ᐃᑉᕈᐛ 7:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᒋᓴᔅ ᒪᒃ ᐊᑎ ᐊᑲ ᐊᓐᑕ ᐅᒋ ᐊᓂᔅᒐ ᐱᒪᑎᓯᑦ ᐊᓐᑕ ᐊᓂᔅᒐ ᐛᒋᔨᒋ ᐊᔭᒥᐊᐅᒋᒪᐛ, ᐃᔭᐱᒡ ᒋ ᐊᔭᒥᐊᐅᒋᒪᐊᑭᓄᐤ ᐛᔅ ᓇᒪ ᓂᑕ ᒋᑭ ᐅᒋ ᐳᓂᐱᔪᐤ ᑲ ᓱᐧᑲᑎᓯᒥᑭᓂᔨᒡ ᐅᐱᒪᑎᓯᐅᓐ᙮

ᐃᑉᕈᐛ 7:16 ပူးပေါင်းရင်းမြစ်များ

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:14

vvᑉ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑦ ᐊᒐᒂ ᐊ ᑕᔨᒋ ᐊᒋ ᐅᒋᐱᔨᒡ ᐅ ᐎᓱᐛᐅᓐ᙮ ᓂᔾ ᐎ, ᓂ ᐎᔭᓱᐤ ᐱᒪᑎᓯᓐ ᓂᔾ᙮ ᒧᔭᒻ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐊᐅᑯᓐ ᐊ ᐃᑐᑕᑯᔭᓐ ᒥᒋᑥᐅᓐ᙮

ᑲᓚᓯᔭᓇ 4:3

ᐊᐅᑯᓐ ᒪᒃ ᒧᔭᒻ ᒋᔭᓄᐤ, ᐊᔅᒄ ᐊᑲ ᐅᒋ ᒋᔅᒐᔨᑎᒪᐧᒄ ᑕᑈᐅᓐ ᒧᔭᒻ ᐊᐛᓯᒡ ᔅᒋ ᐃᑕᔨᑕᑯᓯᓇᓄᐤ᙮ ᐎᓱᐛᐅᓇ ᑭᔭ ᐃᑐᐅᓇ ᐅᑕ ᐊᔅᒋᒡ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᔭᐧᒄ ᔅᒋ ᒪᒋᒂᐱᐧᑲᑎᑯᓇᓄᐤ᙮

ᑲᓚᓯᔭᓇ 4:9

ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ᒋᔅᒐᔨᒥᑕᒄ᙮ ᑕᓐᑕ ᐛᒋ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮

ᑯᓚᓯᔭᓇ 2:14

ᓇᔅᒡ ᒪᒃ ᒋ ᑲᓯᓯᓇᐊᒻ ᒋᓴᒪᓂᑐᐤ ᑕᓐ ᑲ ᐃᓯ ᒥᓯᓇᑕᔨᒡ ᐊᒋ ᐃᓯ ᒥᒋᑐᑎᒧᐛᐅᐧᑯᐱᓇ ᐎᓱᐛᐅᓇ ᐊᒋ ᐱᑯᓂᒪᐧᒄ᙮ ᐊᓐᑕ ᐅᑕᒡ ᔅᒋ ᒪᑎᑯᔅᑲᑯᓇᓄᐤ ᐅ ᐊᒋ ᐃᓯ ᒥᒋᑐᑎᒪᐧᒄ, ᒥᒄ ᒪᒃ ᒋᓴᒪᓂᑐᐤ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᐃᔅᐱ ᑲ ᓂᐱᔅᑎᒪᑕᐧᒄ ᙭ ᒧᔭᒻ ᐊ ᒋᔅᑕᔎᐛᐧᒃ ᙭ ᐅᒋᐱᔭᑎᑯᒥᒡ ᐊᐅᑯᓐ ᑲ ᐃᑐᑕᐧᒃ ᒋᓴᒪᓂᑐᐤ ᒋᒥᒋᑥᐅᓄᐛ᙮

ᑯᓚᓯᔭᓇ 2:20

᙭ ᑲ ᓂᐱᑦ ᒧᔭᒻ ᑭᔭ ᒋᔨᐛᐤ ᐊᒋ ᓂᐱᔭᒄ ᐃᓯᓇᑯᓐ᙮ ᓇᒪ ᒪᒃ ᐊᑯ ᒋᑎᐸᔨᒥᑯᐛᐅᒡ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ᙮ ᒐᒂᓐ ᒪᒃ ᐛᒋ ᐃᓯ ᐱᒪᑎᓯᔭᒄ ᒧᔭᒻ ᐊᔅᒄ ᐊ ᑎᐸᔨᒥᑯᔭᒄ ᐅ ᐊᔅᒋᔾ᙮

ᐃᑉᕈᐛ 10:1

ᓂᑭ ᐊᔨᒧᑕᓐ ᐊᑐᐎᔅ ᐊᓂᔭ ᒍᐤ ᐎᓱᐛᐅᓇ᙮ ᐊᓐᒡ ᐃᔪᒡ ᐅᔭ ᐎᓱᐛᐅᓇ ᑲ ᓂᓇᑭᑐᐛᔨᑎᒥᐃᑯᒡ ᐊᑯᑕ ᑲ ᐅᒋ ᒋᔅᒐᔨᑕᒡ ᑕᓐ ᒐ ᐃᔅᐱᔅ ᒥᔪᑐᑎᒧᐛᑦ ᒋᓴᒪᓂᑐᐤ ᐃᔪᐛ᙮ ᒥᒄ ᒪᒃ ᓇᒪ ᓇᔅᒡ ᐅᒋ ᒋᔅᒐᔨᑎᒥᐊᑭᓄᐅᒡ ᑕᓐ ᒐ ᐃᓯ ᐊᑐᐎᔅ ᒥᔪᑐᑎᒪᒐᑦ ᒋᓴᒪᓂᑐᐤ ᐊᓐᑕ ᓂᔅᑕᒥᒡ ᒋᓴᓴ ᐅᒡ᙮ ᓇᒪ ᐊᐛᓐ ᓇᔅᒡ ᐅᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ ᑭᔭ ᓇᒪ ᐊᐛᓐ ᓇᔅᒡ ᐅᒋ ᑯᐃᔅᑯᓇᑯᓱᐤ ᐊᓐᑕ ᐃᔅ ᒋᓴᒪᓂᑐᐛ ᐊ ᑕᔨᒋ ᒥᒄ ᐊᓂᔭ ᐊ ᓂᐸᐊᑭᓄᔨᒋ ᐊᐛᓯᓴ ᐊ ᒥᑐᔅᑕᐊᒪᓄᒡ ᐊᓯᑯᒻ ᐱᐳᓇ᙮

ᐃᑉᕈᐛ 7:15

ᐊᑯ ᒪᒃ ᐊᑐᐎᔅ ᐊ ᐱᔭᑭᔅᒋᑕᒂᒡ, ᓴᔅ ᑕᐤ ᑯᑎᒃ ᐊᔭᒥᐊᐅᒋᒪᐤ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᐊᐅᒄ ᐅ ᒋᓴᔅ᙮

ᐃᑉᕈᐛ 7:17

ᐊᐅᒄ ᐅᔭ ᐊ ᐃᓯ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ, ᒋᓴᒪᓂᑐᐛ ᐊᒋ ᐃᓯ ᐊᔨᒧᒥᑯᑦ, “ᑲᒋᒡ ᒋᑦ ᐊᔭᒥᐊᐅᒋᒪᐅᓐ, ᒧᔭᒻ ᐊ ᐃᓯ ᐊᔭᒥᐊᐅᒋᒪᐅᑦ ᒪᓪᑭᓴᑕᒃ᙮”

ᐃᑉᕈᐛ 7:21

“ ‘ᒋᔾ ᒧᔅ ᒋᑭ ᐊᔭᒥᐊᐅᒋᒪᐅᓐ᙮’ ᓇᒪ ᒪᒃ ᓂᑕ ᐃᔭᒡ ᓂᑭ ᐅᒋ ᐃᑕᔨᑎᒥᐃᑯᓐ, ᒋᔾ ᑲᒋᒡ ᒐ ᐊᔭᒥᐊᐅᒋᒪᐎᔨᓐ᙮” ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ ᓇᒪ ᓂᑕ ᐅᒋ ᐃᑕᐤ ᐊᓂᔭ ᑯᑎᑲ ᐊᔭᒥᐊᐅᒋᒪᐛ ᐊᓐᑕ ᓕᐸᐃᔨᒋ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ᙮

ᐃᑉᕈᐛ 7:28

ᐊᓐ ᐛᔅᑭᒡ ᐎᓱᐛᐅᓐ ᐊᐅᒄ ᐊᓐ ᑲᒋ ᐊᐱᑎᒡ ᐊ ᒥᔅᑯᑐᓇᑭᓄᐅᑦ ᐊᐛᓐ ᒐ ᒋᓴᐊᔭᒥᐊᐅᒋᒪᐅᑦ, ᓇᒪ ᒪᒃ ᓇᔅᒡ ᐅᒋ ᑯᐃᔅᑯᑕᑎᓯᐅᒡ ᐅᒡ ᑲ ᐅᑎᓇᑭᓄᐎᒡ᙮ ᐸᑎᒪ ᒪᒃ, ᐃᔅᐱ ᑲ ᐱᔅᑎᓇᐧᒃ ᐊᔭᒥᐊᐅ ᐎᓱᐛᐅᓂᔪᐤ ᒋᓴᒪᓂᑐᐤ, ᐊᑯ ᒂ ᓇᔅᐱᒡ ᑕᑈᑦ ᐅᑯᓴ ᒐ ᒋᓴᐊᔭᒥᐊᐅᒋᒪᐎᔨᒋ᙮ ᓴᔅ ᒪᒃ ᒋ ᐃᑐᑎᒻ ᐅᔭ᙮ ᑲᒋᒡ ᓇᔅᒡ ᑯᐃᔅᑯᑕᑎᓯᐤ ᒋᓴᔅ ᐊ ᒋᓴᐊᔭᒥᐊᐅᒋᒪᐅᑦ᙮

ᐃᑉᕈᐛ 7:3

ᐅ ᑲ ᐃᓯ ᐎᑎᒪᑎᑯᒡ ᐊᐅᒄ ᒥᒄ ᐅᔭ ᐊ ᐃᔅᐱᔅ ᒋᔅᒐᔨᒪᑭᓄᐅᑦ ᒪᓪᑭᓴᑕᒃ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑕᐎᑦ ᑭᔭ ᒪᒃ ᐊᐛᔪᐛ ᑲ ᐅᑲᐎᑦ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑦ ᐊᓂᔅᑯᑕᐸᓂᑦ᙮ ᑭᔭ ᓇᒪ ᒋ ᒋᔅᒐᔨᑎᒺᓇᓄᐤ ᑕᐃᔅᐱ ᑲ ᐱᒪᑎᓯᑦ ᑭᔭ ᑕᐃᔅᐱ ᑲ ᓂᐱᑦ᙮ ᓇᒪ ᒋ ᒋᔅᒐᔨᑕᓇᓄᐤ ᐛᔅ ᓇᒪ ᓇᔅᒡ ᐅᒋ ᐊᔨᒧᒪᑭᓄᐤ ᒥᓯᓇᐃᑭᓂᒡ᙮ ᐅ ᑲ ᐃᓯ ᐎᑎᒪᑎᑯᒡ, ᒧᔭᒻ ᒋᓴᒪᓂᑐᐤ ᐅᑯᓴ ᑲᒋᒡ ᐊ ᐊᔭᒥᐊᐅᒋᒪᐎᔨᒋ, ᑭᔭ ᐎᔾ ᒪᓪᑭᓴᑕᒃ ᑲᒋᒡ ᐊᔭᒥᐊᐅᒋᒪᐅ᙮

ᐃᑉᕈᐛ 9:14

ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ᐸᔭᒋᓯᔨᒋ ᐊᒐᒂ ᑲᒋᒡ ᐊ ᑕᔨᒋ ᒋ ᐎᒋᐃᑯᐤ ᐃᔅᐱ ᑲ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐅᒥᐧᒄ ᐊᐅᒄ ᒐ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ᐃᑐᑎᒪᐧᒄ ᒋᑭ ᐅᒋ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”