ᒋᒥᔅ ᐅᒥᓯᓇᐊᒪᒐᐅᓐ 4:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊ ᓂᑐᑎᒪᔭᒄ ᓇᒪ ᒋ ᒥᔅᑲᓇᐛᐤ ᑕᓐ ᑲ ᐃᓯ ᓂᑐᑎᒪᔭᒄ, ᐛᔅ ᓇᒪ ᒥᔽᓱᐤ ᒐᒂᓐ ᐛᒋ ᓂᑐᐛᔨᑎᒪᒄ ᐅᔭ ᒐᒂᔪᐛ᙮ ᒋ ᓂᑐᐛᔨᑕᓇᐛᐤ ᒐᒂᔪᐛ ᒥᒄ ᒋᔨᐛᐤ ᒐᒋ ᓂᓇᐊᔨᑎᒥᐃᓱᔭᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒪᒄ᙮

ᒋᒥᔅ ᐅᒥᓯᓇᐊᒪᒐᐅᓐ 4:3 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 18:41

ᒋ ᑕᑈᐅᒡ, ᒪᒃ ᓇᒪᐎᔾ ᒋ ᑕᔪᐛ ᒐ ᐱᒪᒋᐃᑯᒡ, ᐊᑎ ᑭᔭ ᑎᐸᔨᒋᒐᓱᐛ, ᒪᒃ ᓇᒪ ᒋ ᐅᒋ ᓂᔅᑯᒥᑯᐅᒡ᙮

ᒪᑎᔪᐤ 20:22

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᑯᓯᔪᐛ, “ᓇᒪ ᒋ ᒋᔅᒐᔨᑕᓇᐛᐤ ᐊᓐ ᒐᒂᓐ ᑲ ᐃᓯ ᓂᑐᑎᒪᔭᒄ᙮ ᒋᑭ ᒋ ᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ᑎᒂᒡ ᓂᒥᓂᒂᑭᓂᒡ ᒐ ᒥᓂᔭᓐ ᐊᓄᒡ᙮ ᒋᑭ ᒋ ᑎᓇᐛᐤ ᐊ ᒐᒋ ᓯᑲᐃᑕᑯᔭᒄ ᒧᔭᒻ ᓂᔾ ᑕᓐ ᒐ ᐃᓯ ᓯᑲᐃᑕᑯᔭᓐ ?” ᐊᑯ ᒂ ᐃᑎᑯᑦ, “ᓂᐦᐃ, ᓂᑭ ᒋ ᑎᓇᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:38

ᒥᒄ ᒪᒃ ᒋᓴᓴ ᒋ ᐃᑎᑯᐅᒡ, “ᓇᒪ ᒋ ᒋᔅᒐᔨᑕᓇᐛᐤ ᐅ ᒐᒂᓐ ᑲ ᓂᑐᐛᔨᑎᒪᒄ᙮ ᒋᑭ ᒋ ᐃᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ᑎᒂᒡ ᓂᒥᓂᒂᑭᓂᒡ ᒐ ᒥᓂᔭᓐ ᐊᓄᒡ᙮ ᒋᑭ ᒋ ᐃᑎᓇᐛᐤ ᐊ ᒐᒋ ᓯᑲᐃᑕᑯᐅᔭᒄ ᒧᔭᒻ ᓂᔾ ᑕᓐ ᒐ ᐃᓯ ᓯᑲᐃᑕᑯᐅᔭᓐ ?”

ᓗᒃ 11:10

ᐛᔅ ᑕᑐᐤ ᐊᐛᓐ ᑲ ᓂᑐᑎᒪᑦ ᒋᑭ ᒥᔭᑭᓄᐤ᙮ ᑭᔭ ᑕᑐᐤ ᐊᐛᓐ ᑲ ᓇᓂᑐᐛᔨᒪᑦ ᒋᓴᒪᓂᑐᐛ ᒋᑭ ᒥᔅᑯᐛᐤ, ᑭᔭ ᑕᑐᐤ ᐊᐛᓐ ᑲ ᑎᑥᐛᐃᒐᑦ ᒋᑭ ᔪᑕᓂᒧᐛᑭᓄᐤ᙮”

ᓗᒃ 15:13

ᓇᒪ ᓇᐅᔅ ᒂ ᐊᑎ ᑎᒪᒋᓇᐧᒃ ᒥᓯᐛ ᑕᓐ ᑲ ᐃᓯ ᑎᐱᔨᐛᐅᓯᑦ ᐊᓐ ᐅᓯᒥᒪᐤ ᐊᑯ ᐊᓐᑕ ᐛᔪᐤ ᐊᔅᒋᒡ ᒂ ᐃᑐᑕᑦ᙮ ᐊᑯᑕ ᐊᓐᑕ ᑲ ᒪᔅᑎᓇᐧᒃ ᐅᓱᓇᔭᓂᒻ ᐊ ᒋᔎᐱᒪᑎᓯᑦ᙮

ᓗᒃ 15:30

ᐅ ᒋᑯᔅ ᑲ ᒋᔎᐱᒪᑎᓯᐛᒐᑦ ᒋᓱᓇᔭᓂᒥᔪᐤ ᐃᔎᐛ ᐊᒋ ᒪᔭᔨᒪᑦ, ᐊᓄᒡ ᒋ ᑎᑯᓯᓄᐤ ᑭᔭ ᒋᑦ ᐃᑎᓱᐛᑎᒪᐛ ᒪᒃ ᒐᒋ ᓂᐸᐊᑭᓄᔨᒋ ᐊᓂᔭᔪᐛ ᑲ ᑕᒋᐳᐊᑭᓄᔨᒋ ᒥᔅᑐᓴ ᒐᒋ ᒥᑯᓴᐊᑭᓄᐅᑦ᙮’

ᒋᒥᔅ ᐅᒥᓯᓇᐊᒪᒐᐅᓐ 4:1

ᑕᓐᑕ ᐛᒋᐱᔨᒡ ᐊᓐ ᐊ ᒪᓯᐃᑐᔭᒄ ᑭᔭ ᐊ ᐊᔭᔅᑕᒥᑐᔭᒄ ? ᐱᒡ ᐊᓐᑕ ᐊ ᑕᑦ ᐊᐛᓐ ᒧᔭᒻ ᐊ ᒪᓯᒐᐱᔨᒋ ᐃᓯᓇᑯᓂᔪᐛ ᐊᓂᔭ ᒐᒂᔪᐛ ᑲ ᒧᔅᑕᓇᔨᑕᐧᒃ ᒐᒋ ᓂᓇᐊᔨᑎᒥᐃᑯᑦ᙮

1 ᒠᓐ 3:22

ᒋᑭ ᒥᔨᑯᓄᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᐧᒄ, ᐊ ᐃᑐᑎᒪᐧᒄ ᑕᓐ ᐊ ᐃᑎᓱᒥᑕᐧᒄ ᑭᔭ ᐊ ᐃᑐᑎᒪᐧᒄ ᐊᓂᔭ ᒐᒂᔪᐛ ᓂᐊᔨᑎᒥᐃᑯᑦ᙮

1 ᒠᓐ 5:14

ᒪᐅ ᐊ ᐃᓯ ᒐᔅᑎᓇᑕᔨᒧᔭᐧᒄ ᐊ ᐊᔭᒥᐊᐧᒄ ᒋᓴᒪᓂᑐᐤ᙮ ᒧᔭᒻ ᒋᔅᒐᔨᑎᒺᒂ ᑭᔭ ᐃᑐᑎᒺᒂ ᐅᑦ ᐃᑕᔨᑎᒧᐅᓐ, ᒋᑭ ᐃᑐᑎᒻ ᑕᓐ ᐊ ᐃᓯ ᓂᑐᑎᒧᐛᐧᒄ ᒐᒋ ᐃᑐᑕᐧᒃ᙮