ᐃᑉᕈᐛ 9:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᐛᔅ ᒧᔭᒻ ᒪᒃ ᐸᐃᒂᐤ ᐊᒋ ᐱᔅᑕᔨᒥᑎᓱᑦ ᓇᒪ ᐅᒋ ᓂᑐᐛᔨᑕᑯᓂᔪᐤ ᒧᓯᓇᐤ ᒐᒋ ᐱᔅᑎᓂᓱᑦ ᒐᒋ ᓂᓇᐧᑲᒋᐊᑭᓄᐅᑦ᙮ ᒋ ᓂᑐᐛᔨᑕᑯᓂᑯᐱᓇ ᒪᒃ ᐅᔭ ᒐᒋ ᐃᑎᑦ ᒧᓯᓇᐤ ᐊᐅᑯᓐ ᒋᐸ ᐸᒋ ᐃᑐᐤ ᑲ ᐃᔅᐱᔅ ᑎᒂᒡ ᐅ ᐊᔅᒋᔾ᙮ ᐃᔅᐱ ᒪᒃ ᐛᑎᒋᐱᔨᒋ ᐅᔭ ᐊ ᐸᒋ ᒋᓯᑲᒋ ᐸᐃᒂᐤ ᒥᒄ ᒋ ᐱᔅᑎᓂᒻ ᐅᐱᒪᑎᓯᐅᓐ ᒐᒋ ᐅᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 9:26 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 103:12

ᐊᔅᐱᔅ ᔭᐅᓇᒂᒡ ᐛᐱᓄᑕᒡ ᐊᑎᒪᐱᓯᒧᒡ ᐅᒡ, ᐊᑯ ᐊᔅᐱᔅ ᑲᒋ ᐃᒐᓂᒪᑕᐧᒄ ᒋᐅᓂᑐᑎᒧᐅᓄᐛ᙮

ᒪᑎᔪᐤ 13:39

ᐊᓐ ᒪᒃ ᐊᐛᓐ ᑲ ᐛᐧᑲᑕᑦ ᐊᓂᔭ ᑲ ᓂᑕᐅᒋᑕᔨᒋ ᐊᓐ ᑲ ᐛᐛᐱᓇᐧᒃ ᒥᒋ ᓱᒥᓇ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊᐅᒄ ᐊᓐ ᒥᒋᒥᓂᑐᐤ᙮ ᐊᓐ ᒪᒃ ᒐ ᐅᑎᒋᐱᔨᒡ ᒐᒋ ᒪᒧᓴᒋᓂᑭᓄᐅᒋ ᐊᓂᔭ ᓂᑕᐅᒋᑕᑭᓇ ᐊᐅᒄ ᐊᓐ ᒐ ᐃᔎᐱᔨᒡ ᐊᔅᒋᔾ᙮ ᐊᓐᒡ ᒪᒃ ᑲ ᒪᒧᓴᒋᓇᒡ ᐊᓂᔭ ᓂᑕᐅᒋᑕᑭᓇ ᑲ ᐃᔅᒋᔄᔭᓐ, ᐊᐅᑯᓐᒡ ᐊᓐᒡ ᐊᓐᒋᓐᒡ᙮”

ᒪᑎᔪᐤ 13:40

“ᒧᔭᒻ ᒪᒃ ᐊᓐ ᒐ ᐃᓯᓇᒂᒡ ᒐ ᒪᒧᓴᒋᓂᑭᓄᐅᒋ ᐊᓂᔭ ᒥᒋ ᓂᑕᐅᒋᑕᑭᓇ, ᒐ ᐃᔎᓯᑭᓄᐅᒋ ᒪᒃ, ᐊᐅᑯᓐ ᒧᔭᒻ ᒐ ᐃᔅᐱᔨᒡ ᐃᔎᐱᔨᒐ ᐊᔅᒋᔾ᙮

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᒠᓐ 17:24

“ᓄᑕ, ᒋᔾ ᔅᒋ ᐸᒋ ᒥᔨᓐ ᐅᒡ, ᒋ ᓂᑐᑎᒪᑎᓐ ᒪᒃ ᑭᔭ ᐎᔨᐛᐤ ᐊᔅᒄ ᒐᒋ ᑕᒡ ᐊᓐᑕ ᒐ ᑕᐅᒡ᙮ ᐊᑯ ᒪᒃ ᒐ ᐛᐸᑕᒡ ᓂᒋᔅᑕᔨᑕᑯᓱᐅᓂᔪᐤ, ᐊᓂᔭ ᒋᔅᑕᔨᑕᑯᓱᐅᓂᔪᐤ ᑲ ᐸᒋ ᒥᔨᓐ ᐛᔅ ᔅᒋ ᓴᒋᐃᓐ ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”

1 ᑯᕆᓐᑎᔭᓇ 10:11

ᐊᐅᒄ ᐅᔭ ᒥᓯᐛ ᑲ ᐃᔅᐱᔨᒡ ᐊᓐᒡ ᐃᔪᒡ ᒐᒋ ᐅᒋ ᐃᔭᒂᒥᒥᑯᐅᔭᐧᒄ ᒐ ᐊᑲ ᒋ ᒥᒋᑐᑐᐛᐧᒄ ᒋᓴᒪᓂᑐᐤ᙮ ᒋ ᒥᓯᓇᐃᑭᓄᐛ ᒪᒃ ᐅᔭ ᐊᓐᑕ ᒐᒋ ᐅᒋ ᒋᔅᒐᔨᑎᒥᐃᑯᐅᔭᐧᒄ ᒐ ᐊᑲ ᒋ ᐃᓯ ᐱᒪᑎᓯᔭᐧᒄ ᑕᓐ ᑲ ᐃᓯ ᐱᒪᑎᓯᒡ᙮ ᐛᔅ ᓴᔅ ᒪᔅᑕᔾ ᑲ ᒋᓯᑲᒋ ᒋ ᐱᒪᑎᓯᓇᓄᐤ᙮

ᑲᓚᓯᔭᓇ 4:1

ᒥᓐ ᒋᑭ ᐎᑎᒪᑎᓇᐛᐤ ᑕᓐ ᐊᓐ ᐛ ᐃᔅᒋᔄᔭᓐ᙮ ᒪᒥᑐᓇᔨᒪᐧᒄ ᒪ ᓇᐸᔅ ᒐ ᐊᓂᔅᒐ ᐊᓱ ᒥᔭᑭᓄᐅᑦ ᐅᑕᐎᔭ ᐅᑦ ᐊᐱᒋᑕᐅᓂᔪᐛ, ᐊᔅᒄ ᐊ ᐊᐛᓯᐅᑦ ᐊᐱᒋᐊᑭᓐ ᐃᓯ ᑭᓄᐛᐱᒪᑭᓄᐤ᙮ ᓇᒪ ᐊᔅᒄ ᐎᔾ ᒋᑭ ᒋ ᐛᑕᔨᑎᒻ ᑕᓐ ᒐ ᐃᑎᑦ, ᐊᑎ ᓴᔅ ᒥᓯᐛ ᒐᒂᔪᐤ ᐊ ᑎᐱᔨᐛᐅᓯᑦ ᐊ ᐃᓯᓇᑯᓯᑦ᙮

ᐃᐱᓯᔭᓇ 1:10

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᑎᐸᐱᔨᒡ ᐊᓂᔭ ᑲ ᐎ ᐃᑐᑕᐧᒃ ᒋᓴᒪᓂᑐᐤ ᒋᑭ ᒪᒧᐅᓂᒻ ᒥᓯᐛ ᒐᒂᔪᐤ ᙭ᑕ ᒐ ᓂᑲᓂᔅᑭᒥᔨᒋ, ᒥᓯᐛ ᑕᓐ ᐊ ᐃᓯ ᑎᑯᓂᔨᒡ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 1:2

ᐊᓄᒡ ᒪᒃ, ᐅᔭ ᒪᔅᑕᔾ ᐊ ᒋᓯᑲᔨᒋ ᐅᑯᓴ ᐅᒋ ᐊᑯᑕ ᐛᒋ ᐃᔨᒥᐃᑕᐧᒄ᙮ ᐊᐅᒄ ᐅᔭ ᐅᑯᓴ ᒋᓴᒪᓂᑐᐤ ᑲ ᐊᐱᒋᐊᑦ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᐊᐅᒄ ᐅᔭ ᑲ ᐅᑎᓇᑦ ᒥᓯᐛ ᒐᒂᔪᐤ ᒐ ᐃᓯ ᒥᔭᑦ᙮

ᐃᑉᕈᐛ 10:10

ᐊᓂᔭ ᒪᒃ ᒋᓴᔅ ᓇᔅᒡ ᐊᒋ ᓂᓇᐃᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐸᐃᒂᐤ ᒋ ᐱᔅᑎᓂᒻ ᐅᐱᒪᑎᓯᐅᓐ, ᑲᒋᒡ ᒪᒃ ᐃᓯᓇᑯᓂᔪᐤ ᐅᔭ ᑲ ᐃᑎᑦ᙮ ᐅᔭ ᐊᒋ ᐃᑎᑦ ᐊᑯᑕ ᑲ ᐅᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ ᒐᒋ ᐃᓯᓇᑯᓱᐛᐧᒄ ᒧᔭᒻ ᐊᑲ ᓂᑕ ᐅᒋ ᒥᒋᑐᑎᒪᐧᒄ᙮

ᐃᑉᕈᐛ 10:12

ᒥᒄ ᒪᒃ ᐃᔅᐱᔅ ᒋᓴᔅ ᑲ ᐱᔅᑎᓇᐧᒃ ᐅᐱᒪᑎᓯᐅᓐ, ᐊᐅᒄ ᒥᒄ ᐅ ᐱᔅᑎᓂᒐᐅᓐ ᑲ ᓂᑐᐛᔨᑕᒂᒡ ᐊᓐᑕ ᒐᒋ ᐅᒋ ᑲᒋᒡ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ᙮ ᓇᒪ ᒥᓐ ᑯᑎᒡ ᐱᔅᑎᓂᒐᐅᓐ ᐅᒋ ᓂᑐᐛᔨᑕᑯᓐ᙮ ᐊᓐᑕ ᒪᒃ ᒋᓴᒪᓂᑐᐤ ᐅᒥᔪᐅᓂᒡ ᐊᑯᑕ ᑲ ᐃᓯ ᐅᑎᓇᑭᓄᐅᑦ ᑲᒋᒡ ᒐᒋ ᐊᐱᑦ᙮

ᐃᑉᕈᐛ 10:26

ᐊᑯ ᒪᒃ ᐊᓄᒡ ᐊ ᒋᔅᒐᔨᑎᒪᐧᒄ ᑕᑈᐅᓐ, ᐃᔭᐱᒡ ᒪᒃ ᒥᒋᑐᑎᒪᒂ ᐊ ᒋᔅᒐᔨᑎᒪᐧᒄ ᒪᒃ ᐊᑲ ᑯᐃᔅᒄ ᐃᑎᔭᐧᒄ, ᓇᒪ ᒋᑦ ᐊᐱᑕᔨᑎᒥᐃᑯᐛᓇᓄᐤ ᑕᓐ ᑲ ᐃᓯ ᐱᔅᑎᓂᓱᑦ ᒋᓴᔅ ᒋᔭᓄᐤ ᐅᒡ᙮ ᓇᒪ ᒋᑭ ᐅᒋ ᑎᑯᓐ ᒥᓐ ᑯᑎᒡ ᐱᔅᑎᓂᓱᐅᓐ ᐊᓐᑕ ᒐᒋ ᐅᒋ ᐛᐸᔨᑎᒪᑯᔭᐧᒄ ᒋᒥᒋᑥᐅᓄᐛ᙮

ᐃᑉᕈᐛ 10:4

ᑕᐸ ᐛᔅ ᐊᓐ ᓂᑕ ᒋᑭ ᒋ ᐛᐸᔨᑎᒧᐛᑭᓄᐤ ᐊᐛᓐ ᐅᒥᒋᑥᐅᓇ ᒥᒄ ᐊᓂᔭ ᐊᐛᓯᓴ ᐅᒥᐧᑯᔪᐤ ᐊ ᐊᐱᑎᓂᔨᒡ᙮

ᐃᑉᕈᐛ 4:3

ᒋᔭᓄᐤ ᒪᒃ ᔅᒋ ᑕᑈᑕᓇᓄᐤ ᐊᐅᒄ ᒪᒃ ᐅ ᐛᒋ ᐱᒐᔭᐧᒄ ᐊᓐᑕ ᒐ ᐊᔽᐱᔭᐧᒄ᙮ ᒧᔭᒻ ᑲ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᒪᒂᒡ ᑲ ᒋᔄᓯᔭᓐ, ᓂᒋ ᒐᔅᑎᓇᒡ ᐃᔅᒋᔄᓐ ᒐ ᐊᑲ ᓂᑕ ᐅᒋ ᐱᒐᒡ ᐊᓐᑕ ᑲ ᐊᔭᔅᑯᔅᑎᒧᐅᒂᐤ ᒐ ᐊᔽᐱᒡ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᐊᑎ ᓴᔅ ᐊᒋ ᒋᔅᑕᑦ ᐅᑦ ᐊᑐᔅᒐᐅᓐ ᐃᔅᐱ ᑲ ᐅᓯᑕᑦ ᐅᔭ ᐊᔅᒋᔪᐤ᙮

ᐃᑉᕈᐛ 7:27

ᒋᓴᔅ ᓇᒪ ᐅᒋ ᐃᑐᐤ ᑕᓐ ᑲᒋ ᐃᑎᔨᒋ ᑯᑎᑲ ᒋᓴᐊᔭᒥᐊᐅᒋᒪᐛ᙮ ᒋ ᓂᑐᐛᔨᑕᑯᓱᐅᒡ ᐊᓐᒡ ᐊᔭᒥᐊᐅᒋᒪᐅᒡ ᐊᓯᑯᒻ ᒋᓯᑲᐛ ᒐᒋ ᒥᑐᔅᑕᐊᒪᒡ ᐊᐛᓯᓴ ᐊᓐᑕ ᒐᒋ ᐅᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᑭᔭ ᐅᑦ ᐃᔨᒧᐛᐛ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᒋᓴᔅ ᒪᒃ ᐎᔾ ᒥᒄ ᐸᐃᒂᐤ ᒋ ᐱᔅᑎᓂᒻ ᑎᐱᔨᐛ ᐅᐱᒪᑎᓯᐅᓐ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮ ᓇᒪ ᒪᒃ ᐅᒋ ᓂᑐᐛᔨᑕᑯᓂᔪᐤ ᒥᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ᙮

ᐃᑉᕈᐛ 9:12

ᒋᓴᔅ ᙭ ᒥᒄ ᐸᐃᒂᐤ ᒋ ᐱᒐᐤ ᐊᓂᔭ ᒪᐅᒡ ᑲ ᐸᔭᒋᓯᒥᑭᓂᔨᒡ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᑎᐱᔨᐛ ᐅᒥᐧᒄ ᐊᒋ ᐱᔅᑎᓇᐧᒃ ᐊᑯᑕ ᑲ ᐅᒋ ᒥᔪᐱᔨᒡ ᒐᒋ ᐱᒐᑦ ᐊᓐᑕ, ᓇᒪ ᐎ ᐊᐛᓯᓴ ᐅᒥᐧᑯᔪᐤ ᐅᒋ ᐊᐱᒋᑕᐛᐤ᙮ ᐊᒋ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ, ᐎᔾ ᐅᒥᐧᒄ ᐊᒋ ᓯᒋᓂᑭᓄᐎᒡ, ᐊᑯᑕ ᓇᔅᒡ ᑲ ᐅᒋ ᑎᐸᐊᐧᒃ ᒥᓯᐛ ᒋᒥᒋᑥᐅᓄᐛ ᑲᒋᒡ ᒐᒋ ᐛᐸᔨᑎᒪᑯᐅᔭᐧᒄ᙮

ᐃᑉᕈᐛ 9:14

ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ᐸᔭᒋᓯᔨᒋ ᐊᒐᒂ ᑲᒋᒡ ᐊ ᑕᔨᒋ ᒋ ᐎᒋᐃᑯᐤ ᐃᔅᐱ ᑲ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐅᒥᐧᒄ ᐊᐅᒄ ᒐ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ᐃᑐᑎᒪᐧᒄ ᒋᑭ ᐅᒋ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮

1 ᐱᑕᕐ 1:20

ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᒋᓴᒪᓂᑐᐛ ᒋ ᐅᑎᓂᑯᐤ ᙭ ᐅᔭ ᒐ ᐃᑐᑕᐧᒃ᙮ ᐊᐅᑯᐤ ᒪᒃ ᐅᔭ ᐊ ᐊᑎ ᒪᔅᑕᔾ ᒋᓯᑲᔨᒋ ᒋᔨᐛᐤ ᐅᒋ ᐛᒋ ᓄᑯᐊᑭᓄᐅᑦ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

1 ᒠᓐ 3:5

ᒋ ᒋᔅᒐᔨᑕᓇᐛᐤ ᙭ ᐊᒋ ᐸᒋ ᑎᑯᓯᐧᒃ ᒐᒋ ᐃᒐᓂᒧᐛᑦ ᐊᐛᔪᐛ ᐅᒥᒋᑥᐅᓂᔪᐛ ᑭᔭ ᐊᑲ ᓂᑕ ᐎᔾ ᐅᒋ ᒥᒋᑐᑕᐧᒃ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”