ᐃᑉᕈᐛ 9:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

ᐃᑉᕈᐛ 9:15 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 37:18

ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᒋᓯᑲᒥᔪᐛ ᐅᑯᐃᔅᑯᑎᐛ; ᐅᑎᐱᔨᐛᐅᓯᐅᓄᐛᐤ ᒪᒃ ᑲᒋᒡ ᒋᑭ ᑎᑯᓂᔪᐤ᙮

ᒪᑎᔪᐤ 19:29

ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᒥᔭᑭᓄᐤ᙮

ᒪᑎᔪᐤ 22:3

ᒋ ᐃᑎᓴᐛᐤ ᒪᒃ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᐊᐛᔪᐛ ᑲ ᐎᓴᒪᑭᓄᔨᒋ᙮ ᐊᑯ ᓇᒪ ᐅᒋ ᐎ ᑎᑯᓯᓂᔪᐛ ᐊᓂᔭ ᑲ ᐎᓴᒪᑭᓄᔨᒋ᙮”

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒪᑎᔪᐤ 25:36

ᐊᑲ ᐅᒋ ᐅᑦ ᐊᐱᒋᑕᐅᓂᔭᓐ, ᔅᒋ ᐛᑕᔅᐱᓯᓇᐛᐤ, ᑲ ᐊᐧᑯᓯᔭᓐ, ᔅᒋ ᑭᓄᐛᔨᒥᓇᐛᐤ, ᑭᔭ ᑲᒪᑯᓄᐛᓯᐅᒋᐛᐱᒡ ᑲ ᑕᔭᓐ ᔅᒋ ᒧᐱᔅᑐᐅᓇᐛᐤ᙮’

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:17

ᒪᒂᒡ ᒪᒃ ᐊ ᐱᒧᑕᑦ ᒋᓴᔅ ᒪᔅᑭᓇᒡ, ᓇᐸᐛ ᒋ ᐅᒋ ᐸᐸᑕᔪᐛ ᒂ ᐊᑎ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐊ ᑕᑦ ᐊᑯ ᐊᑎᑯᑦ, “ᒋᔅᑯᑎᒪᒐᓱᐤ, ᑲ ᒥᔽᔨᑕᑯᓯᔨᓐ, ᑕᓐ ᒐ ᐃᑎᔭᓐ ᒐᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᓗᒃ 18:18

ᐊᑯ ᐸᐃᒂᐤ ᒍᐤ ᐃᔪᒡ ᐅᒋᒪᒧᐛᐛ ᒋ ᐃᓯ ᑯᒂᒋᒪᐤ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᑲ ᒥᔪᑥᔨᓐ ᑕᓐ ᒐ ᐃᑎᔭᓐ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᓗᒃ 22:20

ᐊᐅᑯᓐ ᐃᔭᐱᒡ ᑲ ᐃᑐᑕᐧᒃ ᐊ ᐅᑎᓇᐧᒃ ᐊᓂᔭ ᒥᓂᒂᑭᓂᔪᐤ, ᐃᔅᐱ ᑲᒋ ᐃᓯ ᒥᒋᓱᒡ᙮ ᒋ ᐃᑕᐤ, “ᐅ ᓱᒥᓇᐳᔾ ᐊᐅᒄ ᓂᒥᐧᒄ, ᒋᔨᐛᐤ ᐅᒋ ᒐ ᐃᓯ ᓯᒋᓂᑲᑕᒡ ᒐᒋ ᐅᒋ ᒥᔨᑯᔭᒄ ᐊ ᐅᔅᑲᒡ ᓂᔅᑯᒧᐅᓐ᙮”

ᒠᓐ 10:28

ᓂ ᒥᔭᐅᒡ ᑲᒋᒡ ᐱᒪᑎᓯᐅᓂᔪᐤ, ᓇᒪ ᒪᒃ ᓂᑕ ᒋᑭ ᐅᒋ ᓂᓱᐅᓇᑎᓯᐅᒡ᙮ ᑭᔭ ᓇᒪ ᐊᐛᓐ ᓂᑭ ᒋ ᒥᔅᑭᒧᒄ ᐊ ᑕᐧᑯᓂᒥᒋ᙮

ᐊᑈᔅᑕᓇᒡ 20:32

“ᑭᔭ ᐊᓄᒡ ᒋ ᐊᑎ ᐃᓯ ᐱᔅᑎᓱᐛᑎᑎᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ ᒐ ᒥᔪ ᑭᓄᐛᔨᒥᑕᒄ ᑭᔭ ᐅᑦ ᐃᔨᒧᐅᓐ ᒐ ᓱᐛᔨᒥᑯᐛᒄ᙮ ᐅᓱᐛᔨᒋᒐᐅᓂᒡ ᑭᔭ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᑯᑕ ᒐ ᐅᒋ ᐊᔭᔭᒄ ᐊᓂᔭ ᑕᓐ ᑲ ᐎ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᐎᔭᔨᒪᑦ ᒐ ᐅᑦ ᐃᔨᒥᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:10

ᐊᔅᒄ ᒪᒃ ᒪᒂᒡ ᐊᑲ ᓇᔅᒡ ᐅᒋ ᐊᐱᑕᔨᒪᐧᒄ ᒋᓴᒪᓂᑐᐤ ᐃᔭᐱᒡ ᒋ ᐅᑎᓂᒻ ᑕᓐᑕ ᒐᒋ ᐅᒋ ᐃᓯᓇᑯᓂᔨᒡ ᒐᒋ ᐊᑎ ᒥᔪ ᐎᒐᐛᐧᒄ᙮ ᑲ ᓂᐱᔅᑎᒪᑎᔨᑕᐧᑯ ᙭ᑕ ᐊᑯᑕ ᑲ ᐅᒋ ᓇᐃᐱᔨᑕᑦ ᐅᔭ ᒐᒋ ᐃᓯᓇᑯᓂᔨᒡ᙮ ᐊᑯ ᒪᒃ ᐊᓄᒡ ᐊ ᒥᔪᐎᒐᐛᐧᒄ ᒋᓴᒪᓂᑐᐤ ᒐᔅᑎᓇᑕᔨᑕᑯᓐ ᒐ ᐱᒪᒋᐃᑕᐧᒄ ᒋᓴᔅ ᐅᐱᒪᑎᓯᐅᓂᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:6

ᐛᔅ ᐊᓐᑕ ᒪᒂᒡ ᑲ ᐃᓯᓇᑯᓯᔭᐧᒄ ᐊᑲ ᓇᔅᒡ ᒐᒋ ᐱᒪᒋᐃᓱᔭᐧᒄ, ᙭ ᒋ ᓂᐱᔅᑎᒧᐛᐤ ᒋᐱᔭᑎᑯᒡ ᐅᒥᒋᑥᐛ᙮ ᐊᓐᑕ ᒪᒃ ᒋᓴᒪᓂᑐᐛ ᑲ ᐎᔭᔨᑎᒥᔨᒋ ᐅᔭ ᒐᒋ ᐃᑐᑎᒪᑕᐧᒄ ᐊᑯᑕ ᑲ ᓂᐱᔅᑎᒪᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:8

ᒋᓴᒪᓂᑐᐤ ᒪᒃ ᐎᔾ ᓇᔅᒡ ᔅᒋ ᐛᐸᑎᔨᑯᓄᐤ ᑕᓐ ᐊᔅᐱᔅ ᓴᒋᐃᑕᐧᒄ, ᒋ ᐱᔅᑎᓇᐤ ᙭ᑕ ᒐᒋ ᓂᐱᔅᑎᒪᑎᔨᑕᐧᑯ ᐊᔅᒄ ᒪᒂᒡ ᒥᒋᑥᐅᓂᒡ ᐊᒋ ᐃᑕᐛᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:23

ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:30

ᐊᓂᔭᔪᐛ ᒪᒃ ᓂᑲᓐ ᑲ ᐎᔭᔨᒪᑦ ᐊᐛᔪᐛ ᒋ ᑕᑈᑕᐤ᙮ ᐅᔭ ᒪᒃ ᑲ ᑕᑈᑕᑦ ᒋ ᑯᐃᔅᑯᓇᑯᐊᐤ ᐎᔾ ᐃᔅ ᐊ ᑕᑦ᙮ ᐅᔭ ᒪ ᑲ ᑯᐃᔅᑯᓇᑯᐊᑦ ᒋ ᒋᔅᑕᔨᑕᑯᐊᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:24

ᒋᔭᓄᐤ ᔅᒋ ᑕᑈᑎᑯᓄᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᓇᒪ ᒪᒃ ᒥᒄ ᓂᔭᓐ ᒍᐤ ᑲ ᐃᑎᔅᑲᓇᓯᔭᒡ ᓂ ᐅᒋ ᑕᑈᑎᑯᓇᓐ ᑭᔭ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᔅᒋ ᑕᑈᑎᑯᐛᐤ᙮

2 ᑯᕆᓐᑎᔭᓇ 3:6

ᐎᔾ ᓂ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ᒥᓯᓇᐃᑭᓄᐅᒡ ᒐ ᓂᓇᐃᑕᑭᓄᐅᒡ, ᑲ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ᐅᑎᑕᐅᑯᐤ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮

ᑲᓚᓯᔭᓇ 3:20

ᐊ ᐸᐃᑯᓯᑦ ᒪᒃ ᐊᐛᓐ ᒐᒂᔪᐤ ᐊ ᐃᓯ ᓂᔅᑯᒧᑦ ᓇᒪ ᓂᑐᐛᔨᒪᐤ ᐃᔨᒥᔅᑎᒪᒐᓱᐛ᙮ ᒋᓴᒪᓂᑐᐤ ᒪᒃ ᒥᒄ ᐸᐃᑯᓱᐤ ᐎᔾ᙮

ᐃᐱᓯᔭᓇ 1:7

ᐛᔅ ᙭ ᑲ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

2 ᑕᓴᓗᓂᔭᓇ 2:14

ᒋᓴᒪᓂᑐᐤ ᔅᒋ ᐅᑎᓂᑯᐛᐤ ᒐᒋ ᑕᑈᑎᒪᒄ ᑕᑈᐅᓐ ᐃᔅᐱ ᑲ ᐎᑎᒪᑕᒡ ᒥᔽᒋᒧᐅᓐ᙮ ᔅᒋ ᐅᑎᓂᑯᐛᐤ ᒐᒋ ᐊᔭᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮

1 ᑎᒧᑎ 2:5

ᐛᔅ ᐸᐃᑯᓱᐤ ᒋᓴᒪᓂᑐᐤ ᑭᔭ ᐸᐃᑯᓱᐤ ᐊᓐ ᐊᐛᓐ ᐊ ᓇᑕᒪᒐᑦ ᒐᒋ ᓂᒋᔅᑲᑐᒡ ᒋᓴᒪᓂᑐᐤ ᑭᔭ ᐃᔪᐤ ᐊᐅᒄ ᓇᐸᐤ ᒋᓴᔅ ᙭᙮

2 ᑎᒧᑎ 2:10

ᐊᑯ ᒪᒃ ᐊ ᓱᒋᐱᔨᒡ ᒥᓯᐛ ᒐᒂᓐ ᒐᒋ ᓴᐧᑯᒋᑕᔭᓐ ᑕᓐ ᒐ ᐃᓯ ᓂᓇᐧᑲᒋᐃᑯᐛᓇ, ᐊ ᐱᑯᓴᔨᒧᔭᓐ ᐊᓂᔭᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐ ᐅᑦ ᐃᔨᒥᑦ ᒐ ᐊᔭᔨᒋ ᐱᒪᒋᐃᑯᓯᐅᓂᔪᐤ ᑭᔭ ᑲᒋᒡ ᒋᔅᑕᔨᑕᑯᓱᐅᓂᔪᐤ ᙭ ᒋᓴᓴ ᐊ ᑕᔨᒋ ᑲ ᐅᒋᐱᔨᒡ᙮

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮

ᑕᐃᑕᔅ 3:7

ᐊᑯ ᒪᒃ ᐊᓂᔭ ᐊᒋ ᒋᓴᐛᑐᑕᑕᐧᒄ ᒋᓴᒪᓂᑐᐤ ᔅᒋ ᐃᑐᑕᑭᓄᐤ ᒐᒋ ᑯᐃᔅᑯᓇᑯᓯᔭᐧᒄ ᑭᔭ ᒋᔭᔅᑎᓇᑕᔨᑎᒪᐧᒄ ᒐ ᐊᔭᔭᐧᒄ ᑲᒋᒡ ᐱᒪᑎᓯᐅᓐ᙮

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮

ᐃᑉᕈᐛ 10:36

ᒋ ᓂᑐᐛᔨᑕᑯᓯᓇᐛᐤ ᒐᒋ ᓯᐱᔪᐛᓯᔭᒄ ᑭᔭ ᒐᒋ ᐃᑐᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᑭᔭ ᒐᒋ ᒥᔅᑭᒺᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᑕᒄ᙮

ᐃᑉᕈᐛ 11:13

ᐅᒡ ᒪᒃ ᒥᓯᐛ ᐊᐛᓐᒋ ᑲ ᐊᔨᒧᒥᒂᐤ, ᒥᓯᐛ ᒋ ᑕᑈᔭᔨᒪᐅᒡ ᒋᓴᒪᓂᑐᐛ ᐱᐃᒻ ᑲ ᐊᑎ ᐳᓂᐱᒪᑎᓯᒡ᙮ ᐊᐅᑯᓐ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᑕᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᑕᑈ ᒐ ᐅᑎᒋᐱᔨᒡ᙮ ᐊᑎ ᐊᑲ ᐎᔨᐛᐤ ᓇᓂᑎᒻ ᐅᒋ ᐛᐸᑕᒡ ᒐᒋ ᐅᑎᒋᐱᔨᒡ ᐃᔭᐱᒡ ᒋ ᒐᔅᑎᓇᑕᔨᑎᒥᐃᑯᐅᒡ ᒐ ᐅᑎᒋᐱᔨᒡ ᐊᓐᑕ ᓂᔅᑕᒥᒡ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᓴᒐᔾ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᒪᓂᑐᐛ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᐅᑕ ᐊᔅᒋᒡ ᒋᒋᐛ ᐅᒋ ᐅᒋᒡ ᑭᔭ ᐎᔨᐛᐤ ᓇᓂᑎᒻ ᒋ ᐃᔅᒋᔄᐅᒡ ᒥᒄ ᒪᓐᑕᐤ ᐊᒋ ᐃᓯ ᑭᓄᐛᐱᒥᓱᒡ᙮

ᐃᑉᕈᐛ 12:24

ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ᐅᓂᑕᑦ ᐅᒥᐧᒄ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ᐃᑐᑐᐛᑭᓄᐅᑦ ᐊᐛᓐ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

ᐃᑉᕈᐛ 6:13

ᒪᒥᑐᓇᔨᒪᐧᒄ ᒪ ᒋᓴᒪᓂᑐᐤ ᐊ ᐃᔅᐱᔅ ᒋᔅᑕᔨᑕᑯᓯᑦ᙮ ᐎᔾ ᑎᐱᔨᐛ ᐅᑦ ᐃᓯᓂᐧᑲᓱᐅᓐ ᒋ ᐊᐱᒋᑕᐤ ᐊ ᐃᔅᒋᔄᑦ ᒐᔅᑎᓇᔅ ᒐ ᐊᑲ ᓂᑕ ᐅᒋ ᐊᑎᔅᑕᐛᑦ ᑕᓐ ᑲ ᐃᓯ ᒐᔅᑎᓄᒡ ᐃᑕᑦ ᐊᑉᕋᐊᒪ ᒐ ᐃᑐᑎᒧᐛᑦ᙮ ᓇᒪ ᑯᑎᑲ ᐊᐛᔪᐛ ᐅᒋ ᐎᐊᐤ ᒐᒋ ᐛᐸᑎᔭᑦ ᐊᑉᕋᐊᒪ ᐊ ᑕᑈᑦ ᑕᓐ ᑲ ᐃᔅᒋᔄᑦ, ᐛᔅ ᑕᐸ ᑕᐤ ᑯᑎᒃ ᐊᐛᓐ ᐊᔅᐱᔅ ᒋᔅᑕᔨᑕᑯᓯᑦ ᐊᔅᐱᔅ ᒋᔅᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

ᐃᑉᕈᐛ 6:15

ᒋ ᓯᐱᔪᐛᓯᐤ ᒪᒃ ᐊᑉᕋᐊᒻ ᐊ ᐊᓱᐛᐱᑦ ᒐ ᐃᔅᐱᔅ ᐃᑐᑎᒧᐛᑭᓄᐅᑦ ᐊᓂᔭ ᑲ ᐃᑕᑭᓄᐅᑦ ᒐᔅᑎᓇᔅ ᒐ ᐃᑐᑎᒧᐛᑭᓄᐅᑦ᙮ ᒐᒃ ᒥᒐᑐᐤ ᐱᐳᓇ ᑲ ᐊᓱᐛᐱᑦ᙮ ᐊᑯ ᑲ ᒥᔨᑯᑦ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᑦ᙮

ᐃᑉᕈᐛ 7:22

ᒋ ᒋᔅᒐᔨᑕᓇᓄᐤ ᐅ ᐛᔅ ᐎᔾ ᒋᓴᒪᓂᑐᐤ ᒋ ᓇᔅᐱᒡ ᑕᑈᐤ ᐅᔭ ᑲ ᐃᑕᑦ ᒋᓴᓴ᙮ ᐅᔅᑕ ᒪᒃ ᐅᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲ ᒥᔨᑕᐧᒄ ᒋᓴᒪᓂᑐᐤ ᒥᔽᔪᐤ ᐃᔅᐱᔅ ᐊᓐ ᐛᔅᑭᒡ ᓂᔅᑯᒧᐅᓐ᙮ ᒋ ᒐᔅᑎᓇᐅᓇᓄᐤ ᒪᒃ ᒐ ᓂᓇᑭᑐᐛᔨᑕᐧᒃ ᒋᓴᔅ ᒐᔅᑎᓇᔅ ᒐᒋ ᒥᔅᑭᒪᐧᒄ ᐊᓂᔭᔪᐛ ᒐᒂᔪᐛ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᒥᔨᑎᑕᐧᑯ᙮

ᐃᑉᕈᐛ 8:13

ᐃᔅᐱ ᒋᓴᒪᓂᑐᐤ ᑲ ᐃᔅᒋᔄᑦ ᒥᓐ ᑯᑎᒋᔪᐤ ᓂᔅᑯᒧᐅᓂᔪᐤ ᒐ ᐅᓯᑎᒧᐛᑦ ᐅᑦ ᐃᔨᒪ, ᐊᑯᑕ ᐛᒋ ᒋᔅᒐᔨᑕᒂᒡ ᐊᓐ ᓂᔅᑎᒻ ᑲ ᐅᓯᑕᑭᓄᐅᒡ ᐊᑲ ᓴᔅ ᐊᐱᑎᒡ ᑭᔭ ᓴᔅ ᐊ ᐸᓱᓇᒂᒡ ᒐᒋ ᐃᓯ ᐊᐱᑎᒡ᙮

ᐃᑉᕈᐛ 9:12

ᒋᓴᔅ ᙭ ᒥᒄ ᐸᐃᒂᐤ ᒋ ᐱᒐᐤ ᐊᓂᔭ ᒪᐅᒡ ᑲ ᐸᔭᒋᓯᒥᑭᓂᔨᒡ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᑎᐱᔨᐛ ᐅᒥᐧᒄ ᐊᒋ ᐱᔅᑎᓇᐧᒃ ᐊᑯᑕ ᑲ ᐅᒋ ᒥᔪᐱᔨᒡ ᒐᒋ ᐱᒐᑦ ᐊᓐᑕ, ᓇᒪ ᐎ ᐊᐛᓯᓴ ᐅᒥᐧᑯᔪᐤ ᐅᒋ ᐊᐱᒋᑕᐛᐤ᙮ ᐊᒋ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ, ᐎᔾ ᐅᒥᐧᒄ ᐊᒋ ᓯᒋᓂᑭᓄᐎᒡ, ᐊᑯᑕ ᓇᔅᒡ ᑲ ᐅᒋ ᑎᐸᐊᐧᒃ ᒥᓯᐛ ᒋᒥᒋᑥᐅᓄᐛ ᑲᒋᒡ ᒐᒋ ᐛᐸᔨᑎᒪᑯᐅᔭᐧᒄ᙮

ᐃᑉᕈᐛ 9:16

ᐊᓐ ᒪᒃ ᓂᔅᑯᒧᐅᓐ ᒧᔭᒻ ᑕᓐ ᐊ ᐃᓯᓇᑯᓂᔨᒡ ᒥᓯᓇᐃᑭᓂᔪᐤ ᐊᐛᓐ ᐊᒋ ᐅᓯᑕᑦ ᐊ ᐎᑕᐧᒃ ᑕᓐ ᒐ ᐃᓯ ᓂᑭᑎᒧᐛᑦ ᐊᐛᔪᐛ ᐃᔅᐱ ᓂᐱᒐ, ᐊᐅᑯᓐ ᑕᐱᔅᑯᓐ ᐊ ᐃᓯᓇᒂᒡ ᐊᓐ ᓂᔅᑯᒧᐅᓐ᙮ ᒋ ᒋᔅᒐᔨᑕᓇᐛᒐ ᐊᓂᔭ ᒥᓯᓇᐃᑭᓂᔪᐤ ᐊ ᐅᓯᑕᑦ ᐊᐛᓐ ᐸᑐᔅ ᐊᑲ ᐸᒪᑎᓯᒋ ᐊᑯᑕ ᐃᔭᒄ ᐃᔭᐱᑎᓂᔨᒡ ᐊᓂᔭ ᑕᓐ ᑲ ᐃᑎᔅᑕᑦ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 1:12

ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ᑯᒂᒋᐊᑭᓄᐅᑦ ᒋᑭ ᒥᔨᑯᐤ ᒋᓴᒪᓂᑐᐛ ᐊ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔭᔨᒋ ᐊᓂᔭ ᑲ ᓴᒋᐃᑯᑦ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

1 ᒠᓐ 2:25

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ ᙭, ᒐᔅᑎᓇᔅ ᒐ ᒥᔨᑕᐧᒄ ᑲᒋᒡ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮