ᒋᒥᔅ ᐅᒥᓯᓇᐊᒪᒐᐅᓐ 1:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᔅᒋ ᒥᔨᑯᓄᐤ ᐱᒪᑎᓯᐅᓂᔪᐤ ᐊᓐᑕ ᐅᒋ ᐊᓂᔭ ᐅᑦ ᐃᔨᒧᐅᓐ ᑲ ᑕᑈᒥᑭᓂᔨᒡ ᒋᔭᓄᐤ ᓂᔅᑎᒻ ᒐᒋ ᐎᐧᑯᒋᐃᑕᐧᒄ ᐅᑕ ᐅᔭ ᐊᔅᒋᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:18 ပူးပေါင်းရင်းမြစ်များ

ᒠᓐ 1:13

ᐊᓂᔭᔪᐛ ᒪᒃ ᑲ ᑕᑈᔭᔨᒥᑯᑦ ᐅᔅᒋ ᐱᒪᑎᓯᔪᐛ ᒋᓴᒪᓂᑐᐛ ᐊ ᑕᔨᒋ ᐅᒋ, ᓇᒪ ᐎ ᑭᔭ ᐃᔎᐛ ᑭᔭ ᓇᐸᐛ ᐊ ᑕᔨᒋ ᐅᒋ ᐱᒪᑎᓯᐅᒡ ᓇᒪ ᑭᔭ ᐃᔪᐤ ᐅᑦ ᐃᑕᔨᑎᒧᐅᓂᔨᒡ ᐅᒡ᙮ ᑕᑈ ᒋᓴᒪᓂᑐᐛ ᐊ ᑕᔨᒋ ᒋ ᐅᒋ ᐅᔅᒋ ᐱᒪᑎᓯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:17

ᒧᔭᒻ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑉᕋᐊᒻ ᐊᒋ ᐃᑎᑯᒂ ᒋᓴᒪᓂᑐᐛ, ᔅᒋ ᐃᓯᐃᑎᓐ ᒐᒋ ᐅᑕᐎᒪᐅᑕᔅᒡ ᒥᒐᑦ ᐊ ᐃᑎᔅᑲᓇᓯᒡ ᐊᐛᓐᒋ᙮ ᐊᑉᕋᐊᒻ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐊᐅᒄ ᐅᔭ ᐊ ᐅᑕᐎᒪᐅᑐᐛᐧᒄ ᐛᒋ ᐃᓯ ᑭᓄᐛᐱᒥᑯᑦ᙮ ᐊᐅᑯᓐ ᒪᒃ ᐅᔭ ᐊᑉᕋᐊᒻ ᑲ ᑕᑈᔭᔨᒪᑦ, ᐊᓂᔭᔪᐛ ᑲ ᐃᑐᑐᐛᔨᒋ ᐊᓂᔭᔪᐛ ᐊᑲ ᐱᒪᑎᓯᔨᒋ ᑲᐤ ᒐᒋ ᐱᒪᑎᓯᔨᒋ ᑭᔭ ᒥᒄ ᐊ ᐃᔅᒋᔄᔨᒋ ᒐᒋ ᑎᑯᓂᔨᒡ ᒐᒂᔪᐤ ᐊᑲ ᓂᑕ ᐅᒋ ᑎᑯᓂᔨᒡ ᑎᐛᒡ ᑎᑯᓂᔪᐤ᙮

1 ᑯᕆᓐᑎᔭᓇ 4:15

ᐊᑎ ᒪᒃ ᓇᔅᒡ ᐊ ᒥᔅᑎ ᒥᒐᑎᒡ ᐊᓐᒡ ᑲ ᒋᔅᑯᑎᒪᑕᑯᒡ ᐊ ᐛᐎᑎᒪᑕᑯᒡ ᑕᓐ ᒐ ᐃᓯ ᐱᒪᑎᓯᐛᒄ ᐊ ᓇᓴᐅᒪᑯ ᙭ᑕ᙮ ᓂᔾ ᐊ ᐸᐃᑯᓯᔭᓐ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊ ᐃᓯᓇᒂᒡ ᒧᔭᒻ ᓂᔾ ᐊᒋ ᐊᑎ ᐅᑕᐎᑐᐅᔭᒄ ᙭ ᒋᓴᔅ ᐅᒋ᙮

2 ᑯᕆᓐᑎᔭᓇ 6:7

ᑕᓐ ᐊ ᐃᓯ ᑯᐃᔅᒄ ᐎᑎᒪᒡ ᑕᑈᐅᓐ ᑭᔭ ᑕᓐ ᑲ ᐃᓯ ᒥᔨᒥᑦ ᒋᓴᒪᓂᑐᐤ ᓱᒐᔨᑕᑯᓱᐅᓂᔪᐤ ᐊᑯᑕ ᒥᓐ ᐛᒋ ᒋᔅᒐᔨᑕᑯᓯᔭᒡ ᑕᑈ ᐊ ᐊᑐᔅᑯᐅᒋᒡ᙮ ᐊ ᐃᓯ ᑯᐃᔅᒄ ᐱᒪᑎᓯᔭᒡ ᐊᑯᑕ ᒥᒄ ᐛᒋ ᓇᑲᐊᒪᓱᔭᒡ ᑕᓐ ᐛ ᐃᓯ ᒥᒋ ᐊᔨᒧᒥᑯᐅᔭᒡ ᑭᔭ ᑕᓐ ᐛ ᐃᓯ ᒪᔭᔨᒥᑯᐅᔭᒡ ᐊᐛᓐ ᒪᒃ ᓂᑐᐎᔾ ᐊ ᐎ ᐃᑐᑐᐎᔨᒥᑦ᙮

ᐃᐱᓯᔭᓇ 1:12

ᒋᔭᓄᐤ ᒪᒃ ᓂᔅᑎᒻ ᑲ ᐊᔅᐸᔨᒧᑐᑐᐛᐧᒄ ᙭, ᒪᒥᒋᒪᑕᐤ ᒋᓴᒪᓂᑐᐤ ᐊ ᒋᔅᑕᔨᑕᑯᓯᑦ᙮

ᐃᐱᓯᔭᓇ 1:13

ᒋᔨᐛᐤ ᒪᒃ ᑭᔭ ᐊᓐᑕ ᐃᐱᓴᔅ ᐊ ᑕᔭᒄ, ᒋᓴᒪᓂᑐᐤ ᔅᒋ ᐅᑦ ᐃᔨᒥᑐᑕᑯᐛᐤ ᐅᔅᑭᒡ ᑲ ᐸᑎᒪᒄ ᐊᓐ ᑲ ᑕᑈᒥᑲᒡ ᐃᔨᒧᐅᓐ, ᐊᐅᒄ ᒥᔽᒋᒧᐅᓐ ᑲ ᐱᒪᒋᐃᑯᔭᒄ᙮ ᙭ ᔅᒋ ᑕᑈᔭᔨᒪᐛᐤ, ᑭᔭ ᑲ ᒋᔅᒋᓄᐛᒋᐃᑕᒄ ᒋᓴᒪᓂᑐᐤ ᐎᔾ ᐊ ᐊᔭᐅᑕᒄ, ᑲ ᐸᔭᒋᓯᔨᒋ ᐊᒐᒂ ᐊᒋ ᒥᔨᑕᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ᙮

2 ᑎᒧᑎ 2:15

ᓱᒃ ᒧᔅ ᐎ ᐃᑐᑕ ᐊᓐ ᒪᐅᒡ ᐊ ᑭᔅᒋᐅᔨᓐ ᐊ ᐃᑐᑎᒥᓐ ᒐᒂᓐ ᐊᓂᔭ ᒐ ᓇᐊᔨᑎᒪᐃᑯᑦ ᒋᓴᒪᓂᑐᐤ, ᒧᔭᒻ ᐊᐛᓐ ᓱᒃ ᑲ ᐊᑐᔅᒐᑦ ᐊᑲ ᑎᑯᓂᔨᒡ ᑕᓐ ᒐ ᐃᓯ ᓴᒂᔨᒧᐃᑯᑦ ᐅᑦ ᐊᑐᔅᒐᐅᓐ᙮ ᐊᐛᓐ ᑯᐃᔅᒄ ᑲ ᐃᓯ ᒋᔅᑯᑎᒪᒐᑦ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐅᑯᓐ ᒋᐸ ᐃᑎᓐ᙮

ᐃᑉᕈᐛ 12:23

ᐊᑯᑕ ᒪᒃ ᐊ ᑕᔨᒋ ᒥᓯᐛ ᒋᓴᒪᓂᑐᐤ ᐅᓂᔅᑎᒧᓴᓇ ᐊᓂᔭ ᒪᓯᓇᓱᔨᒋ ᐊᓐᑕ ᒋᒋᒋᓯᑯᒡ᙮ ᒋ ᐸᒋ ᓇᑕᐛᐤ ᒋᓴᒪᓂᑐᐤ ᐊᓐ ᒥᓯᐛ ᐊᐛᔪᐛ ᑲ ᑎᐸᔅᑯᓇᑦ᙮ ᐊᑯᑕ ᑭᔭ ᐅᑕ ᐊ ᑕᔨᒋ ᐅᑦ ᐊᒐᐧᑯᐛᐛ ᐊᓐᒡ ᐅᑯᐃᔅᑯᑕᑎᓯᐅᒡ ᓇᔅᒡ ᑲ ᑕᐱ ᑯᐃᔅᑯᓇᑯᐊᑭᓄᐎᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:15

ᐃᔅᐱ ᒪᒃ ᓯᔭᑯᒋᐃᑯᒋ ᐊᑲ ᓂᔅᑯᔅᑕᐧᒃ, ᐊᑯ ᑕᑈ ᐊ ᐊᑎ ᐃᑐᑕᐧᒃ ᐊᓂᔭ᙮ ᐃᔅᐱ ᒪᒃ ᐊ ᐃᑎᑦ ᐊᓂᔭ ᑕᓐ ᑲ ᐃᓯ ᒥᒋᓂᑐᐛᔨᑕᐧᒃ, ᓂᐳᐅᓂᒡ ᐃᑐᑕᐃᑯᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:21

ᐛᐱᓂᒧᒄ ᒥᓯᐛ ᐎᓂᓱᐅᓐ ᑭᔭ ᒥᓯᐛ ᒥᒐᑎᓯᐅᓐ᙮ ᐱᔅᑎᓂᓱᒄ ᒋᓴᒪᓂᑐᐤ ᐊ ᑕᑦ, ᑎᑎᒺᐧᒄ ᐅᑦ ᐃᔨᒧᐅᓐ ᒋᑕᐃᐛᒡ ᑲ ᐱᑕᐊᐧᒃ ᐊᓂᔭ ᒐᒋ ᐱᒪᒋᐃᑯᐛᒄ᙮

ᒋᒥᔅ ᐅᒥᓯᓇᐊᒪᒐᐅᓐ 3:14

ᒥᒋ ᐅᑕᔨᑎᒧᐅᓐ ᒪᒃ ᐊ ᐊᔭᐛᒂ ᒋᑕᐃᐛᒡ, ᒪᒃ ᒥᒄ ᒧᔅ ᒋᔨᐛᐤ ᓂᑲᓐ ᐎ ᐃᓯ ᐱᔅᑎᓂᓱᔭᒂ, ᐊᑲᐎᔾ ᒪᒥᒋᒧᒄ ᑭᔭ ᐊᑲᐎᔾ ᒋᑭ ᐅᒋ ᑭᑭᒋᔭᓇᐛᐤ ᐊ ᐎ ᑲᑕᔭᒄ ᑕᑈᐅᓐ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,

1 ᒠᓐ 3:9

ᐊᓐ ᐊᐛᓐ ᒋᓴᒪᓂᑐᐛ ᑲ ᐱᒪᒋᐃᑯᑦ, ᐳᓂᐤ ᐊ ᒥᒋᑐᑕᐧᒃ᙮ ᐛᔅ ᒋᓴᒪᓂᑐᐛ ᐃᑐᑕᑯᐤ ᒐᒋ ᐃᑕᔨᑕᑯᓯᑦ ᒋᓴᒪᓂᑐᐛ ᐊ ᐃᑕᔨᑕᑯᓯᔨᒋ᙮ ᓇᒪ ᒪᒃ ᒋ ᒥᒋᑐᑎᒻ ᒋᓴᒪᓂᑐᐛ ᐊᒋ ᐱᒪᒋᐃᑯᑦ᙮

ᒋᔅᒐᔨᑕᑯᑕᒐᐅᓐ 14:4

ᐊᐅᑯᓐᒡ ᐅᒡ ᐊᑲ ᐅᒋ ᐎᓂᐃᑯᒡ ᐃᔎᐛ, ᐸᔭᒋᓯᐅᓂᒡ ᑲ ᐃᓯ ᑭᓄᐛᔨᒥᓱᒡ᙮ ᒧᔅ ᓇᓴᐛᐅᒡ ᐊᓂᔭᔪᐛ ᒪᔭᑕᓂᓴ ᑕᓐᑕ ᒥᒄ ᐊ ᐃᑐᑕᔨᒋ᙮ ᒋ ᐱᒪᒋᐊᑭᓄᐅᒡ ᐊᔅᒋᒡ ᐅᒡ ᐎᔨᐛᐤ ᒪᒃ ᓂᔅᑎᒻ ᒋ ᐱᔅᑎᓇᑭᓄᐎᒡ ᒋᓴᒪᓂᑐᐛ ᑭᔭ ᒪᔭᑕᓂᓴ ᐊ ᑕᔨᒋ᙮