ᒋᒥᔅ ᐅᒥᓯᓇᐊᒪᒐᐅᓐ 4:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓇᒪ ᓇᔅᒡ ᒋ ᒋᔅᒐᔨᑕᓐ ᑕᓐ ᒐ ᐃᔅᐱᔨᒡ ᐛᐸᒐ᙮ ᑕᓐ ᐊ ᐃᓯᓇᒂᒡ ᐱᒪᑎᓯᐅᓐ᙮ ᒧᔭᒻ ᐊ ᑭᔅᑯᐅᒡ ᑲᒋ ᐃᓯᓇᒂᒡ ᐊᐅᑯᓐ ᐊ ᐃᓯᓇᒂᒡ᙮ ᒥᒄ ᐛᐃᐱᔅᒋᔅ ᓄᑯᓐ ᐊ ᑭᔅᑯᐅᒡ ᒐᒃ ᒪᒃ ᓇᒪ ᐊᑎ ᑎᑯᓐ᙮

ᒋᒥᔅ ᐅᒥᓯᓇᐊᒪᒐᐅᓐ 4:14 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 102:3

ᐛᔅ ᓂᒋᓯᑲᒪ ᒪᒋᐱᔪᐛ ᒧᔭᒻ ᐊ ᐱᐳᑕᒡ, ᓂᔅᑭᓇ ᑭᔭ ᐃᔎᑕᐛ ᒧᔭᒻ ᐃᔅᑯᑕᑲᓇᐱᔅᒄ᙮

ᑎᐱᑦ ᐅᓂᑭᒧᐅᓇ 144:4

ᐃᔪᐤ ᓂᑐᐎ ᒐᒂᓐ ᐃᑕᔨᑕᑯᓱᐤ: ᐅᒋᓯᑲᒪ ᒧᔭᒻ ᐊ ᑎᑲᔅᑕᑎᒡ ᑲ ᐊᑎ ᐃᒐᐱᔨᒡ᙮

ᑎᐱᑦ ᐅᓂᑭᒧᐅᓇ 39:5

ᐛᐸᑕ, ᔅᒋ ᐃᓯᑕᓐ ᓂᒋᓯᑲᒪ ᒧᔭᒻ ᐊᔅᐱᔅ ᐃᔨᑭᔅᑲᒡ ᒥᑎᒋᔾ; ᑭᔭ ᓂᑦ ᐃᔅᐱᑎᓯᐅᓐ ᓇᒪ ᒐᒂᓐ ᐃᑕᔨᑕᒂᓐ ᐊ ᑭᓄᐛᐸᑎᒥᓐ: ᑕᑈ ᒥᓯᐛ ᑕᑐᐤ ᐃᔪᐤ ᐊᑎ ᓇᔅᒡ ᒥᔪᒪᒋᐅᑦ ᓇᔅᒡ ᓂᑐᐎ ᐃᑕᔨᑕᑯᓱᐤ᙮”

ᑎᐱᑦ ᐅᓂᑭᒧᐅᓇ 78:39

ᐛᔅ ᒋ ᒋᔅᒋᓯᐤ ᐊ ᐎᔭᓱᐎᔨᒋ ᐱᓯᓯᒄ, ᐊ ᔪᑎᓂᔨᒡ ᑲ ᐛᐱᐸᔨᔨᒡ, ᐊᑲ ᑭᔭ ᒥᓐ ᑲ ᐸᒋ ᒋᐛᐱᔨᒡ᙮

ᑎᐱᑦ ᐅᓂᑭᒧᐅᓇ 89:47

ᒋᔅᒋᓯ ᐊᔅᐱᔅ ᒋ ᑕᒂᒡ ᓂᐱᒪᑎᓯᐅᓐ, ᒐᒂᔪᐤ ᐛᒋ ᓂᑐᐎ ᒋ ᐃᓯ ᐅᓯᐃᒡ ᒥᓯᐛ ᐃᔪᒡ ?

ᒋᒥᔅ ᐅᒥᓯᓇᐊᒪᒐᐅᓐ 1:10

ᐊᑯ ᐊᓐ ᐊᐛᓐ ᑲ ᐛᔪᑎᓯᑦ ᒋᐸ ᒥᔽᔨᑎᒻ ᐊ ᑎᐱᑕᔨᑕᑯᐃᑯᑦ ᒋᓴᒪᓂᑐᐛ᙮ ᐛᔅ ᑭᔭ ᐎᔾ ᒋᑭ ᐃᔎᐱᔪᐤ ᐅᐱᒪᑎᓯᐅᓐ ᒧᔭᒻ ᓂᑕᐅᒋᑕᑭᓐ ᐊ ᐛᐱᑯᓄᐅᒡ ᐊ ᐃᔅᐱᔨᒡ᙮

1 ᐱᑕᕐ 1:24

ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ, ᒥᓯᐛ ᐊᐛᓐ ᒧᔭᒻ ᒥᔅᑯᓱᐛ ᐃᓯᓇᑯᓱᐤ᙮ ᒥᓯᐛ ᐊᐛᓐ ᐅᒋᔅᑕᔨᑕᑯᓱᐅᓐ ᒧᔭᒻ ᐛᐱᑯᓐ ᓂᑐᐎᔾ ᑲ ᓂᑕᐅᒋᑦ ᐃᓯᓇᑯᓂᔪᐤ᙮ ᓂᐱᒥᑭᓇ ᒥᔅᑯᓱᐛ ᐊᑯ ᐛᐱᑯᓇ ᐸᐸᒋᑎᓇ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

1 ᒠᓐ 2:17

ᒥᓯᐛ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ ᑭᔭ ᐊ ᐃᓯ ᑎᒂᒡ ᓂᓇᐧᑯᐤ ᒥᒋ ᒧᔅᑕᓇᔭᔨᑎᒧᐅᓐ ᒋᑭ ᐃᔎᐱᔪᐛ᙮ ᒥᒄ ᒪᒃ ᐊᓐ ᐊᐛᓐ ᑲ ᐃᑐᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲᒋᒡ ᒋᑭ ᐱᒪᑎᓯᐤ᙮