ᒠᓐ 11:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒥᒐᑦ ᒪᒃ ᒍᐤ ᐃᔪᒡ ᒋ ᐸᒋ ᓂᑐᐛᐱᒪᐅᒡ ᒪᕐᑕᔨᒋ ᑭᔭ ᒪᕆᔨᒋ ᐊ ᐸᒋ ᒥᔽᔨᒧᐛᐊᒡ ᐊᓂᔭ ᐎᐧᑲᓂᓯᔪᐛ ᐊᒋ ᐳᓂᐱᒪᑎᓯᔨᒋ᙮

ᒠᓐ 11:19 ပူးပေါင်းရင်းမြစ်များ

ᒐᓂᓯᔅ 37:35

ᒥᓯᐛ ᐅᑯᓴ ᑭᔭ ᐅᑕᓂᓴ ᒋ ᐸᒋ ᓂᑐᐛᐱᒥᑯᐤ ᒐᒋ ᒥᔽᔨᒧᐃᑯᑦ, ᒥᒄ ᓇᒪ ᐅᒋ ᑕᑈᑎᒻ ᒐᒋ ᒥᔽᔨᒧᐛᑭᓄᐅᑦ᙮ ᒂ ᐃᔅᒋᔄᑦ, “ᓂᑭ ᐃᑐᑕᓐ ᒋᐱᔾ ᐊᔅᒋᒡ ᐊᔅᒄ ᐊ ᓇᐧᑲᑕᔨᒧᔭᓐ ᓂᑯᔅ ᒍᓯᑉ ᐅᒡ᙮”

ᓗᒃ 10:39

ᒪᕐᑕ ᒪᒃ ᒋ ᑕᔪᐛ ᐎᐧᑲᓂᓴ, ᒪᕆ ᐊ ᐃᓯᓂᐧᑲᓱᔨᒋ᙮ ᒋ ᐛᐛᔨᐱᔪᐤ ᒪᒃ ᐊᓐᑕ ᒋᓴᓴ ᐅᓯᑎᔨᒡ ᐊ ᓂᑐᑐᐛᑦ ᐊ ᐃᔨᒥᔨᒋ᙮

ᓗᒃ 10:42

ᐸᐃᒄ ᐛᔅ ᐊᓐ ᒐᒂᓐ ᓇᔅᒡ ᓂᑐᐛᔨᑕᑯᓐ, ᒪᕆ ᒪᒃ ᓴᔅ ᒋ ᐎᔭᐸᑎᒪᓱᐤ ᐊᓂᔭ ᒐᒂᔪᐤ ᓇᔅᒡ ᐊ ᒥᔽᓯᔨᒡ ᐊ ᓂᑐᐛᔨᑕᑯᓂᔨᒡ᙮ ᓇᒪ ᒪᒃ ᐊᐛᔪᐛ ᒋᑭ ᒋ ᒥᔅᑭᒥᑯᐤ ᐊᓂᔭᔪᐤ᙮”

ᒠᓐ 1:19

ᒍᐤ ᑎᐸᔨᒋᒐᓱᐅᒡ ᒋ ᐃᑎᓴᐛᐅᒡ ᒍᐤ ᐊ ᐃᑎᔅᑲᓇᓯᔨᒋ ᐊᔭᒥᐊᐅᒋᒪᐛ ᑭᔭ ᐊ ᐊᔭᒥᐊᐛᑎᓯᔨᒋ ᓕᐸᐃ ᐃᔪᐛ ᒋᕈᓯᓕᒥᒡ ᐊ ᐅᒋᔨᒋ ᐊᓐᑕ ᒠᓇ ᐊ ᑕᔨᒋ ᒐᒋ ᓂᑐ ᒋᔅᒐᔨᒥᑯᑦ ᐎᔾ ᐊ ᔭᐅᒂ ᐊᓐ ᙭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᒐᒋ ᐱᒪᒋᐊᔨᒋ ᐊᐛᔪᐛ᙮

ᒠᓐ 11:1

ᒋ ᑕᐤ ᓇᐸᐤ ᓚᓴᕋᔅ ᐊ ᐃᓯᓂᐧᑲᓱᑦ, ᐊᒋ ᒥᔅᑎ ᐊᐧᑯᓯᑦ᙮ ᐊᓐᑕ ᐸᑕᓂ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐎᒍᐤ᙮ ᐎᐧᑲᓂᓴ ᒪᕆᒋ ᑭᔭ ᒪᕐᑕᔨᒋ ᒋ ᐎᒋᒥᑯᐤ᙮

ᒠᓐ 11:31

ᐊᓐᒡ ᒪᒃ ᒍᐤ ᐃᔪᒡ ᑲ ᐎᑎᐱᒪᒡ ᒪᕆᔨᒋ ᐊ ᐎ ᒥᔽᔨᒧᐛᐊᒡ ᒋ ᓇᓴᐛᐅᒡ ᐃᔅᐱ ᐎᔭᐱᒪᒡ ᓇᔅᒡ ᐊ ᔭᓯᒋᐱᔪᐅᔨᒋ ᐊ ᐊᑎ ᐎᐎᔨᒋ ᐛᔅ ᒋ ᐃᑕᔨᑎᒧᒡ ᐊᓐᑕ ᐊᓂᔭ ᑲ ᐱᒥᓯᒪᑭᓄᔨᒋ ᐎᐧᑲᓂᓯᔪᐛ ᐊᑯᑕ ᐊ ᐃᑐᑕᔨᒋ ᒐᒋ ᒪᔨᒋ᙮

ᒠᓐ 11:33

ᐃᔅᐱ ᒋᓴᔅ ᐎᔭᐱᒪᑦ ᒪᕆᔨᒋ ᐊ ᒪᔨᒋ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᐸᒋ ᐎᒐᐅᑯᔨᒋ ᐊ ᒪᔨᒋ ᓇᔅᒡ ᒋ ᒋᔅᑎᒪᓯᑐᐛᐤ ᐊᔪᐤ ᒪᒃ ᓇᔅᒡ ᒋ ᒥᓯᒥᑕᐊᐤ᙮

ᒠᓐ 11:36

ᐊᑯ ᐊᓐᒡ ᒍᐤ ᐃᔪᒡ ᒂ ᐃᔅᒋᔄᒡ, “ᑕᑈ ᒋ ᓴᒋᐊᑯᐱᓐ ᐊᓂᔭᔪᐛ ᓚᓴᕋᓴ᙮”

ᒠᓐ 11:45

ᒥᒐᑦ ᒪᒃ ᒍᐤ ᐃᔪᒡ ᑲ ᐸᒋ ᒧᐱᔅᑐᐛᒡ ᒪᕆᔨᒋ ᒋ ᐛᐸᑎᒧᒡ ᑕᓐ ᑲ ᐃᑎᔨᒋ ᒋᓴᓴ ᑭᔭ ᒋ ᑕᑈᔭᔨᒪᐅᒡ᙮

ᒠᓐ 11:8

ᒋ ᐃᑎᑯᐤ ᒪᒃ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒋᔅᑯᑎᒪᒐᓱᐤ, ᓇᒪ ᐛᔅᑭᒡ ᑲ ᐎ ᓂᐸᐃᔅᒡ ᐊ ᐎ ᐸᐱᐳᒧᓯᓇᑕᐅᔅᒡ ᐊᓐᒡ ᒍᐤ ᐃᔪᒡ ᐃᔭᐱᒡ ᒪᒃ ᒥᓐ ᑲᐤ ᒋ ᐎ ᐃᑐᑕᓐ ᐊᓐᑕ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:15

ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

2 ᑯᕆᓐᑎᔭᓇ 1:4

ᐊᐅᒄ ᐅ ᒧᔅ ᒪᔽᔨᒧᐃᑕᐧᒄ ᑕᑥᐤ ᐊ ᐊᔨᒥᐅᔭᐧᑯ᙮ ᐊᑯᑕ ᐛᒋᐱᔨᒡ ᒐᒋ ᒋᔅᒐᔨᑎᒪᐧᒄ ᑕᓐ ᒐ ᐃᓯ ᐎᒐᐊᐧᑯᒡ ᒋᔭᓄᐤ ᑯᑎᑭᒡ ᐊᐛᓐᒋ ᐊ ᐊᔨᒥᐅᒡ᙮ ᒋᓴᒪᓂᑐᐤ ᐊᒋ ᒥᔽᔨᒧᐃᑕᐧᒄ ᑕᓐᑕ ᑲ ᐊᔨᒥᐅᔭᐧᒄ ᑭᔭ ᒐᔅᒐᔨᑎᒪᐧᒄ ᑭᔭ ᒋᔭᓄᐤ ᒐᒋ ᒥᔽᔨᒧᐊᐧᑯᒡ ᐊᐛᓐᒋ ᐊ ᐊᔨᒥᐅᒡ᙮

1 ᑕᓴᓗᓂᔭᓇ 4:18

ᐛᐎᒋᐃᑐᒄ ᒪᒃ ᐊ ᐛᐎᑎᒪᑐᔭᒄ ᑕᓐ ᑲ ᐃᔅᒋᔄᔭᒡ᙮

1 ᑕᓴᓗᓂᔭᓇ 5:11

ᐊᐅᒄ ᒪᒃ ᐅ ᒐ ᐅᒋ ᓯᒋᒥᑐᔭᒄ ᑭᔭ ᒐ ᐅᒋ ᒥᔽᔨᒧᐃᑐᔭᒄ ᒧᔭᒻ ᑕᓐ ᐊ ᐃᑎᔭᒄ ᐊᓄᒡ᙮