒋ ᐅᑲᔅᑕᔅᑲᑯᒡ᙮ ᐊᑯᑕ ᒂ ᐅᒋ ᐸᑐᐛᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᔾ ᑎᐱᔨᐛ ᓂᑯᔅ ᑲ ᓴᒋᐃᒃ᙮ ᓂᑐᑐᐛᐧᒄ᙮”

ᓗᒃ 3:22

ᑲ ᐸᔭᒋᓯᔨᒋ ᐊᒐᒂ ᑲ ᐅᒋ ᔭᓯᔅᑕᑯᑦ ᒋᓴᔅ ᒧᔭᒻ ᐅᒥᒥᐤ ᐊ ᐃᓯᓇᑯᓯᔨᒋ᙮ ᐊᑯ ᒂ ᐅᒋ ᐸᑕᑯᓯᑦ ᐊᐛᓐ ᐊᓐᑕ ᐅᒋ ᒋᒋᒋᓯᑯᒡ ᐊ ᐃᔅᒋᔄᑦ, “ᐊᐅᒄ ᐅ ᒋᔾ ᓂᑯᔅ ᑲ ᓴᒋᐃᑕᓐ ᑭᔭ ᓇᔅᒡ ᑲ ᓂᓇᐊᔨᑎᒥᐃᔨᓐ᙮”

ᓗᒃ 9:35

ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑎᒧᒡ ᐸᑕᑯᓱᐅᓂᔪᐤ, ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐊᒃ᙮ ᓂᑐᑐᐛᐧᒄ᙮”

ᒠᓐ 11:4

ᐃᔅᐱ ᒪᒃ ᒋᓴᔅ ᐱᔭᑕᐧᒃ ᐅᔭ ᒋ ᐃᑕᐤ, “ᐊᑎ ᐊᓂᔭ ᓇᔅᒡ ᐊ ᐊᐧᑯᓯᑦ ᓇᒪ ᒋᑭ ᐅᒋ ᐳᓂᐱᒪᑎᓯᐤ᙮ ᐃᔅᐱᔪᐤ ᐅ ᒐᒋ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐊᑯᑕ ᒐ ᐅᒋ ᒋᔅᑕᔨᑕᑯᐊᑭᓄᔨᒋ ᒋᓴᒪᓂᑐᐤ ᐅᑯᓴ᙮”

ᒠᓐ 18:11

ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐱᑕᕋ, “ᓇᐅᔅᑕ ᐊᓐ ᒋᓂᑐᐱᔪᐅ-ᒧᐧᑯᒪᓐ ! ᒋᑦ ᐃᑕᔨᑕᓐ ᐊ ᒐ ᐊᑲ ᐅᒋ ᓴᐳᔅᑭᒪᓐ ᐅ ᐎᓯᒐᔨᑕᒧᐅᓐ ᓄᑕᐎᔾ ᑲ ᐸᒋ ᒥᔨᑦ ?”

ᒠᓐ 9:3

ᒋᓴᔅ ᒂ ᐎᑎᒧᐛᑦ, “ᓇᒪᔭᔪᐤ ᐎᔾ ᐅᒥᒋᑥᐅᓐ ᑭᔭ ᒪᒃ ᐅᓂᒋᐃᒂ ᐅᒥᒋᑐᑎᒧᐅᓂᔪᐤ ᑲ ᐃᑐᑕᑯᑦ ᐛᒋ ᐊᑲ ᒋ ᐛᐸᑕᐧᒃ᙮ ᒐᒋ ᐛᐸᑕᑭᓄᐎᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ ᐊᐅᑯᓐ ᐛᒋ ᐊᑲ ᒋ ᐛᐸᑕᐧᒃ ᐅ ᓇᐸᐤ᙮

ᐃᐱᓯᔭᓇ 2:7

ᐊᓐᑕ ᓂᑲᓐ ᒐᒋ ᓄᑯᑕᑦ ᐊᔅᐱᔅ ᓇᔅᒡ ᒥᓴᔨᒡ ᐅᓱᐛᔨᒋᒐᐅᓐ ᐊ ᒥᔪᑐᑎᒪᑕᐧᒄ ᙭ ᒋᓴᓴ ᐅᒋ᙮

ᐃᐱᓯᔭᓇ 3:10

ᐊᓄᒡ ᒪᒃ ᐊᑯ ᒐᔅᒐᔨᑕᑯᑕᑦ ᒋᓴᒪᓂᑐᐤ ᑕᓐ ᑲ ᐎ ᐃᑐᑕᐧᒃ, ᐊᔪᐅᒄ ᐅᔭ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᒐᒋ ᐅᒋ ᒋᔅᒐᔨᑎᒥᐊᑦ ᐊᓂᔭ ᑲ ᑎᐸᔨᒋᒐᔨᒋ ᑭᔭ ᑲ ᓱᒐᔨᑕᑯᓯᔨᒋ ᐃᔅᐱᒥᒡ ᐊ ᑕᔨᒋ ᑕᓐ ᐊ ᐃᓯ ᓂᓇᐧᑯᐤ ᐃᑕᔨᑕᑯᓂᔨᒡ ᐅᑭᒐᑕᐛᔨᑎᒧᐅᓐ᙮

ᐃᐱᓯᔭᓇ 3:21

ᐎᔾ ᒋᓴᒪᓂᑐᐤ ᑲᒋᒡ ᒋᑭ ᒋᔅᑕᔨᑕᑯᐊᑭᓄᐤ ᒪᒂᒡ ᐅᒪᒧᐊᔭᒥᐊᐛ ᐊ ᑕᔨᒋ ᒋᓴᔅ ᙭ᑕ ᐅᒡ᙮ ᐊᒥᓐ᙮

2 ᐱᑕᕐ 1:17

ᓂᒋ ᑕᐛᓇᓐ ᐊᓐᑕ ᑲ ᒋᐧᑲᔭᔨᑕᑯᐃᑯᑦ ᑭᔭ ᑲ ᒋᔅᑕᔨᑕᑯᐃᑯᑦ ᒋᓴᒪᓂᑐᐛ ᐅᑕᐎᒪᐛ, ᐊᓐᑕ ᑲ ᐸᑎᒪᒡ ᐸᑕᑯᓱᐅᓐ ᐊᓐᑕ ᒪᐅᒡ ᐊ ᒋᔅᑕᔨᑕᒂᒡ ᐅᒋ ᐊ ᐃᔅᒋᔄᑦ ᐅᑕᐎᒪᐤ, “ᐊᐅᒄ ᐅ ᓂᑯᔅ ᓇᔅᒡ ᑲ ᓴᒋᐃᒃ ᑭᔭ ᓇᔅᒡ ᑲ ᓇᐊᔨᑎᒥᐃᑦ᙮”