ᒠᓐ 12:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᓱᑕᒡ ᑕᑐᐤ ᒋᓯᑲᐛ ᒋ ᐃᔅᐱᓯᓇᑯᓂᔪᐤ ᐎᒪᔅᑲᒐᐅ-ᒥᑯᓴᐅᓂᔪᐤ, ᒋᓴᔅ ᑲ ᑎᑯᓯᐧᒃ ᐊᓐᑕ ᐸᑕᓂᒡ ᐊᓐᑕ ᓚᓴᕋᓴ ᐎᒋᔨᒡ᙮ ᐊᑯᑕ ᐅᔭ ᑲ ᐅᓂᔅᑲᓇᑦ ᓂᐳᐅᓂᒡ ᐅᒡ᙮

ᒠᓐ 12:1 ပူးပေါင်းရင်းမြစ်များ

ᒪᑎᔪᐤ 21:17

ᐊᑯ ᒋᓴᔅ ᒂ ᓂᑭᑕᑦ, ᒂ ᔅᑐᑕᑦ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᐊᓐᑕ ᐸᑕᓂᒡ ᐅᑕᓇᒡ ᒂ ᐃᑐᑕᑦ, ᐊᑯᑕ ᐊᓐᑕ ᑲ ᑕᑦ ᐸᐃᒄ ᑎᐱᔅᑲᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:11

ᐃᔅᐱ ᒪᒃ ᒋᓴᔅ ᑕᑯᓯᐧᒃ ᐊᓐᑕ ᒋᕈᓯᓕᒥᒡ ᒋ ᐱᒐᐤ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, ᒥᓯᐛ ᐊᓐᑕ ᐛᔅᑲ ᑲ ᐃᑕᐱᑦ ᐊ ᑭᑭᓄᐛᐸᑕᐧᒃ ᒐᒂᔪᐛ᙮ ᓴᔅ ᒪᒃ ᒋ ᐊᑎ ᐅᑕᑯᓯᔪᐤ ᐊᑯ ᐊᓐᑕ ᐸᑕᓂᒡ ᒂ ᐃᑐᑕᑦ ᐊᓂᔭᔪᐛ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᐊ ᐎᒐᐅᑯᑦ᙮

ᓗᒃ 24:50

ᐃᔅᐱ ᒪᒃ ᑲ ᐃᓯ ᒋᔅᒋᓄᑕᐊᑦ ᒥᒋᒪ ᐊᓐᑕ ᐅᑕᓇᔪᐤ ᐸᑕᓂ ᑲ ᐃᓯᓂᐧᑲᑕᔨᒡ, ᐊᑯ ᒂ ᐅᐱᓂᔅᒐᔨᑦ ᐊ ᓱᐛᔨᒪᑦ᙮

ᓗᒃ 7:37

ᐊᓐᑕ ᒪᒃ ᐊᓂᔭ ᐅᑕᓇᔪᐤ ᒋ ᑕᐤ ᐃᔎᐤ ᓇᔅᒡ ᐊ ᒥᒐᑎᓯᑦ᙮ ᐃᔅᐱ ᒪᒃ ᐊᓐ ᐃᔎᐤ ᐱᔭᑕᐧᒃ ᒋᓴᓴ ᐊᒋ ᐎᓴᒪᑭᓄᔨᒋ ᐊᓐᑕ ᐊᓂᔭᔪᐛ ᐸᕆᓯᐊ ᐎᒋᔨᒡ ᒐᒋ ᒥᒋᓱᔨᒋ, ᒋ ᐃᑐᑕᐤ ᐊᓐᑕ, ᐊ ᐃᑐᑕᑦ ᐊ ᒥᔽᓯᔨᒡ ᐳᑕᔪᐤ ᐊ ᐊᓯᓂᐅᔨᒡ, ᐊ ᐎᒋᒪᑯᓯᔨᒡ ᑐᒥᓂᑭᓂᔪᐤ ᐊᓐᑕ ᐊ ᐱᒋᔅᑎᓂᔨᒡ᙮

ᒠᓐ 11:1

ᒋ ᑕᐤ ᓇᐸᐤ ᓚᓴᕋᔅ ᐊ ᐃᓯᓂᐧᑲᓱᑦ, ᐊᒋ ᒥᔅᑎ ᐊᐧᑯᓯᑦ᙮ ᐊᓐᑕ ᐸᑕᓂ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐎᒍᐤ᙮ ᐎᐧᑲᓂᓴ ᒪᕆᒋ ᑭᔭ ᒪᕐᑕᔨᒋ ᒋ ᐎᒋᒥᑯᐤ᙮

ᒠᓐ 11:43

ᐃᔅᐱ ᒪᒃ ᐅᔭ ᑲ ᐃᔅᒋᔄᑦ ᒋᓴᔅ ᒋ ᒋᔄᐛᐤ ᐊ ᐃᔅᒋᔄᑦ, “ᓚᓴᕋᔅ, ᐸᒋ ᐎᐎᔾ !”

ᒠᓐ 11:44

ᒋ ᐸᒋ ᐎᐎᔪᐤ ᐊᓐ ᓇᐸᐤ ᑲ ᓂᐱᑦ, ᐅᑎᒋᔭ ᑭᔭ ᐅᓯᑕ ᐊ ᐎᔎᔭᐸᐧᑲᑕᔨᒋ ᐱᒍᐎᔭᓂᓯᔪᐤ ᑭᔭ ᐊ ᒪᑯᐱᑕᔨᒡ ᐅᑕᔅᑎᒥᐧᒄ᙮ ᐊᑯ ᒋᓴᔅ ᒂ ᐃᑕᑦ, “ᐊᐱᐧᑯᓇᐧᒄ, ᒐ ᐱᔅᑎᓇᒄ᙮”

ᒠᓐ 11:55

ᒋ ᐸᓱᓇᑯᓐ ᒪᒃ ᐊᓐ ᒍᐤ ᐎᒪᔅᑲᒐᐅ-ᒥᑯᓴᐅᓐ᙮ ᒥᒐᑦ ᐊᐛᓐᒋ ᒋ ᐸᒋ ᐃᑐᑕᐅᒡ ᒋᕈᓯᓕᒥᒡ ᓂᓇᐧᑯᐤ ᐅᑕᓇᒡ ᐊ ᐅᑐᑕᒡ ᐊ ᐸᒋ ᑎᑯᓯᒡ ᒐᒋ ᐃᑐᑕᒡ ᑕᓐ ᑲ ᐃᓯ ᐎᔅᑕᔨᒡ ᐊᔭᒥᐊᐅ ᐎᓱᐛᐅᓂᒡ ᒋᐸ ᐃᑐᐅᒡ ᒐᒋ ᐸᔭᒋᓯᒡ᙮

ᒠᓐ 12:12

ᒥᓐ ᐎᔭᐱᓂᔨᒡ ᒥᒐᑦ ᐊᓐᒡ ᑲ ᑎᑯᓯᒡ ᐊᓐᑕ ᐊ ᒥᑯᓴᓄᐎᒡ ᒋ ᐸᑎᒧᒡ ᒋᓴᓴ ᒐ ᑎᑯᓯᓂᔨᒋ ᒋᕈᓯᓕᒥᒡ᙮

ᒠᓐ 12:20

ᒋ ᐎᒐᒐᐅᒡ ᒪᒃ ᑯᕆᒃ ᐃᔪᒡ ᐊ ᐃᑐᑕᓄᐎᒡ ᐊᓐᑕ ᒋᕈᓯᓕᒥᒡ ᐊ ᐊᔭᒥᐊᔅᑐᐛᑭᓄᔨᒋ ᒋᓴᒪᓂᑐᐛ ᒪᒂᒡ ᐊᓂᔭ ᑲᒋ ᐊᔭᒥᐊᐤ ᒥᑯᓴᓄᐎᒡ᙮

ᒠᓐ 12:9

ᒥᒐᑦ ᒪᒃ ᐊᓐᒡ ᒍᐤ ᐃᔪᒡ ᒋ ᐸᑎᒧᒡ ᐊᓐᑕ ᐸᑕᓂᒡ ᐊᒋ ᑕᔨᒋ ᒋᓴᓴ, ᐊᑯ ᒂ ᐃᑐᑕᒡ ᐊᓐᑕ ᒐᒋ ᓂᑐᐛᐱᒪᒡ ᑭᔭ ᐊᓂᔭᔪᐛ ᓚᓴᕋᓴ ᒋ ᐎ ᐛᐱᒪᐅᒡ, ᐊᓂᔭᔪᐛ ᒋᓴᓴ ᑲ ᐅᓂᔅᑲᓇᔨᒋ ᓂᐳᐅᓂᒡ ᐅᒡ᙮