ᐃᑉᕈᐛ 6:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒋᓴᒪᓂᑐᐤ ᒋ ᐃᑕᐤ ᒐᔅᑎᓇᔅ ᒐ ᓱᐛᔨᒪᑦ ᐅᑦ ᐃᔨᒪ᙮ ᐊᐅᒄ ᐅᔭ ᑲ ᐃᑕᑦ ᒐᒋ ᒋᔅᒐᔨᑎᒥᔨᒋ ᒐ ᐊᑲ ᓂᑕ ᐅᒋ ᐊᒋᑕᑦ ᑕᓐ ᑲ ᐎ ᐃᑐᑎᒧᐛᑦ᙮ ᐊᑯ ᒪᒃ ᐊᔪᐤ ᑲ ᓇᔅᐱᒡ ᑕᑈᑦ ᐊ ᐃᑕᑦ ᒐᔅᑎᓇᔅ ᒧᔅ ᒐ ᓱᐛᔨᒪᑦ᙮

ᐃᑉᕈᐛ 6:17 ပူးပေါင်းရင်းမြစ်များ

ᒐᓂᓯᔅ 26:28

ᐊᐱᒪᓕᒃ ᒋᓴᐅᒋᒪᐤ ᒋ ᐃᑕᐤ, “ᓂ ᒋᔅᒐᔨᑕᓇᓐ ᐊᓄᒡ ᑎᐸᔨᒋᒐᓱᐤ ᐊ ᐎᒋᐃᔅᒃ ᑭᔭ ᓂᑦ ᐃᑕᔨᑕᓇᓐ ᒐᒋ ᐃᑐᑎᒪᐧᒄ ᓂᔅᑯᒥᑐᐅᓐ ᐊᓯᒡ ᒋᔨᐛᐤ᙮ ᒋ ᓂᑐᐛᔨᒥᑎᓇᓐ ᒐᒋ ᐊᓱᑎᒪᒐᔨᓐ᙮

ᑎᐱᑦ ᐅᓂᑭᒧᐅᓇ 110:4

ᑎᐸᔨᒋᒐᓱᐤ ᒋᒋᐛ ᒋ ᐃᔪᐤ, ᓇᒪ ᒪᒃ ᒋᑭ ᒂᔅᒐᔨᑎᒻ, “ᒋᔾ ᒋᒋᓴᐊᔭᒥᐊᐅᒋᒪᐅᓐ ᑲᒋᒡ ᐅᑦ ᐃᑕᒋᒥᑯᓯᐅᓂᒡ ᒪᓪᑭᓴᑕᒃ᙮”

ᑎᐱᑦ ᐅᓂᑭᒧᐅᓇ 33:11

ᐅᑭᒐᔅᒋᒧᐅᓐ ᑎᐸᔨᒋᒐᓱᐤ ᑲᒋᒡ ᐊᔨᑕᓂᔪᐤ; ᐊ ᐃᓯ ᒥᑐᓇᔨᑕᐧᒃ ᐅᑕᐃᒡ ᒐ ᐃᔅᐱᔅ ᐱᒪᑎᓯᓇᓄᐎᒡ᙮

ᑎᐱᑦ ᐅᓂᑭᒧᐅᓇ 36:8

ᒋᑭ ᑕᐱ ᒋᔅᐳᐅᒡ ᐊ ᐃᓯ ᐎᔨᔪᐎᒡ ᒋᒥᒋᐛᐱᒥᔪᐤ; ᒋᑭ ᒥᓄᐅᒡ ᒪᒃ ᒋ ᒥᔽᔨᑎᒧᐎ ᓯᐱᔪᐤ᙮

ᐊᒃᓱᑕᔅ 22:11

ᐊᑯ ᐊᓐ ᑲ ᑭᓄᐛᔨᑎᐊᑭᓄᐅᑦ ᐊᓂᔭ ᐊᐛᓯᓴ ᐛᒧᒡ ᒋᑭ ᐎ ᐎᑎᒻ ᐊᑲ ᐅᒋ ᒋᒧᑎᑦ ᐊᓂᔭ ᐊᐛᓯᓴ ᐅᑎᔅᑯᐤ ᑎᐸᔨᒋᒐᓱᐛ᙮ ᒋᑭ ᐎ ᑕᑈᑎᒻ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᓯᓴ, ᑭᔭ ᓇᒪ ᒋᑭ ᒋ ᒋᓯᐧᑲᑯᐤ ᐊᓂᔭ ᑲ ᑭᓄᐛᔨᑎᔭᑦ ᐊᐛᓯᓴ᙮

ᒠᓐ 10:10

ᑲᒋᒧᑎᑦ ᑎᑯᓯᓄᐤ ᒥᒄ ᒐᒋ ᒋᒧᑎᑦ ᒪᒃ ᒐᒋ ᓂᐸᐃᐛᑦ ᒪᒃ ᒐᒋ ᓂᓱᐅᓇᒋᐃᐛᑦ᙮ ᓂᔾ ᒪᒃ ᐎ ᓂᒋ ᑎᑯᓯᓐ ᒐᒋ ᒥᔨᐛᔭᓐ ᐊᓐ ᐱᒪᑎᓯᐅᓐ ᐊᓐᑕ ᐊᑲ ᓂᑕ ᓄᑕᐱᔨᒡ ᒐᒂᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:29

ᑕᐸ ᓂᑕ ᐃᒐᓇᐤ ᒋᓴᒪᓂᑐᐤ ᐊᓂᔭᔪᐛ ᑲ ᐅᑎᓇᑦ᙮ ᑭᔭ ᓇᒪ ᓂᑕ ᑲᐤ ᐅᑎᓂᒻ ᐊᓂᔭ ᑕᓐ ᓴᔅ ᑲ ᐃᓯ ᒥᔭᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:17

ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮

ᑲᓚᓯᔭᓇ 3:29

᙭ ᐊ ᑕᑦ ᐊ ᐃᓯ ᑎᐸᔨᑕᑯᓱᐅᓇ ᒧᔭᒻ ᐊᑉᕋᐊᒻ ᐊ ᑕᑦ ᐊᒋ ᐅᒋ ᐊᓂᔅᒐ ᐱᒪᑎᓯᔨᓐ ᒋᑦ ᐃᓯᓇᑯᓯᓐ᙮ ᐊᑯ ᒪᒃ ᒐ ᒥᔅᑭᒧᑦ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᒥᔨᐛᑦ᙮

ᐃᐱᓯᔭᓇ 1:11

ᒧᔅ ᐃᑐᑎᒻ ᒋᓴᒪᓂᑐᐤ ᑕᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᑕᐧᒃ᙮ ᙭ᑕ ᒪᒃ ᐊ ᐎᒐᐅᒪᐧᑯ ᐊᑯᑕ ᑲ ᐅᒋ ᐅᑎᓂᑕᐧᒄ ᒋᓴᒪᓂᑐᐤ ᐛᔅ ᐊᔪᐅᒄ ᐅᔭ ᑲ ᐃᓯ ᐎᔭᔨᑕᐧᒃ ᓴᔅ ᐊᓐᑕ ᐛᔅᑭᒡ᙮

ᐃᑉᕈᐛ 11:7

ᓄᐛ ᒋ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ᐎᑎᒪᑯᑦ ᑕᓐ ᒐ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ᐎᑎᒧᐛᑭᓄᐅᑦ, ᐃᔭᐱᒡ ᒋ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ ᐊᓐᑕ ᒐ ᑕᑦ ᐊ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ᓂᓇᐃᑐᐛᑦ, ᒋ ᐛᐸᑎᔨᐛᐤ ᒋᓴᒪᓂᑐᐛ ᒐ ᑎᐸᔅᑯᓇᔨᒋ ᑭᔭ ᒐ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ᑭᓄᐛᐱᒥᑯᐤ᙮

ᐃᑉᕈᐛ 11:9

ᒐᒃ ᒪᒃ ᒋ ᐅᑎᑎᒻ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ᐊᓱᑎᒪᑯᑦ᙮ ᐊᑯᑕ ᑲ ᑕᑦ ᐊ ᒪᓐᑕᐅᑦ ᑭᔭ ᐊ ᑕᑈᔭᔨᒪᑦ ᒋᓴᒪᓂᑐᐛ᙮ ᒋ ᐱᐸᒪ ᐊᑐᒐᐤ ᒥᒄ ᒥᒋᐛᐱᒡ ᐊ ᑕᑦ᙮ ᐊᓂᔭ ᐅᑯᓴ ᐊᐃᓯᑲ ᑭᔭ ᐊᓂᔭ ᐅᓯᒪ ᒐᑭᐸ ᒋ ᐱᐸᑕᔪᐛ ᐊᓐᑕ ᑲ ᑕᑦ᙮ ᒋ ᐃᔅᒋᔄᑯᐱᓇᓂ ᒋᓴᒪᓂᑐᐛ ᑭᔭ ᐎᔨᐛᐤ ᒐ ᐊᓱᑎᒧᐛᑭᓄᐅᒡ ᐊᓂᔭ ᐊᔅᒋᔪᐤ ᒐ ᒥᔭᑭᓄᔨᒋ ᐊᑉᕋᐊᒪ᙮

ᐃᑉᕈᐛ 6:12

ᓇᒪ ᒋ ᓂᑐᐛᔨᒥᑎᓇᓐ ᒐᒋ ᒋᑎᒥᔭᒄ, ᐃᔭᐱᒡ ᓂᔅᐱᑐᐛᐧᑯᒡ ᐊᓐᒡ ᑲ ᑕᑈᑕᒡ ᐊᑲ ᒋᐛᑲᐳᔅᑐᐛᒡ ᒋᓴᒪᓂᑐᐛ, ᐛᔅ ᐊᐅᑯᓐᒡ ᐅᒡ ᒐ ᒥᔨᑯᒡ ᒋᓴᒪᓂᑐᐛ ᑕᓐ ᐊᓂᔭᔪᐛ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᒡ᙮

ᐃᑉᕈᐛ 6:16

ᐃᔅᐱ ᐊᐛᓐ ᓇᔅᒡ ᐛ ᑕᑈᒋ ᒐᒂᔪᐤ ᐊ ᐃᔅᒋᔄᑦ ᑯᑎᑲ ᐊᐛᔪᐛ ᐎᐊᐤ ᐅᔅᑕ ᐊ ᒋᔅᑕᔨᑕᑯᓯᔨᒋ ᐃᔅᐱᔅ ᐎᔾ᙮ ᐊᑯ ᒪᒃ ᓇᒪ ᐊᐛᔪᐛ ᒋ ᐊᓏᑕᑯᐤ ᐊᓂᔭ ᑲ ᐃᓯ ᓇᔅᐱᒡ ᑕᑈᑦ᙮

ᐃᑉᕈᐛ 6:18

ᐛᔅ ᓇᒪ ᒋᑭ ᒋ ᑭᑭᒋᔭᐤ ᒋᓴᒪᓂᑐᐤ᙮ ᐛᔅ ᑕᓐ ᐊ ᐃᓯ ᒐᔅᑎᓄᒡ ᐃᔅᒋᔄᑦ ᒐᒂᔪᐤ ᐊᐅᑯᓐ ᒐ ᐃᔅᐱᔨᒡ᙮ ᒋ ᐃᔅᒋᔄᐤ ᒪᒃ ᐅᔭ ᒐᒋ ᒐᔅᑎᓇᑕᔨᑎᒪᐧᒄ ᐊᑲ ᓂᑕ ᐃᔭᒡ ᒐ ᐅᒋ ᐃᑕᔨᑕᐧᒃ᙮ ᐊᑯ ᒪᒃ ᐃᔅᐱ ᓇᑕᓯᒧᑐᑐᐛᒂ ᒐᒋ ᐱᒪᒋᐃᑕᐧᒄ, ᒐ ᔭᐃᑎᔅᑕᒡ ᒋᑦ ᐊᔅᐸᔨᒧᐅᓄᐤ ᐊ ᒐᔅᑎᓇᑕᔨᑎᒪᐧᒄ ᑕᓐ ᑲ ᐃᓯ ᓇᔅᐱᒡ ᑕᑈᑦ᙮

ᒋᒥᔅ ᐅᒥᓯᓇᐊᒪᒐᐅᓐ 1:17

ᒥᓯᐛ ᒥᔨᐛᐅᓐ ᑲ ᒥᔽᓯᒡ ᑭᔭ ᑲ ᒋᔭᒪᐅᓯᒥᑲᒡ ᐊᓐᑕ ᐃᔅᐱᒥᒡ ᐅᒋᐱᔪᐤ, ᐊᓐᑕ ᒋᓴᒪᓂᑐᐤ ᐊ ᑕᑦ᙮ ᐊᐅᒄ ᒋᓴᒪᓂᑐᐤ ᑲ ᐅᓯᑕᑦ ᒥᓯᐛ ᐛᔅᑕᐅᓂᔪᐤ ᐊᓐᑕ ᒋᓯᑯᒡ᙮ ᒧᔅ ᐸᐃᑯᓄᒡ ᐃᑕᔨᑕᑯᓱᐤ, ᓇᒪ ᐃᓯᓇᑯᓱᐤ ᒧᔭᒻ ᐊ ᑎᑲᔅᑕᑎᒡ ᒐᒂᓐ ᐛᐃᐱᔅᒋᔅ ᒥᒄ ᒐᒋ ᓄᒂᒡ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,

1 ᐱᑕᕐ 3:7

ᐊᐅᑯᓐ ᒪᒃ ᑭᔭ ᒋᔨᐛᐤ ᑲ ᓂᐳᐅᔭᒄ ᓇᐸᑐᒄ ᒐ ᐃᑎᔭᒄ᙮ ᓱᒃ ᐎ ᓂᓇᑭᑐᐛᔨᒪᐧᑯᒡ ᒋᐅᐛᐅᒡ ᐊ ᐎᒋᒪᑯᒡ ᐊ ᒋᔅᒐᔨᒪᑯᒡ ᐊᑲ ᐃᔅᐱᔅ ᓱᒋᓯᒡ ᒋᔨᐛᐤ ᐊ ᐃᔅᐱᔅ ᓱᒋᓯᐛᒄ᙮ ᒋᔅᑕᔨᒪᐧᑯᒡ ᐛᔅ ᑭᔭ ᐎᔨᐛᐤ ᒋᑭ ᐊᓂᔅᒐ ᒥᔭᑭᓄᐎᒡ ᑲᒋᒡ ᐱᒪᑎᓯᐅᓂᔪᐤ ᒧᔭᒻ ᒋᔨᐛᐤ ᒐ ᐃᓯ ᒥᔨᑯᐅᔭᒄ᙮ ᐃᑐᑎᒧᒄ ᐅ ᐊ ᐃᑎᓱᒥᑎᑯᒡ ᐊᑲ ᒐᒂᓐ ᒐᒋ ᒋᐱᔅᑲᑯᔭᒄ ᐊ ᐊᔭᒥᐊᒄ ᒋᓴᒪᓂᑐᐤ᙮