ᐃᑉᕈᐛ 8:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒥᒄ ᒪᒃ ᒪᐅᔭᔪᐤ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ᒥᔨᒂᐤ ᐃᔅᕋᐃᓪ ᐃᔪᒡ ᐃᔅᐱ ᐅᑎᒋᐱᔨᒂᐛ ᐊᓂᔭᔪᐛ ᐊ ᒋᓯᑲᒋ᙮ ᓂᑭ ᐃᑐᑐᐛᐅᒡ ᒐᒋ ᒪᒥᑐᓇᔨᑎᒥᐃᑯᒡ ᓂᐎᓱᐛᐅᓇ ᑭᔭ ᓇᔅᒡ ᒐᒋ ᒧᓯᐅᒡ ᐊ ᐎ ᓂᓇᐃᑕᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ ᑭᔭ ᐎᔨᐛᐤ ᓂᑭ ᐅᑦ ᐃᔨᒥᓐ᙮

ᐃᑉᕈᐛ 8:10 ပူးပေါင်းရင်းမြစ်များ

ᐊᒃᓱᑕᔅ 24:4

ᐊᑯ ᒧᓱᔅ ᒋ ᒥᓯᓇᑕᐊᒻ ᒐᒂᔪᐤ ᑎᐸᔨᒋᒐᓱᐛ ᑲ ᐃᔅᒋᔄᔨᒋ᙮ ᐎᐱᒡ ᒋᔭᒋᓴᐸᔭᐱᓂᔨᒡ ᒋ ᐅᓂᔪᐤ᙮ ᒋ ᐅᓯᑕᐤ ᐱᔅᑎᓂᒐᐅᓇᐱᔅᑯᔪᐤ ᓂᑕᒥᑎᓇᒡ ᑭᔭ ᒂ ᒋᒥᑐᐛᑦ ᓂᓴᑉ ᐊ ᒪᒥᓴᔨᒋ ᐊᓯᓂᔭ, ᐸᐸᐃᒄ ᐊᓂᔭ ᒥᓯᐛ ᓂᓴᑉ ᐊ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ᙮

ᐊᒃᓱᑕᔅ 24:7

ᒂ ᐃᔨᒥᑐᐛᑦ ᐃᔪᐛ ᐊᓂᔭ ᑲ ᒥᓯᓇᑕᐊᐧᒃ ᒥᓯᐛ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔨᐛ ᑭᔭ ᐅᑦ ᐊᓱᑎᒪᒐᐅᓂᔨᐛ, ᐊᑯ ᒂ ᐃᔅᒋᔄᒡ ᐊᓐᒡ ᐃᔅᕋᐃᓪ ᐃᔪᒡ, “ᓂᑭ ᓇᐃᑐᐛᓇᓐ ᑎᐸᔨᒋᒐᓱᐤ ᑭᔭ ᒥᓯᐛ ᓂᑭ ᐃᑐᑎᒺᓇᓐ ᑲ ᐃᑎᓱᒥᔨᒥᑦ !”

ᐊᒃᓱᑕᔅ 34:1

ᒂ ᐃᑕᑦ ᑎᐸᔨᒋᒐᓱᐤ ᒧᓱᓴ, “ᒐ ᒋᒥᓱᑥᐤ ᓂᓱ ᐊ ᐱᐱᒋᓯᒡ ᐊᓯᓂᔨᒡ ᒧᔭᒻ ᐅᔅᑭᒡ ᐊᓯᓂᔨᒡ, ᓂᑭ ᒥᓯᓇᐊᓐ ᐊᓐᑕ ᐸᐃᑯᑕᐤ ᐎᓱᐛᐅᓇ, ᒧᔭᒻ ᑲ ᒥᓯᐊᒪᓐ ᐊᓐᑕ ᐅᔅᑭᒡ ᓂᓱ ᐊᓯᓂᒡ, ᐊᓂᔭ ᑲ ᐱᑯᑕᔨᓐ᙮

ᐊᒃᓱᑕᔅ 34:27

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᒥᓯᓇᑕᐊᒥᓐ ᐅᔭ ᐃᔨᒧᐅᓇ ᑲ ᐎᑎᒪᑕᓐ᙮ ᐅᔭ ᐅᒡ ᑲ ᒥᔨᑕᓐ ᐎᓱᐛᐅᓇ, ᒋᒋ ᓂᔅᑯᒧᐅᓐ ᒋ ᐃᑐᑎᒪᑎᓐ ᐊᓯᒡ ᐃᔅᕋᐃᓪ ᐃᔪᒡ᙮”

ᒪᑎᔪᐤ 22:32

ᒋ ᐃᑕᐤ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮’ ᓇᒪ ᐅᒋᓴᒪᓂᑐᒥᑐᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᒥᒄ ᐊᓂᔭ ᑲ ᐱᒪᑎᓯᔨᒋ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:27

ᐊᐅᒄ ᐅᔭ ᒐ ᐃᓯ ᓂᔅᑯᒧᒡ ᒐᒋ ᐃᑐᑎᒧᐅᒂᐤ ᐛᐸᔨᑎᒧᒂᐛ ᐅᒥᒋᑥᐅᓄᐛᐛ᙮

1 ᑯᕆᓐᑎᔭᓇ 6:16

ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᓇᐸᐤ ᐊ ᐎᐸᒪᑦ ᐃᔎᓴ ᑲ ᒋᓯᐧᑯᐛᑭᓄᔨᒋ ᐊ ᐎᐸᒪᑭᓄᔨᒋ, ᒧᔭᒻ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᒥᓯᓇᐃᑭᓐ ᐃᑎᔅᑕᐤ, “ᐃᔎᐤ ᑭᔭ ᓇᐸᐤ ᐊ ᐎᐸᒥᑐᒡ, ᐸᐃᒄ ᒥᔪᐤ ᐃᓯᓇᑯᓱᐅᒡ᙮”

2 ᑯᕆᓐᑎᔭᓇ 3:3

ᑕᓐ ᐊ ᐃᓯ ᐱᒪᑎᓯᔭᒄ ᐊᑯᑕ ᐛᒋ ᓂᔅᑐᓇᒂᒡ ᑕᓐ ᑲ ᐃᓯ ᐃᑐᑎᒪᑕᒄ ᙭᙮ ᐊᐅᑯᓐ ᒪᒃ ᒧᔭᒻ ᑕᑈ ᑎᐸᒋᒧᓯᓇᐃᑭᓐ ᐛᒋ ᐃᓯᓇᑯᓯᔭᒄ᙮ ᐅ ᒪᒃ ᑎᐸᒋᒧᓯᓇᐃᑭᓐ ᓇᒪ ᐎ ᒥᓯᓇᐃᑭᓇᔅᒄ ᐊᐱᑎᓐ ᐊ ᒥᓯᓇᐃᑭᓄᐅᒡ᙮ ᓇᒪ ᑭᔭ ᐊᓯᓂᒡ ᐅᒡ ᒥᓯᓇᐃᑭᓄᐤ᙮ ᒋᓴᒪᓂᑐᐤ ᐅ ᐸᔭᒋ ᐊᒐᒂ ᐊᐅᒄ ᐊ ᐃᓯᓇᑯᓯᑦ ᒧᔭᒻ ᐊ ᒥᓯᓇᐃᒐᑦ ᒋᑕᐃᐛᒡ᙮ ᐊᐅᒄ ᐅ ᑲ ᐊᐱᒋᐃᔨᒥᑦ ᒐᒋ ᐸᑥᑕᒡ ᐅ ᑎᐸᒋᒧᐅᓐ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 11:16

ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 1:18

ᔅᒋ ᒥᔨᑯᓄᐤ ᐱᒪᑎᓯᐅᓂᔪᐤ ᐊᓐᑕ ᐅᒋ ᐊᓂᔭ ᐅᑦ ᐃᔨᒧᐅᓐ ᑲ ᑕᑈᒥᑭᓂᔨᒡ ᒋᔭᓄᐤ ᓂᔅᑎᒻ ᒐᒋ ᐎᐧᑯᒋᐃᑕᐧᒄ ᐅᑕ ᐅᔭ ᐊᔅᒋᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:21

ᐛᐱᓂᒧᒄ ᒥᓯᐛ ᐎᓂᓱᐅᓐ ᑭᔭ ᒥᓯᐛ ᒥᒐᑎᓯᐅᓐ᙮ ᐱᔅᑎᓂᓱᒄ ᒋᓴᒪᓂᑐᐤ ᐊ ᑕᑦ, ᑎᑎᒺᐧᒄ ᐅᑦ ᐃᔨᒧᐅᓐ ᒋᑕᐃᐛᒡ ᑲ ᐱᑕᐊᐧᒃ ᐊᓂᔭ ᒐᒋ ᐱᒪᒋᐃᑯᐛᒄ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮