6 ᒋ ᑕᐤ ᓇᐸᐤ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᒠᓐ ᐊ ᐃᓯᓂᐧᑲᓱᑦ᙮
ᐊᐅᒄ ᐅ ᒠᓐ ᑲ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᑲ ᐃᑎᔅᑕᔨᒡ, ᓂᑭ ᓂᑲᓂᑎᓴᐛᐤ ᐊᐛᓐ ᒐᒋ ᐊᔭᔅᑯᐎᐧᑲᐧᒃ ᐊᓂᔭᔪᐤ ᒪᔅᑭᓇᔪᐤ ᐊᓐᑕ ᒐ ᐱᒧᑕᐅᑦ᙮
ᐸᒋ ᐎᑎᒧᐅᒄ, ᐊᐛᔪᐛ ᑲ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ ? ᒋᓴᒪᓂᑐᐛ ᐊ ᑭᔭ ᒪᒃ ᐃᔪᐛ ?” ᒋ ᐃᔨᒥᑐᐅᒡ ᒪᒃ ᐊᓐᑕ ᐎᔨᐛᐤ ᐊ ᐃᔅᒋᔄᒡ, “ᐃᔅᒋᔄᔭᒂ, ‘ᒋᓴᒪᓂᑐᐛ ᒋ ᐃᑎᑯᐤ,’ ᒋᑭ ᐃᑎᑯᓄᐤ, ‘ᒐᒂᓐ ᒪᒃ ᐛᒋ ᐊᑲ ᐅᒋ ᑕᑈᑐᐛᒄ ?’
ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐊᑲᐎᔾ ᓴᒋᓯ, ᓴᑲᕋᔭ, ᐛᔅ ᔅᒋ ᐸᑕᒄ ᒋᓴᒪᓂᑐᐤ ᑕᓐ ᑲ ᐃᓯ ᓂᑐᑎᒧᐅᑦ᙮ ᒋᐅ ᐃᓕᓴᐸᑦ ᒋᑭ ᐊᔭᐛᐤ ᐊᐛᓴ, ᒋᑭ ᓇᐸᓯᐎᔪᐛ᙮ ᒠᓐ ᒪᒃ ᒋᑭ ᐃᓯᓂᐧᑲᑕᐤ ᐊᓐ ᐊᐛᔅ᙮
ᐊᐦᐊ, ᒋᔾ ᒪᒃ ᐊᐛᔅ, ᒪᐅᒡ ᑲ ᐃᔅᐸᔨᑕᑯᓯᑦ ᐅᒋᔅᒋᐛᐃᒐᓯᒪ ᒋᑭ ᐃᑎᑯᐅᓐ; ᐛᔅ ᒋᑭ ᓂᑲᓄᑐᐛᐤ ᑎᐸᔨᒋᒐᓱᐤ ᒐ ᐛᐛᓯᑕᐅᑦ ᐊᓐᑕ ᒐ ᐃᑐᑕᑦ᙮
ᓇᒪ ᓂ ᐅᒋ ᒋᔅᒐᔨᒪᐤ, ᒥᒄ ᒪᒃ ᒋᓴᒪᓂᑐᐤ ᐊᓐ ᑲ ᐸᒋ ᐃᑎᓴᐅᑦ ᒐᒋ ᓯᑲᐃᑕᒐᐅᒡ ᓂᐱᒡ, ᓂᒋ ᐃᑎᒄ, ‘ᐊᓐ ᓇᐸᐤ ᒐ ᐛᐱᒥᑦ ᐊᒐᒂ ᐊ ᐸᒋ ᔭᓯᔅᑕᑯᑦ ᐊᓐᑕ ᒪᒃ ᐊ ᑕᑦ ᐊ ᑕᔨᒋ, ᐊᐅᒄ ᐊᓐ ᒐ ᓯᑲᐃᑕᒐᑦ ᑲ ᐸᔭᒋᓯᔨᒋ ᐊᒐᒂ᙮’
ᒋᔨᐛᐤ ᒪᒃ ᔅᒋ ᐸᑐᐅᓇᐛᐤ ᐅ ᑲ ᐃᔅᒋᔄᔭᓐ, ‘ᓇᒪᔭᐤ ᓂᔾ ᐊᓐ ᙭ ᒥᒄ ᒪᒃ ᓂᒋ ᐸᒋ ᓂᑲᓂᑎᓯᐅᑯᓐ ᓂᔾ ᒐᒋ ᐊᔨᒧᒥᒃ᙮’
ᐊᔅᒄ ᐊᑲ ᐅᒋ ᒋᒋᐱᔨᑕᑦ ᒋᓴᔅ ᐊ ᑭᒐᔅᒋᒧᑦ, ᒠᓐ ᒋ ᑭᒐᔅᒋᒪᐤ ᒥᒐᑦ ᐃᔅᕋᐃᓪ ᐃᔪᐛ ᐊ ᐃᑕᑦ, ᒂᔅᑲᑎᓯᒄ ᒐ ᓂᑭᑎᒪᒄ ᒋᒥᒐᑎᓯᐅᓄᐛᐛ, ᑭᔭ ᒐ ᓯᑲᐃᑕᑯᐅᔭᒄ᙮
