ᐃᑉᕈᐛ 9:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᓂᑐᐛᔨᑕᑯᓐ ᒥᓯᐛ ᐊᐛᓐ ᐸᐃᒂᐤ ᒐᒋ ᓂᐱᑦ ᑭᔭ ᒐ ᑎᐸᔅᑯᓇᑭᓄᐅᑦ᙮

ᐃᑉᕈᐛ 9:27 ပူးပေါင်းရင်းမြစ်များ

ᒐᓂᓯᔅ 3:19

ᒋᒋᐛ ᒋᑭ ᐅᔅᑯᔨᓐ ᐊᑐᔅᒐᔨᓐ ᒐ ᐅᒋ ᑲᔅᑎᓂᒥᓐ ᒥᒋᒻ ᒐ ᒥᒋᔨᓐ ᐃᔅᐱᔅ ᐅᑎᒋᐱᔨᒐ ᒐ ᐳᓂᐱᒪᑎᓯᔨᓐ ᑭᔭ ᒥᓄᐛᒡ ᒧᔅᑎᔅᑭᒥᓇᑯᓯᔨᓇ᙮ ᒐ ᒋᔅᒋᔨᓐ ᐊᓯᔅᒍᒡ ᑲ ᐅᒋ ᐅᓯᐃᑯᔨᓐ, ᒋᔾ ᐅ ᐊᓯᔅᒍᐤ ᒥᒄ, ᑭᔭ ᐳᓂᐱᒪᑎᓯᓇ, ᐊᓯᔅᒍᐤ ᒥᓐ ᑲᐤ ᒐ ᐃᓯᓇᑯᓯᔨᓐ᙮”

ᑎᐱᑦ ᐅᓂᑭᒧᐅᓇ 89:48

ᒐᒃ ᐃᔪᐤ ᐊ ᐱᒪᑎᓯᑦ, ᐊᑲ ᑭᔭ ᒐ ᐛᐸᑕᐧᒃ ᓂᐳᐅᓂᔪᐤ ? ᒋᑭ ᐱᒪᒋᐊᐤ ᐊ ᐅᑦ ᐊᒐᒂ ᒋᐱᐃᒋᐛᐱᒡ ᐅᒡ ?

ᓗᒃ 20:32

ᐊᑯ ᒐᒃ ᐊᓐ ᐃᔎᐤ ᒂ ᓂᐱᑦ᙮

ᐊᑈᔅᑕᓇᒡ 17:31

ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:5

ᐊᓐ ᒪᒃ ᐊ ᐃᔅᐱᔅ ᓱᒐᔨᒧᐎᓐ ᒥᒄ ᒋ ᐃᑐᑕᓐ ᐊᑐᐎᔅ ᐊᒂᒡ ᒐᒋ ᐃᓯ ᑎᐸᔅᑯᓂᔅᒃ ᒋᓴᒪᓂᑐᐤ ᐊᓂᔭ ᐊ ᒋᓯᑲᔨᒡ ᑕᓐᑕ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓇᑦ ᐊᓂᔭᔪᐛ ᑲ ᒥᒋᑐᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:12

ᐊᐅᒄ ᒪᒃ ᐅ ᑲ ᐃᔅᐱᔨᒡ, ᐸᐃᒄ ᓇᐸᐤ ᐊ ᑕᑦ ᐊᑯᑕ ᑲ ᐅᒋ ᑎᒂᒡ ᒥᒋᑥᐅᓐ ᑭᔭ ᐊᑯᑕ ᑲ ᐅᒋ ᑎᒂᒡ ᓂᐳᐅᓐ ᐊᓂᔭ ᐊᒋ ᒥᒋᑐᑕᐧᒃ᙮ ᑭᔭ ᐊᑯᑕ ᐛᒋ ᐃᓯᓇᒂᒡ ᒥᓯᐛ ᐊᐛᓐ ᐊ ᐅᑎᑕᐅᑯᑦ ᓂᐳᐅᓂᔪᐤ, ᐛᔅ ᒥᓯᐛ ᐊᐛᓐ ᒥᒋᑐᑎᒻ᙮

1 ᑯᕆᓐᑎᔭᓇ 4:5

ᐊᐅᒄ ᒪᒃ ᐅ ᐅᒋ ᐊᑲᐎᔾ ᒋᑭ ᐅᒋ ᑎᐸᔅᑯᓇᓐ ᒐᒂᓐ ᐊᔅᒄ ᐊᑲ ᐅᑎᒋᐱᔨᒡ ᒐᒋ ᑎᐸᔅᑯᓇᑭᓄᐅᒡ᙮ ᐎᔾ ᐅᑎᐸᔨᒋᒐᐤ ᒧᓴ ᒋᑭ ᓄᑯᑕᐤ ᒥᓯᐛ ᒐᒂᔪᐤ ᑲ ᑲᑕᑭᓄᐎᒡ᙮ ᐛᐛᒡ ᐊᓂᔭ ᑕᓐ ᐊᓐ ᑲ ᐃᑕᔨᑎᒥᔨᒋ ᐊᐛᔪᐛ᙮ ᐊᑯ ᒪᒃ ᒥᓯᐛ ᐊᐛᓐ ᒐ ᐎᑎᒪᑯᑦ ᒋᓴᒪᓂᑐᐛ ᐊ ᓇᐊᔨᑎᒥᔨᒋ ᐊᓂᔭ ᑕᓐ ᑲ ᐃᓯ ᒥᔪᑐᑕᐧᒃ᙮

2 ᑯᕆᓐᑎᔭᓇ 5:10

ᐛᔅ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᒋᑭ ᐅᑎᔅᑯᑲᐳᔅᑐᐛᓄᐤ ᙭ ᐊᓐᑕ ᐊ ᐱᑦ ᒐᒋ ᑎᐸᔅᑯᓂᑕᐧᒄ ᐊᑯ ᒪᒃ ᒥᓯᐛ ᐸᐸᐃᒄ ᒐ ᒥᔨᑕᐧᒄ ᑕᓐ ᐊᓐ ᐊ ᐃᑕᔨᑕᒂᒡ ᒐᒋ ᒥᔨᑯᐛᐅᐧᑯᐱᓇ ᒥᒄ ᑕᓐ ᑲ ᐃᑐᐛᐛᒂ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᔭᐧᒄ, ᑲ ᒥᔪ ᐃᑐᐛᐛᒂ ᑭᔭ ᒪᒃ ᐊᑲ ᐅᒋ ᒥᔪ ᐃᑐᐛᐛᒂ᙮

2 ᑎᒧᑎ 4:1

ᒋᔾ ᑎᒧᑎ, ᒋᑦ ᐃᑎᓱᒥᑎᓐ ᐅᑎᔅᑯᐤ ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐊ ᑕᑦ, ᐊᓐ ᒐ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᑲ ᓂᐱᔨᒋ, ᑭᔭ ᒥᓐ ᒐ ᑎᑯᓯᐧᒃ ᒐ ᒋᓴᐅᒋᒪᐅᑦ,

ᐃᑉᕈᐛ 10:27

ᑎᑯᓂᔪᐤ ᒐ ᐃᓯ ᑯᔅᑕᑦ ᒋᓴᒪᓂᑐᐛ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᒋᓴᒪᓂᑐᐛ ᒋᑭ ᑎᐸᔅᑯᓂᑯᐤ ᑭᔭ ᐃᔅᑯᑕᒡ ᒋᑭ ᐃᓯ ᓂᓱᐅᓇᒋᐊᑭᓄᐤ᙮

ᐃᑉᕈᐛ 6:2

ᑭᔭ ᒐᒋ ᒋᔅᑯᑎᒪᑯᐅᔭᐧᒄ ᓯᑲᐃᑕᒐᐅᓇ, ᑭᔭ ᐊ ᑕᒋᓇᑭᓄᐎᒡ ᐊᐛᓐᒋ, ᑭᔭ ᓂᐳᐅᓂᒡ ᐊ ᐅᒋ ᐅᓂᔅᑲᓇᑭᓄᐅᑦ ᐊᐛᓐ ᑭᔭ ᒪᔅᑕᔾ ᑎᐸᔅᑯᓂᒐᐅᓐ᙮

1 ᒠᓐ 4:17

ᐅᒪ ᐊᑯ ᐊ ᐃᓯ ᒐᔅᑎᓇᑕᔨᑕᒂᒡ ᒋᓴᒋᐃᐛᐅᓄᐤ, ᒐᒋ ᐊᔭᔭᐧᒄ ᒐᔅᑎᓇᐅᓐ ᑎᐸᔅᑯᓂᒐᐅ ᒋᓯᑲᒐ; ᐛᔅ ᐊ ᐃᓯ ᐊᔭᑦ, ᐊᑯ ᑭᔭ ᐊ ᐃᓯ ᐊᔭᔭᐧᒄ ᐅᑕ ᐊᔅᒋᒡ᙮

ᒍᑦ 1:15

ᒥᓯᐛ ᐊᐛᔪᐛ ᒐᒋ ᑎᐸᔅᑯᓇᑦ᙮ ᒋᑭ ᑎᑯᓯᓐ ᒐᒋ ᓂᓱᐅᓇᒋᒪᑦ ᒥᓯᐛ ᐅᒥᒋᑥᐛ ᐊᑲ ᒋᓴᒪᓂᑐᐛᑎᓯᔨᒋ ᐊᓂᔭᔪᐛ ᐅᒋ ᐊᒋ ᐃᑐᑎᒥᔨᒋ ᒥᓯᐛ ᑕᓐ ᐊ ᐃᓯ ᒪᔭᑎᓂᔨᒡ᙮ ᒋᑭ ᑎᐸᔅᑯᓇᐤ ᑭᔭ ᐅᔭ ᓇᐸᐛ ᒥᓯᐛ ᑕᓐ ᑲ ᐃᓯ ᒥᒋ ᐊᔨᒧᒪᔨᒋ ᒋᓴᒪᓂᑐᐛ᙮”

ᒋᔅᒐᔨᑕᑯᑕᒐᐅᓐ 20:11

ᐊᑯ ᒂ ᐛᐸᑎᒪᓐ ᐊ ᒥᓴᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ᐛᐸᐤ ᐊᓐ ᑕᑎᐳᐛᑭᓐ᙮ ᓂᒋ ᐛᐱᒪᐤ ᒪᒃ ᐊᓐ ᐊᐛᓐ ᑲ ᐊᐱᑦ ᐊᓐᑕ᙮ ᒥᓯᐛ ᒋᓯᑯᔪᐤ ᑭᔭ ᐊᔅᒋᔪᐤ ᒋ ᐊᑎ ᐸᓯᑯᓇᑯᓂᔪᐛ ᐅᑎᔅᑯᐤ ᐊ ᑕᑦ᙮ ᓇᒪ ᒪᒃ ᒥᓐ ᐅᒋ ᑎᑯᓂᔪᐛ᙮