ᐃᑉᕈᐛ 5:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒥᓐ ᑎᑯᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᒋᓴᒪᓂᑐᐤ ᐊᒋ ᐃᔅᒋᔄᑦ, “ᑲᒋᒡ ᒋ ᒋᓴᐊᔭᒥᐊᐅᒋᒪᐅᓐ, ᒧᔭᒻ ᒪᓪᑭᓴᑕᒃ᙮”

ᐃᑉᕈᐛ 5:6 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 110:4

ᑎᐸᔨᒋᒐᓱᐤ ᒋᒋᐛ ᒋ ᐃᔪᐤ, ᓇᒪ ᒪᒃ ᒋᑭ ᒂᔅᒐᔨᑎᒻ, “ᒋᔾ ᒋᒋᓴᐊᔭᒥᐊᐅᒋᒪᐅᓐ ᑲᒋᒡ ᐅᑦ ᐃᑕᒋᒥᑯᓯᐅᓂᒡ ᒪᓪᑭᓴᑕᒃ᙮”

ᐃᑉᕈᐛ 5:10

ᐊᑯ ᒪᒃ ᒋᓴᒪᓂᑐᐛ ᑲ ᐅᑎᓂᑯᑦ ᒐᒋ ᒋᓴᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᑲ ᐊ ᐃᓯ ᒋᓴᐊᔭᒥᐊᐅᒋᒪᐎᔨᒋ᙮

ᐃᑉᕈᐛ 6:20

ᒋᓴᔅ ᒪᒃ ᐅ ᑲ ᒐᔅᑎᓇᑕᔨᒪᐧᒄ᙮ ᐊᓐᑕ ᐊᓂᔭ ᑲ ᐱᒐᑦ ᐊᑯᑕ ᐊ ᐊᔭᒥᐊᔅᑎᒪᑕᐧᒄ᙮ ᐎᔾ ᑲᒋᒡ ᒋᓴᐊᔭᒥᐊᐅᒋᒪᐅ ᒋᓴᔅ ᒧᔭᒻ ᒪᓪᑭᓴᑕᒃ᙮

ᐃᑉᕈᐛ 7:11

ᐃᔅᐱᔅ ᐊᓐᒡ ᐃᔅᕋᐃᓪ ᐃᔪᒡ ᑲ ᒥᔭᑭᓄᐅᒡ ᐊᓂᔭ ᐎᓱᐛᐅᓂᔪᐤ, ᐊᓂᔭᔪᐛ ᐊᔭᒥᐊᐅᒋᒪᐛ ᓕᐸᐃ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ ᒋ ᐊᔨᒧᑎᒪᑯᐅᒡ ᐅᔭ ᐎᓱᐛᐅᓂᔪᐤ᙮ ᒋ ᐃᓯᓇᑯᓂᑯᐱᓇ ᒪᒃ ᒐᒋ ᐱᒪᒋᐅᒡ ᐊᐛᓐᒋ ᐊᓂᔭ ᑲ ᐃᓯ ᐊᑐᔅᒐᔨᒋ ᐅᔭ ᐊᔭᒥᐊᐅᒋᒪᐛ ᐅᒋ ᓇᒪ ᒋᐸ ᐅᒋ ᓂᑐᐛᔨᑕᑯᓂᔪᐤ ᒥᓐ ᒐᒋ ᑕᑦ ᐊᐛᓐ ᐊ ᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᒥᒄ ᒪᒃ ᓇᒪ ᐅᒋ ᐱᒪᒋᐅᒡ ᐊᐛᓐᒋ ᒥᒄ ᐊᓂᔭ ᐅᑦ ᐊᑐᔅᒐᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᒡ᙮ ᐊᑯ ᑭᑈ ᑲ ᓂᑐᐛᔨᑕᒂᒡ ᒥᓐ ᑯᑎᒃ ᒋᓴᐊᔭᒥᐊᐅᒋᒪᐤ ᒐᒋ ᑕᑦ ᒧᔭᒻ ᒪᓪᑭᓴᑕᑲ ᑲ ᐃᑕᔨᑕᑯᓯᔨᒋ ᒐᒋ ᐃᑕᔨᑕᑯᓯᑦ᙮ ᓇᒪ ᐎ ᐊᕋᓇ ᑲ ᐃᑕᔨᑕᑯᓯᔨᒋ ᒋᐸ ᐅᒋ ᐃᑕᔨᑕᑯᓱᐤ᙮

ᐃᑉᕈᐛ 7:15

ᐊᑯ ᒪᒃ ᐊᑐᐎᔅ ᐊ ᐱᔭᑭᔅᒋᑕᒂᒡ, ᓴᔅ ᑕᐤ ᑯᑎᒃ ᐊᔭᒥᐊᐅᒋᒪᐤ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᐊᐅᒄ ᐅ ᒋᓴᔅ᙮

ᐃᑉᕈᐛ 7:17

ᐊᐅᒄ ᐅᔭ ᐊ ᐃᓯ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ, ᒋᓴᒪᓂᑐᐛ ᐊᒋ ᐃᓯ ᐊᔨᒧᒥᑯᑦ, “ᑲᒋᒡ ᒋᑦ ᐊᔭᒥᐊᐅᒋᒪᐅᓐ, ᒧᔭᒻ ᐊ ᐃᓯ ᐊᔭᒥᐊᐅᒋᒪᐅᑦ ᒪᓪᑭᓴᑕᒃ᙮”

ᐃᑉᕈᐛ 7:21

“ ‘ᒋᔾ ᒧᔅ ᒋᑭ ᐊᔭᒥᐊᐅᒋᒪᐅᓐ᙮’ ᓇᒪ ᒪᒃ ᓂᑕ ᐃᔭᒡ ᓂᑭ ᐅᒋ ᐃᑕᔨᑎᒥᐃᑯᓐ, ᒋᔾ ᑲᒋᒡ ᒐ ᐊᔭᒥᐊᐅᒋᒪᐎᔨᓐ᙮” ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ ᓇᒪ ᓂᑕ ᐅᒋ ᐃᑕᐤ ᐊᓂᔭ ᑯᑎᑲ ᐊᔭᒥᐊᐅᒋᒪᐛ ᐊᓐᑕ ᓕᐸᐃᔨᒋ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ᙮

ᐃᑉᕈᐛ 7:3

ᐅ ᑲ ᐃᓯ ᐎᑎᒪᑎᑯᒡ ᐊᐅᒄ ᒥᒄ ᐅᔭ ᐊ ᐃᔅᐱᔅ ᒋᔅᒐᔨᒪᑭᓄᐅᑦ ᒪᓪᑭᓴᑕᒃ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑕᐎᑦ ᑭᔭ ᒪᒃ ᐊᐛᔪᐛ ᑲ ᐅᑲᐎᑦ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑦ ᐊᓂᔅᑯᑕᐸᓂᑦ᙮ ᑭᔭ ᓇᒪ ᒋ ᒋᔅᒐᔨᑎᒺᓇᓄᐤ ᑕᐃᔅᐱ ᑲ ᐱᒪᑎᓯᑦ ᑭᔭ ᑕᐃᔅᐱ ᑲ ᓂᐱᑦ᙮ ᓇᒪ ᒋ ᒋᔅᒐᔨᑕᓇᓄᐤ ᐛᔅ ᓇᒪ ᓇᔅᒡ ᐅᒋ ᐊᔨᒧᒪᑭᓄᐤ ᒥᓯᓇᐃᑭᓂᒡ᙮ ᐅ ᑲ ᐃᓯ ᐎᑎᒪᑎᑯᒡ, ᒧᔭᒻ ᒋᓴᒪᓂᑐᐤ ᐅᑯᓴ ᑲᒋᒡ ᐊ ᐊᔭᒥᐊᐅᒋᒪᐎᔨᒋ, ᑭᔭ ᐎᔾ ᒪᓪᑭᓴᑕᒃ ᑲᒋᒡ ᐊᔭᒥᐊᐅᒋᒪᐅ᙮

ᐃᑉᕈᐛ 7:8

ᒥᓯᐛ ᐊᔭᒥᐊᐅᒋᒪᐅᒡ ᑲ ᒥᔭᑭᓄᐅᒡ ᐸᐃᒄ ᑕᑐᐤ ᐸᐃᑯᔪᐤ ᒐᒂᔪᐤ, ᒐᒃ ᒥᓯᐛ ᒋ ᐳᓂᐱᒪᑎᓯᐅᒡ᙮ ᒪᓪᑭᓴᑕᒃ ᑭᔭ ᐎᔾ ᒋ ᐊᔭᒥᐊᐅᒋᒪᐅ᙮ ᒋ ᒥᔭᑭᓄᐤ ᐸᐃᒄ ᑕᑐᐤ ᐸᐃᑯᔪᐤ ᐊ ᐃᑕᑎᓂᒂᐤ ᒐᒂᔪᐛ, ᒥᒄ ᒪᒃ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᔅᒄ ᐊ ᐱᒪᑎᓯᑦ᙮