ᐃᑉᕈᐛ 2:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᔅᒋ ᒥᔭᐤ ᒐᒋ ᐅᒋᒪᐧᑲᑕᐧᒃ ᒥᓯᐛ ᒐᒂᔪᐤ᙮” ᐊᐅᒄ ᐅ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᔅᒋ ᐎᑎᒪᑭᓄᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒥᓯᐛ ᒐᒂᔪᐤ ᐊᒋ ᒥᔨᑕᐧᒄ ᒐᒋ ᐅᒋᒪᐧᑲᑎᒪᐧᒄ᙮ ᓇᒪ ᑎᑯᓐ ᒐᒂᓐ ᒐ ᐊᑲ ᒋ ᐅᒋᒪᐧᑲᑎᒪᐧᒄ᙮ ᐊᓄᒡ ᒪᒃ ᐊᔅᒄ ᓇᒪ ᒋ ᐛᐸᑕᓇᓄᐤ ᒥᓯᐛ ᒐᒂᓐ ᒐᒋ ᐅᒋᒪᐧᑲᑎᒪᐧᒄ ᒋᔭᓄᐤ ᑲ ᐃᔪᐎᔭᐧᒄ ᐅᑕ ᐊᔅᒋᒡ᙮

ᐃᑉᕈᐛ 2:8 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 2:6

“ᐃᔭᐱᒡ ᒪᒃ ᓂᒋ ᑕᑕᔭᐤ ᓂᒋᓴᐅᒋᒪᒻ ᓂ ᐸᔭᒋ ᐱᔅᑯᑎᓇᒥᒡ ᓴᐃᔭᓂᒡ᙮”

ᑎᐱᑦ ᐅᓂᑭᒧᐅᓇ 8:6

ᔅᒋ ᑎᐸᔨᑎᒥᐊᐤ ᒥᓯᐛ ᒋᑎᒋᒡ ᑲ ᐅᒋ ᐅᓯᑕᔨᓐ; ᒥᓯᐛ ᒐᒂᓇ ᔅᒋ ᐊᔅᑕᐛᓐ ᓯᐸ ᐅᓯᑎᒡ:

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᒠᓐ 13:3

ᒋᓴᔅ ᒋ ᒋᔅᒐᔨᑎᒻ ᐅᑕᐎᒪᐛ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᒥᓯᐛ ᒐᒂᔪᐤ ᒐᒋ ᐃᑐᑕᐧᒃ, ᑭᔭ ᒋ ᒋᔅᒐᔨᑎᒻ ᒋᓴᒪᓂᑐᐛ ᐊ ᑕᔨᒋ ᐊ ᐅᒋᑦ ᑭᔭ ᒥᓐ ᑲᐤ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᒐ ᐃᑐᑕᑦ᙮

ᒠᓐ 3:35

ᐅᑕᐎᒪᐤ ᓴᒋᐊᐤ ᐅᑯᓯᓯᒪᐛ᙮ ᒋ ᒥᔭᐤ ᒥᓯᐛ ᒐᒂᔪᐤ ᒐᒋ ᐎᓱᑎᒥᔨᒋ᙮

1 ᑯᕆᓐᑎᔭᓇ 15:27

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ᒥᔭᐤ ᒐᒋ ᑎᐸᔨᑎᒥᔨᒋ᙮” ᐅ ᒪᒃ ᑲ ᐃᑎᔅᑕᒡ ᒥᓯᐛ ᒐᒂᔪᐤ ᒋ ᒥᔭᑭᓄᐤ ᐎᔾ ᒐᒋ ᑎᐸᔨᑕᐧᒃ ᓂᔅᑐᑕᑯᓐ ᐊᑲ ᐊᔅᑎᒋᒪᑭᓄᐅᑦ ᒋᓴᒪᓂᑐᐤ ᐊᓐᑕ ᐊᓂᔭ ᑲ ᐃᑎᔅᑕᔨᒡ᙮ ᐛᔅ ᒋᓴᒪᓂᑐᐤ ᙭ᑕ ᒥᔭᐤ ᒥᓯᐛ ᒐᒂᔪᐤ ᒐᒋ ᑎᐸᔨᑎᒥᔨᒋ᙮

ᐃᑉᕈᐛ 1:13

ᓇᒪ ᒪᒃ ᓂᑕ ᐅᒋ ᐃᑕᐤ ᒋᓴᒪᓂᑐᐤ ᐊᓐᒋᓇ ᑕᓐ ᑲ ᐃᑕᑦ ᐅᑯᓴ᙮ ᒋ ᐃᑕᐤ ᐅᑯᓴ, “ᐊᔅᑎᒻ ᐸᒋ ᐊᐱᔾ ᐅᑕ ᓂᒥᔪᐅᓂᒡ᙮ ᓂᑭ ᓴᐧᑯᒋᐊᐅᒡ ᐊᓐᒡ ᑲ ᐛᐧᑲᑎᔅᒡ᙮ ᓂᑭ ᐃᑐᑐᐛᐅᒡ ᒐᒋ ᐱᔅᑕᔨᒧᑎᓱᔅᑕᔅᒡ᙮”

ᐃᑉᕈᐛ 1:2

ᐊᓄᒡ ᒪᒃ, ᐅᔭ ᒪᔅᑕᔾ ᐊ ᒋᓯᑲᔨᒋ ᐅᑯᓴ ᐅᒋ ᐊᑯᑕ ᐛᒋ ᐃᔨᒥᐃᑕᐧᒄ᙮ ᐊᐅᒄ ᐅᔭ ᐅᑯᓴ ᒋᓴᒪᓂᑐᐤ ᑲ ᐊᐱᒋᐊᑦ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᐊᐅᒄ ᐅᔭ ᑲ ᐅᑎᓇᑦ ᒥᓯᐛ ᒐᒂᔪᐤ ᒐ ᐃᓯ ᒥᔭᑦ᙮

ᐃᑉᕈᐛ 2:5

ᒥᓯᐛ ᒐᒂᔪᐛ ᑲ ᐊᔨᒧᑎᒪᓐ ᒐ ᐅᑎᒋᐱᔨᒋ ᓇᒪ ᐎ ᐊᓐᒋᓐᒡ ᒋᑭ ᐅᒋ ᐅᒋᒪᐧᑲᑎᒧᒡ᙮

1 ᐱᑕᕐ 3:22

ᐊᐅᒄ ᐅ ᙭ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᑭᔭ ᑲ ᐊᔨᑯᑦ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᐱᑦ ᐊᐛᓐ᙮ ᐊᑯᑕ ᒪᒃ ᑲ ᒥᔭᑭᓄᐅᑦ ᒐᒋ ᐅᒋᒪᒥᑕᑯᑦ ᒥᓯᐛ ᐊᓐᒋᓇ ᑭᔭ ᒐᒋ ᑎᐸᔨᑕᐧᒃ ᒥᓯᐛ ᒋᒋᒋᓯᒄ ᑎᐸᔨᒐᐅᓂᔪᐤ ᑭᔭ ᒥᓯᐛ ᓱᐧᑲᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮