ᒠᓐ 10:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᑯᑎᑭᒡ ᒪᔭᑕᓂᓯᒡ ᓂ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ᐸᓱᐛᐅᒡ᙮ ᒋᑭ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”

ᒠᓐ 10:16 ပူးပေါင်းရင်းမြစ်များ

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᑎᐱᑦ ᐅᓂᑭᒧᐅᓇ 86:9

ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᑲ ᐅᓯᐊᑥᐤ ᒋᑭ ᐅᒋᒋᑯᓂᐱᔅᑕᑯᒡ, ᐅ ᑎᐸᔨᒋᒐᓱᐤ; ᑭᔭ ᒋᑭ ᒋᔅᑕᔨᑕᑯᑕᐅᒡ ᒋᑦ ᐃᓯᓂᐧᑲᓱᐅᓂᔪᐤ᙮

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᓗᒃ 15:8

ᐊᑯ ᒋᓴᔅ ᒂ ᐎᑎᒧᐛᑦ ᑯᑎᒋᔪᐤ ᒋᔅᒋᓄᐊᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᑕᓐ ᐊ ᐃᑎᑦ ᐃᔎᐤ ᐊ ᐊᔭᐛᑦ ᐸᐃᑯᔪᐤ ᓱᓇᔭᐱᔎ, ᐸᐃᒄ ᒪᒃ ᐊᓂᔭ ᐅᓇᐊᑦ ? ᓯᔅᑲᐊᒻ ᐛᔅᑕᓂᐱᒪᑭᓂᔪᐤ, ᐛᔭᓯᐃᒐᑦ ᑭᔭ ᐊᓐᑕ ᐎᒋᒡ, ᓇᔅᒡ ᓇᓂᑐᐛᐱᒪᐤ ᐸᑐᔅ ᒪᔅᑯᐛᑦ᙮

ᒠᓐ 10:11

“ᓂᔾ ᐊᐅᒄ ᒪᔭᑕᓂᓯᐅ-ᐃᔪᐤ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ᙮ ᐊᓐ ᐊᐛᓐ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ ᒋᑭ ᐱᔅᑎᓂᒻ ᐅᐱᒪᑎᓯᐅᓐ ᐊᓂᔭ ᐅᒪᔭᑕᓂᓯᒪ ᒐᒋ ᐅᒋ ᐱᒪᒋᐅᔨᒋ᙮

ᒠᓐ 10:2

ᐊᑯ ᐊᓐ ᐊᓐᑕ ᐊ ᐃᔎᑕᒧᐅᓂᔨᒡ ᒪᔭᑕᓂᓯᐅᒋᐛᐱᔪᐤ ᑲ ᐅᒋ ᐱᒐᑦ ᐊᐅᑯᓐ ᐅᔭ ᐅᒪᔭᑕᓂᓯᐤ ᐅᑦ ᐃᔨᒧᐛᐛ ᐊᓐᒡ ᒪᔭᑕᓂᓯᒡ᙮

ᒠᓐ 10:27

ᓂᑐᑎᒧᒡ ᓂᐸᑕᑯᓱᐅᓂᔪᐤ ᓂᒪᔭᑕᓂᓯᒥᒡ᙮ ᑭᔭ ᓂ ᒋᔅᒐᔨᒪᐅᒡ, ᑭᔭ ᐱᔭᒋ ᓇᓴᐅᒡ᙮

ᒠᓐ 10:3

ᓴᓂᒪᑯᐤ ᒪᒃ ᐊᓂᔭᔪᐤ ᑲ ᑭᓄᔎᑐᐛᔨᒋ ᐊᓐᑕ ᒪᔭᑕᓂᓯᐅᒋᐛᐱᒡ᙮ ᐊᓂᔭ ᒪᒃ ᒪᔭᑕᓂᓴ ᓂᔅᑐᑎᒥᔪᐛ ᐅᐸᑕᑯᓱᐅᓐ ᐃᔅᐱ ᑎᔭᑈᑕᒋ ᐛᔅ ᐎᔾ ᐊᓂᔭᔪᐛ ᐅᒪᔭᑕᓂᓯᒪ᙮ ᐊᑯ ᒪᒃ ᐱᔭᒋ ᐎᐎᔨᒋ ᐊᑯ ᐊ ᐊᑎ ᓇᓴᐅᑯᑦ᙮

ᒠᓐ 10:4

ᐊᓂᔭ ᒪᒃ ᐊ ᐊᑎ ᐎᐎᑕᐊᑦ ᐎᔾ ᓂᑲᓄᑕᐤ᙮ ᓇᓴᐅᑯᐤ ᒪᒃ ᐊᓂᔭᔪᐛ ᒪᔭᑕᓂᓴ ᐛᔅ ᓂᔅᑐᑎᒥᔪᐛ ᐅᐸᑕᑯᓱᐅᓐ᙮

ᒠᓐ 10:5

ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ᓇᓴᐛᐅᒡ ᐊᓐᒡ ᒪᔭᑕᓂᓯᒡ᙮ ᒋᑭ ᒋᑎᓯᒪᐅᒡ, ᐛᔅ ᑕᐸ ᓂᔅᑐᑎᒧᐛᐅᒡ ᒪᓐᑕᐛ ᐅᐸᑕᑯᓱᐅᓂᔪᐤ᙮”

ᒠᓐ 11:52

ᒥᒄ ᒪᒃ ᓇᒪ ᒥᒄ ᒍᐤ ᐃᔪᐛ ᒐ ᓂᐱᔅᑎᒧᐛᔨᒋ, ᒥᓯᐛ ᑭᔭ ᐊᓂᔭᔪᐛ ᒋᓴᒪᓂᑐᐛ ᐅᑦ ᐃᔨᒥᔪᐛ ᑕᑎᐸᓐ ᑲ ᑕᔨᒋ ᒐ ᒪᒧᓇᔨᒋ, ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮

ᒠᓐ 17:20

“ᓇᒪ ᒥᒄ ᐅᒡ ᐅᑕ ᐊ ᑕᒡ ᓂᑦ ᐊᔭᒥᐊᔅᑎᒧᐛᐅᒡ᙮ ᓂᑦ ᐊᔭᒥᐊᔅᑎᒧᐛᐅᒡ ᑭᔭ ᐊᓐᒡ ᑲ ᑕᑈᔭᔨᒥᒡ ᐊᓂᔭ ᐅᒋ ᑕᓐ ᑲ ᐃᓯ ᐸᒋ ᐊᔨᒧᒥᔨᒋ ᐅᔭ᙮

ᒠᓐ 6:37

ᒥᓯᐛ ᐊᓂᔭ ᐊᐛᔪᐛ ᐅᑕᐎᒪᐤ ᑲ ᐸᒋ ᒥᔨᑦ ᓂᑭ ᐸᒋ ᓇᑎᑯᒡ᙮ ᐊᓐ ᒪᒃ ᐊᐛᓐ ᒐ ᐸᒋ ᓇᓯᑦ ᓇᒪ ᓂᑕ ᓂᑭ ᐅᒋ ᐃᒐᓇᐤ᙮

ᐊᑈᔅᑕᓇᒡ 15:14

ᓴᐃᒥᓐ ᐱᑕᕐ ᔅᒋ ᐎᑎᒪᑭᓄᐤ ᑕᓐ ᑲ ᐃᑎᑦ ᒋᓴᒪᓂᑐᐤ ᓂᔅᑎᒻ ᑲ ᐛᐸᑎᔨᐛᑦ ᐊᑲ ᒥᒄ ᒍᐤ ᐃᔪᐛ ᐅᒋ ᐅᑎᓇᑦ, ᑯᑎᑲ ᐊᐛᔪᐛ ᑭᔭ ᒋ ᐅᑎᓇᐤ ᒐᒋ ᐅᑦ ᐃᔨᒥᑦ᙮

ᐊᑈᔅᑕᓇᒡ 18:10

ᐛᔅ ᒋ ᐎᒐᐅᑎᓐ᙮ ᓇᒪ ᐊᐛᓐ ᒋᑭ ᒋ ᐎᔭᔅᑐᑕᒄ ᐛᔅ ᒥᒐᑦ ᐃᔪᒡ ᐅᑕ ᐅᑕᓇᒡ ᓂᔾ ᐊᓐᒡ ᓂᑦ ᐃᔨᒥᒡ᙮”

ᐊᑈᔅᑕᓇᒡ 22:14

ᐊᑯ ᒂ ᐃᓯᑦ, ‘ᐊᓂᔭᔪᐛ ᒋᓴᒪᓂᑐᐛ ᑲ ᑕᑈᔭᔨᒪᒡ ᐊᓂᔭᐧᑲ ᒋᒧᓱᒥᓄᐅᒡ, ᔅᒋ ᐅᑎᓂᒄ ᒐᒋ ᒋᔅᒐᔨᑎᒧᑦ ᑕᓐ ᐊ ᐃᓯ ᓂᑐᐛᔨᑕᐧᒃ ᒐ ᐃᑎᓇᓄᐎᒡ ᐅᑕ ᐊᔅᒋᒡ, ᑭᔭ ᒐᒋ ᐛᐱᒥᑎ ᐊᓂᔭ ᙭ᑕ ᑲ ᑯᐃᔅᑯᑕᑎᓯᔨᒋ ᑭᔭ ᒐᒋ ᐸᑎᒧᑦ ᐊ ᐃᔨᒥᐃᔅᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:25

ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ ᐅᔭ ᑲ ᐃᓯ ᒋᔅᒐᔨᑕᑯᑕᑦ ᒋᓴᒪᓂᑐᐤ ᑭᔭ ᓇᒪ ᒋᑭ ᐅᒋ ᐃᑕᔨᑕᓇᐛᐤ ᓇᔅᒡ ᐊ ᐃᑈᐧᑲᔭᒄ᙮ ᐊᓄᒡ ᒪᒂᒡ ᒥᒐᑦ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐎ ᓯᐱᑎᒧᒡ᙮ ᓇᒪ ᐎ ᑕᑈᐅᒐᔨᒪᐅᒡ ᒋᓴᒪᓂᑐᐛ᙮ ᒥᒄ ᒪᒃ ᒋᑭ ᐅᑎᒋᐱᔪᐤ ᒐ ᑕᑈᑕᒡ᙮ ᐊᔅᒄ ᒪᒃ ᐊᑲ ᐅᑎᒋᐱᔨᒡ ᐅ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑕᑐᐤ ᒥᒄ ᒐ ᐅᑎᓂᑯᐛᒂ ᒋᓴᒪᓂᑐᐛ ᒐᒋ ᐱᒪᒋᐅᒡ, ᒋᑭ ᐱᒪᒋᐅᒡ᙮

2 ᑕᓴᓗᓂᔭᓇ 2:13

ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ, ᒋᔨᐛᐤ ᑲ ᓴᒋᐃᑕᒄ ᐅᑎᐸᔨᒋᒐᐤ᙮ ᐛᔅ ᓴᔅ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᒐᒋ ᐱᒪᒋᐅᐛᒄ ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑦ ᐅᔭ ᐊᔅᒋᔪᐤ᙮ ᒋᑭ ᐱᒪᒋᐅᓇᐛᐤ ᒪᒃ ᐛᔅ ᒋᓴᒪᓂᑐᐤ ᑲ ᓱᒐᔨᑕᑯᓯᔨᒋ ᐅᑦ ᐊᒐᒂ ᒋᑭ ᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ ᐛᔅ ᒋ ᑕᑈᑕᓇᐛᐤ ᑕᑈᐅᓐ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

1 ᐱᑕᕐ 2:10

ᐊᓐᑕ ᐛᔅᑭᒡ ᓇᒪ ᒋ ᐅᒋ ᐅᑦ ᐃᔨᒥᑕᑯᐛᐤ ᒋᓴᒪᓂᑐᐤ, ᐊᑯ ᒪᒃ ᐊᓄᒡ ᐛ ᐅᑦ ᐃᔨᒥᑕᑕᒄ᙮ ᐊᓐᑕ ᐛᔅᑭᒡ ᓇᒪ ᒋ ᐅᒋ ᒋᔅᑎᒪᒐᔨᒥᑯᐛᐤ, ᐊᑯ ᒪᒃ ᐊᓄᒡ ᐊᑯ ᒐᑎᒪᒐᔨᒥᑕᒄ᙮

1 ᐱᑕᕐ 2:25

ᐛᔅ ᒧᔭᒻ ᒪᔭᑕᓂᓯᒡ ᐊ ᐅᓂᓯᓂᒡ ᔅᒋ ᐃᓯᓇᑯᓯᓇᐛᐤ᙮ ᐊᓄᒡ ᒪᒃ ᓴᔅ ᑲᐤ ᔅᒋ ᐸᓯᑯᐅᓇᐛᐤ ᒐᒋ ᓇᓴᐛᒄ ᐊᓐ ᒪᔭᑕᓂᓯᐅ-ᐃᔪᐤ ᑲ ᓂᓇᑭᑐᐛᔨᒥᑕᒄ ᑭᔭ ᑲ ᑭᓄᐛᔨᒪᑦ ᒋᑦ ᐊᒐᐧᑯᐛᐛ᙮

1 ᐱᑕᕐ 5:4

ᐊᑯ ᒪᒃ ᐃᔅᐱᔅ ᐸᒋ ᓄᑯᓯᒐ ᐊᓐ ᒪᐅᒡ ᑲ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ᒥᔨᑯᐅᔭᒄ ᐊᓐ ᒪᐅᒡ ᐊ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ᐸᓯᑯᓇᒂᒡ᙮

ᒋᔅᒐᔨᑕᑯᑕᒐᐅᓐ 3:20

ᓂᑐᑎᒧᒄ᙮ ᓂ ᓂᐳᐅᓐ ᒋᐱᔎᒡ ᐊ ᑎᑥᐛᐃᒐᔭᓐ᙮ ᐊᓐ ᐊᐛᓐ ᒐ ᐸᑐᐅᒂ ᐱᑎᑲᐃᒐ ᒪᒃ, ᓂᑭ ᐱᒐᐛᓐ ᐊᓐᑕ ᐊ ᑕᑦ ᑭᔭ ᒐ ᐎᒋᒥᒋᓱᒥᑐᔭᒡ᙮