ᒋᒥᔅ ᐅᒥᓯᓇᐊᒪᒐᐅᓐ 2:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᑕᑦ ᐊᓐ ᒋᐧᑲᓂᓯᓄᐤ ᐊ ᓂᑐᐛᔨᑕᐧᒃ ᒐᒂᔪᐤ ᒐ ᒋᔅᑲᐧᒃ, ᒪᒃ ᒥᒋᒥᔪᐤ ᐊ ᓄᑕᐱᔨᑦ,

ᒋᒥᔅ ᐅᒥᓯᓇᐊᒪᒐᐅᓐ 2:15 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:7

ᒧᔅ ᒋᑭ ᑕᐅᒡ ᑲ ᒋᔅᑎᒪᑎᓯᒡ ᐅᑕ ᐊ ᑕᔭᒄ, ᒋᑭ ᒋ ᒥᔪᑐᑐᐛᐛᐅᒡ ᑕᓐᑕ ᒥᒄ ᒐ ᓇᐃᐱᔨᒂ ᒐᒋ ᒥᔪᑐᑐᐛᑯᒡ, ᓂᔾ ᒪᒃ ᓇᒪ ᒧᔅ ᓂᑭ ᐅᒋ ᑕᓐ ᐅᑕ ᐊ ᑕᔭᒄ᙮

ᓗᒃ 3:11

ᒂ ᐃᑕᑦ, “ᐊᐛᓐ ᐊ ᓂᓯᓂᔨᒋ ᐅᑦ ᐊᑯᐸ ᐸᐃᒄ ᐊᓂᔭ ᒋᐸ ᒥᔭᐤ ᐊᐛᔪᐛ ᐊᑲ ᐊᔭᔨᒋ, ᒪᒃ ᑭᔭ ᒥᒋᒥᔪᐤ ᐊ ᐃᔭᒂ ᒋᐸ ᐊᓯᒪᐤ ᐊᐛᔪᐛ ᐊᑲ ᐅᒥᒋᒥᔨᒋ᙮”

ᐊᑈᔅᑕᓇᒡ 9:29

ᒋ ᐃᔨᒪᐊᐤ ᑭᔭ ᒋ ᓂᓇᔅᑯᐊᓯᐊᐤ ᐊᓂᔭᔪᐛ ᒍᐤ ᐃᔪᐛ ᒐᒋ ᑕᑈᔭᔨᒪᔨᒋ ᐅᑎᐸᔨᒋᒐᐤ ᒋᓴᓴ ᒥᒄ ᒪᒃ ᒋ ᐎ ᓂᐸᐃᑯᐤ᙮

ᐃᑉᕈᐛ 11:37

ᐱᔅᒐ ᒋ ᓂᐸᐊᑭᓄᐎᒡ ᐊ ᐸᐱᐳᒧᓯᓇᑕᐛᑭᓄᐎᒡ, ᐱᔅᒐ ᐊᐱᑐᐎᔪᐤ ᒋ ᐃᓯ ᒋᒧᐳᔭᑭᓄᐎᒡ, ᐱᔅᒐ ᒋ ᓂᐸᐊᑭᓄᐎᒡ ᓂᑐᐱᔪᐅ-ᒧᐧᑯᒪᓇ ᐊ ᐊᐱᑎᓂᔨᒋ᙮ ᐱᔅᒐ ᐊᓐᒡ ᐃᔪᒡ ᒋ ᐃᑐᑐᐛᑭᓄᐎᒡ ᒐᒋ ᐱᐸᒥᑎᓱᒧᒡ᙮ ᒪᔭᑕᓂᓴ ᑭᔭ ᑲ ᐅᑦ ᐊᔅᑭᓂᓯᔨᒋ ᑲ ᐊᐱᓯᓯᔨᒋ ᐊᐛᓯᓴ ᐅᓯᑭᔪᐛ ᒋ ᐅᒋ ᐅᓯᑕᐅᒡ ᐅᑦ ᐊᐱᒋᑕᐅᓄᐛᐛ ᐊ ᒋᔅᑲᒡ, ᓇᒪ ᐅᒋ ᑎᑯᓂᔪᐤ ᑕᓐᑕ ᒐᒋ ᐎᒋᒡ, ᒥᓯᐛ ᒐᒂᔪᐤ ᒋ ᐃᓯ ᓄᑕᐱᔪᐅᒡ᙮ ᑭᔭ ᒋ ᒥᔅᑎ ᐛᐎᓯᒐᔨᑎᒥᐊᑭᓄᐎᒡ ᑭᔭ ᓇᔅᒡ ᒋ ᓂᓇᐧᑲᒋᐊᑭᓄᐎᒡ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

1 ᒠᓐ 3:17

ᐛᐱᒪᒐ ᐊᐛᓐ ᐊ ᓄᑕᐱᔨᒋ ᐊᐛᔪᐛ ᒐᒂᔪᐤ, ᐊᑲ ᒪᒃ ᐎᔾ ᓄᑕᐱᔨᑦ ᒐᒂᔪᐤ, ᐊᑲ ᒪᒃ ᒋᔅᑎᒪᒐᔨᒪᒐ, ᑕᓐᑕ ᒐᒋ ᐅᒋ ᐃᔅᒋᔄᑦ ᐊ ᐱᒋᔅᑲᑯᑦ ᒋᓴᒪᓂᑐᐛ ᐅᓴᒋᐃᐛᐅᓂᔪᐤ᙮